އެޗްޑީސީގެ އާ ޗެއާމަން ޖައިޝަމް
11 އޯގަސްޓް 2020 - 19:58
12 comments
ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ ޗެއާމަނަކަށް މުހައްމަދު ޖައިޝް އިބްރާހިމް، ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން މިއަދު އައްޔަން ކޮށްފި އެވެ.
އެޗްޑީސީގެ ޗެއާމަންގެ މަގާމުގައި އެންމެ ފަހުން ހުންނެވި މުހައްމަދު ޝާހިދު މަގާމުން ވަކިކޮށްފައި ވަނީ ކުރީގެ ރައީސް އަބްދުﷲ ޔާމީންގެ ވެރިކަން ބަދަލުވުމުން 2018 ގަ އެވެ. އޭގެ ފަހުން މި ސަރުކާރުން މިއަދާ ހަމައަށް އެ ބޯޑަށް ޗެއާމަނަކު އައްޔަނެއް ނުކުރެ އެވެ.
އެޗްޑީސީގެ އާ ޗެއާމަން ޖައިޝް އަކީ އާކިޓެކްޗާ އާއި ޕްރޮޖެކްޓް މެނޭޖުމަންޓުގެ ދާއިރާ އިން މަތީ ތައުލީމު ހާސިލް ކުރައްވާފައިވާ ބޭފުޅެކެވެ. ބިޒްނަސް މެނޭޖުމެންޓުގެ ދާއިރާ އިން މާސްޓާސް ހައްދަވާފައިވާއިރު އޭނާ ހާއްސަ ވެފައި ވަނީ ޕްރޮޖެކްޓު މެނޭޖުމަންޓަށެވެ.
ޖައިޝް ވަނީ ވެލާނާ އިންޓަނޭޝަނަލް އެއާޕޯޓު ހިންގާ ކުންފުނި، އެމްއޭސީއެލްގައި ޕްރޮޖެކްޓް ހެޑެއްގެ ގޮތުގައި ކުރިން މަސައްކަތް ކުރައްވައިފަ އެވެ. އެހެންވެ، ވަރަށް ގިނަ ޕްރޮޖެކްޓްތައް ޑިޒައިން ކުރުމާއި ޕްލޭނިން ލެވެލްގައި އުޅުއްވި އެވެ. ފަހަކަށް އައިސް ޖައިޝް ބޮޑަށް ހާއްސަވީ، ޓޫރިޒަމް ހޮސްޕިޓަލިޓީގެ ދާއިރާއަށެވެ. އެ ދާއިރާގައި ވެސް ބޮޑަށް އުޅުއްވީ ޕްލޭނިންގެ މަސައްކަތުގަ އެވެ.
ކުރީގެ ރައީސް އަބްދުﷲ ޔާމީންގެ ވެރިކަން ބަދަލުވެ، މިހާރުގެ ރައީސް އިބްރާހިމް މުހައްމަދު ސޯލިހު ވެރިކަމާ ހަވާލުވެވަޑައިގަތުމުގެ މަރުހަލާގައި އެމްޑީޕީގެ ޓްރާންސިޝަނަލް ކޮމިޓީގައި ވެސް މަސައްކަތް ކުރެއްވި ޖައިޝް ވަނީ ބޭންކް އޮފް މޯލްޑިވްސްގެ ޑިރެކްޓަރުންގެ ބޯޑުގައި ވެސް ކުރިން ހަރަކާތްތެރިވެވަޑައިގެންފަ އެވެ. މިހާރު ވެސް އޭނާ އަކީ މޯލްޑިވްސް ސްޓޮކް އެކްސްޗޭންޖުގެ ބޯޑު މެމްބަރެކެވެ. އަދި ދިވެހި ވިޔަފާރިވެރިންގެ ގައުމީ ޖަމިއްޔާގެ ޑިރެކްޓަރަކަށް ވެސް މީގެ 15 ވަރަކަށް އަހަރު ކުރިން އުޅުއްވި އެވެ.
އެޗްޑީީސީގެ މެނޭޖިން ޑިރެކްޓަރަކީ ސުހައިލް އަހުމަދެވެ. އެ ކުންފުނީގެ ބޯޑުގައި މިހާރު ތިއްބަވާނީ ޖައިޝް އާއި ސުހައިލްގެ އިތުރުން އިބްރާހިމް އަފްރާތާއި އަބްދުﷲ ރަމީޒާއި އަހުމަދު އާތިފް އަދި ހަސަން މުނީރު އެވެ.
