ހުޅުމާލޭގައި ގޭޓްވޭ ސްކޫލު ހިންގާ އިމާރާތް: މިތަނުގައި ކުރިން ހިންގީ ލާލޭ ސްކޫލު ނަމަވެސް މި އިމާރާތަށް މާބޮޑު ބަދަލެއް އަދި ގެނެސްފައެއް ނުވޭ
22 ޑިސެމްބަރ 2016 - 15:30
14 comments
ސްރީލަންކާގެ ގޭޓްވޭ ކޮލެޖާ ގުޅިގެން ހުޅުމާލޭގައި ހިންގަން ފަށާ އާ ސްކޫލު، ގޭޓްވޭ އިންޓަނޭޝަނަލް ސްކޫލަށް މިހާތަނަށް 600 އަށް ވުރެ ގިނަ ދަރިވަރުން ރަޖިސްޓްރީވެފައިވާ ކަމަށާއި ދިރާސީ އާ އަހަރާ އެކު އެ ތަނުގައި ކިޔެވުން ފެށޭނެ ކަމަށް ބުނެފި އެވެ.
ހުޅުމާލޭގައި ހުންނަ ފަރީދިއްޔާ ސްކޫލުގައި އިންޓަނޭޝަނަލް ސްކޫލެއް ހިންގުމަށް ކޮލިޓޭޓް އެޑިއުކޭޝަނާ އެޑިއުކޭޝަން މިނިސްޓްރީން ހަވާލުުކުރީ މިދިޔަ މަހުގެ 17 ގަ އެވެ. އެހެންވެ، ގާތްގަނޑަކަށް ދޮޅު މަހެއްހާ ދުވަހުގެ ތެރޭގައި އިންޓަނޭޝަނަލް ފެންވަރަށް އެ ތަނުގައި ކިޔަވައިދޭން ފެށުންވީ އެ ސްކޫލަށް ކުރިމަތިވި ވަރަށް ބޮޑު ގޮންޖެހުމަކަށެވެ.
އެކަމަކު ސްކޫލުގެ ޕްރިންސިޕަލް މުހައްމަދު ރަޝީދު ވިދާޅުވީ ދިރާސީ އާ އަހަރާއެކު އިންޓަނޭޝަނަލް ފެންވަރަށް އެ ތަނުގައި ކިޔަވައިދޭން ފެށޭނެ ކަމުގެ ޔަގީންކަން އެބައޮތް ކަމަށެވެ. އަދި ސްކޫލަށް ބޭނުންވާ ތަކެތި ހަމަކުރުމުގެ މަސައްކަތް ވަރަށް ބާރަށް ކުރިއަށް ދާ ކަމަށް އޭނާ ވިދާޅުވި އެވެ.
"އަޅުގަނޑުމެންނަށް މި ލިބުނީ ދޮޅުމަހެއްހާ ދުވަސް. އެހެންވީމަ، ސްކޫލުގެ ކިޔެވުން ފެށޭ އިރު ހުރިހާ ވަސީލަތްތަކެއް އެންމެ ފުރިހަމަ އަށް ނުހުރެދާނެ. އެކަމަކު މި ތަނުގައި ކިޔަވައިދޭން ފަށާނީ ހަމަ އިންޓަނޭޝަނަލް ސްކޫލެއްގެ ފެންވަރަށް،" ރަޝީދު ވިދާޅުވި އެވެ.
އިންޓަނޭޝަނަލް ފެންވަރަށް ކިޔަވައިދޭ އިރު ފެންނާނެ ތަފާތާ ގުޅޭ ގޮތުން ސުވާލު ކުރުމުން އޭނާ ވިދާޅުވީ އެ ސްކޫލުގެ ހުރިހާ ޓީޗަރުންނަކީ ވެސް އެންމެ ކޮލިފައިޑް ޓީޗަރުން ކަމަށެވެ.
ގޭޓްވޭ އިންޓަނޭޝަނަލް ސްކޫލަށް ގާތްގަނޑަކަށް މިހާރު ވަނީ ޓީޗަރުން ހަމަކޮށްފަ އެވެ. ރާއްޖޭން ބޭރުން ގެންނަން ޖެހޭ، މަދުވާ ދެތިން ޓީޗަރުން ވެސް ކިޔެވުން ފެށުމުގެ ކުރިން މާލެ އަންނާނެ ކަމަށް ސްކޫލުން ބުންޏެވެ.
