މެލޭޝިޔާގައި އުފައްދާ ނޫޑްލްސްގެ ބާވަތެއްގެ ކަމަށްވާ، އަހް ލާއި ވައިޓް ކަރީ ނޫޑްލްސް ޕެކެޓްތަކެއް
27 އެޕްރީލް 2023 - 12:06
18 comments
މެލޭޝިޔާގައި އުފައްދާ ނޫޑްލްސްގެ ބާވަތަކާއި އިންޑޮނީޝިޔާގައި އުފައްދާ ނޫޑްލްސްގެ ޕެކެޓްތަކަކުން، ކެންސަރު ޖައްސާ ކެމިކަލް މާއްދާއެއް ފެނުމާ ގުޅިގެން، އެ ދެ ބާވަތުގެ ނޫޑްލްސް މެލޭޝިޔާގެ ފިހާރަތަކުން ނެގުމަށް، އެ ގައުމުގެ ސިއްހަތާ ބެހޭ ވުޒާރާ އިން އަންގައިފި އެވެ.
މެލޭޝިޔާގެ ސިއްހަތާ ބެހޭ ވުޒާރާ އިން ބުނި ގޮތުގައި ކެންސަރު ޖައްސާ މާއްދާއެއް ފެނިފައިވަނީ، މެލޭޝިޔާގައި އުފައްދާ ނޫޑްލްސްގެ ބާވަތެއްގެ ކަމަށްވާ، އަހް ލާއި ވައިޓް ކަރީ ނޫޑްލްސް އާއި އިންޑޮނީޝިޔާގައި އުފައްދާ އިންޑޮމީ ސްޕެޝަލް ޗިކަން ފްލޭވާގެ ޕެކެޓްތަކަކުންނެވެ. އެހެންކަމުން، އެ ދެ ބާވަތުގެ ނޫޑްލްސް ޕެކެޓްތަކުގެ ތެރެއިން، މި އަހަރުގެ އޮގަސްޓް 23 ގައި މުއްދަތު ހަމަވާ ބެޗްގެ ޕެކެޓްތައް، ހުރިހާ ފިހާރަތަކުން ނެގުމަށް މިހާރު ވަނީ އަންގައިފަ އެވެ.
އިންޑޮނީޝިޔާގައި އުފައްދާ އިންޑޮމީ ސްޕެޝަލް ޗިކަން ފްލޭވާގެ ނޫޑްލްސް ޕެކެޓެއް
އޭގެ އިތުރުން، އިންޑޮނީޝިޔާ އިން އެތެރެ ކުރާ އިންޑޮމީ ސްޕެޝަލް ޗިކަން ފްލޭވާގެ ހުރިހާ ޕެކެޓްތަކެއް މެލޭޝިޔާގެ ކަސްޓަމްސް އިދާރާތަކުން ހިފަހައްޓައި، ކަމާ ބެހޭ ލެބޯޓެރީތަކުން ޓެސްޓު ކުރުމަށް ފަހު، އެ އުފެއްދުންތަކުގައި ކެންސަރު ޖައްސާ މާއްދާ ނުހިމެނޭކަން ކަށަވަރު ކޮށްފައި ނޫނީ، އެތެރެ ނުކުރުމަށް ވެސް ވަނީ އަންގައިފަ އެވެ.
މެލޭޝިޔާގެ ހެލްތު ޑިރެކްޓަރު ޖެނެރަލް ޑރ. މުހައްމަދު ރާޒީ އަބޫ ހަސަން އިއްޔެ ނެރުއްވި ބަޔާނެއްގައި ވިދާޅުވެފައިވާ ގޮތުގައި، މެލޭޝިޔާގެ އަހް ލާއި ވައިޓް ކަރީ ނޫޑްލްސް އާއި އިންޑޮނީޝިޔާގެ އިންޑޮމީ ސްޕެޝަލް ޗިކަން ފްލޭވާ ނޫޑްލްސްގެ ޕެކެޓްތަކަކުން ފެނިފައިވަނީ އިތެލީން އޮކްސައިޑް ކިޔާ މާއްދާއެކެވެ. އެ ދެ ބާވަތުގެ ނޫޑްލްސް ޕެކެޓްތަކުގައި އިތެލީން އޮކްސައިޑް ހިމެނޭކަން ދެނެގެންފައިވަނީ ތައިލޭންޑްގެ ޑިޕާޓްމަންޓް އޮފް ހެލްތުން ކުރި ތަހުލީލުތަކުންނެވެ.