ތިލަފުށި ހިންގަމުން އަންނަ ގްރޭޓާ މާލޭ އިންޑަސްޓްރިއަލް ޒޯން ލިމިޓެޑްގެ ހިއްސާގެ ބައެއް އެޗްޑީސީ އަށް މިހާރު ވަނީ ދީފަ އެވެ. އެކަމަކު ގްރޭޓާ މާލޭ އިންޑަސްޓްރިއަލް ޒޯން ލިމިޓެޑް، އެޗްޑީސީގެ ސަބްސިޑަރީ ކުންފުންޏަކަށް ހެދީ ކަމެއް ނުވަތަ ގްރޭޓާ މާލެ ކުންފުނި އުވާލައި އެކުންފުނީގެ މަސްއޫލިއްޔަތުތައް އެޗްޑީސީ ނެގީކަން އަދި ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަޑިގިއްލާ
12 August 2020
ޖައިޝްއަކީ އިލްމީ ޤާބިލްބޭފުޅެއް. ޒުވާނުންގެ ޒަމާނީ ވިސްނުންހުރި ހިންގުންތެރިއެއް. މިހާރު ކަންކަން ރަނގަޅުވާންއުޅޭ ކަމަށް ފެނޭ
ހަސަބު
12 August 2020
މިގައުމުގައި ކަންތައް ރަނގަޅުނުވަނީ ގާބިލު މީހުން ނެތިގެނެއްނޫނެވެ. މަގާމު ދިނަސް ގާބިލުމީހާއަށް ވުރެ މޮޅު ހީރޯއެއް އަބަދު ހުންނާތީއެވެ. މިހީރޯ ނުދަންނަކަމެއް މިބިން މަތީގައި ނުވާނެއެވެ. އެޗްޑީސީ އެންމެ ހެޔޮގޮތުގައި ހިނގީ މައުރޫފު ޖަމީލު ހުރިއިރެވެ. މައުރޫފަށް އާއިލީގޮތުން އޮތް ބާރެއްގެ ސަބަބުން ހީރޯ މައުރޫފުގެ މަތިން ބަސް ނުބުނެއެވެ. މަހުޖޫބުވެސް ބޮޑު ޠޫފާނެއްގެތެރޭ ހިފެހެއްޓިއެވެ. ބޮއްސުންލީ ސައިމަން އައިސް މޭޑަމަށް ނަމަސްތޭ ކިޔަން ފެށުމުން.
ޢަލީސުޖާއު/ހުޅު މާލެ
12 August 2020
ވަރަށް ގާބިލް ބޭފުޅެއް ، އުން މީދުކުރަނީ އެޗްޑީސީ އަށް ހެޔޮބަދަލެއްގެނެސް ތަރައްޤީ އަވަސްކޮށް ކުންފުނީގެ ބަޔަކު ހިންގާ ކޮރޮޕްސަން ހުއްޓުވާ ދެފުއްފެންނަ ސިޔާސަތުތަކަށް ޖާގަދިނުން . މުނިސިޕަލް ހިދު މަތްތައް އިހުނަށްވުރެ ހަލުވިކަ މާ އެކު ކުރުން .
ފާރިހަތު ޖަލީލު
11 August 2020
ފާރިގެ ނަޒަރުގައި މިއީ ރަގަޅު ނިންމުމެއް. އެއީ މިދާއިރާއިން ކިޔަވައިގެން ހުރިކުއްޖެއް ޖައިޝްއަކީ!
ޢިބޫ
11 August 2020
މީރައީސް އޮފީހުގެ މިނިސްޓަރ އަލީ ޝިޔާމުގެ ޅިޔަނެއްތޯ؟
ޢަލީސުޖާއު/ހުޅު މާލެ
12 August 2020
ކޮން މެ އޮފީހަކަސް ހެޔޮ ، ބޭނު މީ ތަރައްގީ
އުދުހޭ
12 August 2020
ރަގަޅަށް ތިޔަބުނީ. އެކަމަކު އެއީ ގާބިލް މީހެއް.
އަނގަ ފުޅާ
11 August 2020
ކޮބާ އަންހެނެއް.. ބުނި ބޯޑް ތަކުގެ 33% އަކީ އަންހެނުން ނޭ..
