ޓޫރިޒަމް މިނިސްޓްރީން މިއަދު ހެނދުނު ބޭއްވި ރަސްމިއްޔާތުގައި ޓޫރިޒަމް މިނިސްޓަރު މޫސާ ޒަމީރު ސޮއި ކުރެއްވުމަށްފަހު އެއްބަސްވުން ބަދަލު ކުރައްވަނީ: ފަސް ރަށެއްގައި ޑޮމެސްޓިކް އެއާޕޯޓް ތަރައްގީކުރުމަށް 57.7 މިލިއަން ޑޮލަރަށް މެލޭޝިއާގެ ކުންފުންޏަކާ ވަނީ ހަވާލުކޮށްފައި .-- ފޮޓޯ: ސޯޝަލް މީޑިއާ
07 މާޗް 2017 - 10:08
116 comments
ފަސް ރަށެއްގައި ޑޮމެސްޓިކް އެއާޕޯޓް އަޅަން 57.7 މިލިއަން ޑޮލަރަށް މެލޭޝިއާގެ ކުންފުންޏަކާ ޓޫރިޒަމް މިނިސްޓްރީން މިއަދު ހަވާލުކޮށްފި އެވެ.
މެލޭޝިއާގެ ގްރިފޮން އެނާޖީ ކޯޕަރޭޝަނާ ހަވާލުކުރީ ހދ. ކުޅުދުއްފުއްޓާއި ށ. ފުނަދޫ އާއި ފ. ނިލަންދޫ އާއި ގދ. މާވަރުލު އަދި ގދ. ފަރެސްމާތޮޑާގައި އެއާޕޯޓް ހެދުމަށެވެ. އެ ކުންފުންޏާ އެއާޕޯޓް ތަރައްގީކުރަން ހަވާލުކުރީ ކޮން އުސޫލަކުން ކަމެއް ސާފުވާ ގޮތެއް ނުވެ އެވެ.
ބައެއް މީޑިއާތަކަށް ދައުވަތު ދީގެން ޓޫރިޒަމް މިނިސްޓްރީގައި މިއަދު ހެނދުނު ބޭއްވި ރަސްމިއްޔާތެއްގައި ސަރުކާރުގެ ފަރާތުން ސޮއިކުރެއްވީ މިނިސްޓަރު މޫސާ ޒަމީރެވެ. ގްރިފޮން ކުންފުނިން ސޮއިކުރެއްވީ ޗީފް ކޯޕަރޭޓް އޮފިސާ ޑީކް ޔޯހާން ކުއިންޓެން އެވެ.
ޓޫރިޒަމް މިނިސްޓްރީން މިއަދު ހެނދުނު ބޭއްވި ރަސްމިއްޔާތުގައި ޓޫރިޒަމް މިނިސްޓަރު މޫސާ ޒަމީރު ސޮއި ކުރައްވަނީ.-- ފޮޓޯ: ސޯޝަލް މީޑިއާ
އެއްބަސްވުމުގައި ސޮއިކުރެއްވުމަށް ފަހު، ނޫސްވެރިންނާ ވާހަކަ ދައްކަވަމުން މިނިސްޓަރު ޒަމީރު ވިދާޅުވީ ވެލާނާ އިންޓަނޭޝަނަލް އެއާޕޯޓް ތަރައްގީކޮށް ނިމެންވާއިރަށް އިތުރު އެއާޕޯޓްތަކެއް ތަރައްގީ ކުރަން ޖެހޭ ކަމަށެވެ.
"ވެލާނާ އިންޓަނޭޝަނަލް އެއާޕޯޓް މިހާރު އަހަރަކު 7.5 މިލިއަން މީހުންނަށް އަމާޒުކޮށްގެން ވަނީ ތަރައްގީ ކުރަން ފަށާފައި. އެއާ އެކު އަޅުގަނޑުމެން ބޭނުންވޭ ޕެސެންޖަރުން އިތުރުވާ މިންވަރަށް އަތޮޅުތެރެ އާއި މާލެ ގުޅުވާލަން. އަޅުގަނޑުމެންނަށް މިހާރު ދަތިތަކެއް އެބަހުރި މާލެ އިން އަތޮޅުތަކަށް މީހުން ފޮނުވަން،" ޒަމީރު ވިދާޅުވި އެވެ.