އިތެލީން އޮކްސައިޑް އަކީ ދަނޑުބިންތަކުގައި އުފެދޭ ފަނިފަކުސަ އާއި ސޫފިތައް ނައްތައިލުމަށް ބޭހެއްގެ ގޮތުގައި ބޭނުންކުރާ ކެމިކަލް ގޭހެކެވެ. އޭގެ އިތުރުން އަންނައުނުގައި ހުންނަ ދަލާއި ލައް ފިލުވުމުގެ ގޮތުން، ދޮންނަ ކުނޑީގައި ވެސް ބޭނުންކުރާ، ވަރަށް ބާރުގަދަ ކެމިކަލްއަކަށް ވާތީ، ކާބޯތަކެތި އަޅާ ތެލި ތަށި ފަދަ ތަކެތީގައި، މި ބާވަތުގެ ކެމިކަލް ބޭނުން ނުކުރުމަށް ސިއްހީ ތަޖުރިބާކާރުން އިންޒާރު ކުރައްވަ އެވެ.
މެލޭޝިޔާ އާއި އިންޑޮނީޝިޔާގައި އުފައްދާ ބައެއް ބާވަތުގެ ނޫޑްލްސްގެ ޕެކެޓްތަކުން، ނުރައްކާތެރި ކެމިކަލް މާއްދާތައް ފެނުން، 2022 ވަނަ އަހަރުން ފެށިގެން ދަނީ އިތުރުވަމުންނެވެ. އިންޑޮނީޝިޔާގައި އުފައްދައި 2022 ވަނަ އަހަރު މެލޭޝިޔާއަށް އެތެރެކުރި "މީ ސެޑާޕް" ކިޔާ ނޫޑްސްލްގެ ޕެކެޓްތަކެއްގައި އިތެލީން އޮކްސައިޑް ހުރިކަން އެނގުމުން، އެ ޕެކެޓައް ވިއްކުން ވެސް މަނާކުރި އެވެ.
އެ މައްސަލަ ކުރިމަތިވުމާ ގުޅިގެން މިއަދާ ހަމައަށް މެލޭޝިޔާގެ ފިހާރަތަކުން ނޫޑްލްސް އެކި ބާވަތްތަކުގެ 36 ސާމްޕަލް ނަގައިގެން ތަހުލީލުކުރި އިރު، މީ ސެޑާޕް ނޫޑްލްސްގެ 11 ސާމްޕަލަކުން އިތެލީން އޮކްސައިޑް ފެނިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެވިއްޖެ
29 April 2023
މި އިންޑޮމީ ސްޕެޝަލް ޗިކަން ފްލޭވާ ރާއްޖޭގެ ބައެއް ފިހާރަތަކުން އެބަވިއްކާ. އެޗްޕީއޭ އައި އެފް.ޑީ.އޭ ތަންކޮޅެއް ޕްރޯއެކްޓިވް ވެ ފިހާރަތަކުން އެނަގަބަލަ. ރޭގަވެސް މި ނޫޑުލްސް ކެވިއްޖި
ޢަހުމަދު2525
29 April 2023
ޢަޅެ ފަހެ ބުނެބަލަ ސިގިރެޓް އިން ކެންސަރުޖެހޭ މާއްދާ ނުފެންނަނީތަ ސިގިރެޓް އެތެރެކުރުން މަނާ ކޮއްބަލަ ، އޭރުން މިގައުމުގަ ކެންސަރު ޖެހޭމީހުން މަދުވާނެ
ސުންކު
28 April 2023
ރާއްޖޭގައި މިވަރަށް ކެންސަރ ޖެހޭމީހުން އިތުރުވަމުންދާއިރު ވެރިކަމުގެމިތިބި ބަޔަކަށް ޚާއްސަކޮށް ސިއްޚީ ވަޒީރަކަށް މިހިރަމީހަކަށް ފުޑް އެންޑް ޑުރަގް އޮތޯރިޓީ ބަޔަކަށް ދިރާސާއެއްކޮށް މިވާނުވާއެއްބަލާލުމުގެ ގާބިލުކަމެއްނެތް.ދައުލަތުގެ މާލިއްޔާ ޕަކަޅޯ ކުރުން ނޫން ކަމެއް ނުކުރޭ.ރައްޔިތުން ފެލައިގެން ގައުމު ހިންގަނީ.ދައުލަތަށް ލިބޭ އާމްދަނީ ދައުލަތުގެ އިސްވެރިންނާ ސިޔާސީވެރިން ފެނާ ނުލާދިރުވާލަނީ.ބޑ ބލއއ.
ޢަރުތަ
28 April 2023
މީގެ ކުރިން ވެރިކަމުގަ ތިބިބަޔަކު ތިހުރިހާ ކަމެއް ފުރިހަމަ ކޮށްފަބާ އެވަރަށް ދަވާލީ!
