ހެލްތު މިނިސްޓަރު އަމީނާއި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ މަޝްވަރާއެއްގައި: ޕަބްލިކް ހެލްތު އެމަޖެންސީ އިއުލާނުކޮށް، ޑިރެކްޓާ ޖެނެރަލް އޮފް ޕަބްލިކް ހެލްތަށް ބޮޑެތި ބާރުތަކެއް ލިބޭ.-- ފޮޓޯ: ހެލްތު މިނިސްޓްރީ
17 އެޕްރީލް 2020 - 22:56
32 comments
މިހާރު ރާއްޖޭގައި ފެތުރެން ފަށާފައިވާ ކޮވިޑް-19ގެ ބަލިމީހުންނާއި އެޗުޕީއޭ އިން އެކަހެރިކޮށްފައި ތިބޭ މީހުންގެ ތެރެއިން ކިޔަމަންނުވާ މީހުންގެ ނަން ހާމަކުރުމުގެ ބާރު ލިބިދޭ ގަވާއިދު މިއަދު ގެޒެޓްކޮށްފި އެވެ.
އާންމު ސިއްހަތު ރައްކާތެރިކުރުމުގެ ގޮތުން ނަން ހާމަކުރުމާ ބެހޭ އުސޫލުތައް ބަޔާންކުރާ ގަވައިދުގައި، ބަލިމީހާގެ އިތުރުން ކަރަންޓީން ކުރުން ފަދަ ފިޔަވަޅެއް އަޅާފައި ވަނިކޮށް، އެއާ ހިލާފަށް އުޅޭ މީހުންގެ ނަން ހާމަކުރުމުގެ ބާރު ވެސް، ޑިރެކްޓަ ޖެެނެރަލް އޮތް ޕަބްލިކް ހެލްތަށް ލިބިގެންވެ އެވެ.
މި ގަވާއިދު މިއަދު ގެޒެޓް މިކުރީ، ކޮވިޑް-19 ގެ ބަލިމީހުންނާއި އެ ބަލި ޖައްސާ ކޮރޯނާވައިރަސްއަށް ޕޮޒިޓިވްވާ މީހުން މާލެ ތެރެއިން ފެންނަން ފެށުމުން، ސަރުކާރުން ހަރުކަށި ފިޔަވަޅުތަކެއް އަޅަމުން އަންނަ ވަގުތެއްގަ އެވެ. އަދި ސިއްހީ ނިޒާމަށް ކޮންޓްރޯލްނުވާ ވަރަށް ބަލި ފެތުރި، ގޭގޭގައި އެކަހެރިކުރަން ޖެހޭ ފަދަ ހާލަތަކަށް ހިނގައްޖެ ނަމަ، އެކަހެރިކުރާ މީހުން ބޭރަށް ނުކުމެ އުޅެއްޖެ ނަމަ، ދެން ކުރިމަތިވާނެ ނުރައްކާ ވެސް ބޮޑެވެ.
މީގެ ކުރިން ރާއްޖޭގައި ބަލިމީހުންގެ ނަން ހާމަކުރުމުގެ އެއްވެސް ގަވާއިދެއް ހަދާފައެއް ނުވެ އެވެ. އަދި މިހާތަނަށް އެއްވެސް ބައްޔެއްގެ މީހަކީ ކޮބައިކަން ރަސްމީ އެއްވެސް ފަރާތަކުން ހާމަކުރުމަކީ ގެންގުޅުނު އުސޫލެއް ވެސް ނޫނެވެ.
އެކަމަކު ކޮވިޑް-19 ގެ ބަލިމީހުން މާލެ ތެރެއިން ފެންނަން ފެށުމާއި އެ ފެންނަ މީހުންނާ ބައްދަލުވެފައި ތިބި މީހުންގެ އަދަދު ވެސް ގިނަވަމުން ދާކަން ފާހަގަކުރެވޭތީ، ކަމާ ބެހޭ ފަރާތްތަކަށް އިތުރު ފިޔަވަޅުތައް އަޅަން އެބަ މަޖުބޫރުވެ އެވެ.
ގަވާއިދުގައި އޮތް ގޮތުން، ބަލިމީހެއްގެ ނަން ނުވަތަ ވަކި ފިޔަވަޅެއް އަޅާފައި ހުރި މީހަކު، މުޖުތަމައުއަށް ނުރައްކާތެރި ގޮތަކަށް އުޅޭ ނަމަ އެ މީހެއްގެ ނަން ހާމަކުރުމުގެ ބާރު ޑިރެކްޓަ ޖެނެރަލް އޮފް ޕަބްލިކް ހެލްތަށް ލިބެނީ ވެސް، ގިނަ ޝަރުތުތަކަކާ އެކުގަ އެވެ.
