ޚަބަރު / ރައީސް އިބްރާހިމް މުހައްމަދު ސޯލިހް

އެއާޕޯޓަށް ވަޑައިގެން ރައީސްގެ ޝުކުރު މުވައްޒަފުންނަށް

ރައީސް އިބްރާހިމް މުހައްމަދު ސޯލިހު ވީއައިއޭ އަށް ޒިޔާރަތްކުރައްވައި އެތަނުގައި ހިންގާ މަޝްރޫއުތަކާ ގުޅޭ މައުލޫމާތު ސާފުކުރަައްވަނީ. -- ފޮޓޯ: ރައީސް އޮފީސް

ލަމްޔާ އަބްދުﷲ، މިހާރު

15 ޖެނުއަރީ 2021 - 12:22

20 comments

ކޮވިޑް-19 ގެ ބަލިމަޑުކަމުގެ ތެރޭގައި ދިމާވި ދަތި ހާލަތުގައި ވެސް އެއާޕޯޓް ސްޓާފުން ކުރަމުން އަންނަ ބުރަ މަސައްކަތުގެ އަގު ވަޒަންކުރައްވައި ރައީސް އިބްރާހިމް މުހައްމަދު ސޯލިހު އިއްޔެ ޝުކުރުއަދާކުރައްވައިފި އެވެ.

ވެލާނާ އިންޓަނޭޝަނަލް އެއާޕޯޓުގެ މަސައްކަތްތައް ކުރިއަށްދާ ގޮތް ބައްލަވާލެއްވުމަށް ރައީސް ވަނީ އިއްޔެ އެއާޕޯޓަށް ވަޑައިގެން، އެއާޕޯޓްގައި މަސައްކަތްކުރާ އެކި އޮފީސްތަކުގެ މުވައްޒަފުންނާއި އިސްވެރިންނާ ބައްދަލުކުރައްވައިފަ އެވެ. އެއާޕޯޓް ހިންގާ އެމްއޭސީއެލް އާއި ކަސްޓަމްސް އަދި އިމިގްރޭޝަންގެ އިސް ބައެއް ބޭފުޅުންނާ ރައީސް ބައްދަލުކުރެއްވި އެވެ.

Was a pleasure to visit @VelanaAirport yesterday where I reviewed ongoing projects and operations. My thanks to @MACLmedia and other agencies for a well organized and smooth operation during peak tourist season - impressive given the comprehensive COVID 19 measures at VIA. pic.twitter.com/6wi1ZTtCwG
— Ibrahim Mohamed Solih (@ibusolih) January 15, 2021

ވީއައިއޭ އަށް ރައީސް އިއްޔެ ކުރެއްވި ޒިޔާރަތާ ބެހޭ ގޮތުން ކުރެއްވި ޓްވީޓް

ރައީސް އޮފީހުން ބުނީ ކޮވިޑުން ރައްކާތެރިވުމުގެ ފިޔަވަޅުތަކާ އެކު ވެސް، ރާއްޖެ އަންނަ ޓޫރިސްޓުންގެ އަދަދު ވަރަށް ބޮޑަށް އިތުރުވެ އެއާޕޯޓްގެ މަސައްކަތްތައް ވެސް ބުރަވެފައި ވާއިރު މިހާރަށް ވުރެ ވެސް ހިދުމަތް ފުރިހަމަކުރެވެން ކުރެވޭނެ ގޮތްތަކާއި އެއާޕޯޓުގައި މަސައްކަތްކުރާ މުއައްސަސާތަކަށް ކުރިމަތިވާ ގޮންޖެހުންތަކާ ބެހޭ ގޮތުން ރައީސް ވަނީ މަޝްވަރާކުރައްވައިފަ އެވެ.

މޯލްޑިވްސް އިމިގްރޭޝަންގެ އިސްވެރިންތަކަކާ ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ -- ފޮޓޯ: ރައީސް އޮފީސް

އެއާޕޯޓަށް ކުރެއްވި ޒިޔާރަތުގައި އެތަނުގެ ފިއުލް ފާމާއި ކާގޯ ޓާމިނަލާއި ކާގޯ ޖެޓީ އާއި އޭޕްރަން އާއި ވީއައިޕީ ބިލްޑިންގް އަދި ސީޕްލޭން ޓާމިނަލަށް ވެސް ރައީސް ވަޑައިގަތެވެ. އަދި އެތަންތަނުގައި ކުރިއަށް ގެންދާ އަންނަ މަޝްރޫއުތަކުގެ އެންމެ ފަހުގެ މައުލޫމާތު ސާފުކުރެއްވި އެވެ.

