ޚަބަރު / ފުލުހުން

ތިނަދޫ ގެއެއްގައި ބަދުއަޚުލާގީ އަމަލު ހިންގަން ތިބި ދިވެއްސަކާއި ތައިލެންޑުގެ މީހަކު އަތުލައިގެންފި

ފިރިހެންމީހާ ކަފާލާތުގެ ދަށުން ވަނީ ދޫކޮށްލާފައި

ގދ. ތިނަދޫ--

ގދ. ތިނަދޫގެ ގެއެއްގެ ތެރޭގައި ބަދުއަޚުލާގީ އަމަލު ހިންގަން ތިބި ދިވެހި ފިރިހެނަކާއި ތައިލެންޑުގެ އަންހެނަކު ރޭ އަތުލައިގެންފި އެވެ.

ފުލުހުން މިރޭ ބުނީ އެ ރަށުގެ ގެއެއްގައި ހަށި ވިއްކާ ކަމަށް ލިބުނު މައުލޫމާތަކާ ގުޅިގެން ރޭ 11:30 ހާއިރު ހިންގި އޮޕަރޭޝަނުގައި އެ ގެ ބަލައި ފާސްކުރި ކަމަށެވެ.

ފުލުހުންގެ ބެލުމުގެ ދަށަށް ގެނައީ ފިރިހެންމީހާގެ އުމުރަކީ 52 އެވެ. ތައިލެންޑުގެ އަންހެންމީހާގެ އުމުރަކީ 39 ކަމަށް ފުލުހުން ބުންޏެވެ.

ފުލުހުން ބުނި ގޮތުގައި، އެ ދެ މީހުން އަތުލައިގަތީ ބަދުއަޚުލާގީ އަމަލު ހިންގަން ތިއްބާ ކުށުގެ ވެށިންނެވެ.

އެ ދެ މީހުންގެ ބަންދާ މެދު ގޮތެއް ނިންމަން ކޯޓަށް ހާޒިރު ކުރުމުން ފިރިހެންމީހާ ކަފާލާތުގެ ދަށުން ދޫކޮށްލި ނަމަވެސް ތަހުގީގުގެ ބޭނުމަށް އަންހެންމީހާ ހަތަރު ދުވަހަށް ބަންދުކުރަން ކޯޓުން އަމުރުކުރި ކަމަށް ފުލުހުން ބުންޏެވެ.

މާލެ އާއި ރާއްޖޭގެ ބޮޑެތި އާބާދީތައް ދިރިއުޅޭ ރަށްރަށުގައި ޕްރޮފެޝަނަލް މަސާޖުކުރާ ކަމަށް ބުނެ ގިނަ އަދަދަކަށް މަސާޖު ޕާލާތައް ހިންގި ނަމަވެސް އެއީ ފުޅާ ދާއިރާއެއްގައި ހަށިވިއްކާ ތަންތަން ކަމުގެ ތުހުމަތު އެތައް ބަޔަކު ކުރެ އެވެ. އަދި އެކަން ކުރާ ބިދޭސީ މީހުން ދަނީ އެ މީހުންގެ ފޮޓޯ އާއި ނަމްބަރު ވެސް ޖަހައިގެން ސޯޝަލް މީޑިއާގައި އިޝްތިހާރު ކުރަމުންނެވެ.

އެ ގޮތަށް ހިންގާ ސްޕާތައް ހުއްޓުވަން މި ފަހުން އިމިގްރޭޝަނުން ވަނީ އޮޕަރޭޝަންތަކެއް ވެސް ހިންގައިފަ އެވެ. އަދި އެފަދަ ތަންތަނުން ގިނަ އަދަދެއްގެ ދިވެހިންނާއި ބިދޭސީން ވެސް އަތުލައިގަނެ ބިދޭސީން ޑީޕޯޓުކޮށްފައި ވެސް ވެ އެވެ.

24 ކޮމެންޓް, 14 ރިއެކްޝަންސް

icon happy icon happy 29%
icon sad icon sad 29%
icon angry icon angry 21%
icon wow icon wow 7%
icon inlove icon inlove 14%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަދިވެސް ނިދޭތޯބަލާ

30 November 2025

ބިދޭސީން އައިސް އެތައް ބައްޔަކާއި އެތައް ފާހިޝް ކަންކަން ފަތުރާފައި، ރާއްޖޭގައި ހުންނަ ޑޮލަރު ކޮޅު ހިފައިގެންދާއިރު ދިވެހިން މިތިބެނީ ނިދާފަ.

The name is already taken The name is available. Register?

ހާމިދު ޝާހިދު

30 November 2025

އަޅެ ފޮޓޯ ޖަހާލާނާމަ ދެއްތޯ އިނގޭނީވެސް ދަންނަ މީހެއްކަންވެސް...!

The name is already taken The name is available. Register?

