ރާއްޖޭގައި 2021 ވަނަ އަހަރު 6،000 އެއްހާ ކުދިން އުފަންވި، 1،500 މީހުން މަރުވި

އާސިމާ ނިޒާރު، މިހާރު

01 ޑިސެމްބަރ 2024 - 16:18

ރާއްޖޭގައި 2021 ވަނަ އަހަރު 6،000 އެއްހާ ކުދިން އުފަންވެ އަދި 1،500 އަށް ވުރެ ގިނަ މީހުން މަރުވި ކަމަށް ތަފާސްހިސާބުން ދައްކައިފި އެވެ.

ނޭޝަނަލް ބިއުރޯ އޮފް ސްޓެޓިކްސްއިން ނެރުނު ވައިޓަލް ސްޓެޓިކްސް 2021 ގެ ރިޕޯޓްގައިވާ ގޮތުން އެ އަހަރު މާލޭގައި 3،192 ކުދިން އަދި ރަށްރަށުގައި 2،725 އާއެކު ޖުމްލަ 5،917 ކުދިން އުފަންވި އެވެ. އެއީ 2،963 އަންހެން އަދި 2،954 ފިރިހެން ކުދިންނެވެ.

އެ މުއްދަތުގައި 1،552 މީހުން މަރުވި އެވެ. އެއީ 1،448 ދިވެހިންނާއި 93 ބިދޭސީން އަދި ގައުމު ކަށަވަރުނުވާ 11 މީހެކެވެ. އެ އަހަރު 39 ދިވެއްސަކު ވަނީ ރާއްޖެއިން ބޭރުގައި މަރުވެފަ އެވެ. އަދި މަރުތަކުގެ 40 ޕަސެންޓަކީ އަންހެނުންނެވެ.

މާލޭގައި 880 އަދި ރަށްރަށުގައި 632 މީހުން މަރުވި އެވެ. މާލެ ފިޔަވައި އެންމެ ގިނަ މީހުން މަރުވީ އައްޑޫގަ އެވެ. އަދި އެންމެ ގިނަ މީހުން މަރުވެފައިވަނީ މެއި، 2021 ގަ އެވެ.

މަރުގެ އެ އަދަދުތަކަކީ އޭގެ ކުރީ އަހަރާ އަޅާބަލާއިރު 21 ޕަސެންޓުގެ އިތުރުވުމެކެވެ. އޭގެ ތެރޭގައި ކޮވިޑް-19 ގެ މަރުތައް ވެސް ހިމެނެ އެވެ.

އެ ރިޕޯޓު ބުނާގޮތުން 2020 ވަނަ އަހަރު 1،280 މީހުން މަރުވި އެވެ. އެއީ 1،188 ދިވެހިންނާއި 80 ބިދޭސީން އަދި ގައުމު ކަށަވަރުނުވާ 12 މީހެކެވެ.

ދިވެހިންގެ މެދުގައި ކްރޫޑް ޑެތު ރޭޓް ނުވަތަ ކޮންމެ 1،000 މީހަކުން މަރުވާ ރޭޓު 2021 ވަނަ އަހަރު ވަނީ 3-4 އަށް އިތުރުވެފަ އެވެ. އަދި ފަސް އަހަރުން ދަށުގެ ކުދިން މަރުވާ މިންވަރު 2019 ވަނަ އަހަރު އަށެއްގައި ހުރިއިރު، 2021 ވަނަ އަހަރު ވަނީ ވިހެއި ކުދިންގެ ތެރެއިން ކޮންމެ 1،000 އަކުން 11 ކުދިން މަރުވެފަ އެވެ.

ސްޓެޓިކްސް ބިއުރޯއިން ބުނީ ތުއްތުއިރު މަރުވާ ރޭޓު މަތި ކަމަށެވެ. އެ ރޭޓް ޗައިލްޑްހުޑްގައި ދަށްއިރު ޒުވާން އުމުރުގައި ސްޓޭބަލް ކަމަށް ވެސް ބުންޏެވެ. ނަމަވެސް، އުމުރު މަތިވާ ވަރަކަށް މަރުވާ ރޭޓް މަޑުމަޑުން މަތިވެ އެވެ.

