ކުޑަކުދިންނަށް ޖިންސީ ގޯނާކުރުން ފަދަ މައްސަލަތަކަށް ރާއްޖޭގައި ހުއްޓުމެއް ނެތް.
12 ޖޫން 2020 - 09:17
84 comments
މާލޭގެ ގެސްޓް ހައުސްއެއްގައި މިދިޔަ ބުދަ ދުވަހު 11 އަހަރުގެ އަންހެން ކުއްޖަކު ރޭޕްކޮށްފި އެވެ.
އެނގިފައިވާ ގޮތުގައި އެ ކުއްޖާ ރޭޕްކޮށްފައިވަނީ 18 އަހަރުން މަތީގެ ފިރިހެނެކެވެ.
އެކަން ޔަގީންކޮށްދެމުން ފުލުހުން ބުނީ މާލޭގެ ގެސްޓް ހައުސްއެއްގައި 11 އަހަރުގެ ކުއްޖަކަށް ޖިންސީ ގޯނާ ކުރި މައްސަލައެއް ތަހުގީގު ކުރަމުންދާ ކަމަށެވެ.
މިއީ މާލެ ލޮކްޑައުންކޮށް، ސަބަބެއް ނެތި ބޭރުގައި އުޅުން މަނާކޮށްފައި އޮތް ދުވަސްވަރަކަށް ވުމުން ކުޑަކުއްޖަކު ގެސްޓް ހައުސްއަކަށް ގެންދިޔައީ ކިހިނެއްތޯ ބެލުމަށް ފުލުހުން އަންނަނީ މަސައްކަތް ކުރަމުންނެވެ. އެނގިފައިވާ ގޮތުގައި މި ކަމުގައި ގެސްޓް ހައުސްގެ އިހުމާލު ވެސް ވަރަށް ބޮޑެވެ.
މިދިޔަ މަހުގެ ފަހުކޮޅު ވެސް ވަނީ އުމުރުން 16 އަހަރު ވެސް ނުވާ ކުއްޖެއްގެ އާއިލާ އަށް އޮޅުވާލައިގެން ރަށަކުން މާލެ ގެނެސް ގެސްޓް ހައުސްއެއްގައި ރޭޕް ކުރި މައްސަލައެއް ފެންމަތިވެފަ އެވެ.
ފުލުހުން އޭރު ބުނެފައިވަނީ ކުއްޖާ ހޯދަން ފެށީ އެ ކުއްޖާ އަށް ވީނުވީއެއް ނޭނގި ނުރައްކަލަށް ހުށަހެޅިފައިވާ ކަމުގެ މައްސަލައެއް އާއިލާ އިން ހުށަހެޅުމުން ކަމަށެވެ. ރޭޕްކޮށް، ކުޑަކުއްޖާ ބްލެކްމެއިލް ކުރިކަމުގެ ތުހުމަތުގައި 24 އަހަރުގެ ދިވެހި ފިރިހެނަކު ވަނީ ހައްޔަރު ކޮށްފަ އެވެ.
ފުލުހުން ބުނި ގޮތުގައި ތަހުގީގަށް މިހާތަނަށް އެނގިފައިވާ ގޮތުގައި މި ކުއްޖާގެ މައިންބަފައިން ކުއްޖާ މާލެ ފޮނުވާފައިވަނީ ކުއްޖާ އަދި މައިންބަފައިން ނުދަންނަ މީހެއްގެ ކައިރިއަށެވެ. ކުއްޖާ މާލެ ގެނައުމުގައި ފައިސާއާ ގުޅުން ހުރި ބޮޑެތި އޮޅުވާލުންތަކެއް އޮޅުވާލައި ބްލެކްމެއިލްކޮށް ބިރުދައްކާފައިވާކަން ތަހުގީގަށް ފާހަގަ ކުރެވޭ ކަމަށް ވެސް ފުލުހުން ބުންޏެވެ. ކުޑަކުއްޖަކު ހިމެނޭ މައްސަލައަކަށް ވާތީ މާގިނަ ތަފްސީލެއް ފުލުހުން ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޭޕް ކުރާ މީހާގެ ގޯހެއް ނުފެނުންތަ؟
14 June 2020
ބަލަ މިތާގަ ކޮމްންޓު ކުރާ މީހުން މިތިބީ ހަމަގައިތަ؟ ކަލޭމެން އެންމެން ބުނާއިރު ކޯއްޗެއް އިނގިގެންތަ ތިއައިސް ކޮމްޕުޓަރެއްގެ ނިވަލުގަ ތިބެގެންތި ވާހަކަ ދައްކަނީ؟ މިތާ ކޮމެންޓުކުރާ މީހުން ވެސް ރަނގަޅެއް ނުވާނެ. ބަލަ ކުޑަ ކުއްޖެއް މުޅި އުމުރުދުވަހު ހިތާމަ ކުރާނެ ވަރުގެ ކަމެއް ވެގެން ދިޔާމަވެސް ކުށްވެރިވީ މައިންނާ ބަފައިންނާ ދަރިޔާ! އެކަންތައް ކުރި މީހާގެ ވާހަކަ ދައްކާލައިފިއްޔާ ކަލޭމެން އެންމެން އަޅެ ސޯޓުބޭލެނީތަ!
