ހުޅުމާލޭ މެޑިކަލް ފެސިލިޓީގައި ސިއްހީ ހިދުމަތްތެރިން މަސައްކަތުގައި: ސިއްހީ މުވައްޒަފުން އިތުރު ތަނެއްގައި މަސައްކަތް ނުކުރަން އެއްބަސްވެއްޖެ ނަމަ ހާއްސަ އެލަވަންސެއް ދޭން ސަރުކާރުން ވަނީ ނިންމައިފައި.-- ފޮޓޯ: ނިޝާން އަލީ | މިހާރު
30 އެޕްރީލް 2023 - 21:57
20 comments
ސިއްހީ ދާއިރާގެ މުވައްޒަފުން އިތުރު ތަނެއްގައި މަސައްކަތް ނުކުރަން އެއްބަސްވެ، ވަޒީފާ އަދާކުރަމުން އަންނަ ހޮސްޕިޓަލަށް އެކަނި ހިދުމަތްކުރާ ނަމަ ހާއްސަ އެލަވަންސެެއް ދޭން ނިންމާފައިވާ ކަމަށް ސަރުކާރުން މިރޭ ބުނެފި އެވެ.
ސިއްހީ ދާއިރާގެ މުވައްޒަފުންގެ މުސާރަ އަށް ގެނައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ރައީސް އޮފީހުގައި މިރޭ ބޭއްވި ނޫސްވެރިންގެ ބައްދަލުވުމުގައި ޕޭ ކޮމިޝަންގެ ސެކްރެޓަރީ ޖެނެރަލް ޑރ. މުހައްމަދު ފައިޒަލް ވިދާޅުވީ، "އެކްސްކްލޫސިވް ސާވިސް ބެނެފިޓް"ގެ ނަމުގައި ދޭ މި އެލަވަންސް ލިބޭނީ ސްޕެޝަލިސްޓް މެޑިކަލް ޕްރެކްޓިޝަނަރުންގެ ތެރެއިން ރޭންކު 10 އިން ފެށިގެން، ސަބް-ސްޕެޝަލިސްޓް މެޑިކަލް ޕްރެކްޓިޝަނަރުންގެ މަގާމުތަކުގައި ތިބި މުވައްޒަފުންނަށް ކަމަށެވެ.
އޭނާ ވިދާޅުވި ގޮތުގައި، އޭގެ ތެރޭގައި ޑެންޓިސްޓުން ވެސް ހިމެނޭނެ އެވެ.
ސިއްހީ ދާއިރާގެ މުވައްޒަފުންގެ މުސާރައަށް ގެނައި ބަދަލާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ބޭއްވި ޕްރެސް ކޮންފަރެންސްގައި ޕޭ ކޮމިޝަންގެ އެސްޖީ ޑރ. މުހައްމަދު ފައިސަލް ވާހަކަދައްކަވަނީ.-- ފޮޓޯ: ރައީސް އޮފީސް
"...ވަޒީފާ އަދާކުރާ ހޮސްޕިޓަލަށް އެކަނި އެ މުވައްޒަފުންގެ ހިދުމަތް ދިނުމަށް އެއްބަސްވެ، އިތުރު އެއްވެސް ތަނެއްގައި ޕްރެކްޓިސް ނުކުރުމަށް އެއްބަސްވެ، ވަޒީފާ އަދާކުރާ ހޮސްޕިޓަލުން ކަނޑައަޅާ އިތުރު ޒިންމާތައް އުފުލުމަށް އެއްބަސްވެ، އެ މުވައްޒަފާއި ވަޒީފާ އަދާކުރާ ހޮސްޕިޓަލާ އެކު އެގްރީމެންޓެއްގައި ސޮއިކުރުމުން އެ މުވައްޒަފަށް ދެވޭ އިނަޔާތެއް،" ފައިޒަލް ވިދާޅުވި އެވެ.
އޭނާ ވިދާޅުވީ މި އެލަވަންސް ދެވޭނީ ހޮސްޕިޓަލަކުން ޕޭ ކޮމިޝަނަށް ހުށަހެޅުމުން، ކޭސް-ބައި-ކޭސް އުސޫލުން ކަމަށެވެ.
ނަމަވެސް، އެއީ ކިހާވަރެއްގެ އެލަވެންސެއް ކަމެއް ވިދާޅެއް ނުވެ އެވެ.
