23 ޖެނުއަރީ 2020 - 13:20
10 comments
ޗައިނާގެ ވުހާން ސިޓީން ފެނުނު އާ ވައްތަރުގެ ނުރައްކާތެރި ރޯގާއަށް ސްކްރީންކުރުމުގެ ގޮތުން ވެލާނާ އިންޓަނޭޝަނަލް އެއާޕޯޓްގައި ތާމަލް ކެމަރާ ބޭނުން ކުރަން ފަށައިފި އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ތާމަލް ކެމެރާއިން ފާހަގަކުރެވޭ ހުން ހުންނަ މީހުން އިތުރަށް އެސެސްކޮށް އެމީހުން ދިޔަ ތަންތަނުގެ މައުލޫމާތު ނަގާނެ ކަމަށެވެ. މިހާތަނަށް ބެލި އެއްވެސް މީހެއްގެ ފަރާތުން ކޮރޯނާވައިރަސްގެ ރޯގާއަށް ޝައްކުވާ މީހަކު ފެނިފައި ނުވާ ކަމަށް އެޗްޕީއޭ އިން ބުންޏެވެ.
އެއާޕޯޓްގައި އެ ކެމެރާ ހަރުކޮށްފައިވަނީ އިމިގްރޭޝަން ކައުންޓަރު ހުރަސް ހުރާ ހިސާބުގަ އެވެ.
ހުން އައިސް ތިބޭ މީހުން ތާމަލް ކެމެރާއިން ދެނެގަނެ އެވެ.
ވުހާން ވައިރަސްގެ ސަބަބުން ޗައިނާގައި ވަރަށް އަވަހަށް ފެތުރެމުން އަންނަ ރޯގާގައި މިހާތަނަށް 17 މީހަކު ވަނީ މަރުވެފަ އެވެ. މިއީ ޖަނަވާރުންގެ ހަށިގަނޑު ތެރޭގައި އާންމު ކްރޮނޯވައިރަސް އިން އިންސާނުންނަށް ބަލިޖައްސާ އާ ވައްތަރެއްގެ ވައިރަހެއްގެ ސަބަބުން ފެތުރޭ ރޯގާއެކެވެ.
ރޯގާގެ ސަބަބުން ނޭވާލާ ނިޒާމަށް އަސަރުކޮށް، ނިއުމޯނިޔާއަށް ބަދަލުވެ އެވެ. ބަލީގެ އަލާމާތްތަކުގެ ތެރޭގައި ހުންއައުމާއި ކެއްސުމާއި ނޭވާ ކުރުވުން އަދި ނޭވާލާން އުނދަގޫވުން ހިމެނެ އެވެ.
ޗައިނާއިން ގިނަ އަދަދެއްގެ ޓޫރިސްޓުން ރާއްޖެ އަންނާތީ، އެ ރޯގާގެ ބަލިމީހަކު އެތެރެވުމުގެ ފުރުސަތު ކޮންމެވެސް ވަރަކަށް އެބަ އޮތެވެ. ދުނިޔޭގެ ގިނަ ގައުމުތަކުން މިހާރު ވަނީ އެއާޕޯޓްތަކުގައި ސްކްރީނިން ފަށައިފަ އެވެ.
ޗައިނާގެ އިތުރުން ސިންގަޕޫރާއި ތައިލެންޑާއި އޮސްޓްރޭލިޔާ އަދި އެމެރިކާ އިން ވެސް މިހާތަނަށް އެ ރޯގާގެ ފެނިއްޖެ އެވެ.
އިއްޔެ އޮތް ނޫސްވެރިންގެ ބައްދަލުވުމުގައި ހެލްތު މިނިސްޓަރު އަބްދުﷲ އަމީން ވިދާޅުވީ ވުހާން ވައިރަސް އަތުވެދާނެތީ ރާއްޖެ އިން ފުރިހަމައަށް ތައްޔާރުވެފައި އޮތް ކަމަށެވެ.
އޭނާ ވިދާޅުވި ގޮތުގައި ވީއައިއޭގެ އިތުރުން ރާއްޖެ އަށް މީހުން އެތެރެވާ އެހެން ބަނދަރުތަކުގައި ވެސް ހުން ދެނެގަތުމުގެ އިންތިޒާމް ހަމަޖައްސަން ވަނީ ނިންމައިފަ އެވެ.
