ގދ. ގައްދޫގައި މިރޭ ހިނގި އެކްސިޑެންޓުގައި އަނިޔާވި، އުމުރުން 80 އަހަރުގެ ފިރިހެންމީހާ މީގެ އިރުކޮޅެއް ކުރިން މަރުވެއްޖެ އެވެ.
މިއަދު ހަވީރު ގައްދޫގައި ހިނގި އެކްސިޑެންޓާ ގުޅިގެން ގދ. ތިނަދޫ ޑރ. އަބްދުއްސަމަދު މެމޯރިއަލް ހޮސްިޓަލުގައި ފަރުވާ ދެމުން އަންނަނިކޮށް މަރުވީ، ގައްދޫ ހަނދުވަރީގޭ މުހައްމަދު ގާހިރު އެވެ. ގައްދޫގައި އެކްސިޑެންޓު ހިނގީ، ގާހިރު ހިނގާފައި މަގު ހުރަސް ކުރަނިކޮށް، ބާރަށް ދުއްވާފައި ދިޔަ ސައިކަލެއްގައި ގާހިރު ޖެހިގެންނެވެ.
މި އެކްސިޑެންޓުގައި ގާހިރުގެ ބޮލުގެ ނާށިގަނޑު ފަޅައިގެން ދިޔަ އެވެ.
ސައިކަލް ދުއްވަން ތިބި ދެ މީހުންނަށް ވެސް އެކްސިޑެންޓުގައި ވަނީ ސީރިއަސް ޒަހަމްތަކެއް ލިބިފަ އެވެ. އުމުރުން 19 އަހަރާއި 20 އަހަރުގެ އެ ދެ ޒުވާނުންނަށް ވެސް މިހާރު ފަރުވާ ދެމުން އަންނަނީ ތިނަދޫ ހޮސްޕިޓަލުގަ އެވެ.