މާލޭގައި ކުނި އުކާލުމާއި މުދާ އުފުލުން ރޭގަނޑުގެ ވަގުތުތަކަށް ބަދަލުކުރަނީ

މާލޭގެ މަގެއްގައި ޕިކަޕަކަށް މުދާ އަރުވައިގެން ދަނީ: ޓްރާންސްޕޯޓް މިނިސްޓްރީން ގެންނަން ނިންމާފައިވާ ބަދަލާއެކު ދެން މުދާ އުފުލޭނީ ރޭގަނޑު އަށަކުން ފަތިހު ފަހެއް ޖަހަންދެން.-- ފޮޓޯ | މިހާރު

ފާތިމަތު އަޖްފާން، މިހާރު

25 ޖުލައި 2024 - 09:44

55 comments

މާލެ ސަރަހައްދުގައި ކުނި އުކުމާއި ބޮޑެތި ވެހިކަލްތަކުގައި މުދާ އުފުލުން ރޭގަނޑަށް ބަދަލުކުރަން ސަރުކާރުން ނިންމައިފި އެވެ.

މާލެ އާއި ވިލިމާލޭގެ ތޮއްޖެހުން ކުޑަކުރުމަށްޓަކައި އަޅާނެ ފިޔަވަޅުތައް ކަނޑައަޅައި ޓްރާންސްޕޯޓް މިނިސްޓްރީން ރޭ އިފްތިތާހުކުރި "މާލެ ފަހި" ޕްރޮގްރާމްގައި ވާ ގޮތުން، ވަކި ސައިޒަކަށް ވުރެ ބޮޑެތި އުޅަނދު ބޭނުންކޮށްގެން މުދާ އުފުލުން ރޭގަނޑު 8:00 އިން ފަތިހު 5:00 އަށް ބަދަލު ކުރާނެ އެވެ.

މާލެ ސަރަހައްދުގައި މުދާ އުފުލާ ގަޑިތައް ހަވީރު 6:00 އިން ހެނދުނު 6:00 އަށް ކުރީގެ ރައީސް އަބްދުﷲ ޔާމީންގެ ވެރިކަމުގަ ވެސް ބަދަލު ކުރި އެވެ. އޭރު ވަރަށް ގިނަ ބަޔަކަށް ބޮޑު ލުޔެއް ލިބުނަސް އެމްޑީޕީގެ ސަރުކާރު ވެރިކަމަށް އައިސް އެ ނިންމުން ބަދަލުކުރީ އެވެ.

މާލޭގެ މަގެއްގައި ޕިކަޕަކަށް މުދާ އަރުވާފައި.-- ފޮޓޯ:މިހާރު

މި ސަރުކާރުން މިހާރު ވަނީ މާލެ ސަރަހައްދުގެ ގެތަކުން ކުނި ނަގާނެ ގަޑިތަކަށް ވެސް ބަދަލުކުރަން ނިންމައިފަ އެވެ. އެއީ ރޭގަނޑު 10:00 އިން ފެށިގެން ފަތިހު 5:00 އަށެވެ.

މާލެ އާއި ހުޅުމާލެ އަދި ވިލިމާލޭގެ ގެތަކުން ވެމްކޯ އިން މިހާރު ކުނި ނަގަނީ ރޭގަނޑު 7 އިން 10 ޖަހަންދެންނެވެ. ދުވާލުގެ އެކި ގަޑިތަކުގައި ވެސް ބައެއް ސަރަހައްދުތަކުން ކުނި ނަގަން ވެމްކޯގެ ބޮޑެތި ވެހިކަތައް މިހާރު ދުއްވާތީ ސްކޫލް ކުދިންނަށާއި އާންމުންނަށް ބޮޑެތި އުނދަގޫތަކެއް ކުރިމަތިވެ އެވެ.

