ޓީވީއެމް: ހަމަހަމަކާއި އިންސާފުވެރިކަމާ އެކު ހަބަރާއި މައުލޫމާތު ފަތުރަން އެމްޑީޕީން ވަނީ އެ ސްޓޭޝަނަށް ގޮވާލާފައި. --ފޮޓޯ: ޓީވީއެމް
29 މާޗް 2017 - 18:29
26 comments
ވޭތުވެދިޔަ ތިން އަހަރުގެ ތެރޭގައި، ސަރުކާރުގެ ޕްރޮޕެގެންޑާ މެޝިނަކަށް ޓީވީއެމް ބަދަލުވެފައިވާތީ ކަންބޮޑުވާ ކަމަށް އެމްޑީޕީން ބުނެފި އެވެ.
ޓީވީއެމަށް 39 އަހަރު ފުރުމާ ގުޅިގެން މަރުހަބާ ކިޔައި އެމްޑީޕީން ނެރުނު ބަޔާނުގައި ބުނީ ވޭތުވެދިޔަ 30 އަހަރު ޚަބަރާއި މުނިފޫހިފިލުވުމުގެ ދާއިރާއިން ދިވެހިންނަށް އަގު ނުކުރެވޭ ފަދަ ހިދުމަތްތަކެއް ޓީވީއެމުން ފޯރުކޮށްދީފައިވާ ކަމަށެވެ. ރާއްޖެ ދެކެމުން އަންނަ ބޮޑެތި ބަދަލުތަކާ އެކު ޓީވީއެމް ވެސް އައީ ބަދަލުވެ މިނިވަން ނޫސްވެރިކަމަށާއި ހިޔާލުފާޅުކުރުމާއި މައުލޫމާތު ހޯދައި ލިބިގަތުމުގެ ޗެމްޕިއަނަކަށް ވަމުން ކަމަށް ބަޔާނުގައިވެ އެވެ.
ނަމަވެސް ޓީވީއެމް އަކީ މިހާރު ހަމައެކަނި ވަކިފަރާތެއްގެ ޚަބަރު ގެނެސްދޭ، ސިޔާސީ ކުލަވަރު ޖެހިފައިވާ ޓީވީ ސްޓޭޝަނެއް ކަމަށް އެމްޑީޕީން ބުންޏެވެ.
"ހުރިހާ ފަރާތެއްގެ ޚަބަރު ހަމަހަމަކަމާ އެކު ގެނެސްދޭންވާނެ ކަމުގައި ޕަބްލިކް ސާވިސް މީޑިއާގެ ގާނޫނުގައި ވާއިރު، ޓީވީއެމް އިން ފާޅުގައި ވަކި ފަރާތެއްގެ ހަބަރު ގެނެސްދޭއިރު އެކަމާ މެދު ޕަބްލިކް ސަވިސް މީޑިޔާގެ ގަވަނިން ބޯޑާއި އިސް މެނޭޖްމަންޓުން ހިމޭނުން ތިބުމަކީ ކަނޑައެޅިގެން އެ ޤާނޫނާ އަދި މިނިވަން ނޫސްވެރިކަމުގެ އުސޫލުތަކާ ޚިލާފްވުމެވެ،" ބަޔާނުގައިވެ އެވެ.
އެމްޑީޕީން ބުނީ ޕަބްލިކް ސާވިސް މީޑިއާ އަކީ ނުފޫޒުން އެއްކިބާވެފައިވާ އެޑިޓޯރިއަލްގެ މިނިވަންކަން ފުރިހަމަ އަށް ލިބިފައިވާ ތަނެއްގެ ގޮތުގައި ބާއްވަން އެންމެން މަސައްކަތް ކުރަން ޖެހޭނެ ކަމަށް ގާނޫނުގައި ކަނޑައަޅާފައިވީ ނަމަވެސް އިދިކޮޅު ފަރާތްތަކުގެ ހަބަރުތައް ޓީވީއެމުން ގެނެސް ނުދޭ ކަމަށެވެ. ޓީވީ ޕްރޮގްރާމްތަކުގައި ވެސް ވާދަވެރި ސިޔާސީ ފަރާތްތަކުގެ އިންޓަވިއު ނުގެނެސްދިނުމަކީ ހަމަހަމަކަމުން އެއްކިބާވެފައިވާ ކަމުގެ ހެއްކެއް ކަމަށް ވެސް ބަޔާނުގައިވެ އެވެ.