"ކިޔަވައިދޭ ޓީޗަރުންގެ އަތުގައި އެންމެ ދަށް ވެގެން ޑިގްރީއެއް އޮންނަން ޖެހޭނެ. އެހެންވެ، މި ތަނުގެ ހުރިހާ ޓީޗަރުން ވެސް ވާނީ ވަރަށް ކޮލިފައިޑް ޓީޗަރުންނަށް،" ރަޝީދު ވިދާޅުވި އެވެ.
ޓީޗަރުންގެ އިތުރުން އެ ސްކޫލުގެ ބައެއް ވަސީލަތްތައް ވެސް އެހެން ސްކޫލުތަކާ ތަފާތުކަން އޭނާ ފާހަގަ ކުރެއްވި އެވެ. އެ ގޮތުން ދަރިވަރުން ބޭނުން ކުރާ ގޮނޑި އާއި މޭޒު ހުންނާނީ އެ ކުއްޖަކު ބޭނުން ވަަރަކަށް އެޖެސްޓު ކުރެވޭ ކަހަލަ ގޮތަކަށް ކަމަށް ވިދާޅުވި އެވެ.
ނަމަވެސް ސްކޫލަށް ގެނައި އެހެން ބަދަލުތަކާ ގުޅޭ މާ ބޮޑު މައުލޫމާތެއް އޭނާ ނުދެއްވަ އެވެ.
ފަރީދިއްޔާ ސްކޫލުގައި އިންޓަނޭޝަނަލް ސްކޫލެއް ހިންގުމަށް ކޮލިޓޭޓް އެޑިއުކޭޝަނާ ހަވާލުކުރުމުގެ ކުރިން އެ ތަނުގައި ހިންގީ ލާލޭ އިންޓަނޭޝަނަލް ސްކޫލެވެ.
ރަޝީދު ވިދާޅުވީ ލާލޭގައި ކިޔެވި ދަރިވަރުންގެ އިތުރުން ވެސް އިތުރު 100 އެއްހާ ދަރިވަރުން އެ ސްކޫލާ ގުޅުނު ކަމަށެވެ. އަދި އެ ސްކޫލުގައި މިހާރު ކިޔަވައިދޭން ނިންމާފައިވަނީ ޕްރީ ސްކޫލުން ފެށިގެން ގްރޭޑް ދިހައަކާ ހަމަ އަށް ނަމަވެސް އަންނަ އަހަރުގެ މެދެއްހާ ތަނުގައި އޭލެވެލް އަށް ކިޔަވައިދޭން ފަށާނެ ކަމަށް ވިދާޅުވި އެވެ.
އެ ސްކޫލުން ކުރިން ބުނެފައިވާ ގޮތުގައި އެތަނުގައި ކިޔަވައިދޭނީ ޓިއުޝަން ފީ ދައްކަން ނުޖެހޭ، ހޯމްވޯކް ނުދޭ ޕޮލިސީގެ ދަށުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހދ އަތޮޅު
23 December 2016
ހުޅުމާލޭން 3 ކޮޓަރި އެޕާޓް މަންޓެއް ކުއްޔައް ލިބެނީ 18 ހާސްރުފިޔާއައް 2 ކޮޓަރި 12000 ރުފިޔާއައް ކަރަންޓުބިލު 2000 ފެންބިލު 800 ސްކޫލްފީ ކުއްޖަކައް 3000 މަސަތްކަތްކުރާ މީހާގެ މުސާރަ 5100 ރާއްޖޭގެ ކާކުތޯ ބޭނުންނުވާނީ ރަނގަޅު މަދަރުސާއަކުން ދަރިންނައް ތައުލީމު ނުދޭން ނަމަވެސް މުއްސަނދިންނައް ނިކަމެތިންގެ ޓެކްސްކޮޅު ނަގައިގެން ސަރުކާރުން ކަންކުރާތަން މިފެންނަނީ ކީއްތޯވާނީ ދައުލަތުން އިސްނަގައިގެން ހދ ކުޅުދުއްފުށި ސ ހިތަދޫ ބ އޭދަފުށި ގދ ތިނަދޫ ލ ގަން ހއ ދިއްދޫ މިފަދަ ތަންތަނުގަ ތިފަދަ ސްކޫލްތައް ގާއިމު ކުރެއްވިއްޔާ މިހާރުވެސް މާލޭގެ ހުރިހާ އިމާރާތަކުން މީހުން ބިމައްފައިބައިފިނަމަ ހިނގާ ނޫޅެވޭނެ ވީމާ ހުޅުމާލެޔައް ރައްޔިތުން ނުގޮސް ރައްކުރިއެރުވުމައް އެރަށެއްގެ ރައްޔިތުން އެރަށަކައް ވަޑައިންނަވާ ލިބޭހާ ލާރި މާލެޔައް އަޅުވެތިވެގެންތިބެ މާލެޔައް ބަހާހުސްނުކުރުމައް އެދެން
ހުސާމް
23 December 2016
ޢިންޓަރނޭޝަނަލް ކިޔަނީ އިންޓަރނޭޝަނަލް ސިިލަބަހަކައް ކިޔަވާދޭތީ. ޢެގޮތައް ބަލަންނާ ރާއްޖޭ ގެ ކޮއްމެ ސްކޫލައް އިންޓަރނޭޝަނަލް ސްކޫލައް. ހުރިހާ ސްކޫލެއްގައި ވެސް ކެމްބުރިޖް ސިލަބަސް
ޟޮބާ
22 December 2016
ކަންމަތީ ފިހާރައިން ޑިގްރީ ސެޓްޕިކެޓް ގަންނަންވެސްލިބޭ..... ލޮލް ކޮލިފައިޑް ވަނީ ސެޓްޕިކެޓަކުން ނޫން
ގެޓްވޭ
22 December 2016
ގޭޓްވޭ ބްރޭންޑް ގަ ހިނގަން ފަށާއިރު ފާހަގަކުރެވޭ ގޭޓްވޭ ލަންކާ ކޭމްޕަސް ތަކުގައި ކިޔަވައިދިނުމަށް ހަމަޖެހިފައިވާ އުސޫލާއި ތަފާތުކަން . މިތަނުގައި ގިނަ ކަންކަމުގައި އޮޕްޝަނެއް ނެތް. ހަމަެއކަނި ކެމްބްރިޖް އެއީ އޮތްމަގަކީ އަދި ބަހެއްގެ ގޮތުގައިވެސް ހަމައެކަނި ފްރެންޗް. އުއްމީދުކުރީ ލަންކާގެ ގޭޓްވޭ ގޮތްޕެއް އަންނާނެކަމަށް، އެކަމަކު ހީވަނީ އެނަމުގައި ހަމަ އަނެއް ލާލޭހެން
އަހުމަދު
22 December 2016
ލަންކާގެ ގޭޓްވޭ ގަވެސް އޮންނާނީ ފްރެންޗް. ސެކަންޑްރީ ކްލާސްތަކުގަ ތިބި ކުދިންނަށް ބަލާއިރު މިވަގުތު ދެވޭނީ ކެމްބްރިޖް ނުވަތަ އެޑެކްސެލް ކުރެން ކޮންމެވެސް އެކަތި. އެޑިޔުކޭޝަން މިނިސްޓްރީއިން ބޭނުންވަނީ ކެމްބްރިޖް ކިޔަވައިދިނުން. އެއީ ހަމައެކަނި ތަފާތަކީ. ރާއްޖެ ކަހަލަ ހުރިހާ އެއްޗަކަށް ބޭރަށް ބަރޯސާވާ ގައުމެއްގައި ދޮޅުމަސްތެރޭ ސްކޫލެއް އިންތިޒާމްކުރުމަކީ ވަރަށް ބޮޑު ޗެލެންޖެއް.