ހަސަންބެ.
13 June 2020
ގެސްޓު ހައުސްގެ އިހުމާލޭ ފާ ފޮޅެލޭ ނުކިޔާ. އިހްމާލުވާމީހުން ނަށް ފިޔަވަޅު އަޅަންވީއެއްނޫން. އެކަމަކު ތިގެސްޓްއަހުސް ބަރާބަރަށް ހިގާނެ. ބަންދު ކުރިޔާ ކޮންމެވެސް އެހެންނަމެއްގައި އަނެއްދުވަހު ހުއްދަ ހޯދައިގެން ހިންގާނެ. ދައުލަތް ޕެރެލައިޒްވީމާ ދެންވާނީ މިހެން.
ޖަސްޱިސް
13 June 2020
ކީއްވެގެން ގެސްޱު ހައުސް ނަން އިއުލާނު ނުކުރަރީ؟ ބިރުން؟
ޖާނޭ
12 June 2020
ދިވެހި ދައުލަތުގެ ނިސާން ކޮންމެ ކޮންމެ މީހަކަށް އަމިއްލަ ކަންކަމުގައި ބޭނުން ކުރެވޭތަ ؟
އަމީންގެ ބަފާ
12 June 2020
ފިރިމީހާ ގާތުން ވަރި ވެގެން ދެތިން ދަރިން ގޮވައިގެން މާލޭގައި ކުއްޔަށް އުޅޭ ވަރަށް ގިނަ އަންހެނުން އުޅޭ. އަދާ ކުރާ ވަޒީފާއެއް ނޯވޭ، އެކަމަކު ބަރާބަރަށް ކުލި ދައްކައި ދަރިންނަށް ބޭނުންވާ ސާމާނު ހޯދައިދޭ. ސުވާލަކީ ފައިސާ ހޯދަނީ ކިހިނެތްހޭ؟
އަޅުކަލޭގެ
13 June 2020
ނިކަމެތިންނާ ދިމާލަށް އެއްވެސް ހެއްކެއް ނެތި ތިހެން ބުނަން ކޮބާ ކަލޭގެ ލަދު؟ ކަލޭ މަންމަ އާއި ދިމާލަށް ހެއްކަކާ ނުލާ ތީ ހަށިވިއްކާ އަންހެނެކޭ ބުނަން ކެރޭނެތަ؟ އެމީހުންނަށް ކުދިންގެ ބައްޕަވެސް ޚަރަދުކޮށްފާނެދޯ؟ އާއިލާގެ މީހުންވެސް ޚަރަދު ކޮށްފާނެ ދޯ؟ ހެޔޮއެދޭ ބަޔަކު ކުލި ކުޑަކޮށް ބަހައްޓަވެސް ދީފާނެދޯ؟ އަމިއްލަ ފައިމައްޗަށް ތެދުވެ އުޅޭ ކޮންމެ އަންހެނަނީ ހަށިވިއްކާ މީހުންނެއް ނޫން!! ގްރޯ އަޕް
ޙަލީމު
13 June 2020
ކޮމެންޓް އަދި އެއްފަހަރު ކިޔާލަ ބަލަ.
