ރައީސް ޔާމީން މިރޭގެ ރަސްމިއްޔާތު ޝަރަފުވެރިކޮށް ދެއްވާއިރު، އެ މަނިކުފާނުގެ ފަހަތްޕުޅުގައި ޑިފެންސް މިނިސްޓަރު އާދަމް ޝަރީފް މަޑުކޮށްލައްވައިގެން.---ފޮޓޯ: ރައީސް އޮފީސް
22 މާޗް 2017 - 00:18
59 comments
އިިންތިޚާބުތަކުގައި ސިފައިންނަށް ވޯޓު ނުލެވޭ ގޮތަށް ސިފައިންގެ ގާނޫނު އިސްލާހުކުރަން ސިފައިން ތާއީދުކުރާ ކަމަށް ޑިފެންސް މިނިސްޓަރު އާދަމް ޝަރީފް އުމަރު މިރޭ ވިދާޅުވެއްޖެ އެވެ.
ސިފައިންގެ އެންމެ މަތީ ވެރިޔާގެ ވާދައިގެ ތައްޓަށް ބާއްވާ ހެވިކަމުގެ 12 ވަނަ މުބާރާތް ނިންމުމުގެ ރަސްމިއްޔާތުގައި މިނިސްޓަރު ވިދާޅުވީ، ސިފައިންނަކީ ކަންކަން އިސްލާހުކުރުމަށް ތާއީދުކުރާ ބައެއް ކަމަށާއި އެފަދަ ހުރިހާ ކަމެއް ރަނގަޅުކުރަން ވެސް ސިފައިންގެ އެއްބާރުލުން ލިބޭނެ ކަމަށެވެ. މިނިސްޓަރު ވިދާޅުވި ގޮތުގައި ސިފައިންގެ ގާނޫނަށް އިސްލާހު ގެންނަން އެންމެ ފުރަތަމަ މަރުހަބާކީ ސިފައިންގެ ލީޑަޝިޕާއި ސިފައިންނެވެ.
މިއަހަރުގެ ތެރޭގައި އެ އިސްލާހު މަޖިލީހަށް ހުށަހަޅުއްވާނެ ކަމަށާއި ވެރިކަންކުރާ ޕީޕީއެމްގެ އިތުރުން އެހެން ޕާޓީތަކުގެ މެމްބަރުންގެ ތާއީދު ވެސް ލިބޭނެ ކަމަށް އުއްމީދުކުރައްވާ ކަމަށް މިނިސްޓަރު ވިދާޅުވި އެވެ.
ސިފައިންގެ އެންމެ މަތީ ވެރިޔާގެ ވާދައިގެ ތަށްޓަށް ބޭއްވި 12 ވަނަ ހެވިކަމުގެ މުބާރާތް ނިންމުމަށް މިރޭ ބޭއްވި ރަސްމިއްޔާތުގެ ތެރެއިން.---ފޮޓޯ: ރައީސް އޮފީސް
"ނަމަވެސް އެ ގާނޫނު އިސްލާހުކުރުމުގެ މަސައްކަތް، އެ އިޖުރާއަތް ފުރިހަމަކޮށްގެން މިއަހަރު ގެ ތެރޭގައި [މަޖިލީޖަށް] ވައްދަން މަސައްކަތް ކުރި ކަމުގައި ވިޔަސް އެއްގޮތަކަށް ވެސް ފަޔަށް ހިނި އަރައިގެން އުޅޭ ގޮތަކަށް އެކަން އަވަސް ކުރާކަށް އަޅުގަނޑު ނެތީން. އޭގައި ފުރިހަމަކުރަން ޖެހޭ އިޖުރާއަތްތައް ފުރިހަމަކޮށްގެން އަޅުގަނޑުމެން މި މަސައްކަތްތައް ކުރިއަށްގެ ންދާނީ،" ރައީސް އަދި ސިފައިންގެ އެންމެ މަތީ ވެރިޔާ އަބްދުﷲ ޔާމީން ވެސް ބައިވެރިވެ ވަޑައިގެންނެވި ރަސްމިއްޔާތުގައި ޑިފެންސް މިނިސްޓަރު ވިދާޅުވި އެވެ.
އާދަމް ޝަރީފް ވިދާޅުވީ އިންތިޚާބުތަކުގައި ސިފައިންނަށް ވޯޓު ނުލެވޭ ގޮތަށް ގާނޫނު އިސްލާހު ކުރުމަށް ސިފައިންގެ ތާއީދު ލިބުމުން އެނގެނީ، އެއީ ޕްރޮފެޝަނަލްކޮށް މަސައްކަތް ކުރަން ބޭނުންވާ ބައެއް ކަމަށެވެ.
