އައިޖީއެމްއެޗް: ސީއެސްސީގެ ނިންމުމާ މެދު ހިތްހަމަނުޖެހި ރައީސްއަށް ހުށަހެޅި ޕެޓިޝަންގައި އެ ހޮސްޕިޓަލުގެ 491 ޑޮކްޓަރުންނާއި ނަރުހުން ސޮއިކޮށްފައިވޭ-- ފޮޓޯ: އަހުމަދު އަވްޝަން
15 ސެޕްޓެމްބަރ 2021 - 14:51
29 comments
ފަންނީ މަގާމުތަކުގައި ތިބޭ މުވައްޒަފުންނަށް މަގާމުގެ ކުރިއެރުން ދިނުން މެދުކަނޑައިލުމަށް ސިވިލް ސާވިސް ކޮމިޝަން (ސީއެސްސީ) އިން ނިންމުމާ އެކު، އެ ނިންމުން އަނބުރާ ގެންދިއުމަށް ގޮވާލައި އައިޖިއެމްއެޗްގެ 491 ޑޮކްޓަރަކާއި ނަރުހުންގެ ސޮޔާ އެކު ރައީސް އިބްރާހިމް މުހައްމަަދު ސޯލިހަށް މިއަދު ޕެޓިޝަނެއް ހުށަހަޅައިފި އެވެ.
އެ ޕެޓިޝަން ހުށަހެޅުއްވުމުގައި އިސްކޮށް އުޅުއްވި، ކަށީގެ ހާއްސަ ޑރ. ޔޫސުފް ޝާން "މިހާރު" އަށް ވިދާޅުވީ ފަންނީ އޮނިގަނޑުތަކުގެ ވަޒީފާތަކުގައި ތިބި މީހުންނަށް ޕާފޯމަންސް އެޕްރެއިސަލް އަށް ރިއާޔަތްކޮށް، ދޭ ގްރޭޑް ކުރިއެރުން ދިނުން ހުއްޓައިލަން ސީއެސްސީން ނިންމި ނިންމުމާ އެކު، ގިނަ ކަންބޮޑުވުންތަކެއް އެބަހުރި ކަމަށެވެ.
ޑރ. ޝާން ވިދާޅުވީ، ކޮވިޑްގެ ބަލިމަޑުކަން ރާއްޖެ އަށް ކުރިމަތިވުމާއެކު، މާލީ ދަތިތަކާ ހުރެ ޕްރޮމޯޝަން ދިނުން ވަރަށް ބޮޑަށް ލަސްވި ނަމަވެސް ޑޮކްޓަރުން އައީ ހުއްޓާނުލައި މަސައްކަތް ކުރަމުން ކަމަށެވެ. ވަޒީފާތަކުގައި ތިބި މީހުންނަށް ޕާފޯމަންސް އެޕްރެއިސަލް އަށް ރިއާޔަތްކޮށް ކޮންމެ ދެ އަހަރަކުން ޕްރޮމޯޝަން ދެމުން އަންނަ ކަމަށް އޭނާ ވިދާޅުވި އެވެ.
"އެކަމަކު އެ ޕްރޮމޯޝަނަކީ މާބޮޑު ކުރިއެރުމެއް ނޫން މުސާރައިގެ ގޮތުން ބަލާ ނަމަ. އެ ކުރިއެރުމަކީ ވަރަށް ބޮޑު ހިތްވަރެއް މަސައްކަތުގައި ދެމި ހުރުމަށް. މޯޓިވޭޝަނަކަށް ވޭ. މުސާރައިގެ ގޮތުން ކުރިއަރާނީ 800 އެއްހާ ރުފިޔާ،" އައިޖީއެމްއެޗުގެ މެޑިކަލް ޑިރެކްޓަރުގެ މަގާމު ވެސް ފުރުއްވާ ޑރ. ޝާން ވިދާޅުވި އެވެ.
އޭނާ ވިދާޅުވީ މަގާމުގެ ކުރިއެރުން ލިބުމުން މަސައްކަތް ކުރުމަށް ވަރަށް ބޮޑު ހިތްވަރަކަށްވި ނަމަވެސް އެ ބައި ހުއްޓާލުމުން ޑޮކްޓަރުންނާއި ނަރުހުން ވެސް މާޔޫސްވާނެ ކަމަށެވެ. އެހެންވެ، އެކަމުގެ ނުރުހުން ފާޅުކޮށް ރައީސަށް ޕެޓިޝަން ހުށަހެޅީ މިއަދު މެންދުރެއްހާއިރެވެ.
