ފުވައްމުލަކުގައި ދުއްވާފައި ދިޔަ ސްޕޯޓްސް ކާރެއް ކޮންޓްރޯލް ނުވެ، ގޮސް ގަހަކަށް އަރައި، އޭގައި ތިބި ދެ މީހުން ކާރުގެ ތެރޭގައި ތާށިވެއްޖެ އެވެ.
އެ ސިޓީން ވާހަކަ ދެއްކި މީހަކު "މިހާރު" އަށް ބުނީ ތާރު އަޅާފައި އޮންނަ ނައިބުތުއްތު މަގުގައި ހިނގި މި އެކްސިޑެންޓުގައި އަނިޔާވި ދެ މީހުންގެ ތެރެއިން އެކެއްގެ "ބޯ ވެސް އޮތީ ޗިސްވެފައި" ކަމަށެވެ.
"ދެ މީހުން ވެސް ކާރުތެރެއިން ނެރުނީ ގްރޭންޑަރަކުން ދަގަނޑުތައް ކީހައިގެން،" ސްޕޯޓްސް ކާރުގެ އެކްސިޑެންޓާ ގުޅޭ ގޮތުން "މިހާރު" އާ ވާހަކަ ދެއްކި މީހާ ބުންޏެވެ.
"ދެ މީހުންގެ ހާލު ވެސް ސީރިއަސް ކަމަށް ވަނީ."
އެކްސިޑެންޓުވި ކާރުގައި ހުންނަނީ ދެ ސީޓެވެ. އެ ކާރު ޑިޒައިން ކޮށްފައިވާ ގޮތުން، ކާރުގެ ދެ ދޮރުފަތް ހުޅުވޭނީ މައްޗަށެވެ.
"ގަހުގައި ޖެހުނު ގޮތަކުން، ދޮރުތައް ނުހުޅުވި ތާށިވީ،" ފުވައްމުލަކުން ވާހަކަ ދެއްކި މީހާ ބުންޏެވެ.