މާލެ އިން ހުޅުމާލެ އަށް މިރޭ ދިޔަ މީހެއްގެ ސައިކަލް މަޑިދަށުގައި ހުރި ގިނަ އަދަދެއްގެ ފައިސާތަކެއް ހަތަރު މީހަކު ވެގެން ފޭރިގެންފައިވާ ކަމަށް ފުލުހުން ބުނޭ.
29 މެއި 2019 - 01:10
35 comments
ހުޅުމާލޭގައި މިރޭ މީހެއްގެ އަތުން 15،000 ޑޮލަރާއި 150،000ރ. ފޭރިގެންފައިވާ ކަމަށާއި އެ މައްސަލަ ބަލަމުން އަންނަ ކަމަށް ފުލުހުން ބުނެފި އެވެ.
ހުޅުމާލޭގެ ސިޓީ އޮންލައިން އޭޝިއާ ކައިރިން އެ ފައިސާތައް ފޭރިގަތީ ދެ ސައިކަލެއްގައި ދިޔަ ހަތަރު މީހަކު ކަމަށް ފުލުހުން ބުންޏެވެ. ހެލްމެޓު އަޅައިގެން ތިބި އެ މީހުން ފޭރުނީ މާލެ އިން ހުޅުމާލެ އަށް ދިޔަ މީހެއްގެ އަތުން ކަމަށް ވެސް ފުލުހުން ބުނެ އެވެ.
އެ ހަތަރު މީހުން ފޭރުނީ ފުލުހުން ބުނިގޮތުގައި މާލެ އިން ހުޅުމާލެ އަށް ދިޔަ ސައިކަލްގެ މަޑިދަށުގައި ހުރި ފައިސާތަކެކެވެ. އެ ފައިސާތަކާ އެކު، އެ މީހާ ހުޅުމާލެ އަށް އެރިތަނުން އޭނާގެ ހެލްމެޓުގައި އެއްޗަކުން ޖަހައި ވައްޓާލުމަށް ފަހު، ސައިކަލްގެ މަޑި ހަލާކުކޮށް، ފައިސާތައް ފޭރުނީ ކަމަށް ފުލުހުން ބުންޏެވެ.
އެކަމާ ގުޅިގެން ބަޔަކު ހައްޔަރެއް ނުކުރެ އެވެ. އެ މައްސަލަ ފުލުހުންނަށް ރިޕޯޓު ކޮށްފައި ވަނީ މިރޭ 12:05 ގައި ކަމަށް ފުލުހުން ބުންޏެވެ.
ހުޅުމާލޭގައި ދާދި ފަހުން އާދަޔާ ޚިލާފަށް ބޮޑެތި އަދަދުތަކުން ފޭރުން ވަރަށް ބޮޑަށް އާންމުވި އެވެ. މިރޭ މި ފޭރުނީ އެފަދަ ކަމެއް އެތަނުގައި ނުހިނގާތާ ދުވަސްކޮޅެއް ފަހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންބެއްޔާ
29 May 2019
މިފަދަ ކަންކަމުގައި ދޭންޖެހޭ އިސްލާމީ އަދަބު ނުދެވޭހާ ހިނދަކު ހުއްޓުވޭނޭ ކަމަށް ނުފެނޭ
އަވަސްފަރުވާ
29 May 2019
އަވަހަށް އެހެން ކުއްވެރިންތައްވެސް ދޫކޮށްލާ. އަދީބު ދޫކޮށްލާއިރު އެހެން މީހުން ބޭތިއްބުމުގެ ބޭނުމެއް ނެތެއްނު؟ ހުކުމްކުރީ އެއް ދިމާލަކުންނޫންބާ؟
ކަންއޮތްގޮތް
29 May 2019
ތިދެކެވެނީ ރައީސް ޔާމީނާއި ނާއިބްރައީސް ޢަދީބު ތަރައްޤީކޮށްދެއްވި ރާއްޖޭގެ ޔޫތުސިޓީގެވާހަކައެވެ. އެތަނުގައި ޒުވާނުންނާއި އެކި ޚިދުމަތްތައްދޭ ފަރާތްތަކުގެ ގުޅުން ވަރަށް ބަދަހިވާނެއެވެ. ގަދަވާނީ އިސްތަށިގަނޑުން ހަދާފައިވާ ރާވަޅި ރިވެތި ޒުވާނުންނެވެ. ތިޔައީ ވަރަށް ވަރުގަދަ ކޯޕަރޭޓިވްކޮށް ފައިދާބެހޭ ސިޓީއެކެވެ. ތިޔައީ ވަރަށް ދުރުން ރޭވިގެން ހިނގާފައިވާ ކަމެއްކަން ކިޔައިލީމައި އެބަދޭހަވެއެވެ. މިތާނގައި އުޅުމުގެ އެއްވެސް ރައްކާތެރިކަމެއް ނެތެވެ!