ސީނިއާ ސަބް-ސްޕެޝަލިސްޓް ކޮންސަލްޓަންޓުންގެ މުސާރަ ވަނީ 71,649ރ. އިން 87,392ރ. އަށް ބޮޑުކޮށްފަ އެވެ. ކޮންސަލްޓަންޓް ސަބް-ސްޕެޝަލިސްޓުންގެ މުސާރަ 28 ޕަސެންޓް ބޮޑުކުރުމުން 77,577ރ. ލިބެ އެވެ. އަދި ސީނިއާ ކޮންސަލްޓަންޓް ސްޕެޝަލިސްޓުންގެ މުސާރަ 55,675ރ. އިން 66,702 އަށް ބޮޑުކޮށްފައިވެ އެވެ. މިރޭ ސަރުކާރުން ދިން މައުލޫމާތުގައިވާ ގޮތުން، އެ މަގާމުގައި މިހާރު ތިއްބެވީ އައިޖީއެމްއެޗުގެ 14 ޑޮކްޓަރުންނެވެ.
ސަރުކާރުގެ މައި ހޮސްޕިޓަލް އައިޖީއެމްއެޗުގައި މަސައްކަތްކުރާ ސްޕެޝަލިސްޓް ޑޮކްޓަރުން ހޮސްޕިޓަލް ޑިއުޓީ އަށް ފަހު އަމިއްލަ ކްލިނިކުތަކާއި މެޑިކަލް ސެންޓަރުތަކުގައި އަގު ބޮޑުކޮށް ބަލާތީ އާންމުންގެ ފާޑުކިޔުމާއި ޝަކުވާ އަބަދުވެސް ވަރަށް ބޮޑެވެ. އަދި އައިޖީއެމްއެޗުގައި އެ ޑޮކްޓަރުން ބަލި މީހުން ބަލާ ވަރަށް މަދުކަމުން ވެސް އާންމުން ކަންބޮޑުވުން ފާޅުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތުނޑު ހަސަނު
02 May 2023
އިތުރު ތަނެއްގައި މަސައްކަތް ކުރިއްޔާ އެނގޭނެ ނުވަތަ ބަލާނެ ބަޔަކު އުޅޭބާވައެވެ. ދިވެހިންގެ ހުންނަ ދަހިވެތިކަމާއި އަމިއްލަ އެދުންބޮޑުކަމަށް ބަލާއިރު އެހެންތަނެއްގައި މަސައްކަތް ނުކުރާނަމުގައި ތިޔަ އެލަވަންސް ނަގާނެ މީހުން މަދެއްނުވާނެއެވެ.
ޖޭގްރީން
01 May 2023
އެއްވެސް ހަރުދަނާ ސަސްޓެއިނަބަލް ޕޭލްންއެއް ނެތްކަން މިކަމުން ވަރަށްބޮޑަށް ހާމަވެގެން ގޮއްސިއެވެ. ދައުލަތަށް ވަންނަމުންދާ އެއްޗަކާއި ކުރަންޖެހޭ ރިކަރަންޓް ޚަރަދުތައް ނުބައްދަލުވާތަން ވަރަށް އަވަހަށް ފެންނާނެ
ބަރުބާދު
01 May 2023
އެއްތަނެއްގަވެސް މަސައްކަތް ނުކުރާތީ އަޅުގަނޑައް ލިބެނީ ކިހާވަރެއްތޯ؟.
ދިއްދޫމީހާ
01 May 2023
ތިޔަ އެެލެވެންސް ލިބޭނެ ފުލުހުންނާ ސިފައިންއަ ސިފައިންގެ މުސާރަ ބޮޑުވާއިރު އެެއްމެ ބޮޑު މުސާރައިގެ ގޮތުގައި އޮތީ 3 ހަނގުރާމަ ކޮއްފަ އޮތުން ބަލަމާ ވާގޮތެއް..
ބޫންރާތީ
01 May 2023
ފުރަތަމަ ޝަރުތަކަށްވާންވީ ތިޔަ ހޮސްޕިޓަލުގާ މަސައްކަތްކުރާ އެއްވެސް ޑޮކްޓަރަކު ކްލިނިކް ހިންގުން މަނާކުރުން...އެއްވެސް ކޮންސަލްޓެންޓަކަށް އެއްވެސް ކްލިނިކެއްގާ މަސައްކަތްނުކުރެވޭނެކަން ކަނޑައެޅުން. އެހެންނޫނީ ސަރުކާރުން ކިތައްމެ މަތީ މުސާރައެއްދިނަސް، ރައްޔިތުންނާއި، ސަރުކާރުން އުންމީދު ތިޔަކުރައްވާ ޚިދުމަތެއް ރައްޔިތުންނަކަަށް ނުލިބޭނެ.