އަމަލު1

30 November 2025

ވަރަށް ބޮޑަށް ވިސްނަންވެއްޖެ ކަމެއް މިއީ, ގައުމީ ބޮޑު މުސީބާތަކަށް ބަދަލުވުމުގެ ކުރިން. ތައިލޭންޑް ނޭޕާލް އަންހެންވެރިން މިގައުމަށް އެކި ބޭނުންތަކަށް އެތެރެވުން އިންތިހާއަށް އިތުރުވަމުންދާތީ ހަށިވިއްކުމުގެ ވިޔަފާރި ވަރަށް އާއްމުވަމުން އެބަދޭ.ދުވަސްކޮޅަކުން ސަރުކާރަށްވެސް މިކަން ހައްލުނުވާނެ. ކިހިނެއްތޯވީ ގަވާއިދާ ހިލާފަށްއުޅޭ ބޭރުމީހުންގެ މައްސަލައަށް.؟

The name is already taken The name is available. Register?

ކަލޭގެސަން

30 November 2025

ޑިމާންޑު އޮންނަ ހުރިހައި ކަމެއްގެ ސަޕްލައި އޮންނާނެ. ރިސޯޓުތަކުން ބަނގުރަލާއި އޫރުމަސްވެސް ވިއްކައެންނު؟

The name is already taken The name is available. Register?

އެޑްމުންޑޯ

30 November 2025

ހޮޓާ ތަކަށް ގެނެސް ފައި ތިބޭ ތައިލެންޑް އަދި ނޭޕާލް ކުދިްން ލައެްވާ ހަށިވިއްކުވާ ހަދާ ، ރައްރަށުން މިކަން މިހާރު ފުޅާވަމުންދަނީ ، ނުރައްކާތެރި މުޑްދާރު އަމަލެއް ، އަވަހަށް ހުއްޓުވަންޖެހޭ

The name is already taken The name is available. Register?

ގަންނާނަންބާ

30 November 2025

"ހަށިވިއްކުން" ކިޔާތީ މިހާރު ހީވަނީ މިނިކާ ބަޔަކީހެން

The name is already taken The name is available. Register?

ށސ11

30 November 2025

މިފަދަ ހަޑިހުތުރު ފާހިޝް ކަންތައްތައް ހުއްޓުވޭނީ އަދަބުދީގެން. ހައްދުޖަހާ ތައުޒީރުކޮށްގެން

The name is already taken The name is available. Register?

ފުއްބެ

30 November 2025

ހައްދު ޖަހާ ގައުމުތަކުގަ މިކަހަލަ ކަންތައް މާގިނަ. ލޮލް.

The name is already taken The name is available. Register?

ރޔސރ

30 November 2025

ށުޕާ ތަކުގަ ކުޅެނީ ކޮންކުޅިއެއްކަން ނޭނގޭތީތަ ވިޔަފާރީގެ ހުއްދަދީގެން ތިތިބެނީ

The name is already taken The name is available. Register?

ކޮތަރޭ

30 November 2025

އަދި ކިރިޔާ ތިނަދޫ ސިޓީ އަކަށް ތި ބަދަލުވަނީ

The name is already taken The name is available. Register?

ކަމަދު

30 November 2025

ކިހިނެއް އިނގެނީ ގަތީ ވިއްކައިގެން ކަމެއް .. ހަމަ ފުރީ ސާމްޕްލް އަކަށްވެސް ވެދާނު.

The name is already taken The name is available. Register?

ގެދޮރޭ

30 November 2025

ހަށި ވިއްކުމާ ހަށި ގަތުމާ ނުކިޔާ، ބަދުއަޚުލާގީ ޢަމަލު ހިންގަންތިއްބަ ދެ މީހުން އަތުލައިގަނެފި ކަމަށް ލިޔުން ރަނގަޅެއްނޫންތޯ؟ ދެން މިހާރު ޢާންމުން ކަމެއް މިފަދަ ޢަމަލުތަކަކީ. ފިރިހެނުންވެސް އަދި އަންހެނުންވެސް އިތުރަށް ސަމާލުވާންޖެހޭ ކަމެއް. އަންހެނުން އެބައިމީހުންގެ ފިރިންނާއި މެދު ހެޔޮކޮށްހިތުމާ ފިރިން އެމީހުންގެ އަނބިންނަށް އިޙްތިރާމްކޮށް ޚިދުމަތް ދިނުން މީ މިފަދަ ކަންކަމުން ސަލާމަތްވުމަށް ކުރެވިދާނެ ވަރަށް ބޮޑުކަމެއް. ހެޔޮ ވިސްނުން ދެއްވާށި

The name is already taken The name is available. Register?

އޫސިމޫ ނަޒަރު

30 November 2025

ޒިނޭ ކުރަނިކޮށް ހައްޔަރު ކުރިއްޔޭ ލިޔުނު ނަމަ މާ ރީތިވީސް.

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454