16 ޑިސެމްބަރ 2024 - 13:07
14 comments
އަލިފާނުގެ ހާދިސާގައި ގެއްލުންވި ސަރުކާރުގެ މުހިއްމު ތިން މިނިސްޓްރީ ހިންގުމަށް އަމިއްލަ އިމާރާތެއް ކުއްޔަށް ނުހިފާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
މިދިޔަ ބުރާސްފަތި ދުވަހު މ. ގްރީން ބިލްޑިންގައި ހިނގި އަލިފާނުގެ ބޮޑު ހާދިސާއެއްގައި ވަނީ އެ އިމާރާތުގައި ހިންގި ތިމާވެއްޓާ ބެހޭ މިނިސްޓްރީ އާއި އެތަނާ ޖެހިގެން ހިންގި ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީގެ އިމާރާތް ބޭނުން ނުކުރެވޭ ވަރަށް ހަލާކުވެފަ އެވެ. އެހެންވެ، އެ ތިން މިނިސްޓްރީގެ މަސައްކަތްތައް ވަގުތީ ގޮތުން ދަރުބާރުގެއަށް ބަދަލުކޮށް، އިއްޔެ ވަނީ އަލުން ހިދުމަތް ދޭން ފަށައިފަ އެވެ.
ރައީސް ވަނީ މިއަދު ހެނދުނު ދަރުބާރުގެއަށް ވަޑައިގެން އެ މިނިސްޓްރީތަކުގެ މަސައްކަތް ކުރިއަށް ގެންދާ ގޮތް ބައްލަވާލައްވައިފަ އެވެ.
އަލިފާނުގެ ހާދިސާގައި ގެއްލުންވި މިނިސްޓްރީތަކުގެ މަސައްކަތް ބައްލަވާލެއްވުމަށް ރައީސް ޑރ. މުހައްމަދު މުއިއްޒު ދަރުބާރުގޭގައި.-- ފޮޓޯ: ރައީސް އޮފީސް
ރައީސް އޮފީހުން ބުނީ ރައީސް ދަރުބާރުގެއަށް ވަޑައިގެން މިނިސްޓްރީތަކުގައި މަސައްކަތްކުރާ މުވައްޒަފުންނާ މުހާތަބުކުރެއްވި ކަމަށެވެ.
ރައީސް ވިދާޅުވީ އަލިފާނުގެ ހާދިސާގައި ގެއްލުން ލިބުނު ތިން މިނިސްޓްރީ ހިންގަން ދާއިމީ ހައްލެއް ލިބެންދެން ތަނެއް ކުއްޔަށް ނުހިފުމަށް ނިންމާފައިވާ ކަމަށެވެ. އަދި ދާއިމީ ހައްލެއް ލިބެންދެން ސަރުކާރުގެ ތަނެއްގައި މިނިސްޓްރީތަކުން ހިދުމަތް ދިނުމަށް ވިސްނަވާފައިވާ ކަމަށް ވެސް ރައީސް ވިދާޅުވި އެވެ.
ރައީސް ވިދާޅުވި ގޮތުގައި އަލިފާނުގެ ހާދިސާގެ ސަބަބުން ލިބުނީ އަގު ނުކުރެވޭނެ ވަރުގެ ބޮޑު ގެއްލުމެކެވެ. އެ ހާދިސާގައި މުވައްޒަފުންގެ އަމިއްލަ ތަކެތި ވެސް ގެއްލިފައި ވާތީ، އެ ގެއްލުންތަކުގެ ސަބަބުން ކުރިމަތިވާނެ ދަތިތައް ތަސައްވަރުކުރަން ވެސް އެމަނިކުފާނަށް އުނދަގޫ ކަމަށެވެ. ނަމަވެސް، މި ހާލަތުގައި ވެސް މުވައްޒަފުންގެ ފަރާތުން ފެނުނީ "ޕޮސިޓިވް އެޓިޓިއުޑް"އަކާއި ކެތްތެރިކަން ފާހަގަކުރައްވައި، ރައީސް ވަނީ މަސައްކަތްތައް އަލުން ފެށުމަށް ދިން އެއްބާރުލުމަށް ޝުކުރު އަދާކުރައްވައިފަ އެވެ.
އަލިފާނުގެ ހާދިސާގައި ގެއްލުންވި މިނިސްޓްރީތަކުގެ މަސައްކަތް ބައްލަވާލެއްވުމަށް ރައީސް ޑރ. މުހައްމަދު މުއިއްޒު ދަރުބާރުގޭގައި.-- ފޮޓޯ: ރައީސް އޮފީސް
ވަގުތީ ގޮތުން ހަމަޖައްސާފައިވާ އޮފީހުގައި ވެސް މުވައްޒަފުންނަށް ބޭނުންވާ ޒަރޫރީ ކަންކަން ވީހާވެސް އަވަހަކަށް ހަމަޖައްސައިދިނުމަށް ސަރުކާރުގެ މުއައްސަސާތަކާ ގުޅިގެން މަސައްކަތް ކުރަމުން އަންނަ ކަމަށް ރައީސް ވިދާޅުވި އެވެ.