މާލެ ސަރަހައްދުގެ ގެތަކުން ކުނި ނެގުމާއި ބޮޑެތި ޕިކަޕްތަކުގައި މުދާ އުފުލުން ރޭގަނޑަށް ބަދަލުކުރަން ފަށާނެ އިރެއް އަދި ޓްރާންސްޕޯޓް މިނިސްޓްރީން ނުބުނެ އެވެ. އެކަމަކު، ސިޔާސަތުގައި ވަނީ އެއީ މިހާރުން މިހާރަށް ކުރަންޖެހޭ ކަމެއްގެ ގޮތަށް ހިމަނައިފަ އެވެ.

އެއީ މާލެ ސަރައްދުގެ ޓްރެފިކް ތޮއްޖެހުން ކުޑަކުރުމަށް ގެންނަ ބަދަލެއްކަން ފާހަގަކޮށް މިނިސްޓްރީން ބުނީ، އެ މަސައްކަތް ކުރާނީ ކަމާ ގުޅޭ ހުރިހާ މުއައްސަސާއެއް ގުޅިގެން ކަމަށެވެ.

މާލޭގެ ޓްރެފިކް މައްސަލަ ހައްލު ކުރުމަށް މި ސަރުކާރުން ގިނަ މަސައްކަތްތަކެއް ވަނީ ފަށައިފަ އެވެ. ގަވައިދާ ހިލާފަށް މަގުތަކުގައި ޕާކް ކޮށްފައި ހުންނަ އުޅަނދުތައް ޓޯ ކުރުމާއި ބޭނުން ނުކޮށް މަގުމަތީގައި ގިނަ ދުވަސްވެފައި ހުންނަ ވެހިކަލްތައް ވެހިކަލްތައް ނައްތާލުމުގެ މަސައްކަތުގެ ސްޕީޑް ވެސް ވަނީ ކުރިއަށް ޖައްސާލައިފަ އެވެ.

ވެހިކަލްތައް ޓްރާންސްޕޯޓް މިނިސްޓްރީ ވެމްކޯ މާލެ

55 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫މުޙައްމަދު

27 July 2024

‫ވަރަށް ރަގަޅު ހެޔޮ ބަދަލަކަށް ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަމްކޮއި

26 July 2024

ފިތުރަތުން ކަނޑައަޅާފައިވާ ވަގުތު ރޭގަނޑު ދުވާލައް ހައްދަވަން މަސައްކަތް ނުކުރައްވާ. ރޭގަނޑު އަކީ ނިދާ އަރާމުކުރަން އޮންނަ ވަގުތު. އެއީ ބުރަ މަސައްކަތް ކުރަން އޮންނަ ވަގުތެއް ނޫން. ޓްރެފިކް ތޮއްޖެހުނީމާ ހުރިހާ އެންމެންނައްވެސް އުނދަގޫވާނެ އެކަމަކު ޓްރެފިކް ހައްލުކުރާނީ މިގޮތަކައް ނޫން. ވަކިބަޔަކު ދުވާލު މަސައްކަތްކޮއްފައި އަނެއްބަޔަކު ރޭގަނޑު މަސައްކަތް ކުރަން އެއީ އެއްވެސް އިންސާފެއްވެސް ނޫން. މިޤަޢުމުގައި ކޮންމެ ރައްޔިތެއްވެސް ވާނީ ހަމަހަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންމެނަށް ރަނގަޅު ގޮތް

26 July 2024

ހުރިހާ މީހުންވެސް ދުވާލު މަސައްކަތް ކޮށްފައި ރޭގަނޑު ޗުއްޓީކުރަން ބޭނުންވާނެ. ރޭގަނޑު މަސައްކަތް ކުރާ މީހުންގެ ހާލަތަށް ވެސް ރިޢާޔަތް ކުރެވެންވާނެ. ދިވެހިންނަކަސް ބޭރުމީހުންނަކަސް އިންސާނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުު

25 July 2024

ވަކިމީހެއް ދެރަކޮއްލާކަށް ނޫން، އަސްލުވެސް އުދަގޫވޭ، ސުކޫލު ނިމޭ ގަޑިޔާ ދިމާކޮއް ވެމްކޯ ކުނި އުކާ ޕިކަޕާ ހުރެ، އެހެެންވީމާ ސަރުކާރުން މި ނިއްމުމަށް އަޅުގަނޑު ތާއީދުކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