"ޓީވީއެމްގެ 39 ވަނަ އަހަރީ ދުވަހު ޓީވީއެމްއަކީ ރައްޔިތުންގެ ޚަރަދުގައި ރައްޔިތުންނަށް ހަމަހަމަ ގޮތުގައި ޚަބަރު ފޯރުކޮށްދީ، އިހްލާސްތެރިކަމާއެކު އެ މަސައްކަތްކޮށްދިނުމަށް ގާނޫނުން މަތިކޮށްފައިވާ ބައެއް ކަމުގައި ހަނދާން ކޮށްދެމެވެ. ޑިމޮކްރަސީގެ 4 ވަނަ ބާރަކީ މީޑިއާ ކަމުގައިވާއިރު އަދި ވަކިން ހާއްސަކޮށް އެއީ ދައުލަތުގެ މީޑިއާ ކަމުގައިވާއިރު އެއީ ވަކިފަރާތެއްގެ ސިޔާސީ އެޖެންޑާ ޕްރޮމޯޓުކުރާ ބައެއް ކަމުގައި ވެގެން ނުވާނެ އެވެ،" އެމްޑީޕީގެ ބަޔާނުގައިވެ އެވެ.
ދައުލަތުގެ މީޑިއާ އަކީ މިނިވަން އިންސާފުވެރި ތަނަކަށް ހަދައި ވަކި ފަރާތަކަށް ނުޖެހި ރައްޔިތުންނަށް ހަބަރާއި މައުލޫމާތު ފޯރުކޮށްދޭން އެމްޑީޕީން ވަނީ ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުރިޔާ
30 March 2017
އަދިވެސް ހުރޭތަ ތިޔަނަންކިޔާތަނެއް
ޢައި
30 March 2017
ތެދެއް ތިޔަތަން ހަމަ އޮތީ ތިގޮތަށް ކުރީގަ އަޅުގަނޑުގެ އެންމެ މަގުބޫލު ޗެނަލްއަކީ ތިއީ ނަމަވެސް ތިތަން މިހާރު ސިޔާސީ ކޮށްފަވާލެއް ބޮޑުކަމުން ތިޗެނަލްއަކަށް ނާޅުވަން. ކޮމިޝަންގެ މެންބުރުންގެ އެއްވެސް އިޙުލާޞްތެރިކަމެއް ނެތް..
ބޯވަ
30 March 2017
އެމްޑީޕީ ސަރުކާރުގައި ތިޔަތަކަނީ ކުންފުންޏެއްގެ ގޮތުގައި ރަޖިސްޓްރީކޮށްގެން ވިޔަފާރީ އުސޫލުން ހިންގިތަނެކެވެ. ނަމަވެސް މިއަދު ވަކި ގާނޫނެއްގެ ދަށުން ދައުލަތުން ޚަރަދުކޮށް މިނިވަންކަމާއެކު ޚަބަރު ފޯރުކޮށްދިނުމަށް ގާނޫން މަތިކޮށްފައިވާ ތަނެކެވެ. ވީމާ، އޭރުގެ ގާނޫނީ ހައިސިއްޔަތާއި މިހާރު ތަފާތެވެ. އެޑިޓޯރިއަލްގެ ޒިންމާވެސް ތަފާތެވެ. ގަވަރނިން ބޯޑާއި މެނޭޖްމަންޓަށް ގާނޫނު ލާޒިމް ކޯށްފައިވާކަންވެސް ތަފާތެވެ.
