ހިޔާ ފްލެޓެއް: މި މަހުގެ ތެރޭގައި 11 ކެޓަގަރީން ދާއިމީ ލިސްޓު ނެރޭނެ ކަމަށް ފްލެޓް ކޮމިޓީން ބުނެފައި ވަނިކޮށް މައްސަލަތަކެއް އޭސީސީއަށް ހުށަހަޅަން ވަނީ ނިންމާފައި.
23 ޑިސެމްބަރ 2020 - 13:19
19 comments
ހިޔާ މަޝްރޫއުގައި ދިރިއުޅުމުގެ ހާލަތު ބަޔަށް ޕޮއިންޓް ދިން މިންގަނޑު، ޝަކުވާ ހުށަހެޅުމުގެ ފުރުސަތު ބަންދުކުރުމަށް ފަހު އާއްމުކުރުމުން އެކަން އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅަން ނިންމައިފި އެވެ.
ބޯހިޔާވަހިކަމުގެ ހައްގާއި އިޖުތިމާއީ އެހެން މައްސަލަތަކުގައި އަޑުއުފުލަން އުފެއްދި ޖަމިއްޔާ، އާއްމުންގެ އެކުވެރި ގުޅުމުން ބުނީ މި ސަރުކާރުގެ ފްލެޓް ކޮމިޓީން އާ ލިސްޓުތަކެއް އާއްމުކުރިއިރު، އެންމެ ގިނަ ބަޔަކަށް ޕޮއިންޓް މަދުވީ ދިރިއުޅުމުގެ ހާލަތު ބައިން ކަމަށެވެ. ދިރިއުޅުމުގެ ހާލަތު ބަޔަކަށް 30 ޕޮއިންޓް ކަނޑައަޅާފައި އޮތް އިރު އެ ޕޮއިންޓް ދިން ގޮތުގެ މިންގަނޑު ފްލެޓް ކޮމިޓީން އާއްމުކުރީ އެންމެ ގިނަ ބަޔަކު ކުރިމަތިލީ އެޗް7 ކެޓަގަރީގެ ވަގުތީ ލިސްޓަށް ޝަކުވާ ހުށަހެޅުމަށް ދިން މުއްދަތު ހަމަވި ފަހުންނެވެ.
ޖަމިއްޔާ އިން ބުނި ގޮތުގައި މާ ލަހުން މިންގަނޑު އާއްމުކުރުމުން އެތައް ބައަކަށް ދިރިއުޅުމުގެ ހާލަތުގެ ބައިން ޝަކުވާ ހުށަހަޅަން ފުރުސަތެއް ނުލިބުނެވެ. މިއީ އެތައް ހާސް ބައެއްގެ ހައްގު ގެއްލޭ މައްސަލައަކަށް ވިޔަސް މިކަމުގައި ސަރުކާރުގެ އިދާރާތަކުން މިހާތަނަށް ހައްލެއް ހޯދައިދީފައި ނުވާ ކަމަށް އެ ޖަމިއްޔާ އިން ބުންޏެވެ.
އެހެންވެ، ބޯހިޔާވަހިކަމަށް އެދުނު ވަކިވަކި މީހުން މެދުވެރިކޮށް އޭސީސީއަށް މި މައްސަލަ މިއަދުން ފެށިގެން ހުށަހަޅަން ޖަމިއްޔާ އިން ވަނީ މަސައްކަތް ފަށައިފަ އެވެ. ދިރިއުޅުމުގެ ހާލަތުގެ ބަޔަކަށް ޕޮއިންޓް ދޭ މިންގަނޑު އާއްމުނުކުރީ ވަކި ބަޔަކަށް ނާޖާއިޒު ފައިދާ ހޯދައިދޭން ކަމުގެ ތުހުމަތާ އެކު އޭސީސީއަށް ހުށަހަޅަނީ އެ މައްސަލަ ބަލައިދޭށެވެ.