އޮނަރަބްލް އަފީފު ދީދީ
11 August 2020
ތިޔަ ކުންފުންޏަކީ ކ.އަތޮޅުން ދާލަށް ހިމެނޭ ސަރަހައްދުގެ ކަންކަން ކުރާން އޮންނަ ކުންފުންޏަކަށް ހަދާފަ ތިލަދުންމަތިން ފާދިއްޕޮޅަށް ހިމެނޭ ސަރަހައްދަށް ވެސް ކޯޕަރޭޝަނެއް އަދި ކޮޅުމަޑުލުން އައްޑުއަށް ވެސް ކޯޕަރޭޝަނެއް ރެޖިސްޓްރީކޮށް ހަމަހަމަ އުސޫލަކުން ވާދަވެރި ގޮތަކަށް ރާއްޖޭގައި އިދާރީ ޤާނޫނީ 3 ސަރަހައްދެއް ތަރައްޤީ ކުރާން މާލޭސަރުކާރަށް މަޖުބޫރު ކުރާން އަހަރުމެން ރައްޔަތުން ތެދުވެ .
ނުވީއޭނުވީއޭ
11 August 2020
މިއަދުވެސް މަޖްލީހުގައި ހާރޑް ޓޯކް ޖެއްސީ އެއީ މާލެ ސަރަހައްދުގެ ތަރައްގީގެ ޑިމާންޑާއި އެއްވަރަށް ބައްދަލުވާ މިންވަރަށް މާލެ ސަރަހައްދަށް ބިންތައް އިތުރު ނުކުރެވޭ ޝަކުވާއޭ އެހެން އެވަނީ ގުޅިފަޅު އަދި ތިލަފުށި ހިންގާ ކުންފުނި ފެއިލްވީމައޭ ބަޔަކު ކަމެއް ކުރި ނަމަ މިހާރު ތިލަފުށި އޮންނާނީ އެއްކޮށް ހިއްކާ ނިންމާ ތިލަފުށިން މާލެ ސަރަހައްދުގައި ވިޔަފާރި ކުރާ ކޮންމެ ކުންފުންނަަކަށް 10 ހާސް އަކަފޫޓްގެ ބިމެއް އަކަފޫޓަކަށް މަހަކު 1 ރުފިޔާ ގެ ރޭޓުން ދޫކޮށްފައޭ
ވިސްނާފައި
12 August 2020
ކުންފުންޏެއް ހިންގަން ތިބި ބަޔަކު ކޮރަޕްޓް ވުމުން ނުވަތަ ކުންނުންނޭއް ހިންގަން ތިބި ބަޔަކަށް ކުންފުނުނި ނުހިންގުމުން އެ ކުންފުންޏެއް ޖެހެނީ އުވާލަން ތޯއެވެ؟އެނޫން ހައްލެއް ނޯވޭ ތޯއެވެ. އަޅުގަޑުގެ ނަޒަރުގައި ދިރިދިރި ގޮޑު ކެޕިޓަލެއް އޮތް ކުންފުންޏެއް އުވާލުމަށް ވުރެ ރަގަޅުވާނީ ކުންފުނި ހިންގޭ ވަރު ޤާބިލް ބަޔަކު ޢައްޔަން ކޮށްގެން ވެސް ކުންފުނި ހިންގުމެވެ.
ލެވުނީސްއޭ
11 August 2020
އެޗްޑީސީ އަށް އާ ޗެއާމަނަކު އައްޔަންކޮށްފި ނަމަ އެއީ މަމެން އުފާ ކުރާ ކަމެކޭ މާލެ ސަރަހައްދުގައި އޮންނަން ނުޖެހޭ ގްރޭޓަރ މާލެ އިންޑަސްޓްރިއަލް ޒޯން ލިމިޓެޑް ނަމުގައި ކުންފުންޏެއް އެކުންފުންޏަށް ކަމެއް ނުވީމަ ނޫންތޭ އަދިވެސް ތިލަފުށީގައި ފާޚާނާ ނިޒާމް ގާއިމް ނުކުރެވިގެން އުޅެނީ އެމްޑަބްލިޔު އެސްސީ އަށް 100 އަހަރު ދުވަހަށް ތިލަފުއްޓަށް ފެނާއި ނަރުދަމާގެ ޚިދްމަތް ދޭން ލައިސެންސް އެއް ގްރޭޓަރ މާލެ އިންޑަސްޓްރިއަލް ޒޯން ލިމިޓެޑް އިން ދިން ނަމަ މިއަދު