މުޙުއްމާ
29 May 2019
ކޮބާ ފުލުހުން؟ އެމީހުން އަބަދުވެސް މައްސަލަ ބަލާނީ ދުވަހަކުވެސް ފޭރުނު ފައިސާއެއް ފޭރުނުމީހެއް ނުފެއްނާނެ. އެހެންވީމަ ރައޔިތުން މަގުމައްޗަށް ނުކުމެ އިންސާފު ހޯދަނީ.
ސަމަރޭ
29 May 2019
ފޭރެނީ ވައްކަން ކުރަނީ މާރާމާރީ ހިންގަނީ ދެވަނަފުރުސަތުގެ ކުދިން ގޯޅިގޯޅި ކަންމަތީ ގުރޫޕް ހަދައިގެން ، ފުލުހުން އެމަންޒަރު ބަލަން ހުއްޓުވަން ރައްޔަތުން ނަކަށް ހުއްދައެއް ނެތް ގައުމު އަމާންކަން މަތީ
މޭން
29 May 2019
ބޮލޮގަޖަހާ ވައްޓާލާފާ ތަޅު ހަލާކު ކޮށްލަން ޖެހޭ ؟
މަ މިއު މަ
29 May 2019
އެހެންވީމަ ތިއީ އެމީހަ ދަންނަ ބަޔަކު ކުރިކަމަކަށްތާ ވާނީ... އެމީހާ އަށް އިންސާފު ލިބޭނެބާ؟
ހޯރަ
29 May 2019
ފަހުދިހާގެ ސަވާބު ހޯދަނީއެއްނު ހުރިހިތާމައެއްގެ ބޮޑްކަމާ.
ހަސަން ނުވަވަނަ
29 May 2019
ބޮޑަށް ވައްތަރީ މީ ރާވައިގެން ކޮށްފައިވާ ކަމެއްކަމަށް. އެއީ ސަރުކާރުގެ ނުކުޅެދުންތެރިކަން ދައްކަން އިދިކޮޅޭ މިކިޔާ މީހުން އަޑީގައި ތިބިގެން.
ހަސަން ނުވަވަނަ
29 May 2019
ކަލޭ ހާދަ ގަޓެއް ނެތޭދޯ އެހެން މީހުންގެ ނަމުގަ ކޮމެންޓް ކުރަން.
އާދަނު 12 ވަނަ
29 May 2019
ކުޑަކުދިން ދައްކާކަހަލަ ވާހަކަ ނުދައްކަބަލަ.
ރަދީފް
29 May 2019
[އެ މީހާ ހުޅުމާލެ އަށް އެރިތަނުން އޭނާގެ ހެލްމެޓުގައި އެއްޗަކުން ޖަހައި ވައްޓާލުމަށް ފަހު، ސައިކަލްގެ މަޑި ހަލާކުކޮށް،] އަދުގެ ޒުވާނުންނޭ ، މިހެން ނަހަދާ ، މިއީ ވަރަށް ދެރަކަމެއް.މަޑި ދަށުގަ އެއްޗެއް ހުރިކަން ކިހިނެތްބާ އެމީހުންނަށް އެނގުނީ؟؟