ޓެކްސީ ޑްރައިވަރަކު، އުމުރުން 16 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއް ފުލުހުން ބަލަން ފަށައިފި އެވެ.
ފުލުހުން މިއަދު ބުނީ އަންހެން ކުއްޖަކަށް ޖިންސީ ގޯނާކުރި ކަމަށް ތުހުމަތު ކުރެވޭ މައްސަލައެއްގެ ރިޕޯޓް ރޭގެ ވަގުތެއްގައި ލިބިފައިވާ ކަމަށެވެ.
އެ މައްސަލައާ ގުޅިގެން މިހާތަނަށް މީހަކު ހައްޔަރު ކޮށްފައިނުވާ ކަމަށް ފުލުހުން ބުނެ އެވެ.
ޓެކްސީ ޑްރައިވަރަކު، ކުއްޖަކަށް ޖިންސީ ގޯނާ ކުރި މައްސަލައެއް ރޭ ފެންމަތިވިއިރު، ކުރިން ވެސް ޓެކްސީތަކަށް އެކަނި އަންހެނުން އެރުމުން ޖިންސީ ފުރައްސާރަ ކުރުން ފަދަ މައްސަލަތައް ހިނގާފައިވެ އެވެ.