ރޭ ފަތިހު މާލޭގައި ސައިކަލުތަކެއްގައި ރޯކޮށްލީ ހެލްމެޓް އަޅައިގެން ތިބި ދެ މީހަކު ކަމަށް ފުލުހުން މިއަދު ބުނެފި އެވެ.
މާފަންނު އިހްސާން ފިހާރަ ކައިރީގައި ހުރި ހަ ސައިކަލެއް ރޯކޮށްލާފައި ވަނީ ރޭ ފަތިހު ހަތަރެއް ޖަހަނިކޮށެވެ. މި އަލިފާނުގައި އެއްވެސް މީހަކަށް އަނިޔާ ނުވި ނަމަވެސް ސައިކަލުތައް ހުރީ ބޭނުން ނުކުރެވޭ ވަރަށް އަނދައިފަ އެވެ. އަދި އިތުރު ދެ ސައިކަލަކަށް ވަނީ ބޮޑެތި ގެއްލުންތަކެއް ވެސް ލިބިފަ އެވެ.
އޭގައި ރޯކޮށްލީ ހެލްމެޓު އަޅައިގެން ތިބި ދެ މީހުން ކަމަށް ބުނުން ފިޔަވައި، ފުލުހުން އިތުރު އެއްވެސް މައުލޫމާތެއް ނުދެ އެވެ. އެކަމަކު މައްސަލައާ ގުޅިގެން އެއްވެސް މީހަކު އަދި ހައްޔަރެއް ނުކުރެ އެވެ.
ވައްކަމާއި ފޭރުން ވަނީ މިދުވަސްވަރު މާލޭގައި ވަނީ އާންމުވެފަ އެވެ. ހެލްމެޓް އަޅައިގެން ތިބި ބަޔަކު ވަޅިން ހަމަލާދީ މި މަހު 10 ވަނަ ދުވަހު ގިނަ އަދަދެއްގެ ފައިސާ ފޭރިގަނެފައި ވާ އިރު، ބިދޭސީންތަކެއް އުޅޭ ގެއަކަށް ވަދެ ވަޅިން ބިރުދައްކައިގެން ފޭރުމުގެ އަމަލެއް މި މަހު ކުރީކޮޅު ވަނީ ހިންގައިފަ އެވެ.
އިއްޔެ ވަނީ މިފްކޯގެ ވޭނެއް ހުއްޓުވުމަށް ފަހު ދެ މިލިއަން ރުފިޔާ ފޭރިގެންފަ އެވެ.