ރައީސް ވިދާޅުވީ މުވައްޒަފުންނަށް ފާހާނާ އިތުރުކޮށްދިނުމާއި ކެފެޓީރިއާގެ ހިދުމަތް ދިނުމާއި އޮފީހަށް މަދުވާ އިލެކްޓްރޯނިކްސް އާއި ކޮމްޕިއުޓަރު ސިސްޓަމް ކަހަލަ ތަކެތި ހޯއްދަވައިދެއްވާނެ ކަމަށެވެ.
ރައީސް ވަނީ ތިން މިނިސްޓްރީގެ މަސައްކަތްތައް ދަރުބާރުގެއަށް ބަދަލުކުރުމަށް އެކުލަވާލި ޓާސްކް ފޯހާއި ބައެއް ކުންފުނިތަކުގެ ވެރިންނާ ވެސް މިއަދު ބައްދަލުކުރައްވައިފަ އެވެ.
ދަރުބާރުގެއަށް ވަޑައިގަތުމަށް ފަހު، ސިޓީ ކައުންސިލްގެ ހުއްޓިފައިވާ ހިދުމަތްތައް ދިނުމަށް ވަމުން އަންނަ ތައްޔާރީތައް ބައްލަވާލައްވަން ގަލޮޅު ސްކޫލަށް ވެސް ރައީސް ޒިޔާރަތްކުރެއްވި އެވެ. އެތަނުގެ މުވައްޒަފުންނާ ބައްދަލުކުރައްވައި އެ ބޭފުޅުން ބޭނުންވާ ކަންކަމާއި މަސައްކަތްތައް ހިނގަމުންދާ ގޮތް ރައީސް ބައްލަވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިނގެއޭދޯ
16 December 2024
ދާއިމީ ހައްލު ހޯދަން ހަދަން ޖެހޭނެ ގޮތަކީ ސަރުކާރުން ކުއްޔަށް ހިފާފައިވާ ހުރިހާ ތަންތަނަށް ސަރުކާރުން ކޮންމެ މަހަކު ކުލި ދައްކާވަރު ބަލަންވީ މަމެންނަށް ޔަގީނޭ 1000 ފްލެޓްސް އެޅޭނެ ފައިސާ އަހަރަކު ހަމައެކަނި މާލޭގައި ކުއްޔަށް ހިފާފައިވާ ތަންތަނަށް ސަރުކާރުން ހޭދަކުރެއޭ ބޮޑެއްޗޭ އަނެއްކާ ހިފާފައި ހުންނަ ތަންތަން މިހާރު އެތައްޔާރު ވަނީ މޫނިމާގޭގައި ހަދާ އޮފީސް ބްލޮކް އެއްކޮށް ސަރުކާރަށް ކުއްޔަށް ބޮޑު އަގުގައި ނަގަންވެގެން މަމެންނަށް މިކަން ވެސް
ލުބޯ
16 December 2024
ތަނެއްކުއިޔަށް ހިފާކަށް ބަލަ ނުޖެހެއޭ. ސަރުކާރުގެ އިމާރާތްތައް ބައިވަރު އެބއޮއޮތް ހުސްތަންތަން ހުރި.
ކުރިންބުނިއެތިކެންސަލް
16 December 2024
ޕީ އެން ސީ ސަޕޯޓަރުންގެ ޢިމާރާތްތައް ސަރުކާރުގެ އެކި އެކި ބޭނުންތަކަށް ކުއްޔަށް ނަގާ ނަގާ މިހާރު ދެން ޕީ އެން ސީ ސަޕޯޓަރުން އަތުގަ މިނިސްޓްރީތައް ހިންގޭނެފަދަ ޢިމާރާތެއް ނެތީކަން ޔަޤީން، އެހެން އެކަން އޮތްނަމަވެސް ޢާއްމު އާދަކާދައިގެ މަތިން ކަންހިނގަމުންދާގޮތަށްބަލާއިރު ކުރިން ބުނިއެތި ހަމަ ކެންސަލްވުމަކީވެސް ދުރުކަމެއްނޫން ، ހެހެހެހެހެ
ހުވަނި
16 December 2024
ހުޅުމާލޭގަ އެހަރަ އެސްޓީއޯ ހޮޓާ އޮފީސް ބިލްޑިންގއަކަށް ބަދަލުކޮށް ތިޔަ ތިން މިނިސްޓްރީއާއި އަދިވެސް ބޮޑު އަގުގަ ކުއްޔަން ތަންތަން ހިފައިގެން ހިންގާ ދައުލަތުގެ އިދާރާތައް އެތަނަށް ބަދަލު ކުރާށެވެ.