މުރާސިލް
22 December 2016
ކޮލިޓޭޓަށް ތިޔަ ސްކޫލެއް ނުހިންގޭނެެެވެ. ކިތަންމެ މޮޅު ވާހަކައެއް ދެއްކިއަސް އެތަނުގެ ވަސީލަތްތައްވެސް ވެސް ސްކަުލް ހުޅެވެން ވާއިރަށް ޤައިމކޮން ނުނިމޭނެކަން ކަށަވަރެވެ. ތިޔަ ދައްކަވަނީ ހުސް ހޮޅި ވާހަކައެވެ.
ޕޭރެންޓް
22 December 2016
މަރުހަބާ. ސްކޫލަށް ކާމިޔާބު އެދެން.ބަލަ ތަޔަ ބުނާ ލާރިން ދޯ ޓީޗަރުންގެ މުސާރަ ހަމަޖައްސާ ތަނަށް ބޭނުންވާ ތަކެތި ހޯދަން ޖެހޭނީ.ސްކޫލް މެއިންޓެއިން ކުރަންވެސް ޙަރަދު ދާނެދޯ
އެސޮރު
22 December 2016
ކައްޗަށް ބިންގާ އެޅިކަމަށް ވަނީ ގޭޓްވޭއަށް ލިބުނީމަތޯ؟ މީގެކުރިން ލާލޭ ހިންގީ ކޮންތާކުން ކުރި ކޮންބިޑެއް ކާމިޔާބު ކުރައްވައިގެންތޯ؟ މިހާރުވެސް ނަގަނީ ކުރިން ނެގި ފީ ގެ އަދަދު ޑޮަލަލުން ބަލާނަމަ ދިވެހި ރުފިޔާއިން ބަލާނަމަ ބޭންކް ރޭޓުން އެހެން ވީމާ ކުރިންވެސް ލައްކަ ފައިދާވާނެތާ ދޯ؟ އެއީ ކުރިން ހިންގީ ތުރުކީގެ ވިޔަފާރިވެރިންގެ ޒަކާތުފައިސާ ނުވަތަ ސަދަކާތުގެ ގޮތުގައި ލިބޭ އެހީއިން ކަމަށް ވާނަމަ ކުދިން އަތުން ނެގި ފީ ކިބާތޯ ފޮށިފޮށި ފުރައިގެން ގެންދިޔައީތޯ މަ ހަމަ ބޯ ހަލާކުވާ ވަރުވޭ މި މީހުން މާ އެނގިގެން ކަމަށް ހެދިގެން އުޅޭތީ
ދޯނި
22 December 2016
ރަނގަޅު ފެންވަރެއްގެ ތަޢްލީމެއް ދޭނެކަމަށް އުއްމީދު ކުރަން!
ދޫނި ރާއްޖެ
22 December 2016
މަރްހަބާ ގޭޓްވޭ އިންޓަރނޭޝަނަލް ސްކޫލް. ކާމިޔާބަށް އެދެން
ކަލޯގެޔާ
22 December 2016
ތިލިޔެފައި އިން އަދަދު ތަކުން ބަލާލީމަ މަހަކު މަދުވެގެން 1 ލައްކަ ފަންސާސް ހާސް ޑޮލަރު ހަމައެކަނި ފީގެ ގޮތުގައި ލިބެންޏާ ތިތަން ހިންގޭނެ ދުނިޔެ ކީއްކުރަން އާސްމާނު ފެންވަރަށްވެސް. އެކަމަކު ވެސް ނުބައިކޮށް އެޅި ބިންގަލެއް ހަމަ ރަނގަޅުވާނެ އެއް ގޮތެއްވެސް އެއީ ނެތް ގޮތް ކަމުގައި ދަންނާތި. (ދިވެހި ޢާއްމުން ނަށް ހެޔޮވިސްނޭނީ ކޮން އިރަކު ބާ އޭ އަހަރެންގެ ހިތަށް އަރަނީ) އަހަރަކަށް ދިވެހި ރުފިޔާ އިން ކުއްޖަކަށް 50 ހާސް ރުފިޔާ ތިބެގެން ތި ހޭދަ ކޮށްލަނީ.. ފަޤީރުން ތިބެގެން ހަނާވަނީ
ހޭއަރާ
22 December 2016
ޑިގްރީ އޮތީމަ ނިމުނީ .... ހަފްތާގެ 3 ދުވަހު އެބްޒެންޓްވިޔަސް...ހާހަހާ ހާހާހާ