ޚަބަރު / ރާއްޖެ-އިޒްރޭލް

އިޒުރޭލުގެ ޓޫރިސްޓުން ރާއްޖެ އައުން މަނާކުރުމަށް ގޮވާލައި މަޖިލީހަށް ކުއްލި މައްސަލައެއް

އިޒުރޭލުން ޓޫރިސްޓުން އައުން މަނާކުރުމާއި އިޒުރޭލުގެ އުފެއްދުންތައް އެތެރެކުރުން މަނާކުރުމާއި އަދިވެސް އިތުރު ފިޔަވަޅުތައް އަޅަން ގޮވާލައިފައިވޭ.

ރައްޔިތުންގެ މަޖިލީހުގެ ޖަލްސާއެއްގައި މެމްބަރު ޝިޔާމް ވާހަކަ ދައްކަވަނީ.-- ފޮޓޯ: މަޖިލީހުގެ އިދާރާ

އިޒްރޭލުން ވެރިވެގެން އުޅޭ ފަލަސްތީނަށް ދެމުންދާ ޓެރަރިސްޓް ހަމަލާތަކާ ގުޅިގެން، އެކަން ކުށްވެރިކުރުމުގެ ގޮތުން، ރާއްޖެ އިން އިޒްރޭލާ ދެކޮޅަށް އަމަލީ ގޮތުން ފިޔަވަޅުތަކެއް އެޅުމަށް ސަރުކާރަށް ގޮވައިލުމުގެ އިތުރުން އިޒުރޭލުގެ ޓޫރިސްޓުން ރާއްޖެ އައުން މަނާކުރުމަށް ރައްޔިތުންގެ މަޖިލީހަށް ކުއްލި މައްސަލައެއް މިއަދު ހުށަހަޅައިފި އެވެ.

މި ކުއްލި މައްސަލަ ހުށަހެޅުއްވީ ނައިފަރު ދާއިރާގެ ޕީޕީއެމްގެ މެމްބަރު އަހްމަދު ޝިޔާމެވެ.

ދިވެހި ސަރުކާރުން އިޒުރޭލާ ދެކޮޅަށް އަމަލީ ފިޔަވަޅެއްގެ ގޮތުގައި އެޅުމަށް ޝިޔާމް ހުށަހެޅުއްވީ މި ހަމަލާތައް ހުއްޓައިލަންދެން އެ ގައުމުގެ ޓޫރިސްޓުން ރާއްޖެ އައުން މަނާކުރުމާއި އިޒުރޭލުގެ އުފެއްދުންތައް ރާއްޖެ އެތެރެކުރުން މަނާކުރުމެވެ. މީގެ އިތުރުން ވެސް އެޅެން ހުރި ފިޔަވަޅުތައް ބެލުމަށް ފަހު އެ ކަންކަން ކުރުމަށް އޭނާގެ ހުށަހެޅުއްވުމުގައި ވެ އެވެ.

މި މައްސަލަ ހުށަހެޅުއްވީ އިޒުރޭލުން އަތްގަދަކޮށްފައި އިރުމަތީ ގުދުސްގެ ފަލަސްތީނުގެ ބިންތަކުގެ ތެރެއިން ޝެއިހު ޖައްރާހުގައި ދިރިއުޅޭ ފަލަސްތީނުގެ އާއިލާތައް، އެ އާއިލާތަކުގެ އަމިއްލަ ބިންތަކުން ނެރެ، އެ ބިންތަކުގައި އިޒްރޭލުން ގާނޫނާ ހިލާފަށް އާބާދުވަމުން ދިއުމާއި އެކަމާ ދެކޮޅަށް ފަލަސްތީނުގެ ރައްޔިތުން ކުރަމުންދާ މުޒާހަރާތަކަށް އިޒުރޭލުން ފުލުހުންނާއި ސިފައިން ނެރެ ބޮޑެތި ޖަރީމާތައް ހިންގަމުންދާތީ ކަމަަށެވެ.