ދަބަރޭ
16 December 2024
ތިޔަ 3 މިނިސްޓްރީ ހިންގޭނެ ޖާގަ މިހާރުވެސް ސަރުކާރުގެ އިމާރާތްތަކުން ހޯދިދާނެ. 3 މިނިސްޓްރީ ކުދިން މިދައުރު ދަރުބާރުގޭގައި ނިންމާލަން ޖެހޭނެކަމަށް ލަފާކުރެވެނީ.
ޑަބަރޭ
16 December 2024
އަވަހަށް ވެރިކަމާ ކުރިމަތި ލައްވާ
މުޒިއްއު
16 December 2024
އެކަމަކު ދަރުބާރުގޭގައި ސަރުކާރު ފަރާތުން ބާއްވާ ކަންތައްތައް ދެން ބާއްވާލާނީ ކައިރި ރިސޯޓްތަކުގައި. ސަޅި ދޯ.
ފުރޯ
16 December 2024
ނަސަންދުރަ އެއޮށް ހުޅުވަނީ. މިތައް ކުއްޔަންދީފައިވާގޮތްވެސް މޮޅަށް އެގިދެނިވާނީ މުއިއްޒު. ސަރުކާރުން ބާއްވާ ފަންކްޝަންތަކަށް އެތަނަށް މިލިޔަނުން ފައިސާ ހޭދަކުރާތަން.
މިހާލި
16 December 2024
ކުއްޔައްނެގޭކައް ނެތްދޯ ލާރިނެތީމަ.ހުރިހާ ހަރަދެއް ކުރަނީ އެސްއޯއީތަކުން
ވިސްނާށޭ
16 December 2024
ރާއްޖޭގައި ތިމާވެށި މިނިސްޓްރީ އެއް ހުންނާން ނުޖެހޭނެއޭ އެއީ ކޮންމެހެން ބޭނުން ކަމެއް ނޫނޭ ބަދަލުގައި ހުންނަން ޖެހޭނީ ހަކަތަ މިނިސްޓްރީ އެކޭ ދެން އީޕީއޭ އުވާލަންވީ އީޕީއޭ ގާނޫނު ވެސް އުވާލަންވީއޭ އަދި ޕްލާސްޓިކް އިން ނަގާ ޑިއުޓީ ވެސް ކަނޑާލާ ޕްލާސްޓިކް ކޮތަޅުން ޓެކްސް ނަގާ ގާނޫނު ވެސް އުވާލަންވީއޭ ތިމާވެށި މިނިސްޓްރީ އަކުން ކުރާ ފައިދާ އަށް ވުރެން ބޮޑަށް ރައްޔިތުންނަށް ދަނީ ގެއްލުން ލިބެމުން ކޮބާ އީޕީއޭއިން ކުރި ޖޫރީމަނާ ފައިސާ ވެސް ނުހޯދުނޭދޯ
ފަޔާފު
16 December 2024
ވަރަށް ރަނގަޅު ނިންމެވުމެއް. އެމްޑީޕީން ނަމަ ކޮންމެވެސް ގާތް މީހަކަށް މި ފުރުޞަތުގައި ފައިސާތަކެއް އަަޅާލާނެ. ކޮވިޑުގައި ވެސް އެމްޑީޕީން ހާދަ ވ ކުރިއޭ
ފޮނިޓައްޕު ހަސަނު
16 December 2024
ތަނެއް ނެގީމާ ޚަރަދު ބޮޑުވާނީ. ދަރުބާރުގެ އަދި ސްކޫލްތަކުގެެ ހޯލްތައް ވެސް ބޭނުން ކުރެވިދާނެ.
ކުރާށޭ
16 December 2024
ސަރުކާރުން ރައްޔިތުންނަށް ހެވެއް އެދޭ ކަމަށް މަމެން ބަލާނީ އަންނަ އަހަރު 1 ވަނަ ދުވަހުން ފެށިގެން މާލޭގައި ސަރުކާރުން ކުލި ދައްކަމުންދާ ހުރިހާ ތަންތަނަށް ކުލި ދެއްކުން ހުއްޓާލަން ޖެހޭނެ ކަމަށް މުއިއްޒުގެ ގަރާރަކުން ނިންމާ އަދި އެކަމަށް ޓަކައި ވަކި ބިލެއް ސަރުކާރުން ޑްރާފްޓް ކޮށް މަޖްލީހަށް މިމަހު ފޮނުވާ މަޖްލީހުން އެގާނޫނު މިމަހު ފާސް ކޮށް ސަރުކާރުން ކުލިދައްކަމުންދާ ހުރިހާ ފައިސާ އިން ހުޅުމާލޭގައި އެމްޓީސީސީ އަށް ދީގެން އާރޖެންޓް ކޮށް އިމާރާތް