މީތާ
30 March 2017
އެމްޑީޕީ މީހުން މިނިވަން މީޑިއާގެ ވާހަކަ ދެއްކުން ލަދު ގަންނަންޖެހޭ. ވެރިކަމަށް އަރާފައި ޓީވީއެމް ރީބްރޭންޑް ކުރީ ހަމަ ސަރުކާރުގެ ކޮންޓްރޯލް ދަށަށް ގެންނަންވެގެން. ދެން ޕްރައިވެޓް ޗެނެލްތަކާމެދުވެސް ކަންތައް ހިނގިގޮތް އެބައެނގޭ. މާޑިމޮކްރަޓިކް ވެގެން އުޅުނަސް ތިމާމެންގެ ކިބައިގާވެސް ހިތްވަރެއް ނުހުރޭ އިދިކޮޅު މީހުން ދައްކާ ވާހަކަތައް ހަޖަމްކުރުމުގެ.
ފުނަދޫ ތަކުރުު
30 March 2017
ރާއްޖެޓީވީގަ އެދައްކަނީ ވަކި ކޯޗެއްތޯ؟ ޕްރޮޕަގެންޑާ ފެކްޓްރީއެއް އެއީ.
ޙަސަންބެ
30 March 2017
ޢެމްޑީޕީ ސަރުކާޜޭ ތިކިޔަނީ ބަލަ ރައިޔަތުން ނިކުމެ އެސަރުކާރު ވައްޓާލީ އެމީހުން ތިޔަ ތަން ÷ޕްރޮޕެގެންޑާ މެޝިނަކަށް ހެދީމާ. ޢެކަން ހަދާން ނެތިގެން ބަޔަކު ހަމަ އެގޫތަށް ކަންތަޢް ކުރަންޔާ ހަމަ އެދުވަސް މާކަ ދުރެއްނުޥާނެ.
ޢަލީގެ މަލީ
30 March 2017
ތި ވާހަކަ ދައްކަން އެންމެ ރަނގަޅީ ތިބޭފުޅުންނާއި ރާއްޖެ ޓީވީ... ހަމަ ސާބަހާ އައްސެރިބަސް
ހާމިދު
30 March 2017
ރާއްޖެއަށް ބޭނުންވަނީ ރައްޔިތުންގެ ޓެކްސް މަނީއިން ހިނގާ މިނިވަން ހުރިހާ ބައެއްގެ އަޑުތައްވެސް ގެނެސްދޭ ޕަބްލިކް ބްރޯޑްކާސްޓިންގ ސަރވިސް އެކެވެ. އެއާއެކު އެކީހެން ސީދާ ސަރުކާރުގެ ޚަބަރުތައް ގެނެސްދޭ ޓީވީއެއްވެސް ހުންނަންޖެހެއެވެ. އޭރުން ކޮންމެ ބަޔަކު ވެރިކަމަށް އެރިއަސް ފުރަތަމައިނުންވެސް ޕަބްލިކް ބްރޯޑްކާސްޓަރު ކަސްތޮޅެއް ނާޅުވާނެއެވެ.
އަދާލަތު
29 March 2017
މޑޕ ވެރިކަމުގަ ހުރީ އެތަން ތިބުނާ ގޮތަށް. ޟިހާރު %100 މިނިވަން.
މަންސޫރު
29 March 2017
ބުނަންތޯ ވާހަކައެއް. މި ސަރުކާރު ކުރާ ހަޑި ހުތުރު ކަންކަމަށް މިހާރު ކޮމެންޓު ކުރާ މަންސޫރު ދުށީން އެމްޑީޕީ ސަުކާރުގައި އެމީހުންގެ ޕްރޮޕެގެންޑާ މެޝިނަކަށް ތިޔަ ސްޓޭޝަން ބޭނުން ކުރި ތަންވެސް.