މިނިސްޓަރު ވިދާޅުވި ގޮތުގައި މިއަދު ސޮއިކުރި އެއްބަސްވުމުގެ ދަށުން ފަސް ރަށުގައި އަޅާ އެއާޕޯޓުތައް އަންނަ އަހަރުގެ އޮކްޓޯބަރު މަހު ހުޅުވާނެ އެވެ. އަދި އެގޮތަށް އެ މަސައްކަތް ނިންމައިލެވޭނެ ކަމަށް ވެސް ޒަމީރު ވިދާޅުވި އެވެ.
"އަޅުގަނޑުމެން އަދި އިތުރު އެއާޕޯޓްތަކެއް އަޅާނަން. ބޭނުން ވަނީ 30 މިނެޓުން ދެވޭ ހިސާބުގައި އެއާޕޯޓް ގާއިމް ކުރަން. އަޅުގަނޑުމެންނަށް މިހާރު ވެސް އައިޑެންޓިފައި ކުރެވިފައި އެބަހުރި ފައިނޭންޝަލީ ވަރަށް ފީސިބަލް ތަންތަން،" މިނިސްޓަރު ވިދާޅުވި އެވެ.
ޒަމީރު ވިދާޅުވީ ޅ. ފެލިވަރުގައި އަދި މ. އަތޮޅުގައި އެއާޕޯޓެއް އަޅަން ވެސް ނިންމާފައިވާ ކަމަށެވެ. އެ ދެ ސަރަހައްދުގައި އެއާޕޯޓުގައި އަޅަން ނިންމީ ޓޫރިސްޓު އެނދު އިތުރުވުމާ ގުޅިގެން ކަމަށް މިނިސްޓަރު ވިދާޅުވި އެވެ.
ޒަމީރު ވިދާޅުވި ގޮތުގައި އެއާޕޯޓްތައް ހިންގާނީ ރީޖަނަލް އެއާޕޯޓްސް އަދި އައިލެންޑް އޭވިއޭޝަނާ ގުޅިގެންނެވެ.
ގްރިފޮން ކުންފުނީގެ ޗީފް ކޯޕަރޭޓް އޮފިސާ ޑީކް ވިދާޅުވީ ރާއްޖެއާ ދެމެދު ވިޔަފާރީގެ ގުޅުން ގާއިމުކުރަން އައީ މީގެ މަސްތަކެއް ކުރިން ކަމަށެވެ. އަދި ވަރަށް ކުޑަ ދުވަސްކޮޅެއްގެ ތެރޭގައި މި މަޝްރޫއާއެކު ކުރިއަށް ދިއުމަށް މަގުފަހިވެގެން ދިޔަ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުގާބޭ
08 March 2017
ފަރެސް މާތޮޑާ ގައި ހަދާ އެއރަ ޕޯޓް އަށް ކިޔަން އެއްމެ ރަގަޅު ނަމަކީ " ހުސެއިން މޮހަމެދު އެއަރޕޯޓް" އެވެ.
އައިންތު
08 March 2017
ސުބްހާނަﷲ! ހާދަ ގިނަ އެއަރޕޯރޓެއް އަޅަން ތިޔަ އުޅެނީ. ދިވެހި ރާއްޖެ މީ ދުނިޔެ ޗާރޓުން ފެންނަ ވަރަށް ވުރެންވެސް ކުޑަ ޤައުމެއް. ދެން އެއް ރަށުން އަނެއް ރަށަށް ދާން، އަދިވެސް ބޭނުމީ އެއަރޕޯރޓް ތޯ؟
ޢަބްދުﷲނާފިޒު
08 March 2017
ވޯޓު ވޯޓު ، ދެވަނަކަމަކު ނޫން، ވޯޓު އެއީ މިވެރިންނަށް ނުދޭނެ އެއްޗެއްގެ ގޮތުގަ ކަނޑައެޅީމަ ހުންނާނީ ހެޔޮކޮށް.
ކަމަނަމަނަ
08 March 2017
ގދ އާއި ގއ އަކީ އެއާރ ޕޯޓް ވިހާ ތަނެވެ. މި ވެސް ވެރިކަމަށް އަންނަ މީހުންގެ ބޭއިންސާފު ކަމުގެ ހެއްކެކެވެ.