"އެ ޕެޓިޝަންގައި ހުންނާނީ ސީއެސްސީގެ ނިންމުން އަނބުރާ ގެންދިއުމަށް ގޮވާލައިފައި. އެއީ މި ކޮވިޑްގެ ތެރޭގައި އެހެން މީހުންގެ މަސައްކަތްތައް ވަރަށް ލުއިވިއިރު ވެސް އަޅުގަނޑުމެންގެ މަސައްކަތްވީ އިތުރަށް ބުރަ. އާއިލާއާ ދުރުގައި އެތައް ވަގުތެއް އުޅެން ޖެހުނު،" ޑރ. ޝާން ވިދާޅުވި އެވެ.
އޭނާ ވިދާޅުވިގޮތުގައި، ކޮވިޑްގެ ތެރޭގައި އެންމެ ބުރަކޮށް މަސައްކަތްކުރި ބަޔަކަށް ޑޮކްޓަރުންނާއި ނަރުހުންވި ނަމަވެސް މިކަމުގެ ސަބަބުން ކުރިމަތިވި އިގްތިސޯދީ ގެއްލުމުގައި ވެސް ގެއްލުން ކުރިމަތިވީ އެ މީހުންނަށެވެ.
މަގާމުގެ ކުރިއެރުން ދިނުން ހުއްޓާލުމާ އެކު ނުރުހުންވެ، ޑޮކްޓަރުންނާއި ނަރުހުންގެ ޕެޓިޝަނެއް ރައީސަށް ހުށަހެޅިއިރު މޯލްޑިވްސް ހެލްތު ޕްރޮފެޝަނަލްސް ޔޫނިއަން (އެމްއެޗްޕީޔޫ) އިން ވެސް އެކަމުގެ ކަންބޮޑުވުން ފާޅުކޮށް ބަޔާން ނެރުނެވެ.
މިދިޔަ ހަފުތާގެ އާދިއްތަ ދުވަހު ސީއެސްސީން ވަނީ ފިނޭންސްގެ ލަފާގެ މަތިން ސިވިލް ސާވިސްގެ ފަންނީ އޮނިގަނޑުތަކުގެ ވަޒީފާތަކުގައި ތިބި މީހުންނަށް ޕާފޯމަންސް އެޕްރެއިސަލްއަށް ރިއާޔަތްކޮށް ދެވޭ ގްރޭޑް ކުރިއެރުން ދިނުން ވަގުތީ ގޮތުން މަޑުޖައްސާލަން ނިންމާފައިވާކަން ސާކިއުލާއެއް މެދުވެރިކޮށް އަންގައިފަ އެވެ.
އެ ޔޫނިއަނުން ބުނީ ވަޒީފާ އަދާކުރާ ކޮންމެ މީހަކަށް އެ މީހަކު ނަގާ ޒިންމާ އަދި ރިސްކާއި އެއްވަރުގެ އުޖޫރައެއް ލިބެންޖެހޭ ކަމަށެވެ. ކެރިއާ ބޭސްޑް ވަޒީފާގެ އޮނިގަނޑެއް އޮތުމަކީ ވަޒީފާ އަދާކުރާ ކޮންމެ މީހަކަށް ތަފާތު ކުރުމެއް ނެތި ލިބެން ޖެހޭ އަސާސީ ހައްގެއް ކަމަށް ވެސް ބުނެފައިވެ އެވެ.
އެކަމަކު ވަޒީފާގެ އޮނިގަނޑެއް ނެތުމުން މަތީ ޑިގްރީއަކަށް ކިޔެވިޔަސް ވަޒީފާގެ ކުރިއެރުން ނުލިބި 15 އަހަރު ވެފައިވާ މުވައްޒަފުން އެބަ ތިބި ކަމަށް ބުނެ އެކަމުގެ ކަންބޮޑުވުން ފާޅުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލޫލާ
15 September 2021
ޑޮކްޓަރުންނަކީ މިގައުމުގެ އެންމެ ބޮޑު ފައިސާ ރައްޔިތުން ނިކަމެތިކޮށްފަ ނަގާ މީހުން! ނަރުހުންނަކީ ބުރަމަސައްކަތްކޮށް ކުޑަ ކުޑަ މުސާރަލިބޭ ނިކަމެތި ބައެއް! މިއީ ހަގީގަތް!