ރައީސް އޮފީހުން ބުނީ އެއާޕޯޓުގެ ފިއުލް ފާމްގެ މަސައްކަތް މިހާރު ވަނީ ނިމުމަކާ ގާތްވެފައި ކަމަށާއި އެކަން ނިމިގެންދާ އިރު މަތިންދާބޯޓަށް އަޅާ ތެޔޮ ރައްކާ ކުރެވޭ މިންވަރު 15 މިލިއަން ލީޓަރުން 45 މިލިއަން ލީޓަރަށް އިތުރުކުރެވޭނެ ކަމަށެވެ. އަދި ފިއުލް ބައުޒު ބޭނުންކުރުމުގެ ބަދަލުގައި ފިއުލް ހައިޑްރަންޓް ބޭނުންކޮށްގެން ފަސޭހައިން މަތިންދާބޯޓަށް ތެޔޮ އެޅޭނެ އިންތިޒާމް ހަމަޖެހޭނެ ކަމަށް ވެސް ބުންޏެވެ.

ރައީސް އިބްރާޙިމް މުހައްމަދު ސޯލިހް އިއްޔެ އެއާޕޯޓްގައި، މަސައްކަތްކުރާ ސައިޓެއް ބައްލަވާލައްވަނީ. -- ފޮޓޯ: ރައީސް އޮފީސް

ކާގޯ ޓާމިނަލް ތަރައްގީ ކުރުމުގެ މަޝްރޫއުގެ ތެރޭގައި ކާގޯ ބިލްޑިންގާއި ކާގޯ ހާބަރުގެ އިތުރުން ކަމާ ގުޅޭ އޮފީސްތައް ހެދު ހިމެނެ އެވެ. އަހަރެއްގެ މައްޗަށް މިހާރު ކުރަމުން އަންނަނީ 50،000 ޓަނުގެ ކާގޯ މުއާމަލާތެވެ. އެ ޓާމިނަލްގެ މަސައްކަތް ނިމުމުން 120،000 ޓަނަށް މި އަދަދު އިތުރުވާނެ ކަމަށް ރައީސް އޮފީހުން ބުންޏެވެ.

މީގެ އިތުރުން އެއާޕޯޓު އޭޕްރަން ތަރައްގީކުރުމުގެ މަސައްކަތް ނިމި، އާ އޭޕްރަން ބޭނުންކުރަން ފަށާފައިވާ ކަމަށާއި މިހާރު ކުރަމުން އަންނަނީ އޭޕްރަންތައް އާކުރުމުގެ މަސައްކަތް ކަމަށް ވެސް ރައީސް އޮފީހުން ބުންޏެވެ. މި މަސައްކަތް ނިމޭ އިރު މަތިންދާބޯޓު ޕާކުކުރަން ބޭނުންކުރާ ސަރަހައްދު 86،000 އަކަމީޓަރުގެ ސަރަހައްދަކުން 212،000 އަކަމީޓަރުގެ ސަރަހައްދަކަށް އިތުރުވާނެ އެވެ.

ވީއައިއޭގައި ރައީސް އިބްރާހިމް މުހައްމަދު ސޯލިހް އެތަނުގައި ބަޔަކާ އެކު ފޮޓޯއަކަށް ހުއްޓިވަޑައިގެން. -- ފޮޓޯ: ރައީސް އިބްރާހިމް މުހައްމަދު ސޯލިހު

ވީއައިއޭ ތަރައްގީ ކުރުމުގެ މަޝްރޫއަކީ 1.2 ބިލިއަން އެމެރިކާ ޑޮލަރުގެ މަޝްރޫއެކެވެ. މި މަޝްރޫއުގައި ހިމެނޭ ސީޕްލޭން ޓާމިނަލްގެ 99 ޕަސެންޓު މިހާރު ވަނީ ނިމިފަ އެވެ. މުޅި އެއާޕޯޓުގެ މަސައްކަތް ނިމުމުން އެތަނުން ހިދުމަތް ދެވޭ ފަސިންޖަރުންގެ އަދަދު 26،000 އިން 78،000 އަށް އިތުރުވެގެންދާނެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ފެށި 800 މިލިއަން ޑޮލަރު ނުވަތަ 12 ބިލިއަން ރުފިޔާގެ އެއާޕޯޓު ތަރައްގީ ކުރުމުގެ މަސައްކަތް ކުރަނީ ސައުދީގެ ބިންލާދިން ކުންފުންޏާ ހަވާލުކޮށްގެންނެވެ.