ޝަކުވާ ހުށަހެޅުމުގެ ފުރުސަތު ނުދީ ދާއިމީ ލިސްޓުތައް ނެރެފި ނަމަ އިޔާދަނުކުރެވޭ ވަރުގެ ގެއްލުމެއް ލިބޭނެ ކަމަށް ވެސް އޭސީސީއަށް ހުށަހަޅާ ސިޓީގައި ބުނެފައިވެ އެވެ.
"ޝަކުވާ ހުށަހެޅުމުގެ އަސާސީ ހައްގު އާއްމުންނަށް ނުދީ ދާއިމީ ލިސްޓު ނެރުމުން ދެން ނުކުންނާނެ މައްސަލަތައް ކޮމްޕްލެކްސް ވެފައި، ހައްލުކުރަން އުނދަގޫވެ އަނެއްކާވެސް އެތައް ވަގުތެއް ބޭކާރު ވެގެންދާނެ އެވެ. ވީމާ އެނގި ތިބެ މިފަދަ ކަމެއް ކުރުމަކީ ރައްޔިތުންނަށް ދެވޭ ވަރަށް ބޮޑު އަނިޔާއެކެވެ،" އޭސީސީ އަށް މައްސަލަ ހުށަހެޅުމާ ގުޅޭ ގޮތުން ޖަމިއްޔާ އިން އާއްމުކުރި މައުލޫމާތުތަކުގައިވެ އެވެ.
ދިރިއުޅުމުގެ ހާލަތުގެ ބައިން ޕޮއިންޓް ދިން މިންގަނޑު އާއްމުނުކޮށްގެން ޝަކުވާ ބޮޑުވެފައިވާއިރު، ފްލެޓް ކޮމިޓީން ބުނެފައި ވަނީ ދިރިއުޅުމުގެ ހާލަތު ބަޔަށް އިންސާފުވެރިކަމާއި ހަމަހަމަކަމާ އެކު ޕޮއިންޓު ދެވޭނީ ގޭގެއަށް ގޮސް ހާލަތު ބަލައިގެން ކަމަށް ވާތީ، ޕޮއިންޓު ދޭނެ މިންގަނޑެއް އެކުލަވައިލީ ހައުސިން މިނިސްޓްރީގެ ލަފައަ އެކު ކަމަށެވެ. ދިރިއުޅުމުގެ ހާލަތުގެ ބައިން ޕޮއިންޓު ދޭން އެކުލަވާލާފައިވާ މިންގަނޑު ކުރިން އާއްމު ނުކުރީ އެ މައުލޫމާތު ކުރިން ހާމަކޮށްފި ނަމަ އެންމެ އިންސާފުވެރިކަމާ އެކު ޕޮއިންޓު ދޭން ހުރަސް އެޅޭނެތީ ކަމަށް ވެސް ކޮމިޓީން ވަނީ ބުނެފަ އެވެ.
މި މަހުގެ ތެރޭގައި ސިވިލް ސާވިސް މުވައްޒަފުންގެ ކެޓަގަރީ އާއްމުކޮށް، ހުރިހާ ކެޓަގަރީއެއްގެ ދާއިމީ ލިސްޓައް އާއްމުކުރާނެ ކަމަށް ފްލެޓް ކޮމިޓީން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސްކިޕަރ
25 December 2020
ޕޮއިންޓު ދިން އުސޫލު އެނގޭނޭ ހާލަތު ބަލަން ދިޔަ ހުރިހާ އެންމެންނަށްވެސް. އަތަސް ފޯމުދީފަ ކިޔާފައި ސޮއެކުރީ. އޮޅުވާނުލާ
ފުއްލާބެ
24 December 2020
ތިބުނާ އޭސީސީ އަކަށް ހުށަހެޅިޔަސް ބަދަލެއް ނާންނާނެ. އައިސްފިނަމަ އަނެއް ދުވަހު އޮންނާނީ އިތުބާރު ނެތްކަމުގެ މައްސަލަ މަޖިލީހަށް ވައްދާފަ.
