ފައްޔާޒު: އެމްޑީޕީގެ ޗެއާޕާސަންގެ މަގާމުން އިސްތިއުފާ ދެއްވިކަން މިރޭ އިއުލާން ކުރެއްވި.
23 ނޮވެމްބަރ 2025 - 22:29
އެމްޑީޕީގެ ޗެއާޕާސަން ފައްޔާޒު އިސްމާއިލް އެ މަގާމުން މިރޭ އިސްތިއުފާ ދެއްވައިފި އެވެ.
އޭނާ އެ މަގާމުން އިސްތިއުފާ ދެއްވިކަން އިއުލާން ކުރެއްވީ މީގެ އިރުކޮޅެއް ކުރިން ބޭއްވި އެމްޑީޕީގެ ގައުމީ މަޖިލިހުގެ ބައްދަލުވުމުގަ އެވެ. އެ ބައްދަލުވުން ނިންމަވާލައްވަމުން ފައްޔާޒު ވިދާޅުވީ، ޗެއާޕާސަންގެ މަގާމުން އިސްތިއުފާ ދެއްވާފައިވާ ކަމަށެވެ.
ކުރިއަށް އޮތް ރިޔާސީ އިންތިހާބުގެ ކެމްޕެއިންގައި އެމްޑީޕީން ނުކުންނަވާ ކެންޑިޑޭޓުންނަށް ހަމަހަމަ ފުރުސަތު ހޯއްދަވައި ދެއްވާނެ ކަމަށް އެ އިންތިހާބުގައި ވާދަކުރައްވާނެ ކަން އިއުލާން ކުރައްވާފައިވާ ފައްޔާޒު ކުރިން ވިދާޅުވެފައި ވެ އެވެ.
"އެހެންވެ، އެ ވައުދު ފައްޔާޒު މިރޭ ފުއްދެވީ،" ފައްޔާޒުގެ ގާތް ބޭފުޅަކު ވިދާޅުވި އެވެ.
އެމްޑީޕީގެ ޗެއާޕާސަންގެ މަގާމަށް ފައްޔާޒު އިންތިހާބުކުރީ އެ ޕާޓީގެ ތާރީހުގައި ބޭއްވި އެންމެ ވާދަވެރި އެތެރޭގެ އިންތިހާބުގައި މޭ 14، 2022 ގަ އެވެ. ގާތްގަނޑަކަށް 50،000 މީހުން ވޯޓު ދިން ޗެއާޕާސަންގެ އިންތިހާބު ފައްޔާޒު ކާމިޔާބު ކުރެއްވީ 27،900 އަށް ވުރެ ގިނަ ވޯޓާ އެކު އެވެ. އޭނާއާ ވާދަކުރެއްވި ރައްޔިތުންގެ މަޖިލީހުގެ މާފަންނު އުތުރު ދާއިރާގެ އޭރުގެ މެމްބަރު އިމްތިޔާޒް ފަހުމީ (އިންތި) އަށް ހޯއްދެވުނީ 20،425 ވޯޓެވެ.
ޗެއާޕާސަންގެ އިންތިހާބުގައި ފައްޔާޒު ވާދަކުރެއްވީ އޭރު ވެސް ދެ ފެކްޝަނަކަށް ބެހިފައި އޮތް އެމްޑީޕީގެ އޭރުގެ ރައީސް އިބްރާހިމް މުހައްމަދު ސޯލިހުގެ ފެކްޝަނުގެ ތާއީދާ އެކުގަ އެވެ. އިންތި ނުކުމެވަޑައިގަތީ ކުރީގެ ރައީސް މުހައްމަދު ނަޝީދުގެ ފެކްޝަނުންނެވެ.
ކުރިއަށް އޮތް 2028 ގެ ރިޔާސީ އިންތިހާބުގައި އެމްޑީޕީގެ ޕްރައިމަރީގައި ވާދަކުރައްވާނެކަން ފައްޔާޒު ވަނީ މި އަހަރުގެ ޖޫން 25 ގައި އިއުލާން ކުރައްވައިފަ އެވެ.