ގަވާއިދުގައި ބުނެފައިވާ ގޮތުގައި "ނުރައްކާތެރި ބައްޔެއް ނުވަތަ ގައިން ގަޔަށް އަރާ ބައްޔެއް ފެތުރުނަ ނުދިނުމަށްޓަކައި ވަކި ފަރާތެއްގެ ނަން ޑިރެކްޓަ ޖެނެރަކް އޮފް ޕަބްލިކް ހެލްތު ހާމަކުރަން ވާނީ، އެކަން ނުކޮށް އާންމު ސިއްހަތު ރައްކާތެރިނުކުރެވޭނެ މިންވަރަށް އެކަމުގެ ނުރައްކާ ކުރިމަތިވެއްޖެ ހިނދެއްގައި، އެ މަގުސަދު ހާސިލްކުރެވޭނެ މިންވަރަށް އެކަންޏެވެ."
ކަރަންޓީންކޮށްފައި ނުވަތަ އެކަހެރިކޮށްފައި ތިބޭ ބަޔަކު އެއާ ހިލާފު ވެއްޖެ ނަމަ އެބައެއްގެ ނަން ހާމަކުރެވޭނީ، ގަވާއިދުގައި ބުނެފައިވާ ގޮތުން ނަމަ، "އެފަދަ ފަރާތެއްގެ ކިބައިން އެބަލި ފެތުރުނަ ނުދިނުމު"ގެ ގޮތުންނެވެ.
ބައެއްގެ ނަން ހާމަކުރާ އިރު ޑިރެކްޓަ ޖެެނެރަލް އޮފް ޕަބްލިކް ހެލްތު ރިއާޔަތްކުރާނެ ހަ ކަމެއް ވެސް ގަވާއިދުގައި ބަޔާންކޮށްފައިވެ އެވެ. އޭގެ ތެރޭގައި ނަން ހާމަކޮށްގެން ބަލި ކޮންޓްރޯލްކުރެވޭނެ ފުރުސަތު އޮތް މިންވަރާއި ނަން ހާމަކުރުމުން ނުކުންނާނެ ނަތީޖާ އާއި އާންމުކޮށް ހާމަނުކޮށް އާންމު ސިއްހަތު ރައްކާތެރިނުކުރެވޭނެ މިންވަރަށް ބަލީގެ ނުރައްކާ ކުރިމަތިވެއްޖެ ކަމަށް ޑިރެކްޓަ ޖެނެރަލް އޮފް ޕަބްލިކް ހެލްތަށް ގަބޫލުރެވުން ފަދަ ކަންކަމަށް ހިމެނެ އެވެ.
މިވަގުތު ޑިރެކްޓަ ޖެނެރަލް އޮފް ޕަބްލިކް ހެލްތުގެ މަގާމުގައި ހުންނެވީ މައިމޫނާ އަބޫބަކުރެވެ. ސިއްހީ ކުއްލި ނުރައްކަލުގެ ހާލަތު އިއުލާންކުރުމަށް ފަހު އޭނާ ގެންދަވަނީ، ހާލަތު ބަދަލުވަމުން އަންނަ ގޮތަށް ބައްލަވައި، ގިނަ އަމުރުތަކެއް ނެރުއްވަމުންނެވެ.
ބައްޔަކުން މުޅި މުޖުތަމައު ރައްކާތެރިކުރުމުގެ މަގުސަދުގައި މީހެއް ނަން ހާމަކުރާ އިރު، އޭނާގެ ފޮޓޯ އާއި ފުރިހަަމަ ނަމާއި އެޑްރެހާއި ގައުމާއި މިހާރު އުޅޭ އެޑްރެހާއި އަދާކުރާ ވަޒީފާ ފަދަ މައުލޫމާތު ވެސް ހިމެެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އީސާ މަސީހު
18 April 2020
ގިނަ ތަންތަނުން ފޯނު ނުނަގާ އެސްޓީއޯ ގަންނަ ސާމާނު ސިފައިން ގެނެސްދެނީ' ނަޓެއްލާ 350ގުރާމުގެ ފުޅިޔެއް ކަންމަތީ ފިހާރައިން 60 ރުފިޔާއައްލިބޭ އެސްޓީއޯއިން 72 ރުފިޔާއައް އެސްޓީއޯއަކީ ސަރުކާރުން ބިމުކުލި އަކަފޫޓަކައް 10 ލާރި ޕޭކުރާބަޔެއް ކަންމަތީ ފިހާރަތަކުގެ އެވުރެޖު ކުލިޔަކީ އަކަފޫޓަކައް 50 ރުފިޔާ އަޅުގަނޑު ބުނެލަން އޮތީ ސަރުކާރުގެ އިސްވެރިން މިކަމާ ވިސްނާތޯ ނޫނީ ހީކުރަނީތޯ ރައްޔަތުން ނަކީމޮޔައިންކަމައް
ދޮން ދީނި
18 April 2020
ކޮންކަހަލަ ވާހަކައެްތޯ ތިދައްކަނީ. އެސްޓީއޯއަގުތަށް ވަކި ބޮޑެއް ނޫން. ތިބުނާ ނަޓެއްލާ ފުޅިއެއް އަގުބޮޑުވެގެން އެސްޓީއޯއިން ވިއްކާ ހުރިހާއެއްޗެއް އަގުބޮޑޭ ބުނަންޖެހޭ ސަބަބެއް ނުވިނުނު
ކިރުދޫނި
18 April 2020
ތިބޭފުޅާއަށް ނަޓެއްލާއެއްވެސް ލިބުންކަން ރަގަޅުތާ. 3 ދުވަސްވީ ކަޓެއްލައިގެން ނަމަވެސް އެތަނުން އެއްޗެއް ހޯދޭނެ ގޮތެއް ނެތިގެން އުޅޭތާ.
