މާލޭގެ މަގެއްގައި ފެންބޮޑުވެފައި.-- ފޮޓޯ: ނިޝާން އަލީ/ މިހާރު
03 ޖެނުއަރީ 2025 - 22:21
14 comments
ރާއްޖެ އަށް މިހާރު ކުރަމުންދާ ބޯ ވިއްސާރައިގައި މާލެ އަށް މިއަދު ވެހުނު ވާރޭގައި ހުރިހާ މަގުތަކެއްގައި ކަހަލަ ގޮތަކަށް ފެން ބޮޑުވެފައިވާއިރު، މިހާތަނަށް 10 ހާހެއްހާ ޓަނުގެ ފެން އެ މަގުތަކުން ބޭރުކޮށްފައިވާ ކަމަށް އެމްއެންޑީއެފުން މިރޭ ބުނެފި އެވެ.
މާލެ ސަރަހައްދަށް މިއަދުގެ ހެނދުނު 11:00 އިން ފެށިގެން ވެހެމުންދާ ބޯ ވާރޭގައި މުޅި މާލޭގައި ވަނީ ފެންބޮޑުވެފަ އެވެ. ގޭގެ އާއި ފިހާރަތަކަށް ފެންވަދެ އެކި ވަރުގެ ގެއްލުންތައް ލިބިފައިވެ އެވެ. ހާއްސަކޮށް މާފަންނުގައި ފެން ބޮޑުވެ، ގިނަ ގެތަކަށާއި ފިހާރަތަކަށް ފެންގަނޑު ވަދެ ބޮޑެތި ގެއްލުންތަކެއް ވަނީ ވެފަ އެވެ.
އެމްއެންޑީއެފުން މީޑިއާ ގްރޫޕަށް ފޮނުވި މެސެޖުގައި ބުނީ ހަ ސަރަހައްދެއްގައި ޕަމްޕުތައް ބަހައްޓައި ފެން ހިންދަމުން އަންނަ ކަމަށެވެ. އޭގެ ތެރޭގައި ވެސްޓް ޕާކް ސަރަހައްދުގައި ފަސް ޕަމްޕާއި އައިޖީއެމްއެޗު ސަރަހައްދުގައި ފަސް ޕަމްޕާއި ސަލްމާން މިސްކިތް ހުންނަ ސަރަހައްދުގައި ތިން ޕަމްޕާއި ބޮޑު ވަޅާއި މާފަންނު ފެރީ ޓާމިނަލް އަދި ދިވެހިރާއްޖޭގެ އަޑު ސަރަހައްދުގައި ޕަމްޕެއް ބަހައްޓައިގެން އަންނަނީ ފެން ހިންދަމުންނެވެ.
އޮފިޝަލް ވިދާޅުވީ މިރޭ 8:30 އާ ހަމައަށް މުޅި މާލެއިން 9،917 ޓަނުގެ ފެން ބޭރުކޮށްފައިވާ ކަމަށެވެ.
މެޓް އޮފީހުން ބުނީ ފާއިތުވި 24 ގަޑިއިރުގެ ތެރޭގައި މާލެ އަށް 160 މިލިމީޓަރުގެ ވާރޭ ވެހިފައިވާ ކަމަށެވެ. އޭގެ ތެރެއިން އެންމެ ބޯކޮށް ވެހުނީ މިއަދު ހަވީރު 5-6 ދޭތެރޭގަ އެވެ. އެއީ 60 މިލިމީޓަރުގެ ވާރޭ އެވެ.
މާލެ އަށް މިހާތަނަށް ރެކޯޑު އަދަދަކަށް ވެހިފައިވަނީ ގާތްގަނޑަކަށް 200 މިލިލީޓަރުގެ ވާރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އމޑް
04 January 2025
މީ އެހާބައިވަރެއް ނޫން އެމްޑަބުލިޔުއެސް ސީ އިން ވެސް ދުވާލަކު ހަދާ 25000 ޓަނު ފެން. މާލޭ އެކިތަންތާގައި ބަހައްޓާފައި ހުންނަ ފެންހިންދާ ވަޅުތަކުގައިވެސް ހުންނާނެ ގަޑިއިރަކު 100އަށްވުރެ ގިނަޓަނު ބޭރުކުރެވޭ 2 ޕަންޕް ބަހައްޓާފައި. ފެން އެދެވޭ ގޮތަށް ބޭރުން ވަނީ ކޮންމެވެސް އެހެންސަބަބަކާހުރެ. މިކަންތައް ނުބަލާ ފޫޓަކުން ފޫޓަކުން ޕީއެސް ބެހެއްޓިއަކަސް މަގުސަދެއް ހާސިލެއް ނުކުރެވޭނެ...