ރައީސް އޮފީސް ކަސްޓަމްސް އެމްއޭސީއެލް ރައީސް އިބްރާހިމް މުހައްމަދު ސޯލިހް މޯލްޑިވްސް އިމިގްރޭޝަން ވެލާނާ އިންޓަނޭޝަނަލް އެއާޕޯޓް

20 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށަވިޔަނި

16 January 2021

މީހަކު މަރުވުމަށް ފަހު އޭނާގެ މުދަލެއް ބިންމަތީގައި ނުހުންނަ ފަދައިން، ޔާމީނު ފޭބީމާ އެއީ އޭނަޔާ ބެހޭ ކަމެއް ނޫން، އެހެން ނޫނަސް ވެރިކަމުގެ ފަހު އަހަރު ކަމެއް ފެށިއްޔާ ފެށީ ވެސް މަދު ކަމެއް ނޫނީ ނިމިފައެއް ނެތް. މި ސަރުކާރުން އެ މަސައްކަތް ކުރާއިރު އެކަން ބަލަން ދާންވީ ޔާމީނުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުވާލި އާދަނުގެ ސިޔާސީ ހާސަރު

16 January 2021

އެމް-ޑީ-ޕީ ރައީސް އޮނަރަބްލް އިބްރާހިމް މުހައްމަދު ސޯލިހް. ސަރުކާރު ކޯލީޝަން ޕާޓްނަރސް : މައުމޫން/ގާސިމް/އިމްރާން. މީ ކޯލީޝަން ސަރުކާރެއް. ރައީސް އިބޫ އަކީ ކޯލީޝަން ( ޝޫރާ) ގެ މަތިވެރި ހިކުމަތުން ސަރުކާރު ހިންގަވާ ބޭފުޅެއް. ވޭތިވެ ދިޔަ 2 އަހަރުން މިކަން ވިސްނާ ފިކުރު ކުރާރައްޔިތުންނަށް ފިސާރި ސާފްވާނެ. އެއަރޕޯޓްތަށް ޕޯޓުތަށް ބޯހިޔާ ބަދަރު ނަރުދަމާ މަގު ވައުދާ އެއްގޮތް ރަނުން ރަނަށް ނިންމަވާނެ. ކޮވިޑްގެ ހާލަތް ޝުކުރުވެރި މިންވަރަށް މޭނޭޖް ކުރައްވަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަގަ

15 January 2021

އެއަރފޯޓްގަ ހުރި ކެފޭއަށް ދުރުވިނަމަ. އެތާ ގެ ހާލަތު ބަންލަވާ ލަންވަން. ހުސް އިންޑިޔާ މީހުން ލައިގެން ތަން ހިންގަނި ފެނާ ކަރަންޓާ ހިލޭ ދޭ އިރުވެސް މުއަށްޒަފުންނަށް އެއްވެސް ރާހަތެއް ނުކުރޭ. ބޮނޑުން ޑީލް ހަދާގެން ޖީބަށް ބަރުވާ ގޮތަށް. ނަން ވާނި ޔާމިނު ސަރުކާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ.

15 January 2021

އަޅުގަނޑު ހިތައްއަ ރާ މިސަޜުކާ ރު ގެންނަން ވޯޓުނުލެވުނު ނަމައޭ ތިޔައެއާޕޯޓު ހިންގަން ނޭނގިގެން ބަޔަކައް ވިއްކާލީ މަނިކުފާނުމެންނޫންތޯ މަނިކުފާނު ނުވަތަ އެމްޑީޕީ ކިހިނެއްތޯ ޅަދަ ރިޔަކައް ގާތުން ކި ރުދޭނީ ބުއްފުޅިޔެއްގަ ވާގަނޑަކުން ބަނދެ ހަށިގަނޑުގަ އައްސާފަ ޅަދަޜި ގެނެސް ޖެއްސީމަ ބޮއެފާނެ ތިޔައީ މަންމަ ކަމައް ހީކޮއް ނަމަވެސް ހޭބުއްދި ޖެހޭކުދިން ހީހީހަލާކުވާނެ އެކަމާ މިސަޜުކާ ރު ކަންތައް ހު ރީ މިކަހަލަ ޒާތަކައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯއްތޭ.