އަނގަގަދަމިތުރު
01 May 2023
ސިއްހީދާއިރާއައް ވަންނަވާނީ އިނަސާނިއްޔަތުކަމުގެ ހިތަކާއިގެން. ވިޔަފާރިވެރު ހިތެއްއޮވެގެން މިދާއިރާ ޚިޔާރުކުރާމީހުން ކޮންމެސް އެހެން ވަޒީފާއެއް ޚިޔާރުކުރުން ރަނގަޅުވާނެ. ވ. ވެދުން
އަނގަމަޑު މިތުރު
01 May 2023
7 އަހަރު 10 އަހަރު މައިންބަފައިން ދަރާ ވިކިގެން ކިޔައިވައިދިނީމާ އެ ލޯނުތަށް ވެސް ދަައްކަން ޖެހޭ، ދަރަނި ބޮލު އަޅައިގެން ކައްވަޅަކަށް ނުދެވޭނެ. ސިއްޙީ މީހުންވެސް ދުނިޔޭގަ ދިރި އުޅެވޭނީ ޚަރަދު ކޮއްގެން . ވ. ވެދުން.
ހަސަން.
01 May 2023
ކޮންމެހެން ނުޖެހޭ. އިންސާނިއްޔަތުގެ ހިތަކާގެން ވަންނަ މީހުންނަށް ހުރަހެއްނެތް. އެމީހުން 24 ގަޑިއިރު ސަރުކާރުގެ ހޮސްޕިޓަލަށް ނުކުންނަން ވީ. ސަރުކާރުން ހަރަދުކޮށްގެން ކިޔަވާ ޑޮކްޓަރުން ވަރަށް މަދު.
ޙަސަނަނާ
01 May 2023
ތިއެލަސަވަންސް ނަގާފަވެސް ކްލިނިކް ތަކަށްވެސް އެމީހުން ދާނެ، އައިޖީއެމްއެޗަށް ހަމަދާއިރަށް ބުނާނެ ތިމަންނަގެ ކްލިނިކަށް އަންނާށޭ!
އަޒްރާ
01 May 2023
އިންސާނިއްޔަތު ކަމުގެ ހިތެއްނެތި އެއްވެސް މަސައްކަތެއް ރަނގަޅަކަށް ނުކޮއްދެވޭނެ ފުރަތަމަ އިޚުލާސްތެރިކަން ތެދުވެރިކަން އަމާނާތްތެރިކަން މިކންކަން ނެތްމީހަކީ އެއްވެސްކަަހަލަ ރަނގަޅު ސިފައެއް ހުންނާނެ މީހެއްނޫޏ
މުހައްމަދު...
01 May 2023
ފުރަތަމަކުރަންވީ ކަމަކީ ރައްޔިތުންނަށް ގޮތްނުއެގޭ ބޭކާރު ބޭސް ކާންދިނުން ހުއްޓާލުން. ދުޅަހެޔޮ ރައްޔިތެއް ބިނާކުރެވޭނީ އޭރުން. ރައްޔިތުންގެ ތެރޭ ގިނައީ ނުގުޅޭ ބޭސް ކައިގެން ދާއިމީ ބަލީގައި އުޅޭމީހުން. ބައެއްމީހުންނަށް ޑޮކްޓަރަށް ދެއްކުމާއި ބޭސް ކެއުމަކީ ފެޝަނެއް. މިފަދަ މީހުން ދެކޭގޮތުގައި ޑޮކްޓަރުންނަކީ މަރާމާތުކުރާ މީހުން ފަދަ ބައެއް. އަދި ބޭސްގުޅަޔަކުން ކޮންމެ އުދަގުލެއްވެސް ހައްލުކޮށްލެވޭނެ. ގިނަފައިސާ ބޭރުވަނީ ގަންނަން ނުޖެހޭ ބޭސް ގަތުމަށް.
ސަރގ
01 May 2023
މިއީ މިބުނާވާހަކައަކީ މުސާރަ ބޮޑުކުރިއަކަސް އިހްލާސްތެރިކަމާއެކު ބަލިމީހައަށް ވަގުތުދީގެން ބަލާޑޮކްޓަރުންނެއްނެތް، ސަރުކާރުން ވޭޖް އާއި ތިކުޅެނީ އެއްވެސް ހަރުދަނާ އުސޫލެއްނެތި، ފަހަރަކުބަޔަކަށް، ސިޔާސީ މަގުސަދު ހާސިލްކުރުމަަަށް، ގައުމު އިދަނުޖެހެނީސް އަާސަންދަ ކޮންޓްރޯލްކުރުމަށާއި ސިފައިންނާއި ޕޮލިހުންގެ ފީސަބީލިއްލާހި ބޭސްފަރުވާ ހަރަދާއި ބޭކަާރު ސިޔާސީމަގާމުތަށް އުވާލުމަށްގޮވައިލަން
އައްޑޫބޭބެ
01 May 2023
ކަސްޓަމްސްގަ އެބައުޅޭ ތިޒާތެއްގެ އެލަވަންސް ނަގައިގެން ޢާއިލީމީހުންގެ ނަމުގައު ވިޔަފާރި ރަޖިސްޓަރ ކޮއްގެން ވިޔަފާރި ކުރާ މީހުން… ތިކަންވެސް ދާނީ ހަމަ އެކަހަލަ ގޮތަކަށް