ހިތަދޫން މީހަކު ރަހީނުކުރި މީހުންގެ ވަނަވަރު އާންމުކޮށްފި

ހިތަދޫން މީހަކު ރަހީނުކުރި މައްސަލާގައި ހައްޔަރުކުރި މީހުން.

މާއިދާ މުހައްމަދު ރަޝާދު، މިހާރު

12 ފެބުރުއަރީ 2025 - 12:07

އައްޑޫ ހިތަދޫގައި މީހަކު ރަހީނުކޮށް، އަނިޔާކުރި މައްސަލާގައި ހައްޔަރުކުރި ފަސް މީހުންގެ ތެރެއިން ހަތަރު މީހެއްގެ ވަނަވަރު މިއަދު އާންމުކޮށްފި އެވެ.

އެ ރަހީނުގެ މައްސަލަ ފަޅާއެރީ މިދިޔަ އަންގަރާ ދުވަހުގެ ރޭ ދަންވަރު 1:35 ހާއިރު ހިތަދޫ މައިލޯ ދަނޑު ސަރަހައްދު ޕެޓްރޯލް ކުރަމުންދިޔަ ފުލުހުންނަށް އެ ތަނުން ބަޔަކު ނުކުމެގެން ފިލަން ދަނިކޮށް ފެނުނު ހިސާބުންނެވެ. އެކަން ފުލުހުންގެ ސަމާލުކަން އައިސް ބެލިއިރު، މީހަކު ޖޯއްޔެއްގައި ބަނދެ، އޭނާގެ ބޯ ބާލައި، އަނިޔާކޮށްފައި އޮތް ކަމަށް ފުލުހުން ބުނެ އެވެ.

އެ މައްސަލާގައި އުމުރުން 15 އަހަރުގެ ފިރިހެން ކުއްޖަކު ހިމެނޭ ގޮތަށް ފަސް މީހުން ހައްޔަރު ކުރި އެވެ.

ފުލުހުން މިއަދު ވަނީ އުމުރުން 18 އަހަރުން މަތީގެ އެ އެންމެންގެ ވަނަވަރު އާންމުކޮށްފަ އެވެ. އޭގެ ތެރޭގައި ހިމެނެނީ ހިތަދޫ ވިޝަންޑްރީމް، ސަމާހު ތައުފީގު، 20 އާއި ހިތަދޫ ގްރޭސް، މުހައްމަދު ޔައީޝް އާޒާދު، 19 އާއި ހިތަދޫ ނޫތަރި އަޝްރަފު މުހައްމަދު، 22 އަދި އެ ރަށު މެރީގާޑަން އަލީ މާޒިން ހަސަން 20 އެވެ.

އެ މައްސަލާގައި ހިމެނޭ 18 އަހަރުން ދަށުގެ ކުއްޖާގެ މައުލޫމާތު އާންމުނުކުރީ ކުޑަކުއްޖަކަށް ވާތީ އެވެ.

ފުލުހުން ކުރިން ބުނެފައިވާ ގޮތުގައި ޖޯއްޔެއްގައި ބަނދެފައި އަނިޔާކުރީ 37 އަހަރުގެ މީހަކަށެވެ. އޭނާއަށް އަނިޔާކުރި މީހުން ހައްޔަރުކުރީ ވެސް ކުށުގެ ވެށިން ކަމަށް ވެސް ފުލުހުން ބުންޏެވެ.

އެ މީހާ ރަހީނުކޮށް، އަނިޔާކުރި ސަބަބެއް ސާފެއް ނޫނެވެ. އެ މައްސަލަ އިތުރަށް ތަހުގީގު ކުރަމުންދާތީ އިތުރު ތަފްސީލެއް ފުލުހުން ނުދެ އެވެ.

