ކޮވިޑަށް މިއަދު ޕޮޒިޓިވްވީ 89 މީހުން

ކޮވިޑް-19 އަށް އިތުރު 89 މީހަކު މިއަދު އަލަށް ޕޮޒިޓިވްވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނެފި އެވެ.

އެ އެޖެންސީން ބުނީ، އިއްޔެ އިރުއޮއްސި 6:00 އިން މިއަދު އިރުއޮއްސި 6:00 އާ ހަމައަށް ޕޮޒިޓިވްވި 89 މީހުންގެ ތެރޭގައި ހިމެނެނީ 58 ދިވެއްސަކާއި ބަންގްލަދޭޝްގެ 19 މީހަކާއި އިންޑިއާގެ ހަ މީހަކާއި ސްރީ ލަންކާގެ ދެ މީހަކާއި އިނގިރޭސި ވިލާތުގެ ދެ މީހަކާއި އެމެރިކާ އަދި މިސްރުގެ މީހެއް ކަމަށެވެ.

ކޮވިޑަށް އަލަށް ޕޮޒިޓިވްވި 89 މީހުންނާ އެކު، ރާއްޖެ އިން އެ ބަލި ޖެހުނު މީހުންގެ އަދަދު މިހާރު ވަނީ 4،769 އަށް އަރައިފަ އެވެ.

ފާއިތުވި 24 ގަޑިއިރުގެ ތެރޭގައި 29 މީހަކު ބަލިން ރަނގަޅުވެފައި ވެ އެވެ. އެހެންވެ، މި ވަގުތު ފަރުވާ ދެމުން އަންނަނީ 1،996 މީހަކަށެވެ.

މާލޭގެ އިތުރުން ރާއްޖޭގެ 12 ރަށެއްގައި ވެސް ކޮވިޑް ޖެހިފައިވާ މީހުން އެބަތިބި ކަމަށް އެޗްޕީއޭ އިން މިރޭ ބުންޏެވެ. އެއީ ހއ. ކެލާ، ހއ. އިހަވަންދޫ، ހއ. ފިއްލަދޫ، ހދ. ނާވައިދޫ، ބ. ކުޑަރިކިލު، ބ. ކަމަދޫ، ރ. އިނގުރައިދޫ، ރ. ހުޅުދުއްފާރު ޅ. ހިންނަވަރު، ކ. މާފުށި، ވ. ފުލިދޫ އަދި ފުވައްމުލަކެވެ.

މާލެ ސަރަހައްދާއި އެހެން 12 ރަށެއްގެ އިތުރުން ހަތް ރިސޯޓަކުން ހަ ޓޫރިސްޓަކާއި ނުވަ މުވައްޒަފަކު ވެސް ކޮވިޑަށް މިހާރު ޕޮޒިޓިވް ކަމަށް އެޗްޕީއޭ އިން މިރޭ ބުންޏެވެ.

COVID-19 DASHBOARD

COVID-19 Local Updates - Ministry of Health - Maldives

COVID-19

ކޮވިޑް-19 އަށް ރާއްޖޭން ޕޮޒިޓިވްވާ މީހުންގެ އަދަދު މި މަސް ފެށުނީންސުރެ ކޮންމެ ދުވަހަކު 100 އިން މަތީގައި ހުރުމަށް ފަހު އިއްޔެ ވަނީ އެ އަދަދު މަދުވެފަ އެވެ. އިއްޔެ ޕޮޒިޓިވްވީ 86 މީހެކެވެ.

ކޮވިޑް-19 ކޮންޓްރޯލްކުރުމަށް އެޅި ހަރުކަށި ފިޔަވަޅުތަކަށް ލުއި ދިނުމާ އެކު ބަލި ޖެހޭ މީހުން ވަރަށް ބޮޑަށް އިތުރުވުމުން މިހާރު ވަނީ ބޭރުގައި އުޅޭއިރު މާސްކް އެޅުން މަޖުބޫރުކޮށް އަދި މާލެ ސަރަަހައްދުގައި ރޭގަނޑު 10 އިން ފަތިހު 5 އާ ދެމެދު ބޭރުގައި އުޅުން މަނާކޮށްފަ އެވެ. ރަށްރަށަށް ދިއުމުގައި ދިން ލުއިތައް ވެސް ވަނީ އަލުން ހަރުކަށިކޮށްފަ އެވެ.