ހުޅުލެ އާއި މާލެ ގުޅައިލުމަށް އަޅާ ބްރިޖްގެ މަސައްކަތް ކުރިއަށް ދަނީ: ބްރިޖް މެދުވެރިިކޮށް ހުޅުލެ އާއި މާލެ އަދި ހުޅުމާލޭގެ ކަރަންޓް އެއް ވިއުގައަކަށް ގުޅާލަން ސަރުކާރުން ވަނީ ނިންމާފައި --ފޮޓޯ/މިހާރު
13 މާޗް 2017 - 15:08
7 comments
ހުޅުލެ އާއި މާލެއާ ދެމެދު އަޅަމުންދާ ބްރިޖް މެދުވެރިކޮށް، މާލެ އާއި ހުޅުލެ އާއި ހުޅުމާލޭގެ ކަރަންޓް، އެއް ވިއުގައަކުން ގުޅާލުމުގެ މަސައްކަތް ކޮށްދިނުމަށް ޝައުގުވެރިކަން ފާޅު ކުރުމުގެ ފުރުސަތު މިއަދު ހުޅުވާލައިފި އެވެ.
ފިނޭންސް މިނިސްޓްރީން މިއަދު ކޮށްފައިވާ އިއުލާނެއްގައިވާ ގޮތުން އެ މަޝްރޫއަށް އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމުގެ ފުރުސަތު އަންނަ މަހުގެ ތިން ވަނަ ދުވަހާ ހަމަ އަށް އޮންނާނެ އެވެ. ކޮންޓްރެކްޓާ ފައިނޭންސް އުސޫލުން ހިންގާ އެ މަޝްރޫއަށް ޝައުގުވެރިކަން ފާޅުކުރާ ފަރާތަކީ އެ މަޝްރޫއު ހިންގޭ ފަދަ މާލީ ގާބިލްކަން ހުރި ފަރާތަކަށް ވާންޖެހޭނެ ކަމަށް އެ އިއުލާނުގައިވެ އެވެ.
ޝައުގުވެރިކަން ފާޅުކުރާ ފަރާތަކީ ހައި ވޮލްޓޭޖް އިލެކްޓްރިކް ނެޓްވޯކް އެޅުން ފަދަ މަސައްކަތް ކޮށްފައިވާ ފަރާތަކަށް ވުމާއި އެކަމަށް ބޭނުންވާ ފައިސާ ހޯދުމުގެ ގާބިލްކަން އެ ފަރާތެއްގެ ކިބައިގައި ހުރިކަން ސާބިތުކޮށްދޭން ޖެހޭނެ ކަމަށް ފިނޭންސްގެ އިއުލާނުގައިވެ އެވެ. އަދި މަޝްރޫއު ކުރިއަށް ގެންދަން ބޭނުންވާ ގޮތުގެ ޚުލާސާއެއް ވެސް ހުށަހަޅަން ޖެހޭނެ އެވެ.
ސަރުކާރުން ނިންމާފައިވަނީ ބްރިޖް މެދުވެރިކޮށް ގާއިމުކުރާ ކަރަންޓު ވިއުގަ މެދުވެރިކޮށް ކަރަންޓް ދޭ އިންޖީނުގެ ހުޅުމާލޭގައި ބެހެއްޓުމަށެވެ. އެ މަސައްކަތް މިދިޔަ އަހަރު ފަހުކޮޅު ވަނީ ފަށައިފަ އެވެ.
ޗައިނާ ކުންފުންޏަކާ ހަވާލު ކޮށްގެން ކުރަމުންދާ ބްރިޖްގެ މަސައްކަތް ތާވަލަށް ވުރެ ބާރަށް ދަނީ ކުރަމުންނެވެ. އެ ބްރިޖް އަންނަ އަހަރުގެ މެދު ތެރޭގައި ހުޅުވޭނެ ކަމަށް ސަރުކާރުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
GAN Island
13 March 2017
މުޅި ދައުލަތުގެ ހަޒާނާ ''މަދު މީސްކޮޅަކަށް ހޭދަ ކުރަން ބޭނުން ނަމަ'' ތިޔަ މުޤައްދަސް ރަށް ގަނޑު ނޫން އެހެން ރަށްރަށަށް ''އެމީހުން އުޅޭނެ ގޮތަކަށް އުޅުމުގެ ފުރުސަތު'' ދެއްވުން ރަނގަޅުވާނެ. . . ތިޔަ ''މުޤައްދަސް ރަށް ގަނޑު'' ގައި ދިރިނޫޅުނު ކަމުގައި ވިޔަސް އިންސާނުންނަށް ބޭނުންވާ ހިދުމަތާއި ވަސީލަތް ރާއްޖޭގެ އެހެން ރައްޔިތުންނަށް ވެސް ދޭންވާނެ. . . އެގޮތް ޤަބޫލު ނުކުރެވޭނަމަ ނަޖުދުވަންހައިގެ އައްވަލުން ސައުދު އާއިލާ އަށް ފ އަތޮޅު ވިއްކާލަން އުޅޭ ގޮތަށް އެހެން އަތޮޅު ތަކުގެ ރައްޔިތުންނަށް ''އެމީހުންނަށް ދިރިއުޅުން ހޯދެން އޮތް ގޮތަކަށް ހޯދުމަށް'' ފުރުސަތު ދެއްވާ.