ލިހާޒް މުހުސިން
04 January 2025
ފެން ހިންދާ މިކަމަށް ދާއިމީ ހައްލު ގެންނައުން އަންނަ މަހު ފެށޭނެ. މާނައަކީ މާލޭގެ މަގު ހެދުމުގެ މަސައްކަތް. ބާރަށް
ޒީނަތް އައްބާދް
04 January 2025
ވަރަށް އެކްޓިވް ސަރުކާރު މިކަމުގަ. މުޅި ސަރުކާރުގެ ހުރިހާ މުއައްސަސާއެއް ގުޅިގެން މިކަމުގަ އެބައުޅޭ
މޫމިން މުހައްމަދު
04 January 2025
އެހެން ވެރިން 5 އަހަރު ލިބިގެން މަގު މަހަދާ އޮތުމުގެ އުދަގޫ މިއީ.މިކަން ހައްލު ކުރަން ޗައިނާއިން މަގު ހަދަން މިވެރިމަގަ އެ ފަށަނޫ
މަފާޒް ސަލީމް
04 January 2025
ރަނގަޅު. ފެން ހިންދާ އާއްމުންނަ ފަސޭހަ ކޮށްދީ. ހިތްވަރާއެކު މަސައްކަތް ކޮށް
ހަސަމް ނިހާމް
04 January 2025
ސަރުކާރުން މިކަން އެއްވަނަ ދަރަޖައިގަ ކުރިޔަށް ގެންގޮސް މަސައްކަތް ކުރާތަން މިފެންނަނީ
ބަބޫ
04 January 2025
ތިވަރަކުން ނުފުދޭ. މިހާރު އަމިއްލަ ވިޔަފާރިތަކުގައި ދިޔަ ހިއްކާ ނިޒާމް ގާއިމްކުރަން އެބަ ޖެހޭ
ކަޑަ
03 January 2025
ސަރުކާރުގެ އެންމެ މަތީ ލެވެލްއިން ފެށިގެން ކަމާގުޅޭ އިދާރާގެ އެންމެން ނިދާފައި. އެހެންގައުމެއްގެ ވެރިންނަމަ މިހާރު ތިބޭނީ މީހުންނަށް ވީގެއްލުންބަލަން އެމައިދާނުގައި
ސަކަރާތް
03 January 2025
މީވަރަށް ގަދަ ގައުމެއް. އާދަޔާޚިލާފަށް ބޯކޮށް ވާރޭވެހެން ފެށުމުން އެކިއެކި އޮތޯރިޓިތަށް ވަގުތުން އެލާޓަށް އައިސް ފެންޕަންޕުޖަޙާ ބޭރުކޮށް ފެންވަދެ ގެއްލުންވާ ވިޔަފާރިތަކަށް އެހީވެ ވެލިބަސްތާ ފޯރުކޮށްދީ ޕޮލިހުން ހޭލަމޭލައަށް މީހުންނަށް ގައިޑުކޮށްދީ ވަރަށް ފުރިހަމަކޮށް ދިޔައީ. ހަގީގަތަކީ މިހުރިހާވޭނެތް ރައްޔަތުން ތަހައްމަލްކުރި އިރު ގަުއުމުގެ ހުރިހާ ކަމާބެހޭ ފަރާތްތަށް ތިބީ ނިދާފައި. މާފަހުން ވާނެއެއްޗެއް ވީމަ ބަޔަކު ދައްކާލީ!
ކައުންސެލަރު..
03 January 2025
ފެންފޮދެއް ވެހިލާއިރަށް ސިފައިންނާ ފުލުހުން ނެރެގެން ޕަންޕުބަހައްޓައިގެން ފެންހިންދާކަށް ނުޖެހޭނެ މާލޭ މަގުތަކުގެ ކާނުތައް ސާފުކޮށްބަލަ. އެއީ މިނިސްޓަރީގެ ކަމެއްކަމެއް، ސިޓީކައުންސިލްގެ ކަމެއްކަމެއް ނޭނގެ. ދެފަރާތުން ބޯޅަޖަހާލަޖަހާލާ އަބަދު.