ރައްޔިތުންގެ ވިންދު
24 December 2020
ޖަމްޢިއްޔާތަކަކީ، ތިޔަބާވަތުގެ މައްސަލަތަކުގެ ތެރެއަށް ވަދެ ޤާނޫނީގޮތުން އުފެދިފައިވާ ސަރުކާރުގެ މައްޗަށް މީސްމީހުންގެ ހިތުގައި ނަފުރަތާއި ރުޅިވެރިކަން އުފެއްދުމުގެ މަސައްކަތުގައި ޙަރަކާތްތެރިވެ ނިގޫ ފިއްތައިގެން ހަޅޭލަވާ ބަޔަކަށް ވެއްޖެނަމަ ހިތާމައިގެ ކިޮލެއްނެތެވެ.
ޝޮކްތެރަޕީ
23 December 2020
ހަދާނިމިފަ ހުރި ފްލެޓުތަކެއް އޭގެ ހައްގުވެރިންނަ ނުދީ ރައްޔިތުންނަ އޮޅުވާލެވޭތޯ ސަރުކާރުން ބަލަނީ.
ގުދުގުދާ ބެއްޔާ
23 December 2020
ރާއްޖޭގެ އެންމެންނަށް މާލެ ސަރަހައްދުން ފުލެޓް ދޭކައް ނުޖެހޭނެ! ރަށުގަ މައިންބަފައިންގެ ފަޅުރަށެއްވަރުގެ ގޯތި. ! ތިމާގެ 2000 އަކަފޫޓްގެ ގޯތި ގެސްހައުސް އަޅަން ކުއްޔަށް ދީފައައިސް މިބުނަނީ މަލޭމީހުންނަށް ގޯތި ފުލެޓްވެސް ދީގެންނުވާނޭ!40 އަހަރުވެއްޖެ މާލޭމީހުންނަށް ގޯތިނުދޭތާ! ދެން މާލެއައިސްކުއްޔަށް އުޅެންޖެހުނީމަ އެއްޗެހި މިކިޔަނީ މާލޭމީހުންނަށް.ރައްތައްދައުލަތުގެފައިސާއިންހިއްކާފައި ހިލޭގޯތި މިއީ ޤާނޫނުގައި އެބުނާ ހަމަހަމަ އިންސާފުތަ؟ނޯ ގޯތި ނޯވޯޓް
އަރުވާލި އާދަނުގެ ސިޔާސީ ހާސަރު
23 December 2020
އެހެންވީމާ ދިރިއުޅުމުގެ ހާލަތު ބެލުން ފަސްކޮށްފައި ( ޒީރޯ ޓޮލެރެންސް ) ހާތު ދެއްތޮ ތިޔަ ބަލަން ޖެހެނީ. ދިރި އުޅުމުގެ ހާލަތަށްވުރެ އެ ހާލަތު މާދައްތާ. ވެންޓިލޭޓަރަށް ލާން ފެނެ. ދިރި އުޅުމުގެ ހާލަތުވެސް ޒީރޯ ޓޮލެރެންސް ވެސް.