ފަންސާސް އަހަރުން މަތީގެ މީހުން މަރުވާ ރޭޓު ވެސް އެހެން އަހަރުތަކަށް ވުރެ އިތުރުވެފައިވާތީ އެއީ ކޮވިޑް-19 ސަބަބުން ކުރި އަސަރެއް ކަމަށް އެ ތަފާސް ހިސާބުގައި ލަފާކޮށްފައިވެ އެވެ.

ކުޑަކުދިން މާބަނޑުވުން މަރު

13 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

02 December 2024

ދެންފަހެ، ދިވެހިރާއްޖެ އަކީ، ތިންވަނަ ދުނިޔޭގެ، ޓިނު ތެލި، ދިއުޅިދިގު، ތަތް، ދޮންކެޔޮ ޖުމްހޫރިއްޔަތެއް ކަމުގެ، ސާފު، ސީދާ، ފުރިހަމަ ދަލީލު މިއޮތީ، ޝައްކަކަށް ވަސްވާހަކަށް ތަނެއް ނެތި، ކަށަވަރުކޮށް، ތެދުކޮށްގަނެވިފަ. މާތުރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވަހަށް

02 December 2024

2022 އަދި 2023 ގެ ސްޓެޓްސް ވެސް އަވަހަށް ލިބެން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައްޑެވަލީދު

01 December 2024

އާބާދީ އިތުރުވާ ރޭޓު ހާދަ ދަށޭ! ސަބަބު: ސަރުކާރުތަކުން ބަލަނީ އާބާދީ އިތުރު ނުވާނެ ހުރިހާ ގޮތެއް. އޭރައްތާ އެމީހުންނަށް ބައި މީހުންނަށް ސިޔާސީ މަގާމުތައް ބަހާފަ ޓެކުސް ފައިސާ އެކަމަށް ހަރަދު ކުރެވޭނީ. މުސާރަތައް އެހާ ކުޑަ. އަސާސީ ހިދުމަތްތައް ނުލިބޭތީ ރާއްޖެތެރެ ރައްޔިތުން މާލެ އައިސް ކުލީގެ އަޅުންގެ ގޮތުގައި. ދެން ކޮން ސިކުނޑި އަކުންބާ ދަރިން ހޯދަން ވިސްނޭނީވެސް. އާބާދީ މަދުވާނެ ހުރިހާ ގޮތަކައް ކަންކަން ސަރުކާރުން ތަރުތީބު ކުރާނީ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިހޯ

02 December 2024

ދެންމާލެ ނުގޮސް ރައްރަށުގެ ތިބި މީހުން ހެސްކިޔާފަ ވިހެއީމާ އާބާދީ އިތުރުވާނެއެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންބެ

01 December 2024

ރާއްޖޭގައި ދުވަސް ނުފުރާ ވިހާ ކުދިން ސަލާމަތް ކުރާނެ އެކަށީގެންވާ ވަސީލަތްތައްވެސް ގިނަ އަތޮޅުތަކުގައި ނެތް. ކޮބާތަ އަހަރުމެން ދައްކާހާ ޓެކުސް ފައިސާ؟؟؟ ފުލު ފުލުން ސިޔާސީ މަގާމު އުފައްދާހަ ޓެކުސް ފައިސާ ތަޅަނީ ސަރުކާރުން އެކަމަށް. އެހެންވީމަ ޓެކުސް 100 ޕަސެންޓައް ބޮޑުކޮއް ވިޔަފާރިތައް އުލުބައިންދާ ފެލިއަސް ރައްޔިތުންނަށް ވާނެ ކަމެއް ނެތް. ރައްޔިތުން ހަނާ ވިޔަފާރިތައް އިނދަ! ވަޓް އަ ސަރުކާރު!