އީސީގެ ރައީސް ސުލެއިމާން (ކ-3) އަށް ނޫސްވެރިންނާ ވާހަކަ ދައްކަވަނީ. -- ފޮޓޯ: މުހައްމަދު ޝަރުހާން/ މިހާރުއ
08 ޖެނުއަރީ 2017 - 15:21
3 comments
ލޯކަލް ކައުންސިލްތަކުގެ އިންތިހާބު އަންނަ އޭޕްރީލް އަށެއްގައި ބާއްވަން އިލެކްޝަންސް ކޮމިޝަނުން މިއަދު ނިންމައި އެކަން އަންގާފައިވާ ކަމަށް އިދިކޮޅު އެމްޑީޕީން މިއަދު ބުނެފި އެވެ.
އެމްޑީޕީ އޮފީހުގައި ބޭއްވި ޕްރެސް ކޮންފަރެންސެއްގައި، އެ ތާރީހުގައި އިންތިހާބު ބާއްވާނެ ކަން އިލެކްޝަންސް ކޮމިޝަނުން ޕާޓީތަކަށް އަންގާފައިވާ ކަމަށް، އެމްޑީޕީގެ ޗެއާޕާސަންގެ ނައިބު އަލީ ނިޔާޒް ވިދާޅުވި ނަމަވެސް އިލެކްޝަންސް އިން އަދި އެއްވެސް އެއްޗެކޭ ނުބުނެ އެވެ.
"މިހާރު" އަށް އެނގިފައިވާ ގޮތުގައި، އިންތިހާބާ ގުޅޭ ގޮތުން އެކި ކަންކަން ކުރިއަށް ގެންދަން އިލެކްޝަނުން ކަނޑައަޅާފައިވާ ޝެޑިއުލް ޕާޓީތަކާ ހިއްސާކުރީ މިދިޔަ ހަފުތާގައި ބޭއްވި ގައުމީ ލަފާ ދޭ ކޮމެޓީގެ ބައްދަލުވުމުގަ އެވެ.
މިމަހު 14 ގައި ކުރިން ބާއްވަން އޮތް ކައުންސިލް އިންތިހާބު ދެ މަހަށް ފަސްކޮށްގެން، އިދިކޮޅު ސިޔާސީ ޕާޓީތަކުން ދަނީ ކަންބޮޑުވުން ފާޅުކުރަމުންނެވެ.
އިންތިޚާބު ފަސްކުރީ ޕީޕީއެމްގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން ސިވިލް ކޯޓަށް ހުށަހަޅައިގެންނެވެ.
ހުކުމުގައި ބުނެފައި ވަނީ ޕީޕީއެމަކީ ރާއްޖޭގެ އެންމެ ބޮޑު ޕާޓީ އަށް ވާއިރު، އެ ޕާޓީ އަށް ދިމާވި މައްސަލަތަކުގެ ސަބަބުން އިންތިހާބަށް ތައްޔާރުވުމުގެ ފުރުސަތު ގެއްލިފައިވާ ކަމަށެވެ.
ޕީޕީއެމަށް ބައިވެރިނުވެވޭ ފަދަ ގޮތަކަށް އިންތިހާބު ބޭއްވުމަކީ ޑިމޮކްރަސީގެ އުސޫލުތަކާ ހިލާފް ކަމެއް ކަމަށާއި އޭގެ ސަބަބުން ދައުލަތުގެ އާންމު މަސްލަހަތަށް ގެއްލުންވުމުގެ ފުރުސަތު އޮތް ކަމަށް ވެސް ހުކުމުގައިވެ އެވެ. ޕީޕީއެމް ދެ ބައި ވީ، ރައީސް ޔާމީނާއި ޕީޕީއެމްގެ ރައީސް މައުމޫން އަބްދުލްގައްޔޫމާ ދެމެދު އުފެދުނު ބޮޑު ޚިޔާލު ތަފާތުވުމެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިން ބެއްޔާ
08 January 2017
ބަލަބަލަ ކުރީގެ ކައުންސިލްގެ މުއްދަތު ހަމަވުމުން ދެން ރައްރަށުގެ ވެރިކަންކުރާނީ ކޮންބައެއް؟
ކޮބާފައިސާ
08 January 2017
ލޯކަލް ކައުންސިލު އިންތިޚާބު އެޕްރީލް 8 ގައި ބޭއްވޭނީ އެއީ އެކަމަށް ބަޖެޓް ހަމަޖެހިއްޖެނަމަ އެވެ. މިއަހަރު ބަޖެޓް އަކު ނެތް ލޯކަލް ކައުންސިލު އިންތިޚާބު ބާއްވާނެ ފައިސާ އެއް. ކަން މިހެން ހުރުމުން އިލެކްޝަންސް ކަމިޝަނުން ބަޖެޓް ހަދާ އަވަހަށް ފިނޭންސް އަށް ފޮނުވާ އެޕްރޫވް ކޮށް ގެން އެ ބަޖެޓް ވަޒީރުންގެ މަޖްލީހުން ފާސް ކޮށް އަދި ވޯޓް ލާ ކޮންމެ މީހެއްގެ އަތުން 100 ރުފިޔާގެ ޓެކްސް އެއް ނަގައިގެން ނަމަވެސް އެފައިސާ ހޯދާ ގޮތަށް ގާނޫނެއް ފާސް ކޮށް ހަދާ އެފަދަ ގާނޫނެއް ތަސްދީގު ކޮށްގެން ލޯކަލް ކައުންސިލު އިންތިޚާބު ބާއްވަން ވީއެވެ. އެނޫންނަމަ ތިޔާ އިންތިޚާބު ބާއްވަން ފައިސާ ހޯދާނީ ކޮން ތާކުން ތޯއެވެ.
ފޮނިކަލޯ
08 January 2017
ވަގުތު ހަމަވާއިރު ޕީ ޕީ އެމް އިން ތިކަން ހުއްޓުވާނެ އެއީ ކޯޓުން ނިންމާނީ ރަނގަޅު ނިންމުމެއްކަމަށް