ފޫހި
12 June 2020
ކޮން ގައުމެއްގަބާ ލޯކަލް ގެސްޓްހައުސްތައް ބިދޭސީން ހިންގަނީ. ޥައްތީނިގެ, ހ.ޒާ, ހ.އުސްހަކުރުގެ ގެސްޓްހައުސްތަކަކީ ސީދާ ބަންގްލާދޭޝް ގާނޫނު ފުރީ ބޭފުޅުން ހިންގާތަންތަނއް. ފާޅުގަ ދުވަހުކުއްޔަށް ކޮޓަރި ވިއްކާކަން ބޭރުގައި ބޮޑެތި ބޯޑުތަކުގައި ލިޔެފަ ހުންނަނީ. މީރާ އެއް އަޅައެއްނުލާ ސިޓީ ކައުންސިލް, ފުލުހުން, އިކޮނޮމިކް މިނިސްޓްރީ, ޓއަރިޒަމް މިނިސްޓްރީ އަޅާވެސްނުލާ. މިތަންތަނަކީ ސީދާ ހަށިވިއްކުމާ މަސްތުވުމާ ނުބައިކަންކަމުން ފައުސާ ހޯދާތަންތަން. ދުވަހު ކުއްޔަށް ކޮޓަރި ވިއްކަބްޖެހޭނީ ހުއްދަހޯދައިގެން
ގޯސް
12 June 2020
ސިދާތާ ނެތްކަން ނަސީބު. ޢެހެންނަމަ ހީވާނީ އޭނާކާލާފާނެހެން. ތިޔަ ގެސްޓް ހައުސް ވަގުތުން ބަންދުކޮށް ހުއްދަ ބާތިލްކުރަންޖެހޭ. ބިދޭސީން ހިންގާ ގެސްޓް ހައުސްތަކުގައި މަސްތުވުމަށާއި ހަށިވިއްކުމަށް އެއްގަޑިއިރަށް ވެސް ރޫމް ވިއްކާވާހަކަ އަޑުއެހިން ގެސްޓް ހައުސްތަކުގެ ޒިންމާއެއްނެތީބާ.
ބދޖދހ
12 June 2020
ސޯސަލްމީޑިޔާ ލޯބި
ގައުމުގެ ދޫ
12 June 2020
މި ފުރަމާލޭގާ އެއްވެސް ހުއްދައަކާނުލާ ތިގޮތަށް ހިންގާ ކިތަށް ގެސްޓުހައުސް ހުރޭތޯ ސަރުކާރުގެ އެއްވެސް އިދާރާއަކަށް އެނގޭތޯ؟ މައްސަލައަކަށްފަހު މައްސަލައެއް ފެންމަތިވަމުން މިދަނީ. ސަރުކާރު މުއައްސަސާތަކުން ދުރާލާ ކަންކަން ކުރާތަނެއް ނުފެނޭ! އަބަދުމެ ފަހަތު ފަޔަށް ބުރަވެއުޅޭ މަންޒަރު މި ފެންނަނީ. ހިތާމަހުރިކަންކަން މިހިނގަނީ. އުންމީދަކީ ބޮޑެތި ކުއްތަކަށް އަރައިގަންނަ ފަރާތްތަކަށް ހައްގުއަދަބު ޝަރުއީމަރުހަލާ މެދުވެރިކޮށް ދެވޭތަން ދުށުން.
ދަރަނި ދަންތުރަ
12 June 2020
11 އަހަރުގެ ކުއްޖަކު 18 އަހަރުންމަތީ ފިރިހެނާކާ އެކު ގެސްޓު ހައުސް އަށް ދިޔައީ ކީއްވެބާ 11 އަހަރުގެ އަންހެން ކުއްޖަކު ކަންތަށް ތިހިސާބަށްދިޔައިރު މަންމަ ބައްޕަ ކޮބައިބާ އެމީހުންނަށް ދަރިފުޅު އުޅޭގޮތްބަލާ ލެވުނުބާ ؟ މައިން ބަފައިންނަށް ލިބޭ އެއްޗަކުން ދެކޮޅުނުޖެހިފައި ދަރިފުޅު ވަޒީފާޔަކަށްނުދޭ އެކަމަކު އައިފޯން 11 ގެންގުޅެނީ ، ދަރިފުޅު އެހާ އަގުބޮޑު ފޯނެއްހޯދިގޮތެއް މައިންބަފައިންނަށް ބަލާނުލެވޭ މިއީ ވަރަށް ދެރަކަމެއްތާދޯ..