އެ އިންތިހާބުގެ ނުސީދާ ކެމްޕެއިންތައް އެ ޕާޓީގެ ތެރޭގައި މިހާރު ވެސް ފެށިފައިވާއިރު، އަންނަ އަހަރުގެ ކުރީކޮޅު ބާއްވާ ލޯކަލް ކައުންސިލް އިންތިހާބުގައި މާލޭގެ މޭޔަރު ކަމުގެ ވާދަވެރިކަން ވަނީ ވަރަށް ބޮޑުވެފަ އެވެ. މާލޭގެ މޭޔަރުގެ ޕްރައިމަރީ އަށް އެމްޑީޕީން މިހާރު ކެމްޕެއިން ކުރައްވަނީ އެ މަގާމުގައި މި ވަގުތު ހުންނެވި އާދަމް އާޒިމާއި ރައްޔިތުންގެ މަޖިލިހުގެ ކުރީގެ މެމްބަރު އަލީ އާޒިމެވެ.
އާދަމް އާޒިމްގެ ފަހަތުގައި ތިއްބެވި ތަން ފެންނަނީ ކުރީގެ ރައީސް އިބްރާހިމް މުހައްމަދު ސޯލިހަށް ތާއީދު ކުރާ މީހުންނެވެ. އަދި އަލީ އާޒިމާ އެކު ތިބީ ކުރީގެ ރައީސް ނަޝީދުގެ ސަޕޯޓަރުންނެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ޑރ ވާންޗޯ
25 November 2025
މަނަމަވެސް ވެރިކަން ދެން ނުލިބޭނެކަމުގެ ސަހަރޯހީވެ ސޯޓުބޭލުނީމަ ޖެހޭނީ އަވަހަށް ދުވެފިލަން.
ޗެއާ
25 November 2025
ޗެއާޕާސަން ކަމަށް ކުޑޫ
ހާލަތުއަދުމިވަނީ
24 November 2025
އުފާވެރިކަން...ހަަމަ ހެވެނީ
ވިލް
24 November 2025
ވަރަށް ފޫހި ބޭގަނޑެއް
ޖަގޭ
23 November 2025
ފައްޔާޒަކީ ގާބިލް ހިންގުންތެރިއެއް ޕާޓީއާއި އާންމު މެންބަރުންނަށް ގިނަ ގުނަ ޚިދުމަތް ކޮށްދެއްވި އީޚުލާސްތެރިއެއް އެކަކު ރިޔާސީ އިންތިޚާބުން ރ.ސޯލިހު ފެއިލްވީމަ ފަޔާވެސް ތަހުޒީބު މުޖުތަމަޢުގައި އޮންނަހެން އިސްތިއުފާ ދޭންޖެހޭ...
އެމްސް
24 November 2025
ތަހުޒީބު ޤައުމުތަކުގަ ވާހެން ތަހުޒީބު ނޫންމީހުނަށް ޢަމަލުނުކުރެވޭތީ ނޫންތޯ ފައްޔާޒް މިހާތަނަށްވެސް ހިއްވަރު އެކުރީ!
އެމްސް
23 November 2025
ޕާޓީ ފުނޑާލާފަ، ވެރިކަން ގެއްލުވާލާފަ، ވާނެހާ އެއްޗެއްވީމަ . . !
ބޒބސވ
23 November 2025
ފޫވަކަށްވާގޮތް އޮޅިއްޖެ
އަދިވެސް.
23 November 2025
އަދިވެސް ރޫޅެނީތޯ
ސަސި
23 November 2025
އެހެންވީމަ ރަގަޅަށް ތައްޔާރުވާތި ހަނގުރާމައަށް.
ޕާޓޭބޮސް
23 November 2025
މައް އޯކޭ ޗަކޮއެ މިގައުމުން އިސްތިއުފާދިނަސް، މަޗް ބެޓަރ.