އީސާ މަސީހު
18 April 2020
ބަލިވާ މީހުންގެ ނަން ހާމަކުރުމަކީ ރަނގަޅުކަމެއްނޫން މިކަމުން ނަތީޖާ ރަގަޅެއް ނުވާނެ ސަރުކާރާ ރައްޔަތުންނާ ޖެހޭނީ ސަރުކާރު މިއޮތީ ބިކާރީ ވެފަ ހުރިހާ ހަރަދެއް ސަރުކާރުން ބޮޑެތި ވިޔަފާރި ވެރިން ކުޅިބަލަން ރިސޯޓު އޯނަރުންގެ ތެރެއިންވެސް މަދުބަޔެއް ފައިސާދިނީ ކޮބާތޯ ބާޒާރު މަތީ ވިޔަފާރި ހިންގާ މީހުން' މާލޭގެ ބޮޑެތި ބިމުން ކުލި ލިބޭމީހުން
ޔާސިން
18 April 2020
ޢެއާޕޯޓުގެ ރެޕުން ޑިއުޓީ ނިއްމާފަ ދަނީގެއަށް މިކަންސަރުކާރުން ދިނީ ބީރުކަންފަތެއް
falcon_autho
18 April 2020
މީގައި ދެރަކަމަކީ ބައެއްމީހުންގެ އަމިއްލަ އެދުން ބޮޑުވުން. މިހާރުވެސް މާލޭ ތެރޭގައި ގަންގާޅު މީހުން ގްރޫޕް ހަދައިގެން ޢިމާރާތް ކުރުމުގެ މަސައްކަތް ހަމަ ހުއްޓުމެއްނެތި ކުރިއަށް އެބަގެންދޭ. އެނގޭ ކަމަކީ އެމީހުން މަސައްކަތް ކުރާނީކީ އެމީހުންގެ އަމިއްލަ ގެދޮރުގައި ނޫންކަން. ކޮންމެވެސް ދިވެއްސެއްގެ ގޭގައިކަން.
އެހެންތަ
18 April 2020
މީގަ ދެކޮޅަށް ވެސް ވާހަކަ ދެކެވެން އެބައޮތް. ބަލިމީހާގެ އާންމު މައުލޫމާތާއި ހާއްސަ މައުލޫމާތު އަދި ފޮޓޯ އާންމުކުރުމުން އެހެންމީހުން ރައްކާތެރިވެގެން ތިބެއްޖެނަމަ މަގްސަދު ހާސިލްކުރެވުނީ. މީގެ އަނެއްކޮޅަކީ ދިވެހި މުޖުތަމައުގެ ހޭލުންތެރިކަން ހުރިގޮތުން ބަލިމީހާއާ ދޭތެރޭ ދެކޭގޮތް ބަދަލުވެ ބަލިމީހާއަށް ޖެހިފައިވާ ބަލީގެ މައްޗަށް އިތުރު ބައްޔެއް ޖެހި މުޖުތަމައުގެ ތެރޭގައި އާންމުވެގެންވާ ބަލިމަޑުކަމެއް ފެތުރިގެން ދިއުން.
ދިޝާނު
18 April 2020
ބަލިވާ މީހުން ބަލިވުމަކީ މިހާރު މައްސަލައެއް ނޫން. މިހާރު މިއޮތީ ފެތުރިފަ. މިކަން ހިފެހެއްޓެން އޮތް ވަރަށް މުހިއްމު އެއްކަން ބަލިމީހުންނަކީ ކޮން ބައެއްކަން ހާމަކުރުން. ގޭގެ ނަން ބުންޏަސް އަދި ނޭނގިދާނެ ދޯ؟ ފޮޓޯއާއި ނަމާއެކު ހާމަ ކުރީމަ މިދިޔަ 14 ދުވަސް ތެރޭ ދިމާވެފަ ހުރިއްޔާ އަހަންނަށްވެސް އަހަރެންގެ ވާހަކަ ބުނަން އެނގޭނީ އަދި އެމީހުނާ ދިމާވި އެހެން މީހުނަށްވެސް. އެެއްގޮތަކަށްވެސް ދެން ކުއްވެރި ކުރާނެކަމެއް ނެތް އެކަކު އަނެކަކު.
