ތިލަމާލެ ބްރިޖުގެ ސާވޭގެ މަސައްކަތް ފަށައިފި

އިފްރާޒް އަލީ، މިހާރު

29 އޮކްޓޯބަރ 2021 - 13:48

މި ސަރުކާރުން ކުރިއަށް ގެންދަން ރާވާފައިވާ އެންމެ ބިޔަ މަޝްރޫއު ކަމަށްވާ މާލެ، ވިލިމާލެ، ތިލަފުށި އަދި ގުޅިފަޅު ގުޅުވާލާ "ގްރޭޓާ މާލެ ކަނެކްޓިވިޓީ ޕްރޮޖެކްޓް" ނުވަތަ "ތިލަމާލެ" ބްރިޖު އެޅުމަށް ހަދަން ޖެހޭ ސާވޭގެ މަސައްކަތް އިއްޔެ ފަށައިފި އެވެ.

މި ސާވޭގެ މަސައްކަތް ފަށައިފައި ވާތީ ބްރިޖު އަޅަން ހަމަޖެހިފައިވާ ސަރަހައްދުން ދަތުރުކުރާ ކަނޑު އުޅަނދުފަހަރު ސަމާލުވުމަށް އަންގާ ޓްރާންސްޕޯޓް މިނިސްޓްރީން ރޭ ވަނީ އިއުލާނެއްކޮށްފަ އެވެ.

އެ އިއުލާނުގައި ބުނެފައި ވަނީ އިއްޔެ އިން ފެށިގެން އަންނަ އަހަރު ފެބްރުއަރީ 22 ގެ ނިޔަލަށް މި ސާވޭގެ މަަސައްކަތް ކުރިއަށް ގެންދަނީ މާލޭގެ ހުޅަނގު ދެކުނު ފަރާތުން ފެށިގެން، ވިލިމާލެ އާއި ގުޅީފަޅުގެ ދެކުނުފަރާތުގެ މޫދާއި އަދި ތިލަފުށީގެ އިރުދެކުނު ކޮޅާ ދެމެދު އެއް ކިލޯ މީޓަރުގެ ފުޅާމިނުގެ ސަރަހައްދެއްގައި ކަމަށް ޕްލޭނިން މިނިސްޓްރީން އަންގާފައިވާ ކަމަށެވެ.

މި ސާވޭ މަސައްކަތް ކުރިއަށްދާ ވަގުތުތަކުގައި ސާވޭ ހެދުމަށް ބޭނުންކުރާ ބޯޓާއި އަދި މި މަސައްކަތްކުރާ ޑައިވަރުންނަށް އުނދަގޫ ނުވާނެ ފަދަ ގޮތަކަށް، ހާއްސަ ސަމާލުކަމެއް ދީގެން އެ ސަރަހައްދުން ދަތުރުކުރާ އުޅަނދު ފަހަރު އޮޕަރޭޓް ކުރަން ޓްރާންސްޕޯޓް މިނިސްޓްރީން ވަނީ އަންގައިފަ އެވެ.

މި ސާވޭގެ މަސައްކަތް ކުރިއަށް ގެންދަނީ މި މަޝްރޫއުގެ މަސައްކަތް ހަވާލުކޮށްފައިވާ އިންޑިއާގެ ކުންފުނި ކަމަށްވާ އެފްކޮންސް އިންފްރާސްޓަރަކްޗާގެ ސަބް-ކޮންޓްރެކްޓަރެއް ކަމަށްވާ ފޯސައިޓް ސާވެއާސްއާ ހަވާލުކޮށްގެންނެވެ.

މި ބްރިޖުގެ އަމަލީ މަސައްކަތް ފެށޭނީ އަންނަ އަހަރުގެ ކުރީ ކޮޅު ކަަމަށް ސަރުކާރުން ވަނީ ބުނެފަ އެވެ.