މަސްޖިދުލް އަގްސާ އަށް ހަމަލާދީ އެ މާތް ހަރަމްފުޅަށް ގަދަމަކުން ވަދެގަނެ، އެތަނުގައި އަޅުކަންކުރަން ތިބި މީހުންނަށް ހަމަލާދީ އެ މީހުންގެ ލޭ އޮހޮރުވާލައި އަދި ރަސޫލާގެ ދަތުރުފުޅުގައި އެ މިސްކިތަކަށް ވަޑައިގެންނެވި މާތް މިސްކިތުގެ ހުރުމަތްކަނޑާއި އަދި މި ހަމަލާތަކުގައި އެއްވެސް ކުށެއް ނެތް ކުޑަކުދިންނާއި އަންހެނުންނާއި ދުވަސްވީ މީހުން ޝަހީދުވަމުން ދިއުމަކީ ވެސް މި ކުއްލި މައްސަލަ ހުށަހަޅަން ޖެހުނު ސަބަބެއް ކަމަށް އިދިކޮޅު ޕީޕީއެމްގެ ނައިބު ރައީސް ޝިޔާމް ވިދާޅުވި އެވެ.

އިޒުރޭލުގެ އުފެއްދުންތައް ރާއްޖެ އެތެރެކުރުން މަނާކުރަން މި ކުއްލި މައްސަލައިގައި ގޮވާލައިފައިވާއިރު، ޚާއްސަ ހުއްދައިގެ ދަށުން އެތެރެކުރަން ހުއްދަ ލިބޭ ސިއްހީ ބައެއް ސާމާނު ފިޔަވައި އިޒްރޭލުން އެއްވެސް މުދަލެއް ރާއްޖެ އެތެރެކޮށްފައި ހުރެގެން ނުވާނެ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ރޭ ވަނީ ވިދާޅުވެފަ އެވެ. ފައްޔާޒު ވިދާޅުވެފައި ވަނީ އިޒްރޭލުން ރާއްޖެއަށް މުދާ އެތެރެކުރުން މާކުރިން ފެށިގެން މަނާކޮށްފައި އޮންނަ އިރު އެފަދަ އުފެއްދުމެއް ރާއްޖޭގައި ވިއްކާ ނަމަ އެއީ ގާނޫނާ ހިލާފަށް އެތެރެކޮށްގެން ވިއްކާ ތަކެތި ކަމަށެވެ.

އިޒްރޭލާ ދެކޮޅަށް މުޅި ދުނިޔޭގައި އަޑު އުފުލަމުން ދަނީ އެއްގަމާއި ކަނޑާއި ވައިގެ މަގުން ވެސް ބަންދުކޮށްފައި އޮންނަތާ އެތައް އަހަރެއް ވެފައިވާ ގާޒާގައި ނިކަމެތި ހާލުގައި އުޅެމުންދާ އާންމުންނަށް ދޭން ފެށި ވަރުގަދަ ހަމަލާތަކާ ގުޅިގެންނެވެ.

ފަލަސްތީނުގެ އެތައް އާއިލާއެއް ގެއިން ނެރެ ޔަހޫދީން ވަޒަންވެރި ކުރުމުގެ މަސައްކަތްތަކެއް ފެށުމުން އުފެއްދުނު ހަމަނުޖެހުންތަކަށް ފަހު، އިޒްރޭލުގެ ފުލުހުން ވަނީ ހަރަމްފުޅުމުގައި މުސްލިމުން ރޯދަ މަހުގެ 27 ވިލޭރޭ އަޅުކަމުގައި ތިއްބައި އެ ތަނަށް ވަދެ އެތައް ގެއްލުމެއް ދީފަ އެވެ. އޭގެ ފަހުން ފަލަސްތީނުގެ ޖަމާއަތްތަކުން ވެސް އިޒްރޭލަށް ރޮކެޓުން ހަމަލާ ދެމުން ދާއިރު އިޒްރޭލުން ދިފާއުގައި ކަމަށް ބުނެ ކޮންމެ ދުވަހަކު ދަނީ ބޮމުގެ އެތައް ހަމަލާއެއް ދެމުންނެވެ.

29 ކޮމެންޓް, 14 ރިއެކްޝަންސް

icon happy icon happy 71%
icon sad icon sad 0%
icon angry icon angry 29%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ރާޅުބޯއީ

17 May 2021

ވަރަށްގިނަ ރާޅާއަޅާ ގެސްޓުން އަންނަގައުމެއްތީ. ދިވެހިރާޅާއަޅާ ޒުވާނުން ވަރަށް ދޯޅުވާނެ އެމީހުނާ

The name is already taken The name is available. Register?