ފެންސު
18 April 2020
ކުރަންކުރަން ނުތިބެ ކޮށްބަލަ. ކުރަން މިއުޅެނީ، ފަށަނީ، މި ފަށަނީ، މިފަށަނީ، މި ފަށަނީ....... މީ ދެން ކޮންފަދަ ކަމެއް؟؟؟ ތި ޑިމޮކްރަސީއެއްގަ އަޅައިގަނެގެން ނުވާނެ. އެހެންވެ ބުނަނީ، ހުޅަނގުގެ ޑިމޮކްރަސީއަކީ ހަލާކޭ. ބާރުގެ ބޭނުން ހިފަންޖެހޭ ވަގުތު ހިފަންޖެހޭނެ. ބޭރަށް ނިކުނަން މީހުން ކަރަންޓީނަށް ގެންދޭ ޖަލަށް.
ތަހުރިސާން
18 April 2020
ޖަލަށްގެންދެވޭތަ ދެހާސް ނުވަތަ 3ހާސް މީހުން. ކާކު އެމީހުންނަށް ކާންދީ ބަލަހައްޓަނީ؟ ކަމުގެ ދެކޮޅުނުބަލާ ވާހަކަ ނުދައްކަބަލަ.
ކާސިމު
18 April 2020
ތަހުރިސާން... އެމީހުން ޖަލުގަ ނެތި ދިޔަސް މިއަށްވުރެ ރނގަޅު.. ނެތިދާނީ މަދުބަޔަކު އަދި އިންސާނީވަންތަކަން ނެތްބަެއް..އެހެންވީމަ ހަމަ ހައްްގުވާނެ
ޙުސޭނުބެ3
18 April 2020
ޖަލަކަށް ނޫން. އެކަހެރިކޮށް އޮންނަ ފަޅު ރަށަކަށް.
@ފެންސު:
18 April 2020
ތި ޖަވާބު ތިދިނީ މަ މިހެން ބުނި ސަބަބުކަން މިހާރު ބައެއް މީހުންނަށް ސާފުވާނެ. ތިފާޑު މީހުން ހީވެސް ނުކުރާހާ ގިނަ ގައުމެއް މިއީ. ފުރަތަމަ ފެނުނު އަންހެން މީހާޔާ ދިމާލަށްވެސް މީހުން ކިޔާފަހުރިހާ އެއްޗެއް ކަލޭ ބަލާބަލަ. ގަޔަށް ފަޔަށް އަރާ ހިސާބު ބައެއް މީހުން ތިބީ. ފުރަތަމަ ޕޮސިޓިވްވީ އޭނަކަމެއްވެސް ނޭނގޭ އެކަމަކު.
ބަބުރުލް ސަލީމް
18 April 2020
ރާއްޖެގައި އަޅާ ފިޔަވަޅުތައް ރަނގަޅު. އެހެން ގައުމުތައް އެދަނީ ހަމައިންނައްޓައިގެން.
އިބާދު
18 April 2020
ސަރުކާރު ބޮޑުތަނުން ވަނީ ފެއިލް ވެފަ
ހިރިގާ
18 April 2020
މިވަގުތު މުހިންމު ފިޔަވަޅެއް. ހަމަ ކިރިޔާ ލ އަތޮޅު ރައްޔިތުންވެސް ސަލާމަތްވީ
ހަސަނު1
18 April 2020
ސަލާމަތް ވެއްޖެބާ؟
ސަދާ
18 April 2020
ވަރަށް ރަނގަޅު. ތިކަންވެސް ނުކޮށް ހިފަހައްޓާލެވިއްޖެ. ދުނިޔޭގެ ކުރިއަރާފައިވާ ގައުމުތަކަށް ބަލާއިރުވެސް މި ފެންނަނީ މުޅި ނިޒާމު ފުނޑުފުނޑުވެ ކޮންމެ ދުވަހަކުވެސް އެތަށް ބަޔަކު މަރުވެގެންދާތަން. އެ ހާލަތަށް ނުދިޔުމަށް އެޅޭ ފިޔަވަޅެއް ކަމުގައިވާނަމަ ތިކަންވެސް ރަނގަޅު. މިހާރު މުގުރުބުރި ނަގާ ހިސާބަށް ކަންތައް ގޮއްސިކަން އަޅުގަނޑުވެސް ގަބޫލުކުރަން