ހަމަދު ސްކޫލްގެ ފަންކާއެއް ވެއްޓި ދެ ކުއްޖަކަށް އަނިޔާވެއްޖެ

ހަމާދު ސްކޫލްގެ ދަރިވަރުންތަކެއް: އެ ސްކޫލްގެ ފަންކާއެއް ވެއްޓި، ގްރޭޑް ހަތެއްގައި ކިޔަވާ ދެ ކުއްޖެއްގެ ގައިގައި މިއަދު ޖެހުނު -- ފޮޓޯ: ހަމަދު ސްކޫލް ފޭސްބުކް

ލަމްޔާ އަބްދުﷲ، މިހާރު

21 ޖެނުއަރީ 2020 - 14:23

23 comments

ލ. ގަމު ހަމަދު ބިން ހަލީފާ އާލް ސާނީ ސްކޫލުގެ ކްލާހެއްގައި ކުދިންތަކެއް ތިއްބައި އެ ކްލާހުގެ ފަންކާ ވެއްޓި ދެ ކުއްޖަކަށް މިއަދު އަނިޔާވެއްޖެ އެވެ.

އެ ސްކޫލްގެ ޕްރިންސިޕަލް މުހައްމަދު ޝައުކަތު "މިހާރު" އަށް ވިދާޅުވީ، ފަންކާ ވެއްޓުނީ ކްލާހުގެ ޑެސްކެއްގެ މައްޗަށް ކަމަށް ވިޔަސް އޭގެ ފިޔައަކުން ދެ ކުއްޖެއްގެ ގައިގައި ޖެހި ކޮންމެވެސް ވަރަކަށް އަނިޔާވި ކަމަށެވެ.

އެ ދެ ކުދިން ހޮސްޕިޓަލަށް ގެންގޮސް ފަރުވާ ދިނެވެ. އެކަމަކު ސީރިއަސް އަނިޔާއެއް ނުވާ ކަމަށް ޝައުކަތު ވިދާޅުވި އެވެ.

"[އެ ދެކުދިންގެ ގައިން] ކުޑަ ތަންކޮޅެއް މަށައިގެން ގޮސް އިނީ. [ހޮސްޕިޓަލުން އައިސް] މިއަދުގެ ސެޝަން ފުރިހަމަ ކޮށްފައި އެ ދެ ކުދިން ގެއަށް ވެސް ދިޔައީ،" ޕްރިންސިޕަލް ވިދާޅުވި އެވެ.

ހެނދުނު 10 ޖަހާކަން ހާއިރު ހިނގި މި ހާދިސާގައި ފަންކާ ވެއްޓި އަނިޔާވީ ގްރޭޑް ހަތެއްގެ ކުދިންތަކެއްގެ ކްލާހެއްގެ ދެ ކުއްޖަކަށެވެ.

ޝައުކަތު ވިދާޅުވި ގޮތުގައި، މީގެ 22 އަހަރު ކުރިން ހުޅުވި ހަމަދު ސްކޫލްގެ އެ ކްލާހުގައި އާ ފަންކާއެއް ހަރުކުރާނެ އެވެ. އަދި މާދަމާގެ ކުރިން އެކަން ކޮށް ނިންމުމުގެ އިތުރުން، އެހެން ކްލާސްތަކުގެ ހާލަތު ވެސް މިއަދު ބަލާނެ ކަމަށް އޭނާ ވިދާޅުވި އެވެ.

ލ. ގަން އެކްސިޑެންޓް ތައުލީމް ކިޔަވާކުދިން

23 ކޮމެންޓް, 51 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލ.ފޮނަދޫ

23 January 2020

އިސްތިއުފާ ދީފަ ގެއަށްދާންވީ މިނިސްޓަ ޢާއިޝަތު ޢާލީ ޢާސި މިނިސްޓަރ ޝިދާތާެއްނޫ އިސްތިއުފާ ދޭންވީ ޝައުކަތު ޕުރިންސަޕަލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައްތަ

22 January 2020

އަހުމަދު ކަލޯ ބުނާހެން އަވަހައް ނުކުމޭއިސްތިއުފާ ގޮވަން. ކޮބާ ޔސ ލޯންޗަކައް އަރައިގެން އަވަހައް ނައްޓާލަންވީނު ރާއްޖޭގަ ނުހުންނަން .ބޮޑުވަރު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާބެ

22 January 2020

ކުރީގެ ސަރުކާރުގެ ފަސްއަހަރު ދުވަހުގަ އެސުކޫލުގެ އެއްވެސްވަރަކައް މެއިންޓެނަސް މަސަތްކަތެތް ކޮއްފައެއްނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ގޭ

22 January 2020

‫ބަނެޓެއް ނެތޭ. ނެތޭ. ނެތޭ. ބައެއް ސްކޫލުތައް ބޮލަށް ވެއްޓޭ ހިސާބުގައި ބޮޑެތިކްރެކްތައް އެހެރީ އަނގަތައް ތަންމިނަށް ހުޅުވިފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީމުއްދީން ބާޝާ

21 January 2020

އަޑެއްވެސްކިޔާނުލާތަ ފަންކާ ވެއްޓުނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަހުގީގު

21 January 2020

ތީ ތަހުގީގުކުރަން ޖެހޭ ކަމެއް. ފަންކާއަކީ ހަމަ އެހެން ހުރެވެ ވެއްޓޭނެ އެއްޗެއްނޫން. ފަލަ ދަގަނޑު އިސްކޫރެއް ދަގަނޑު ހޮޅިއެއްތެރެއަށް ލައްވާ، ބޯލްޓް އަޅުގާ ދަނގަޑު ޕިންއެއްވެސް ޖަހާފަ އިންނަ އެއްޗެއް. ނަސީބެއް ކުއްޖެއްގެ ބޮލަށް ނުވެއްޓުނުކަން. ފުރާނައަށް ނުރައްކާވާނެ ފަންކާގެ ބުޑެއް ބޮލަށް ވެއްޓިއްޖެއްޔާ. ދެން ހުރި ފަންކާތައްވެސް ޗެކްކޮށް ތަހުގީގުކުރައްވާށޭ