ނިލިސް

17 May 2021

ޓޫރިސްޓުން އައުން މަނާކުރުމުން މިކަމަށް ޙައްލެއް ލިބިދާނެކަމަކަށް ނުފެނޭ. އެއިގެ ބަދަލުގަސއި އިތުރު އިޤތިޞާދީ ގޮތުންނާއި އެހެނިހެން ގޮތްގޮތުން ފިއްތުންތައްދިމާވުން އެކަށީގެންވޭ.ޑިޕްލޮމެޓިކް ޙައްލެއް ބޭނުންވާކަމަށް ދެކެން.

The name is already taken The name is available. Register?

ޑޮލަރޭ

17 May 2021

އޭރުން ޑޮލަރު ލިބުން ދަތިވާނެ. ގެސްޓުހައުސްތަކަށް އެމީހުން ވަރަށް އާދޭ.

The name is already taken The name is available. Register?

9899

17 May 2021

މިއީ ހަމަނުޖެޙޭ ކަމެއް! މިގޮތައް ބަލަންޏާ އެމެރިކާމީހުންވެސް މަނާކުރޭ! އެެމީހުން ކިތައްހަނގުރާމަކޮށްފި މުސްލިމުގައުތަކުގަ؟ ރާއްޖޭގެ ޓޫރިޒަމަކީ ވަކި ގައުމަކަށް ވަކިނަސްލަަކަށް ވަކިދީނަަކަށް ބަލައިގެން މީހުންވައްދާ ތަނެއްނުން! މިކަހަލަ ނިންމުމެއް ނިންމައިފިއްޔާ ޓޫރިޒަމަށް ނޭދެވޭ އަސަރުއެތައް އަހަރަކަށް ކުރާނެ!!!

The name is already taken The name is available. Register?

މޫޗި

17 May 2021

އިޒްރޭލްގެ ޓޫރިސްޓުން އަދި އެނޫންގައުމެއްގެ ޓޫރިސްޓުން އައުން މަނާކުރުމުން ވާނީ އަހަރެމެންނަށް ގެއްލުން. އިޒްރޭލް ފަލަސްތީންގެ ބިމުގައި ވެރިވެގެން އުޅޭއުޅުން ހުއްޓުވޭނީ ވާހަކަދައްކައިގެން. 50 އެތެއްއަހަރެއްގެ މައްސަލަ އެހާފަސޭހަނުވާނެ ހައްލުހޯދަން. މިކަމަށް ގައުމުތަކުގެ ސަރުކާރަށް ނުކުޅެދިފައި.

The name is already taken The name is available. Register?

ސެމި

17 May 2021

މިއީ ގޯސް ވިސްނުމެއް! އިޒްރޭލުް އެންމެން އެމީހުންގެ ސަރުކާރުކުރާ ކަންކަމާ ތާއީދެއްނުކުރޭ! ބައެއްމީހުން މަގުތަތީގަ މުޒާހަރާވެސްކުރި އެކަމާ ދެކޮޅަށް! އަދި އިޒްރޭލުގައި މުސްލިމުންވެސް ތިބޭއިރު މިކަހަލަ ގޮތަކަށް ޗުޢްޓީއައުން މަަނާކުރުމަކީ އިންސާފުވެރިގޮތެއް ނުން! ޓޫރިޒަމަް މިހާދަށްއިރު މިކަަހަލަ ކަންކަން އިންޑަސްޓްރީއަށް ނުވެއްދުން އެދެން!

The name is already taken The name is available. Register?

ފޮނިޓައްޕު ހަސަނު

17 May 2021

ޝިޔާމެއް ކަމަކު ތީ ކޮންމެހެން ކުރަން ޖެހޭ ކަމެއް.

The name is already taken The name is available. Register?

މޮހިތު

17 May 2021

މިކަހަލަ ދެފުށްކެހެރިން ގައުމު ހަލާކުކުރަނީ

The name is already taken The name is available. Register?

ޝަފީރު

17 May 2021

އިމާންތެރިކަން ކުޑަ މީހުންނަށް ހީވާނެ ކާއެތިކޮޅު ދެނީ ޔަހޫދީންކަމަށް. ތަދުބިރުތައް ފުލުން ދުއްވާލާފަ ތަޤުދީރު ރިޒުޤުކުށަވަރުކޮށް ދެއްވާނެ.

The name is already taken The name is available. Register?

އަލި

17 May 2021

ތާއީދު

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454