ނ. އަތޮޅުން ފެށިގެން ދ. އަތޮޅަށް 55 މޭލަށް ވައިގަދަވާނެ ކަމަށް ލަފާކޮށް، މޫސުމާ ބެހޭ ގައުމީ އިދާރާ (މެޓް) އިން އެ ސަރަހައްދަށް އޮރެންޖް އެލާޓް މިއަދު ނެރެފި އެވެ.
މެޓުން އެ 11 އަތޮޅަށް އޮރެންޖް އެލާޓް ނެރެފައި ވަނީ 12:30 ގެ ނިޔަލަށެވެ.
މޫސުމާ ބެހޭ ގައުމީ އިދާރާއިން މޫސުން ދަރަޖަކޮށްފައިވަނީ ވައިޓް، ޔެލޯ، އޮރެންޖް އަދި ރެޑް އަދި ވިއްސާރަ އަލިވުމުން، ގްރީން އެލާޓުގެ ގޮތުގަ އެވެ. މާ ބޮޑަށް މޫސުން ގޯސްވުމުން އާންމުކޮށް ނެރެނީ ޔެލޯ އެލާޓް އެވެ. އޮރެންޖް އެލާޓް ނެރެނީ ވަރަށް މަދުންނެވެ.
މެޓުން ބުނީ ގަޑިއަކު 34 މޭލާއި 40 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ވިލާގަނޑުގައި ގަޑިއަކު 55 މޭލަށް ވައިގަދަވެ، ކަނޑުތައް ގަދަވާނެ ކަމަށެވެ.
މެޓުން އެ ސަރަހައްދަށް އޮރެންޖް އެލާޓް ނެރުނުއިރު ރެއިން ފެށިގެން އެކި ސަރަހައްދުތަކަށް މެޓުން އައީ އެލާޓް ނެރެމުންނެވެ.
ކުރިއަށް އޮތް 36 ގަޑިއިރު ވެސް ވައި ގަދަވެ، މޫސުން ވަރަށް ބޮޑަށް ގޯސް ވާނެކަމަށް މެޓުން ލަފާކުރެ އެވެ. މޫސުން ރަނގަޅުވާން ފަށާނެ ކަމަށް ބެލެވެނީ އަންނަ ބުދަ ދުވަހުން ފެށިގެންނެވެ.
ހުޅަނގު މޫސުމުގެ ވިއްސާރައާ އެކު މޫސުން ގޯސްވެފައިވާއިރު މާދަމާ ވާރޭވެހޭލެއް މިއަދަށް ވުރެ މަދުވި ނަމަވެސް މާދަމާ ވެސް ވައިގަދަވާނެ ކަމަށް މެޓުން ލަފާކުރެ އެވެ.
މޫސުން މިހާ ބޮޑަށް ގޮސްވެފައިވާތީ މެޓުން ވަނީ ކަނޑު ދަތުރުކުރާ މީހުންނާއި ބްރިޖާއި ހައިވޭގައި އުޅޭ މީހުން ވެސް ސަމާލުވުމަށް އިލްތިމާސްކުރެ އެވެ.