15 January 2021

ތިޔަވަޑައިގަތީ ނަޝީދު ވެ ރިކަމުގަ 25 އަހަރައް ބައެއްގެ އަޅުވެތިކަމައް ދޫކޮއްލާފަތިބި މުވައްޒަފުން ތަކެއްގާތައް ޖީއެމްއާ ރް އަތުން އެތަން އަތުލާ ބަދަލުދީ ނިންމާ މުޅިމިސަ ރަހައްދާ ދުނިޔެއައްވެސް ގޮންޖަހާލެވޭވަ ރު ސީޕްލޭން ޓާމިނަލް ދެވަނަ ރަންވޭ ހުޅުލެއިން މާލެޔައް ބު ރިޖަކުން އާދެވި މިފަދަ ފަސޭހަތަކާ އެކު އުފަލުގަ އަނބިދަ ރިންގާތުގަ ވަޒިފާ އަދާކު ރާ ބައެއްގާތައް މަނިކުފާނު ދެންކަމެއް ކު ރަންޏާ ރިސޯޓު މުވައްޒަފުންނައް ކަމޭހިތާ އެއީ އެއާޕޯޓުގެ މުހިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަޑުހަސަނަ

15 January 2021

ކީރިތި ނުކުރައްވަންޔާ ކަމަކު ނުދޭ..އޭރުން ގަބޫލު ކުރެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތޮންބެ‫

15 January 2021

އ‫ަނެއްކާ ކީރިތިކުރެއްވިތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުމަށި

16 January 2021

ތުއްތޭ، ރަސޫލާވެސް ހަޔާތްޕުގައި އެތައް ފަހަރު ކީރިތި ކުރެއްވި، ﷲ އަށް ތައުބާ ވުމުގައި ވެސް ރުއިމަކީ ލާޒިމް ކަމެއް ދީނާއި ދުނިޔެ ދަސްކުރުން ރަނގަޅީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑޭ

15 January 2021

އަހަރަމެން އުއްމީދު ކުރިވަރާ ގާތަށް ވެސް މިސަރުކާރަށް ރަށްއިތުންނަށް ކަމެއް ނުކޮށްދެވޭ. މުސާރަތައް ބޮނޑްވީއަކީ ނޫން ފުލެޓެއް އެޅުނީއަކީނޫން. އެތަށް އަހަރެއް ކޮންފަ ރަށަށް އައިއިރުވެސް މިސަރުކާރުން ކޮންދޭށް ބުނި އެއްވެސް ކަމެއް ކޮންދެވިފަކާ ނެތް. އަދި ވެސް ރާއްޖެތެރެއަށް މިހަދާ ގޮތަކީ ކެންފޭނުގަ ހޮސްފިޓަލާ މަގުހެދުމާ ގެސްޓްހައުސްތަކާ އަޅަށް ވައުދުވެފަ. ފުޓްސަލު ދަނޑަކާއި އައުޓްޑޯ ޖިމަކާއި ބަދަރުއަފްގުރޭޑް ކުރުން ކަހަލަ ކަމެއް ކޮށްފަ ރަށްއިތުން ލޮލުގަ އަދުން އަޅުވަނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލަށް އެދެމޭ

15 January 2021

ރައީސާ ކޮއްލަން ބޭނުންވަނީ ސުވާލެ..ލަދެއް ނުގަނޭތޯއޭ އެއާރޕޯޓުގެ މަސައްކަތް ބަލަން ހުޅުލެއަށް އަރަން...ލަދު މިއީ މަނިކުފާނުގެ ޑިކްޝަނަރީގަ އޮންނަބަހެއްތޯއޭ....ޝުކުރުން ފުރިގެންވާ ހިތަކުން ޝުކުރުގެ ގުލްޒާރުގެ ހާރަކުން އަމުނާލެވިފާ ޝުކުރާ ތަހާނީގެ މަލުގެހާރަކުން ވެދުމާއެކު ބުނެލަން އޮތީ ޝުކުރިއްޔާ އޭ ދިވެހިންގެ ރައީސް ރޔާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދު

15 January 2021

މި ރައީސްމީހާ އެންމެ މޮޅަށް ކުރަން ދަންނަ ތިން ކަންތައް. ކީރިތި ކުރެއްވުން، ޝުކުރު ދެންނެވުން އަދި ސެލްފީ ނެންގެވުން. ވިޝަނަރީ ލީޑަރުންނަށް ޤައުމު ބިނާ ކުރެވޭނީ. ކީރިތި ކުރައްވަން ދަންނަ މީހާ އަށް އެނގޭނީ ހުރި އެއްޗެއް ބޭނުން ކޮށްލަން. އައު ހަރުފަތަކަށް އައު ވިސްނުމަކާ އެކު ގައުމު ބިނާކުރަން އެނގޭނީ ވިޝަނަރީ ހިތްވަރު ގަދަ ލީޑަރުންނަށް. ޝުކުރިއްޔާ ރައީސް ޔާމީން.