Wuhan virus athuvedhaanethee mithibee furihama ah thayyaaruvegen: Ameen
The most trusted news source in the Maldives
Mihaaru
ބައްޔަށް ރާއްޖޭން ތައްޔާރުވުން--
ކޮރޯނާވައިރަސް ހުުރިކަން ޝައްކުކުރެވޭ މީހަކު ފެނިއްޖެ ނަމަ އެމީހަކު އެކަހެރި ކުރުމުގެ އިންތިޒާމް ވެސް މިހާރު އަންނަނީ ހަމަޖައްސަމުންނެވެ. އެކަމަކު މިހާރު ފެނިގެން އުޅޭ ކޮރޯނާވައިރަސްގެ ބާވަތް ދެނެގަތުމުގެ ގާބިލްކަމެއް މިވަގުތު ރާއްޖެ އާއި މި ސަރަހައްދުގައި ވެސް ނެތެވެ. އެހެންކަމުން ޝައްކުކުރެވޭ މީހުންގެ ސާމްޕަލް ފޮނުވަން ޖެހެނީ ބޭރަށެވެ. އެންމެ ކައިރިން މިވަގުތު އެކަން ދެނެގަތުމުގެ ގާބިލްކަން ހުރީ ހޮންގް ކޮންގްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑް
23 January 2020
ސާންފަލު ފޮނުވައިގެން ނަތީޖާ ލިބޭއިރު ވައިރަސް ޖެހިފަ ހުރި މީހާ އޮންނާނި ވަޅުލައިފަ ކަންނޭ.
ސްރުޚީން ބޭރުވިުޔަސް ހެޔޮ
23 January 2020
މިގައުމު ހާދަ ކުރިއަރާނެއޭ ކޮރަޕްޝަން މީހާގެ މޫނުން ފެންނަ ކެމެރާ ހަރުކުރާ ދުވަހު.
އަލީބަލީ
23 January 2020
އަލްހަމްދުލިއްލާހި... ޝުކުރިއްޔާ އަމީން.. އިރާދަކުރެއްވިއްޔާ މިފަހަރު ރައްކާވެތިބިއްޔާ ދަތުރު
ފުދިފަހުންނަ ވަޢުދުވާ
23 January 2020
ތާމަލްކެމެރާ ކުރިންވެސްހުރޭ. އަމީން އިއްޔެވިދާޅުވީ އިތުރުކެމެރާ ވަރަށްއަވަހަށް ހޯދާވާހަކަ.
މާކުންބެމެން
23 January 2020
ތާމަލް ކެމެރާ ކުރިއަކުން ނުހުރޭ.. ހަރުކުރެވުނީ މިދިޔަ ހަފްތާގައި ޗައިނާގައި ފެތުރޭ ހުމުގެ ހަބަރު ލިބުމުން. ކޮންމެ ކަމެއް އަޅެ ސިޔާސީނުކޮށް ރަނގަޅު ކަމެއްވިއްޔާ ބަލައިގަންނަން ދަސްވާނީ ކޮން އިރަކުންތަ؟
ހުވާ
23 January 2020
ސުވައިންފުލޫގެ ޒަމާނުގައި ތާމަލްކެމެރާ ހަރުކޮށްފައިހުރީ. ހަޖަމްކުރަން ދަސްކޮށްބަލަ.
ނޯ ހަޖަމް ޕްލީޒް ބުރާންތި
23 January 2020
ސުވައިންފުލޫ ޒަމާނުގެ ތާމަލް ކެމެރާ ތަކެއްގެ ވާހަކައެއްނޫން މި ދައްކަނީ. މި ޒަމާނަށް ފެތޭ ތާމަލް ކެމެރާގެ ވާހަކަ. ކޮންމެ އަހަރަކު 1 ފަހަރު އައިފޯން ބަދަލުކުރާއިރު އެވަރުވެސް ނޭނގެނީތަ؟
ގައުމީ ލޯބީގާ
23 January 2020
މި ގައުމުގައި ހެލްތު މިނިސްޓަރަކާއި ހެލްތު މިނިސްޓްރީއެއް ހުރިކަން އެބަ އިނގޭ ދިވެހި ރައްޔިތުންނަށް. އެހެން މިނިސްޓަރެއް އެހެން މިނިސްޓްރީއެއް އޮތް ކަމެއް ނޭނގޭ
ސަބުރީ
23 January 2020
ތާމަލް ކެމެރާ ތީ ފަލޯކެމެރާތައް ......!
ޝާތިރުބެ
23 January 2020
ސާބަހޭ އަމީން. ގައުމައިގެން ހަމަ ފިސާރި ކެރިގެން ކުރިއަށް!