އަބްދުއްލާ އަލީ
08 March 2017
ފެން ރައްކާކުރަން ދިން ކަޅުހަންތައް ކޮބާ ؟ މުސްކުޅިން ބުނެ އުޅޭ ހަރުބަހެއް ވެހޭއިރު ފެންނަގާށޭ ، އެއީ ހަމަ އެކަނި ފެނަށް ނިސްބަތް ކޮށް ބުނާ އެއްޗެއް ނޫން
މަޖީދު
08 March 2017
ތިޔައިން ސުރުހީއެއްގެ ދަށުން އިތުރު ލިޔުމެއް ނުފެނޭ. ހައްތަހާ ކުރަން އުޅޭ. ފަށަންއުޅޭ. ސޮއި ކޮށްފި. ހަގީގަތަކަށް ނުވާވާހަކަ ގިނައީ. ސަލްމާން އަންނަ ދުވަހާ ދިމާކޮށް މީހުން ހިތްހަމަޖައްސާލަން އެޅި ސުރުހީއަކޭ ބޭބެ ބުނާނީ.
އަފިހުން ގޮއްޔެ
07 March 2017
އެއަރޕޯރޓް އެޅުނީމަ ވީތަ، މިއަދުވެސް މިއުޅެނީ ބޯނެ ފެންފޮދެއް ނުލިބިގެން، ފެން އިސްކުރުން ފެން އަންނަނީ ތިއްކަކުން، އަދިވެސް އެއަރޕޯރޓް ދޯ އަޅަންވީ، ހެޔޮ ކިތައްމެ ބައިވަރު އެއަރޕޯރޓެއް އެޅިއަސް ވޯޓެއް ނުދޭނަން، އެއީ ހަމަ ނުހައްދަވާ ގޮތެއް.
ޖޯން ސިލްވާ
07 March 2017
ގދ ގައި ހާދަ ގިނަ އެއާޕޯޓެއް އަޅުއްވަން ތިޔަ އުޅުއްވަނީ. މިހާރުވެސް ކާޑެއްދޫގައި އެއާޕޯޓެއް އޮވޭ. ދެން މިއީ ހަމަ ބޭކާރު ޅަރަދު. އެއާޕޯޓު ނެއް އަތޮޅުތަކުގައި އެއާޕޯޓު އަޅަން އުޅުއްވިއްޔާ މާރަނގަޅުވާނެ.
ހޮޑާފުށި
07 March 2017
ކުޅުދުއްފުއްޓަށް އެއާރފޯޓެއް އެހާ މުހިންމްތޯ. ކައިރީ އެއްމެ 5 މިނެޓުން ދެވޭހިސާބު އެ އޮންނަނި ހަނިމާދޫއިންޓަރނޭސަނަލު އެއާރފޯޓް. މާރަގަޅެއްނު ހޮސްފިޓަލު އިންޓަރނޭސަނަލު ކުރިއްޔާ.
މާމަ
07 March 2017
ފާފު އަތޮޅު މީގަ އޮތުމުން އިދިކޮޅު ފަރާތްތަކުން މިއަބުރާގޭސް ގަނޑު ވަރަށް ސާފު
އަޅައިދޭ
07 March 2017
މިރަށުގަ އެއަޕޯޓް އަޅައިނުދީފިއްޔާ ވޯޓެއް ނުދޭނަމޭ މިކިޔަނީ. ދެން ކޮންމެހެން އެއަރޕޯޓެއް ބޭނުންނުވާ ރަށުގަވެސް އެބަ އެއަޕޯޓްއަޅަން ޖެހޭ ވޯޓް ނުލިބިދާނެތީ ބިރުން. ދެން އެއަރޕޯޓެއް ހަދައިދޭނަމޭ ބުނީމަ ގައުމު ދަރުވާ ވާހަކަ މިކިޔަނީ. އެއަޕޯޓެއް ހަގީގަތުގަ ބޭނުންނުވާ ރަށްރަށުގަ އެއަޕޯޓް އެޅުމާ ދެކޮޅެއް ނަހަދާ އެރަށުގެ މީހުންނެއް. ހަމަ ހެވިފަތިބެނީ ގައުމަށް ގެއްލުންވިއަސް މަގޭ ރަށުގަ އެއަޕޯޓެއް ހެދޭތީ.