25 July 2024

ފަތިހަށް ބަދަލުކުރިޔަސް މަގުތައް ފުޅާކުރުމުގެ ޕްލޭނެއް އޮންނަންޖެހެއެވެ! 20 ފޫޓްގެ ކޮންޓެއިނަރ ދަމާލެވޭވަރުގެ މަގާއި ނުލާ އިމްޕޯޓް/އެކްސްޕޯޓް އަށްވެސް ވަރަށް ދަތިވެއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބޫ ސުނައިލާ

25 July 2024

ދަންވަރުގަޑިގަ ބޮޑެތި ވެހިކަލްތައް ދުއްވާ މީސްތަކިން ހޭބޯނާރާ ރޭގަނޑު ހޭލަބޭތިއްބީމަ މުޅިތަން ހަލަވޮލިވެ މީހުން ނިންޖައްބަލިވެ ތަން ހަލާކުވުންގާތީ. ރޭގަނޑަކީ ނިދާ އަރާމުކުރަން އޮތްވަގުތު. ފިތުރަތުން އެކަން އެގޮތައް ހަމަޖެހި އައިސްފަވާގޮތް ބަދަލުކޮށް ބޮޑި ކޮލޮލް ބަދަލުކޮށް މީހުން ރޮބަޓަށް ހެދީމަ ކޮން މޮޅެއްތޯ ވާނީ! ކަންކަން އިސްލާހުކުރަނީ ދުވާލު ރޭގަނޑަށް ހަދައިގެނެއްނޫން. ފެންނުލިބުނީމަ ކަނޑުން ނަގާ ބޮވޭނެތޯ އެއި ބޯފެ ކަމަށް ބަލައިގެން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކުރިއްޔާ

25 July 2024

އިސްކޫލުތައް އެއްދަންފަޅިކޮށްފައި ސަރުކާރު އޮފީސްތަކާއި ސުކޫލުތައް ހުޅުވަންވީ ހެނދުނު ހަޔަކުން މެންދުރު ބާރަޔަށް. ބޮޑެތި އުޅަނދުތައް ދުއްވަންވީ މެންދުރު ބާރައިން ރޭގަނޑު އަށަކަށް. އެކަމަކު ސަރުކާރުން ބޭނުންވަނީ ރައްޔިތުން ރޭގަނޑު ހޭލާ ބައިތިއްބުވަން. ދެން ގައުމުގެ އުފެއްދުންތެރިކަން ހުންނާނެ ހިސާބު އަންދާޒާކޮށްލާށެވެ. އެންމެ ބަރަކާތްތެރި ވަގުތަކީ ހެނދުނުގެ ވަގުތުކަންވެސް މިފުރުސަތުގައި ފާހަގަކޮށްލަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުންބުލް

25 July 2024

އެބައެއްގެ ގޭގެ ކުނި އެބަޔަކު އުކާގޮތަށް ހެދުމުން ކިހިނެކޯވަނީ؟ މިގައުމުގައި މިހާރު ކުރަންޖެހޭ ކަމަކީ އާންމު ރައްޔިތުންގެ ކަންނެތްކަން ކަނޑުވަން ސަރުކާރުން ޕޮރޮގުރާމްތަކެއް ރާވާ އިންތިޒާމުކުރަންވީ. ސަރުކާރުވަޒީފާތަކަށް އާންމުން އަހުލުވެރި ކުރުވުމުގެ ބަދަލުގައި ޕްރައިވެޓް ސެކްޓަރ ދިރުވާއާލާކުރަންވީ. ދެން އަނެއްކަމަކީ ރާއްޖޭގެ ހަތްސަރަހައްދެއްގައި މީހުން އާބާދުކުރުމަށްފަހު ގައުމުގެ ތަރައްގީ އެސަރަހައްދުތަކަށް ބަހާލަންވީ.