ލާހޫރޭ
13 March 2017
ޖާފަތް ތައްޔާރުކުރި ކުދިން ރަނގަޅުވާނެ ބޮލަކައް އެންމެ 4000 އޭސީސީއައްވެސް އެނގޭނެ އެކަންކުރީ އެންމެގާބިލު މީހުން ލައްވާކަން އަނެއްކާ ކުޅުދުއްފުށި އެއާޕޯޓު އަޅަންވެސް ހަވާލު ކުރީ ނުހަނު ގާބިލު ކަމާއެކު ބޮނބިތަޅާ ބަޔަކާކަން ވީމާ ކޮންމެ ރައްޔިތަކު އަވަހައް ޖަނަރޭޓަރެއް ހޯދާފަ ބަހައްޓާތި މަބުނާނެ ވާހަކައެއްނެތް
ބަލާތި
13 March 2017
ސައުދީ ރަސްގެފާނު ރާއްޖެ ވަޑައިގަންނަވާއިރަށް ސައުދީ ކިންގްޑަމް ހޯލްޑިންގް ކުންފުނީގެ ފައިނޭންސް ގައި ޖަޕާނުގެ ކުންފުން ނަކުން މިކަން ކޮށްދޭތޯ ބެލުމަށް ޓަކައި އަވަހަށް މިމައްސަލަ ލިސްޓް ކުރަންވީ ސައުދީ ރަސްގެފާނާއި އެކު ބާއްވާ ޑިސްކަޝަން އަށް ދޯ. މަމެންނަށް ޔަގީން ރަސްގެފާނު މިކަން ކޮށްދެއްވާނެ ކަން. މިކަން މިމަގުން ކުރެވިއްޖެނަމަ ދެން ސައުދީ އާއި ދިމާލަށް އެއްޗެހި ގޮވި ރަންރީނދުލޭ މެންނަށް އޮންނާނެ ރަނގަޅަށް ރާކަނި މަސްކެވިފައި ދޯ.
ގަދަ
13 March 2017
ދެން ހުޅުމާލޭންވެސް އެވަރަށް ކަރަންޓުދާނެދޯ.
ކުރާތި
13 March 2017
މިކަމަށް އެންމެ ރަނގަޅު ވާނީ ސައުދީ ކޭބަލް ކުންފުންނާއި ޖަޕާނުގެ މިޓްސޫބިޝީ އިލެކްޓްރިކް އާއި ގުޅިގެން ސައުދީ ފަންޑް އިން ލޯން ފެސިލިޓޭޓް ކޮށްގެން މިކަން ކުރީމައެވެ. ކަން މިހެން ހުރުމުން ފިނޭންސް މިނިސްޓަރު އަމިއްލަ އަށް އިސް ނަގައިގެން ޖެހޭނެ ސައުދީ އެމްބެސެޑަރާއި އަދި ޖަޕާނު އެމްބެސެޑަރާއި ބައްދަލު ކޮށްގެން ރާއްޖޭގައި ހުންނަ އެ ދެ އެމްބަސީ މެދުވެރިކޮށް މިކަމަށް ޓަކައި ކޮލިޓީ އިތުބާރު ކުރެވޭ ރިލަޔަބުލް ކޮންޓްރެކްޓަރ އެއް ހޯދަން. މީ ކޮންމެހެން ކުރަން ޖެހޭނެ ކަމެކެވެ.
އަބްދުއްލާ އަލީ
13 March 2017
ފައިސާ ހުރިނަމަ ތެލާއި ނުލާ ހިންގޭފަދަ ވައިޓް ވޯޓަރ ރިއެކްޓަރެއް ފަދަ ތެލަށް ބަރޯސާ ނުވެ ތިމާވެއްޓާ ރައްޓެހި ރިއެކްޓަރެއް ބޭނުން ރާއްޖޭގަ ކުރެވިދާނެބާ؟
ޢަބްދުﷲނާފިޒު
13 March 2017
ތިޔަ މަޝްރޫޢުގަ ދަށުން ދަމާ ކުޅުމެއް ނެތްބާ!