LaamuonlineDOTcom
28 April 2023
ތިޔަތަކެތި ރާއްޖެއަށްފޮނުވާ މިތަނުގައި ތިޔަސާމާނުތައް ވިއްކުމަކަށް އެއްވެސް ހުރަހެއްނެތް، އިދާރާތައް އުފައްދާ ރޯނުއެދުރުން ލާފަތިއްބަސް ބޭނުންވާ މަގުސަދުގެ %1 ވެސް ހާސިލުނުކުރެވޭ، ޕާޓީގެ ވެރިކަމެއްއޮތުމަކީ ތިމާމެންނޫން ބަޔަކުނެތްކަމަށް ހިތަންޖެހޭކަމެއްނޫން، އޭގެބަދަލުގައި އިންސާފުން ރަނގަޅަށް ވެރިކަންކުރިބައެކޭ މީހުން ބުނަންޖެހޭގޮތައް ވެރިކަންކުރަނިކޮށް ގައުމުކުރިއަރާ ދާކަށް ލަހެއްފަހެއްނުވާނެ، ދައްކާވާހަކަޔާ އަމަލުދިމާނުވާއިރު ހަމަޔަށްނިދޭތޯ؟
ޢަރުތަ
28 April 2023
އިންސާފުން ރަނގަޅު ހެޔޮ ވެރިކަމެއް ކުރީމަވެސް ރ ޔާމީނަށް ރައްޔިތުން ދެވަނަ ފުރުސަތެއް ނުދިން، ރ ޔާމީނު ރައްޔިތުން ބަލައެއް ނުގެން.
ދިވެހި79
28 April 2023
ރިހާކުރު ޓެސްޓް ކުރިބާ؟
އަހަންމަ
28 April 2023
ބަލަ އޯސީސީ ކިޔާތަނަކުން އެވިއްކަނީ ވިޓަމިންސީ އާއި މޭބިސްކަދުރުތަ.. ނަން މަޝްހޫރު ރޫޓް ފިހާރައިން ވިއްކަނީ ތަރުކާރީއާއި މޭވާތަ.. އެތަނުގައި ހުރި ތަކެތިން ނުޖެހޭ ބައްޔެއްނެތް.. އެކަމަކު އެތަކެތި ނަގާކަށް ސަރުކާރުގެ އެއްވެސް އިދާރާއަކަށް ނޭންގޭ.. އަދި ފިޔަވަޅެއްވެސް ނޭޅޭ.. މިވާގޮތެއްވެސް ބަލަންޖެހޭދޯ.. ވަރަށް ވެދުން
ޗާކޯގޯސްގެ ކައުންސިލަރ
27 April 2023
ކޮބާތަ ހެލްތުމިކުސްޓަރު ދޫނިރާއްޖޭގަ ހުރި ހުރިހާ ނޫޑުލްސްތައް ބަލާ ފާސް ކުރަންވެއްޖެ ނޫންތޯ
އަފްލާތޫން
27 April 2023
ބްރެސްޓް ކެންސަރުޖެހެން އެންމެމަގުފަހިވާ އެކައްޗަކީ މާކެޓުގަ މިހުންނަ ކުކުޅު. ހޯމޯން އިންޖެކްޓްކޮށްގެން ބޮޑުކޮށްފަ ހުންނަ ކުކުޅު ވަރަށްސަކަރާތް.
ސަންތިމަރިޔަނބު.
27 April 2023
ޕެކެޓުކޮށްފަ ހުންނަ ކޮންމެ އެއްޗެއް އަދި އައިސްކޮށްގެން ތިއަކާ ހުރިހާ އެއްޗެއްސަކީވެސް އިންސާނުންނަށް ގެއްލުންހުރި އެއްޗެހި. ކާންވީ ގުދުރަތީ ތާޒާ އެއްޗެހި. އޭރުން ދުޅަހެއު ސިއްހަތު ލިބޭނީ. ހުރިހާ ސޮފްޓު ޑުރިންކަކީވެސް ވިހަ. އެފަދަ އެއްޗެއްސާ ދުރުހެލިވާންޖެހޭ.
ކަޑައެ
27 April 2023
ތިބުނީ ހަބޭހަށް ބޭސް ޖަހައިގެން ހައްދަ އެއްޗިސް ކާށޭ ދޮގެ؟ މިހާރު ނެތެ ރަގަޅު އެއްގޮއްވެސް
ކަޑަ
27 April 2023
ރާޖޭގަ ހިތައެރިހާބޭހެޖަހަމުން ގެންދަނީ ސޮސެޖާ ނޫޑުލްސް ފަހާއުޅޭތި