މާސްޓަރ
15 September 2021
މިމީހުންނަށް ހު އްޓާލީމަ ކަންތަ އްބޮޑުވީ. ސިވިލްސަރވިސް އުފެދުނުފަހުން ގަވާ އިދުގަ އިވާ ކުރި އެރުން އާދަ އިގެ އެއ އްވެސް ސްޓާފަކަށް ނުލިބޭ. މަ އްސަލަ ބަލާނެ މީހަކުނެތް. ސިޔާސީ ޕްރެޝަރު ޖެހުނީމާ ޓީޗަރުންނާ ނަރުހުންނާ ޑޮކްޓަރުންނަށް ދެވުނީމަ ނިމިފަ. ނިކަމެތިންނަށް ނިކަމެތިކަން.
ޢޮފިސަރު
15 September 2021
މިހާރު ޑޮކްޓަރުން އަމަލުހުންނަގޮތުން ކުލިނިކްތަކުގައި މަސައްކަތްކުރާ ޑޮކްޓަރުނަން ސަރުކާރު ހޮސްޕިޓަލުންވެސް މުސާރަ ދޭނެކަމެއްނެތް. ކުލިނިކްތަކަށް އެޑޮކްޓަރުން މާބޮޑަށް އިސްކަންދެއްވާ. ޢެހެންވީމާ ކުލިނިކުތަކުން ދޭއުޞޫލުން ބަލިމީހުން އަތުން ފައިސާ ނަގާފައި ޑޮކްޓަކަށްވެސް ކުލިނިކުތަކުންދޭ އުޞޫލުން ފައިސާދޭނީ. މިއީ އެންމެ ގިނަލާރި ރައްޔިތުންއަތުން ނަގާމީހުން. ޤަބޫލު ނުކުރިޔަސް މިބުނީ ހަމަތެދެއް. ދުވާލަކަށް 4000 އާއި 5000 އާއި ދެމެދު ޗަލުވާބައެއް.
ޝަފީރު
15 September 2021
ސިޔާސީ ޕާޓީ ހިންގަން ދައުލަތުގެ ބަޖެޓުން އަހަރެމެންގެ އަތުން ނަގާ ޓެކްސް ފަސާއިން ދޭ ފައިސާދިނުން ވަގުތުން ހުއްޓާލާ. އަހަރެންނަކީ ޕާޓީ މީހެއްނޫން ޕާޓީވެރިކަން ހިންގަން ތާއީދުވެސް ނުކުރާނަށް. ޕާޓީހިންގަން ފައިސާދިނުނަކީ ހިންގާ ޖަރީމާއެއް. ވަކިއަދަދަކަށް މީހުންނެތޭ ކިޔައިފާ ފައިސާނުދީ ވަކިބަޔަކު އެފައިސާ އަމިއްލައަށް ބަހާބައެއް. ދޭންހިތަށްއެރިދުވަހަކުން ދޭނެމީހަކަށް ދީފައި. ޢަނެއްބަޔަކަށްނުދީ ފިއްތާލާ ބޮޑުޖަރީމާއެއް. ހުއްޓާލާ. ނުދީ ހުއްޓާލާ.
ކިތުނާ
15 September 2021
ޑޮކްޓަރުންނާ ނަރުހުންގެ އިތުރުން އެހިންހެން ސިވިލް ސަރވަންޓުންނަށް ވެސް ކިޔަވާ ވަރަކަށް ކުރިެރުން ލިބެޖެހޭ. މަގާމުގަ ހުރެ 10 އަހަރުވެ މާސްޓަރސް ހެދިޔަސް 4465 އަސާސީ މުސާރަޔަށ ބަދަލެއްނާދޭ ވަޒީފާ ބަދަލު ކުރީމާ ނުނީ. އެކަމް ސިޔާސީ ގޮތުން މަގާމު ދޭމީހާއަށް ހައްދަވައިގެން ސިޓީ އެއްލިޔަން ނޭގުނަސް ވިއްސަކަށް ހާސް އެބަ ދޭ. މިގޮތަށް ކަންކަންކޮށްފަ ސަރުކާރުން އަދުގެ ކިޔަވާ ކުދިންގާތު ތައުލީމުގެ އަގުވަޒަން ކުރާ ވާހަކަ ދައްކަން ލަދުގަންނަން ޖެހޭނެ.