އިންޑިއާގެ އެގްޒިމް ބޭންކްގެ ލޯނަކާއި އެ ގައުމުން ދޭ އެހީއެއް އެއްކޮށްލައިގެން ހަރަދުކުރާ ގޮތަށް ހިންގަން ނިންމާފައިވާ ތިލަމާލެ ބްރިޖްގެ މަސައްކަތް އިންޑިއާގެ އެފްކޮންސްއާ ހަވާލުކޮށް، އެއްބަސްވުމުގައި ސޮއިކުރުމުގެ ރަސްމިއްޔާތު ބޭއްވީ މިދިޔަ އޮގަސްޓް މަހުގެ 26 ގަ އެވެ.

މި މަޝްރޫއުގެ ދަށުން ގްރޭޓާ މާލެ ސަރަހައްދު ގުޅާލުމަށް 6.7 ކިލޯމީޓަރުގެ ބްރިޖެއް އަޅާނެ އެވެ. މި މަޝްރޫއަކީ 500 މިލިއަން ޑޮލަރު (7.7 ބިލިއަން ރުފިޔާ)ގެ މަޝްރޫއެކެވެ. އެއީ ލައިން އޮފް ކްރެޑިޓްގެ ދަށުން ދޭ 400 މިލިއަން ޑޮލަރާއި އިންޑިއާގެ ސަރުކާރުން ހިލޭ އެހީގެ ގޮތުގައި ލިބޭ 100 މިލިއަން ޑޮލަރެވެ.

Male-Vilimale bridge ge amalee masakkaiy mi aharaku nufesheyne: Sarukaaru

The most trusted news source in the Maldives

Mihaaru

ތިލަމާލެ ބްރިޖަކީ މާލޭގެ ވިޔަފާރި ބަނދަރު ގުޅިފަޅަށް ބަދަލުކުރުމާއި ގުޅިފަޅު ތަަރައްގީކުރުން ވެސް ހިމެނޭ ބޮޑު ޕްރޮޖެކްޓެއްގެ އެއް ބައެވެ. ފިޔަވަހިތަކަކަށް ބަހާލައިގެން މަސައްކަތް ކުރިއަށް ގެންދާ މި ބްރިޖުގެ ފުރަތަމަ ފިޔަވަހީގައި މާލެ އާއި ވިލިމާލެއާ ގުޅުވާލާނެ އެވެ.

ވިލިމާލެ މާލެ ތިލަފުށި ގުޅިފަޅު ޓްރާންސްޕޯޓް މިނިސްޓްރީ ނޭޝަނަލް ޕްލޭނިން މިނިސްޓްރީ

60 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނުު

31 October 2021

ފޯސައިޓް ކިޔާ ކުންފުންޏަކީ ތިކަމަށް އެއްވެސް ވަރަކަށް ގާބިލު ބައެއް ނޫންކަން އެމީހުންގެ ވެބްސައިޓުން ވަރަށް ސާފު. އެމީހުންނަކީ އެއްވެސް އިރެއްގައި ޖިއޯޓެކްނިކަލް އަދި މެރީން ސައިންސް ގެ ސަރވޭ ކޮށްފަހުރިބައެއްކަމަކަށް އިނގޭކަށްނެތް، ތީ ހަމަ ލާރި ބަހާލުމުގެ ފްރަންޓަކާ ވައްތަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތޯލާ

30 October 2021

ދިވެހި ރައްޔިތުން އޮޅުވާލަން ނޫޅޭށެވެ. 15 މިލިއަން ޑޮލަރ ނޯވޭގެ ކުންފުންޏަކަށް ދީފައި ކުރީ ކޮން ކަމެއްތޯ ބުނެދީ. މިހާރު އަނެއްކާ އަނެއް 20 މިލިއަން ޑޮލަރ ކޮންމެވެސް ބަޔަކަށް ބައިއަޅަން ކުރާ ކަމެއްހެއްޔެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޅާނެބްރިޖް

30 October 2021

ތިޔަ ސާރވޭއިން ބްރިޖް ނޭޅޭނެ ކަން އެނގުނަސް އެ ވާހަކައެއްވެސް ނުބުނާނެ. މަތިމައްޗަށް ސާރވޭކުރާނީ. އިންޑިއާއިން މިގައުމު ރައްޔިތުން ހައްދާފަ ބައިތިއްބާނީ. އެކަމުގެ ވާނުވާ ބަލާނެ ދިވެއްސެއްވެސް ނުހުންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

30 October 2021

ރައްޔިތުންގެ ބޮލުގަ ބޮޑު ލޯނެއް އެޅެނީ އެވެ. އެފައިސާ ރައްޔިތުން އަތުން ހޯދާނެ އެވެ. އެކަމަށް ޒަމާން ތަނެއް ވާނެ އެވެ. ވެރިކަމުގަ ހުރި މީހުން ދައުރު ހަމަ ވީމަ ދާނެ އެވެ. ބޭރުގެ ގައުމުތަކަށް ހުޅުވާ ނުލާ ވަކި ބަޔަކަށް ދިނީމަ އަގު ވެސް ބޮޑު ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނދިމަރިޔަނބު

30 October 2021

އެހެންވިއްޔާ މިލިއަނުން ޚަރަދު ކޮއްފަ ކުރިން ހެދި ސާވޭގެ ފައިސާ އަތުލާ! އެކަން ކުރި ބައެއްގެ މައްސަލަ ބަލާ ފިތަވަޅު އަޅާ! ނަން ވާނީ މުއިއްޒު، އެކަމަކު މިލިއަނުން ޚަރަދު ކޮއްގެބް ހުސް ސާވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންސު

30 October 2021

ކުރިންވެސްބުނި ސަވޭއެއް ކުރާވާހަކަ. މެކުނު ފުމުނަކަސް ގާހަކައަށް ނުފުމެވޭނޭ ބުނާތީ އަޑުއަހަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ‫ިތަދޫބުރިޖް

30 October 2021

އ‫ައްޑުއަތޮޅު ރައްޔަތުން ކައިރިއަށް ނާންނާތި ވޯޓް ހޯދަން ސޯޓް ބާލާނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

30 October 2021

ކިތައްފަހަރަށް ހަދާ ސަރވޭއެއްތޯ މިއީ. މީގެކުރިން މިސަރވޭއެއް ކޮށްކޮށްފައި ބަޔަކުވަނީ ގޮސްފައި. އަލުން ސަރވޭ ކޮށް ނިންމަންވެސް އަންނަ ފެބްރުއަރީ މަހުގެ ނިޔަލަށް އެބަދޭ. އަދި އޭގެ ރިޕޯޓް ރިލީޒް ކުރަން އެތައް މަހެއް. މައިސަރުކާރުގެ ހުރިހާ ބިރޮކްރެޓިކެއް ޕާސްކޮށްފައި ރިޕޯޓް އަންނަ އިރު 2022 ނިމިދާނެ. ދެން 2023 ގެ މެއި މަހު އަމަލީ މަސައްކަތް ފަށަނީކަން އިޢުލާންކޮށްފައި، 2023 ގެ ސެޕްޓެމްބަރގައި ބޮޑު ކެރޭނެއް ގެނެސް އަމަލީ މަސައްކަތް ފެށީކަމަށްބުނެފާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެކެކެ

30 October 2021

ސާވޭގަ ތަ އަދިވެސް، އަންނައަހަރު ކުރީކޮޅު ފެށޭނެޔޯ އެކަމް ބުނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރ

30 October 2021

ތިޔަކަމެއް ނުކޮށްދޭނެ. ނަމަވެސް މިކަން މަތިކޮށްފަ އިންޑިއާގެ ސިފަޢިން ޑިޕްލަމެޓިކް އިމިއުނިޓީގައިމިތާތިބެ މަސްތުވާތާކެތި ރާއްޖެއާއި މުޅި ދުނިއެއަސް ވީއްކާނި.