ޝަން
23 December 2020
ތި ޖަމިއްޔާ އިން އުޅެނީ ފުލެޓް ދިނުން ލަސްކުރުވަން ސިޔާސީ ބޭނުމެއްގައި. އެހާ ހެޔޮ އެދޭބައެއްނަމަ ކުރީ ސަރުކާރުން ދިރިއުޅުމުގެ ހާލަތު ބަޔަށް އެއްވެސް ކްރައިޓީ ރިއާ އެއްނެތި މާރކްސް ދިން އިރު އަޑު އުފުލާނެ ނޫންތޯ. އަނެއްކާ ހާލަތުބަލަން އައި ކުދިން ފުރި ފޯރމު ބަލާ ޗެކްކޮށް ސޮއިކޮށްފަ އޯކޭ ދީފަ،ދެން އިތުރަށް ކޮންމައްސަލައެއް ޖައްސަވަންތޯ އެއުޅުއްވަނީ؟ އެތެކެއްބައެއް އެފްލެޓް ތަކުގެ އިނތިޒާރުގެ ތިއްބާ އިތުރަށް ލަސްކުރުވަން މިއުޅުއްވަނީ ކީއްވެތޯ؟
އޮނަރަބްލް އަފީފު ދީދީ
23 December 2020
ދުނިޔޭގެ ޤައުމުތަކުންނާއި ފައިނޭންޝަލް އިންސްޓިއުޝަން ތަކުން ދަރަންޏަށް ފައިސާނަގައިގެން ދައުލަތަށް ބޮޑު ބުރައަކަށްވާގޮތަށް ކ.އަތޮޅު މާލޭގައި ހައުސިންގ ސްކީމް ހިންގުމުގެ ބަދަލުގައި މާލެ ސަރަޙައްދަކީ ކޮމަރޝަލް އުސޫލުން ލަޤްޒަރީ ކޮންޑޯ އަޅައިގެން ވިއްކުމަށް ރިއަލްއެސްޓޭޓް ކަމްޕަނީތަކަށް ބިންތައް ދީގެން ފަސްޓްކަމް ފަސްޓް ސާރވް އުސޫލުން ދެފަރާތުގެ ޙައްޤުވެސް ހިމާޔަތްކުރެވޭ ރައްކާތެރިމާހައުލެއްގައި ފްލެޓް ވިއްކާސަރަޙައްދަކަށްހަދާފައި ސޯޝަލްހައުސިންގ އެހެންރަށްރަށުގައިހިންގަވާ.
އޮނަރަބްލް އަފީފު ދީދީ
23 December 2020
ދައުލަތުގެބޯހިޔާވަހިކަމުގެ އެހީއަށް ބޭނުންވާ ފަރާތްތަކަށް ސޯޝަލްހައުސިން ސްކީމް ކ.އަތޮޅު މާލޭގެ ބަދަލުގައި އަގުހެޔޮ ދިރިއުޅުމެއް އެފަދަ ނިކަމެތިންނަށް ހޯދޭގޮތަށް ކެލާ، ފިއްލަދޫ، ހަނިމާދޫ، ކާށިދޫ، ކުޑަހުވަދޫ، ތުލުސްދޫ، ތ. ގުރައިދޫ، ތިމަރަފުށި، ވިލުފުށި، ލ. ގުޅިފައިވާ ހުރިހާރަށްތައް، ހުވަދޫ އަތޮޅުން ތިނަދޫ، ކޮލަމާފުށި، ވާދޫ، ފަރެސްމާތޮޑާ އަދި އައްޑޫ ހިއްކެންއޮތް އެންމެބޮޑަށްހިއްކާ އެރަށްރަށުގައި ސޯޝަލްހައުސިންގ ސްކީމް ހިންގަވާ މާލެގައި ލަޤްޒަރީ ފްލެޓްއަޅުއްވާ.
2111
23 December 2020
ކ. މާލެ ގެ ކުލިތައް 2020 ޑިސެމަބަރ ...... 1 ރޫމް އެޕާޓްމަންޓް 5000 ރުފިޔާ ........... 2 ރޫމް އެޕާޓްމަންޓް 10000 ރުފިޔާ ............. 3 ރޫމް އެޕާޓްމަންޓް 12000 ރުފިޔާ ........... 3*1 ރޫމް އެޕާޓްމަންޓް 15000 ރުފިޔާ ........... 4 ރޫމް އެޕާޓްމަންޓް 18000 ރުފިޔާ .......... މިހާރު ނިމެމުންދާ 14850 އެޕާޓްމަން މާލޭ ގުރޭޓާ އައް 2020 ޑިސެމްބަރ