ފުލުހުން ކިޑްނެޕްކުރުން ކުށްކުރުން އައްޑޫ ސ. ހިތަދޫ

36 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެރަ

14 February 2025

މައިލޯ ގޭންގަށް ހެޔޮވިސްނުން ދެއްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް

13 February 2025

އަހުންރަށުގަ ތިޔަމާލެއަށްވުރެ ޔަންގް ޖެނެރޭސަން މާޓޮޕުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

13 February 2025

އަލުން އިސަލާހިށްޔާ ކަހަލަ ވޮކޭސަނަލް ސްކޫލެއް ހުޅުވަބަލަ، އަދި މިކަހަލަ ކުދިނަނަށް މަސައްކަތެއް ދަސްކޮދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޖ0ސް

12 February 2025

ޅަ އުމުރުގައި އަދި ރަނގަޅަށް ވިސްނުން ވެސް ނާއްނަނީސް މިފަދަ ކަންކަމުގައި ކުދިން ބެދި މުޅި އުމުރު އެކަމުގެ ހިތާމައި ޖެހި ބަރުބާދުވާކަން މައިންބަފައިންނަށް ނުވިސްނެނީބާ؟ މިފަދަ ކުދިންނަށް ޖޮބު ލިބުން ވަރަށް ދަތިކަމަކަށް ވޭ ކުށުގެ ރިކޯޑު އޮންނަގޮތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތުނާމި

12 February 2025

މިދެން މިޤައުމަށް ޖެހިފަ އޮތް މުސބާތެއްތަ؟؟؟މި މައިންބަފައިން ކޮބާތޯ؟؟؟ތިމާމެންނަށް ދެވިފަ ހުރި ތަރުބިއްޔަތުގެ ނަތީޖާ މި ފެންނަނީ،މުޅިޤައުމުގައިވެސް ގޫބައްޑާ އިން،ލަދު ކޮބާތަ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރުތަލޯ

13 February 2025

ތިޔައީ މުޅިޔަކުން ތަރުބިއްޔަތުގެ މައްސަލަޔެއް ނޯން. ޢެހެންނަމަ ކަލޭ އެމީހުންނައް ނަސޭހަތް ދޭނީ ބަވާ އެމީހުންގެ މައިންބަފައިންނާ ބެހޭނީއެއް ނޫން. ޙެޔޮވިސްނުން ދެއްވާށި!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއަންޓަނަމޯ

12 February 2025

އިސްލާ ހީ ޖާޑި އަކަށް ލާން ގުއަންޓަނަމޯ ބޭ އަށް ފޮނުވަން ވީ ބައެއް . ޓުރަންޕު މިކަމު ގަ އުޅެނިކޮށް ފޮނުވިއްޔާ ފަސޭހަ ވާނީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލެމީހެއް225

12 February 2025

5 ކުޅަނދު މަދުވީމަ އުޅޭގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސް މުޢިއްޒަށް

12 February 2025

ވެދުން ސަލާމަށްފަހު ދަންނަވަމެވެ. މަނިކުފާނުގެ ޤައުމީ ޕްލޭންގެ ތެރެއަށް ރަނގަޅު ގޮތުގައި ދަރިން ތަރުބިއްޔަތުކޮށް މުޖުތަމަޢަށް ނެރޭ ބެލެނިވެރިންނަށް އެވޯރޑާއި އެލަވަންސެއް ހަމަޖެއްސަވައި ދެއްވުން އެދެމެވެ. ދިވެހިރާއްޖޭގެ މުޖުތަމަޢުގެ ބޮޑުބައެއް ހަލާކުގެ ތެރެއަށް ވެއްޓިފައި މިވަނީ ދަރިންނަށް ރަނގަޅު ތަރުބިއްޔަތެއް ދޭނެ ބެލެނިވެރިން އިންތިޙާއަށް މަދުވީމައެވެ. އެވޯރޑާއި އެލަވަންސް ދެއްވައިގެން ނަމަވެސް މިކަން ޙައްލުކޮށް ދެއްވުން އެދެމެވެ.