ކަޅުތުއްކަލާކޮށީގައި ބޭއްވި ރަސްމިއްޔާތުގައި މިނިސްޓަރު ވިދާޅުވީ ސިފައިންނަކީ އަމިއްލަ މަސައްކަތާއި އާއިލީ ކަންކަމަށް ވުރެ ބޮޑަށް ސިފައިންގެ ކަންކަމަށް އިސްކަންދޭ ބައެއް ކަމަށެވެ. އަދި އޭނާ ވިދާޅުވީ ސިފައިންގެ އަމިއްލަ ކަންކަމަށް ވުރެ ބޮޑަށް ސިފައިންގެ އެތެރޭގެ ކަންކަމަށް އެ މީހުން އިސްކަންދޭކަން ވަރަށް ބޮޑަށް ފެނިވަޑައިގަންނަވާ ކަމަށެވެ.
"އަދި ސިފައިންގެ ކޮންމެ ކަމެއް ރަނގަޅު ކުރުމަށްޓަކައި ކުރާ ކޮންމެ ކަމެއްގައި ސިފައިންގެ ފުރިހަމަ އެހީތެރިކަމާއި އެއްބާރުލުން އަބަދުވެސް އަޅުގަނޑުމެންނަށް ލިބިގެންދާތަން ފެނިގެންދޭ،" އާދަމް ޝަރީފް ވިދާޅުވި އެވެ.
ސިފައިންގެ ގާނޫނުގެ 20 ވަނަ މާއްދާގައި ބުނެފައި ވަނީ ސިފައިންގެ ކޮންމެ މީހަކަށް ގާނޫނުއަސާސީން ރައްޔިތުންނަށް ލިބިދޭ ވޯޓުލުމުގެ ހައްގު ލިބިގެންވާ ކަމަށެވެ. އަދި އުމުރުން 18 އަހަރުން މަތީގެ ކޮންމެ ދިވެއްސަކަށް ވެސް ވޯޓު ދިނުމުގެ ހައްގު ލިބިގެންވާ ކަމަށް ގާނޫނުއަސާސީގެ 26 ވަނަ މާއްދާގައި ބުނެފައިވެ އެވެ. އެހެންވެ އިދިކޮޅު ފަރާތްކުން ބުނަމުން އަންނަނީ ވޯޓު ލުމުގެ ހައްގުން ސިފައިން މަހުރޫމު ނުކުރެވޭނެ ކަމަށާއި އެއީ ސިފައިންގެ އަގު ވަޒަން ނުކުރުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިއެފް
22 March 2017
މިނިސްޓަރ ހާދަ މޮޅޭ ދޯ. ހުރިހާ ސިފައިންގެ އަނގައިން ވާހަކަ ދައްކަން. އަޅެ ފެންނަ ނުފެންނަ ވޯޓެއް ލާބަލަ. ނަތީޖާ ނިކުންނަނީ ކިހިނެތްތޯ ބަލަން. ހެހޭހޭ މިނިސްޓަރ
ދޭންވީދެން
22 March 2017
ސިފައިންނަށް ވޯޓު ނުލެވޭ ގޮތް ހަދަން ސިފައިން ތާއީދުކުރާ ނަމަ އަވަހަށް ގާނޫނެއް އެކަމަށް ހަދައިގެން ތިޔާ ކަން ނިންމާ ދޭންވީ ނޫންތޭ. ސިފައިންގެ ވާޖިބަކީ އެއީ ސަރުކާރު ދިފާއު ކުރުމެވެ. އެހެން ކަމުން ސިފައިން ނުޖެހޭ ސަރުކާރު ނޫން ފަރާތަކަށް ވޯޓް ލާން ވެސް އަދި ސަރުކާރު ނޫން ފަރާތެއްގެ ޚިޔާލު ވެސް ގެންގުޅެން. އެއިރުން ސިފައިންގެ ކޮންމެ ބޭކަލަކަށް މާލެ ސަރަހައްދުން 3 ކޮޓަރީގެ ލަގްޒަރީ އެޕާރޓްމަންޓް އެއް ސަރުކާރުން ހަމަޖައްސާ ދޭނަމެވެ. އެއިރުން އެނިމުނީ އެއް ނޫން ދޯ. އެމްޓީސީސީ މެދުވެެރިކޮށް އަވަހަށް ފަށަންވީ ހުޅުމާލޭގައި 5000 ލަގްޒަރީ ހައުސިންގް ޔުނިޓްސް އަޅަން ސިފައިންނަށް ދިނުމަށް ޓަކައި. ސިފައިންގެ ވާޖިބަކީ އެއީ ސަރުކާރު ދިފާއު ކުރުމެވެ. ސަރުކާރު ދިފާއު ކުރެވުނީމާ އެއީ ރައްޔިތުން ދިފާއު ކުރެވުނީއެވެ.