އަހުމަދު މީމު
16 September 2021
ސިވިލްސާވިސް އެކަނިތޯ ފެނަކަ ގެ މުސާރަ އެގިލައްވާތޯ 3000ރ މީ މިވާހަކަ ދައްކާނެ މީޑިއާ އެއްވެސް ނެއް
ހިސާބުޖަހާމީހާ
15 September 2021
ދައުލަތުގެ ބަޖެޓުގެ ބޮޑުޕަސެނޓެއް ޚަރަދުކުރަނީ ސިއްހީ ޚިދްމަތައް. އެފައިސާގެ ބޮޑުބައި ޚަރަދުކުރަނީ އާސަންދަމެދުވެރިވެގެން ޑީލް ހަދާފައިހުންނަ ހޮސްޕިޓަލްތަކަށް މީހުން ފޮނުވުމަށް. އެފައިސާއިން ރާއްޖޭގެ ސިއްހީ ޚިދްމަތް ރަގަޅުކުރުމަކަށް އެއްވެސް މަސައްކަތެއް ނުކުރޭ. މިތަނުން ލިބެންހުންނަ ޚިދްމަތަށްވެސް ބޭރަށް ފޮނުވައިގެން 100ޕަސެންޓް ކަވަރު ކުރޭ. އެކަމަކު ރާއްޖޭގެ ހޮސްޕިޓަލަކުން އެ ޚިދްމަތް ހޯދައިފިނަމަ ކަވަރު ކުރަނީ 20 ޕަސެންޓް. އަރަތެއް ނޫންތަ
ޢަރުތަ
15 September 2021
އައިޖިއެމްއެޗްގަ 491 ޑޮކްޓަރުން، ޑޮކްޓަރަކަށް ދައްކަން އެޕޮއިންޓްމެންޓެއް ހައްދައިގެން 1 މަސްދުވަސް.
މޫމިން
15 September 2021
މިރާއްޖޭގެ ޑޮކްޓަރުންނަކީ ވަރަށް މަތީ ބައެއް. ރަސްމީ ގަޑީގަ ސަރުކާރު ހޮސްޕިޓަލުގަ. ދެން ހުރިހާ ވަގުތެއް ޕްރައިވެޓް ކުލިނިކު ތަކުގަ. މައްސަލައަކީ ގިނަ ތަންތަނުގަ މަސައްކަތް ކުރާތީއެއްނޫން. ސަރުކާރު ހޮސްޕިޓަލްތަކުގަ ވީހާވެސް މަދު ޕޭޝަންޓުން ބަލާތީ މައްސަލައަކީ. އެމީހުނާ ދިމާލަށް އެއްޗެއް ބުނެފިއްޔާ ހުރިހާ ޕްރައިވެޓް ކުލިނކުތަކުގަ އުޅޭ ޑޮކްޓަރުން އެކަތިގަނޑަކަށް ވާނެ. ދެން ބުނާނީ މަހެއްޔޭ ތިބޭފުޅާހޭ ޑޮކްޓަރަކީ
ބައިރޯ
15 September 2021
ކުރިން ޕައިލެޓުން މިހާރު ޑޮކުޓަރުން ބަލަ އެހެން ކޮންމެ މީހަކީވެސް މަސައްކަތުގައި މުހިްމު މީހެއް
މާކުންބޭ
15 September 2021
ޑޮކްޓަރުންގެ އަމަލުތައް ހުންނަނީ ވަރަށް އަމިއްލަ އެދުން ބޮޑުކޮށް، އައިޖީއެމްއެޗްގައި ބޮޑު މުސާރައެއްގެ ވަޒީފާއެއްގައި ހުރެ 5 ވަރަކަށް ޕޭޝަންޓްއިން ހަފްތާއަކު ބަލާ ތިން ހަތަރު މަހުގެ ކިއު އެއް ކްރިއޭޓްކޮށް އަމިއްލަ ކްލިނިކްތަކުގައި ގިނަ ވަގުތު ހޭދަކޮށް 400ރ ކޮންމެ ޕޭޝަންޓެއްގެ އަތުން ނަގާ ރައްޔިތު މީހާއަށް ހިލޭ ބޭސްފަރުވާ ލިބޭނެ އެއްގޮތެއްވެސް ނޯވޭ.
ޝޮކްތެރަފީ
15 September 2021
ކުލިނިކުގެ ޚިދުމަތް ރަނގަޅުކުރަނީވެސް ކޮރަޕްޝަންތެރެއިން. ބޮޑުކަމެއްގެ ފަރުވާއެއްނަމަ ޓެސްތެއް ހަދާލަން ޖެހޭނަމަ ބުނާނެ. މާދަމާ ތިމަންނަ ޑިއުޓީ ގަޑީގައި ޙޮސްޕިޓަލުން ދައްކާލާށޭ. އެބައިނިމުނީމަ ބުނާނެ ކުލިނިކުން ބައްދަލުކޮށްލާށޭ.