އަދުހަމް މަރަން ކުރި ހުކުމް ކަށަވަރުކުރަން ދައުލަތުން ހައި ކޯޓަށް

ގާސިމް މަރާލި މައްސަލާގައި މަރަން ހުކުމް ކޮށްފައިވާ އަދުހަމް: އޭނާގެ މަރުގެ ހުކުމުގެ ސައްހަކަން ކަށަވަރުކުރަން ދައުލަތުން ވަނީ ހައި ކޯޓަށް ހުށަހަޅާފައި

މުއިއްޒު އިބްރާހިމް، މިހާރު

12 ނޮވެމްބަރ 2025 - 16:35

7 comments

ޓެކްސީ ޑްރައިވަރެއް ކަމަށްވާ ގާސިމް ހަސަން މަރާލި މައްސަލާގައި މަރަން ހުކުމް ކޮށްފައިވާ އަދުހަމް މުހައްމަދުގެ މަރުގެ ހުކުމުގެ ސައްހަކަން ކަށަވަރުކުރަން ދައުލަތުން ހައި ކޯޓަށް ހުށަހަޅައިފި އެވެ.

ހުޅުމާލޭގައި ގާސިމް ޓެކްސީ ދުއްވަމުން ދަނިކޮށް ޑިސެމްބަރު 2019 ގައި ގާސިމްގެ ކަރަށް އަދުހަމް ވަޅިއަކުން ހަމަލާދީ މަރާލީ އެ ޓެކްސީގެ ފަހަތު ސީޓުގައި އިނދެފައި، ގާސިމްގެ އަތުން ފޭރެން އުޅުމުގެ ތެރޭގަ އެވެ. އެ މައްސަލާގައި އަދުހަމް މަރަން ކްރިމިނަލް ކޯޓުން ހުކުމްކުރީ 2023 ވަނަ އަހަރު އެވެ.

އެ ހުކުމުގެ ސައްހަކަން ކަށަވަރުކުރަން ދައުލަތުން ހައި ކޯޓަށް ހުށަހެޅި މައްސަލާގެ އަޑުއެހުމެއް މިއަދު ބާއްވަން ތާވަލްކުރި ނަމަވެސް އެ އަޑުއެހުން ވަނީ ކެންސަލްކޮށްފަ އެވެ.

މަރަން ހުކުމްކުރާ މީހުންގެ މައްސަލަތައް އެ މީހުންގެ ފަރާތުން އިސްތިއުނާފް ނުކޮށްފި ނަމަ އެ ހުކުމުގެ ސައްހަކަން ކަށަވަރުކުރަން ދައުލަތުން އިސްތިއުނާފް މަރުހަލާއަށް ހުށަހަޅަން ޖެހެ އެވެ.

އެ މައްސަލާގައި އަދުހަމް ފުރަތަމަ ކުށަށް އެއްބަސްވި ނަމަވެސް ފަހުން ކޯޓުގައި އޮތީ އެކަމަށް އިންކާރު ކޮށްފަ އެވެ. އެކަމަކު، ކޯޓުން ނިންމީ ހުށަހަޅާފައިވާ ހެކިތަކާއި އަދުހަމް ދައްކާފައިވާ ވާހަކަތަކަށް ބަލާއިރު ވެސް ގަސްދުގައި މީހަކު މެރުމުގެ ކުށް އޭނާގެ މައްޗަށް ސާބިތުވާ ކަމަށެވެ.

ރާއްޖޭގައި މަރުގެ ހުކުމް ތަންފީޒު ކުރެވޭނީ އިސްތިއުނާފްގެ ހުރިހާ މަރުހަލާއެއް ނިމި، ސުޕްރީމް ކޯޓުން މަރުގެ ހުކުމް ދެމެހެއްޓުމުންނެވެ. ނަމަވެސް ސުޕްރީމް ކޯޓުން މަރުގެ ހުކުމް ދަމަހައްޓާފައިވާ ތިން މީހަކު މިހާރު ވެސް އެބަތިއްބެވެ. އަދި ފަހުގެ ތާރީހެއްގައި ރާއްޖޭގައި މަރުގެ އަދަބު ތަންފީޒެއް ނުކުރެ އެވެ.

ޕްރޮސެކިއުޓާ ޖެނެރަލް ހައި ކޯޓް މީހުން މެރުން މަރުގެ އަދަބު ގާސިމް ހަސަންގެ މަރު

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންދި

13 November 2025

މަރުގެ ހުކުމް ނުކުރަންވީ!! އެއަށްވުރެ މާ ރަގަޅުވާނެ 100 އަހަރަށް ހުކުމް ކުރުންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1206

13 November 2025

ކޮބާ ތިޔަ ގޮތުގައި އޮތް އިންސާފަކީ. ގާތިލުންވީ އަހަރުމެންގެ މައިންބަފައިންނާއި ދަރިން ހައްގުން ކުރެ ކަމަކާ ނުލައި މަރަށް. އަހަރުމެން މިވީ އެކަމުގެ އިނާމަކަށް އެމީހުން ޖަލުގައި މުޅި އުމުރު ދުވަހަށް ބަލަހައްޓީ ކާންބޯންދީ ބޭސްފަރުވާކޮށް ނުވިތާކަށް އަހަރުމެންނަށް ވުރެ މަތީ ހައްގުތައް އެމީހުންނަށް ދޭ. ނާނާ ތިޔައީ މޮޅު އިންސާފެއް. މަ ހަމަ އާޝޯޚުވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންވާނެގޮތް 3

13 November 2025

މިކަން ކަށަވަރު ކުރުމަށް ފަހު ދެން އުންސުރާއި ފަންސުރު ހަމަކުރަން ސުޕްރިމް ކޯޓަށް ދާނީ. ސުޕްރިމް ކޯޓުން އަނެއެއް ކޯޓަށް. ދުވަހަކުވެސް ނުނިމޭނެ ގޭމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

13 November 2025

ތަންފީޒްނުކުރާނެ ހުކުމެއް. ކަށަވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް ޖައިޝަމް

13 November 2025

މަރުގެ ހުކުމް ތަމްފީޒް ނުކުރި ސަބަބަކީ ކުރިމަތީގައި އޮތް ކާނު ވަނީ %50 އައްވުރެ ބޮޑައް ބެދިފައި! މިއީ ވެސް ސަބަބަކައް ފުދޭ! ބޯޅަ ޖަހާލާ ދެންއަންނަ ސަރުކާރައް! މީހުން މަރާފަ ސަލާމަތްވާނެ ސަޅިކޮއް މިގައުމުގަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

12 November 2025

"ރާއްޖޭގައި މަރުގެ ހުކުމް ތަންފީޒު ކުރެވޭނީ އިސްތިއުނާފްގެ ހުރިހާ މަރުހަލާއެއް ނިމި، ސުޕްރީމް ކޯޓުން މަރުގެ ހުކުމް ދެމެހެއްޓުމުންނެވެ. ނަމަވެސް ސުޕްރީމް ކޯޓުން މަރުގެ ހުކުމް ދަމަހައްޓާފައިވާ ތިން މީހަކު މިހާރު ވެސް އެބަތިއްބެވެ. އަދި ފަހުގެ ތާރީހެއްގައި ރާއްޖޭގައި މަރުގެ އަދަބު ތަންފީޒެއް ނުކުރެ އެވެ". ތަންފީޒު ނުކުރެވޭނަމަ ކީއްކުރަން އިސްތިއުނާފު ކުރަނީ، އަނެއްކާ ތަންކޮޅެއް އަވަހީ، ތިޔަހަރަ ސްޕީޑެއްތާ ދޯ.