ޚަބަރު / ކަނޑުމަތީގެ ހާދިސާ

އެކްސިޑެންޓެއްގައި ލޯންޗަކަށް ބޮޑެތި ގެއްލުންތަކެއް ލިބިއްޖެ

ކަނޑުމަތީ އެކްސިޑެންޓުގައި ގެއްލުން ލިބުނު ލޯންޗު ވިލިމާލެ ބަނދަރުގައި.-- ފޮޓޯ: މެރިން ޕޮލިސް

އިފްރާޒް އަލީ، މިހާރު

15 އެޕްރީލް 2023 - 22:53

1 comments

މާލެ އާއި ވިލިމާލެއާ ދެމެދު ދަތުރުކުރި ދެ ލޯންޗު އެކްސިޑެންޓުވެ، ލޯންޗަކަށް ބޮޑެތި ގެއްލުންތަކެއް މިރޭ ލިބިއްޖެ އެވެ.

ކަނޑުމަތީގެ މި ހާދިސާގައި އެއްވެސް މީހަކަށް އަނިޔާއެއް ނުވެ އެވެ.

ފުލުހުން ބުނީ މިރޭ 19:45 ހާއިރު މާލެ އާއި ވިލިމާލެއާ ދެމެދު ދަތުރުކުރި ދެ ލޯންޗު ޖެހި އެކްސިޑެންޓުވުމާ ގުޅިގެން މެރިން ޕޮލިސް އެތަނުގައި ހަރަކާތްތެރިވި ކަމަށެވެ. އިތުރު ތަފުސީލެއް ފުލުހުން އަދި ނުދެ އެވެ.

ކަނޑުމަތީ އެކްސިޑެންޓުގައި ގެއްލުން ލިބުނު ލޯންޗު ވިލިމާލެ ބަނދަރުގައި.-- ފޮޓޯ: މެރިން ޕޮލިސް

މި ހާދިސާ ހިނގަން މެދުވެރިވި ގޮތެއް އަދި ނޭނގެ އެވެ.

އާންމުވެފައިވާ ފޮޓޯތަކުން ފެންނަ ގޮތުގައި، އެތަނުން އެއް ލޯންޗުގެ ކުރީ ބައި އޮތީ ވަރަށް ބޮޑަށް ފަޅައިގެން ގޮސްފަ އެވެ. އެ ދެ ލޯންޗު ވެސް މިހާރު އޮތީ ވިލިމާލެ ބަނދަރުގަ އެވެ.