އަހުމަދުބެ
22 March 2017
އެންމެ މީހަކު ބުނާ ބުނުމެއް ގެ މައްޗަށް ބޮޑެތި ކަންކަން ނުނިން މޭނެއެވެ.
ނިންމޭނެ
22 March 2017
ނިންމޭނެ. އެއޮތީ ނިންމާފައި. މަހަށް ދޭބަލަ ދެން.
ޢަލީ
22 March 2017
އެމްޑިޕީ ވެރިކަމެއްގަ ނަސީދުގެ ޑިފެންސް މިނިސްޓަރު ބުނިބަހެއްނަމަ ޔާމިނު މިކަމައް ކީކޭ ބުނާނެ؟
އަޙްމަދު
22 March 2017
އަޅުގަނޑަށް މި އާޓީކަލްގައި ޖަހާފައިވާ ފޮޓޯއިން ފެންނަނީ ވަރަށް ބޮޑަށް ކަންބޮޑުވެ މާޔޫސް ވެފައި އަޅުގަނޑުމެންގެ ރައީސް ހުންނެވިތަން. ހުރިހާ ބޭފުޅުން އަދި އެއްފަހަރު މި ފޮޓޯއަށް ރަގަޅަށް ބައްލަވާލައްވާ !
ހަމަހޭ
22 March 2017
ސިފައިންނަށް ވޯޓެއް ނުލެވޭގޮތް ހަދަން ބޭނުންވޭ އެކަމަކު އެމީހުންނަށް ގޮތްކިޔަން ތިބެންޖެހެނީ ސިޔާސީ މީހުން މިދެން ކިހާދެއުޅިއެއްނުވާ ޒާތުގެ ކަންކަން.
ޖެހޭނެ
22 March 2017
ތިބެން ޖެހޭނެ ސިޔާސީ މީހުން. ތަމެންނަށް ނޫން އިނގޭނީ ކަންކަން ކުރަންވާ ގޮތް. މީމަމެންގެ ވެރިކަން އަދި މީ މަމެންގެ ގައުމު އިނގޭ.
އަހައްމަދު އަހައްމަދޭ
22 March 2017
ރަންކޮޅާ ދެލޯފުޅާ ސިފައިން އެކަްޏެއްނޫން އަހަރެމެންވެސް ބޭނުމެއްނުވޭ ތި ވޯޓެއްލާކައް އަހަރެމެން މިއުޅެނީ 150ހާސް މިކޮޅައް ހަމަކޮއްލަން ދެން ގާނޫނައް އިސްލާހު ހުށަހަޅާނީ އަގުލަބިއްޔަތު ލިބޭވަރައް ޕާރޓީއެއްގަ ސައްހަ މެމްބަރުން ހަމަވެއްޖިއްޔާ ވޯޓަކައް ދާކައް ނުޖެހޭނެ، މަމެންގެ ހޭޖެހޭ ސަރުކާރު
ދިވެހިން
22 March 2017
މިއޮތީ އަސްލު މަންޒަރު ބުނެލަދީފަ. ސަޅި
ދިވެހިން
22 March 2017
ސިފައިންގެ ތެރެއިން ކިތައް މީހުންތޯ ތިކަމަަށް އާބަސް ބުނީ މިހާރުވެސް ސިއްރު ވޯޓެއްލާ ޔަޤީން ސިފައިން ވޯޓު ނުލެވޭ އިޞްލާޙަށް ނޫނެކޭ ބުނާނެކަން
ދީފި
22 March 2017
އެންމެން ވަނީ އާނ ބަސް ބުނެ ވަލީ ދީފައެވެ. ދެން ހިނގާ މިކަން ކުރަމާ ދޯ.
ބޭނުންވާގޮތް
22 March 2017
ސިފައިންބުނަނީ ސިފައިންނަށް ވޯޓް ނުލެވޭގޮތަށް ހެދުމަށް އެމީހުން ތާއީދުކުރާނީ އެބައިމީހުންގެ މައްޗަށް ބަސްކިޔުމަށްވެސް ސިޔާސީ ފަރާތެއް ނުހުންނަގޮތަށް، މިވަރުންދެން އެނގެންވާނެ.
މަގޭވޯޓް
22 March 2017
ސިފައިންނަށް ވޯޓުނުލެވޭގޮތް ހަދާކަމުގައިހަދާ ކަމުގައިވަނީނަމަ "ސިފައިންގެ އެއްވެސް މަޤާމެއް ސިޔާސީ ފަރާތަކަށް ދެވިގެން ނުވާނެ" ވައްސަލާމް.