30 މެއި 2017 - 13:34
24 comments
މާލޭ މަސް މާރުކޭޓަށް ގެންނަ މަހުގެ އަދަދު މަދުވެ، މަހުގެ އަގު އިންތިހާއަށް އުފުލިއްޖެ އެވެ.
މާރުކޭޓުގައި މިހާރު އެވްރެޖްކޮށް ކަޅުބިލަ މަސް އަދި ގޮދާ ކިލޯއެއް އުޅެނީ 75ރ. އާއި 80ރ. އާ ދެމެދުގެ އަގެއްގަ އެވެ. އެހެން ކަމުން ހެޔޮވަރު ސައިޒުގެ މަހެއްގެ އަގު އުޅެނީ 375ރ. އަށް ވުރެ މަތީގަ އެވެ.
މާލޭ މަސް މާރުކޭޓުގައި މަސް ވިއްކަން ހުރި މީހަކު ބުނީ ރޯދަމަސް ފެށުމާއެކު ބައެއް ރަށްރަށުގެ މަސްވެރިން މަހަށް ފުރުން ވަރަށް ބޮޑަށް މަދުވެފައިވާ ކަމަށެވެ.
މަސް މާރުކޭޓުގައި ވިއްކަން ބަހައްޓާފައި ގޮދާތަކެއް: ގޮދާ ކިލޯއެއް އުޅެނީ 70ރ. އަށް ވުރެ މަތީގައި. ފޮޓޯ: ނިޝާން އަލީ /މިހާރު
"އާއްމުކޮށް ރޯދަމަހުގެ ފުރަތަމަ ހަފުތާގައި ވަރަށް މަދު ބަޔަކު މަހަށް ފުރާނީ. އެހެންވެ މަސްވެރިން ގެންނަ މަހުގެ އަދަދު ވަރަށް ބޮޑަށް މަދު. އަންނަ ހަފުތާއިން ފެށިގެން މަސް ތިޔާގިވެ އަގު ހެޔޮވާނެ ކަމަށް ބެލެވޭ،" އޭނާ ބުންޏެވެ.
މަސް މާރުކޭޓަށް އެންމެ ގިނަ އަދަދަކަށް މަސް ގެނެސްފައި ހުރީ ހުވަދު އަތޮޅުންނާއި މ. އަތޮޅުންނެވެ. ހުވަދޫން އެންމެ ގިނައިން ގެނެސްފައި ހުރީ ކަޅުބިލަމަހާއި ގޮދާ އަދި ކަންނެލި އެވެ. މ. އަތޮޅުން އާއްމުކޮށް ގެނެސްފައި ހުރީ ލައްޓި އާއި ރާގޮނޑި އެވެ.
މާރުކޭޓުގައި ހެޔޮވަރު ސައިޒުގެ ކަނޑުމަހެއްގެ އަގު 375ރ. އަށްވުރެ މަތީގައި އުޅޭއިރު ލައްޓި އާއި ރާގޮނޑި އުޅެނީ އާއްމުކޮށް ކިލޯއެއް 45ރ. އަށެވެ. އަދި ބައެއް މީހުން 20ރ. އަށް ރާގޮނޑިއެއް ވެސް ވިއްކަ އެވެ. އަދި ކަންނެލި ކިލޯއެއްގެ އަގު އުޅެނީ 55ރ. އާއި 70ރ. އާ ދެމެދުގެ އަގެއްގަ އެވެ. ފަރުމަހުގެ ބާވަތްތަކުގެ ތެރެއިން އާއްމުކޮށް ގަންނަ ރަތްމަސް އުޅެނީ ކިލޯއެއް 90ރ. އަށެވެ.
މާރުކޭޓުގައި ވިއްކަން ބަހައްޓާފައި ހުރި ފަރުމަސްތަކެއް: ފަރުމަހުގެ އަގު ވެސް އިންތިހާއަށް ބޮޑު. ފޮޓޯ: ނިޝާން އަލީ /މިހާރު
"މިތަނުގެ މަހުގެ އަގު ކަނޑައެޅިގެން ދަނީ މަހުގެ ތާޒާކަމަށް ބަލައިގެން. ގިނަ ދުވަސްވާ ވަރަަކަށް އަގު ދާނީ ތިރިވަމުން،" ގދ. މަސް ހިފައިގެން އައިސް ހުރި މީހަކު ބުންޏެވެ.
އެ މީހާ ބުނީ މާލޭގެ މާރުކޭޓުގައި މިވަގުތު އެންމެ ތާޒާ ކަނޑުމަސް ވިއްކަނީ ހުވަދޫ މަސްވެރިން ކަމަށެވެ. އެގޮތުން ބާނާތާ ދެ ދުވަސްތެރޭގައި މާލެ ގެންނަ ކަމަށް އޭނާ ބުންޏެވެ.
"މި ދުވަސްވަރު ކޫއްޑު އަށް ވިއްކުމަށްވުރެ ފައިދާ މާބޮޑު މާލެ ގެނެސް ވިއްކުމުން. ކޫއްޑު އަށް ގަންނަނީ ކިލޯއެއް 19ރ. އަށް. މިތަނުގައި އެބަ ވިކޭ ކިލޯއެއް 70ރ. އަށް،" އެ މީހާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯފަން އަބްދުﷲ
31 May 2017
އަޅުގަނޑުމެންގެ ޓީމްގޮސް ބެލުމުން ފެނުނީ އެއްމެ މާރުކޭޓެއްގަ އަގުބޮޑުކޮށް ހުއްޓާ. ރާއްޖޭގެ އެހެން މާރުކޭޓު ތަކުގައި އަގު ހުރީ ހެޔޮކޮށް. އެންމެ އަގުބޮޑު މާރުކޭޓުން މަސްގަތުން އެއީ މަސް ގަންނަ ބޭފުޅެއްގެ ކަމެއް. މާލޭގަ ނޫނަސް މަސްމާރުކޭޓު ހުރޭ. އެތަންތަންން މަސް ބައްލަވައިގަތުން ރަނގަޅުވާނެ.
ހަބަރު
31 May 2017
ފަރުމަހުގެ އަގު ކިޔައި ދެވުނު ނަމަ . މަހުގެ އެއްބައި ވާނި ޚަބަރުގެވެސް އެއް ބަޔަށް.
ފުރައްސާރަ
31 May 2017
ދިވެހިތާރީޚުދުއް - (މަސްވެރިންނަށް މަލާމާތާއި ފުރައްސާރައާއި ހުވަފެން ދައްކާ ހަޤީޤަތަކަށް ނުހެދުނު ) ވަޒީރު
ޑޯން
30 May 2017
ފަޅުރައްތަށް ހުލުވާލިގޮތައް މޮލުކަމެއްނެއްތަ....
ބްލެކް މޭން
30 May 2017
ސާބަހޭ ފެލުނު ވަރަކަށް ފެލާލާ.. މަހުގެ ބަދަލު މޭބިސް ކަދުރު ދިޔަ ނުކުންނަވަރަށް ފެލާލާ.
ހީހީ ހަލާކު
30 May 2017
ކޮމެންޓްތަކަށް ރިއާޔަތްކޮށް ވިސްނާލިއިރު އަދި މަށަށް ހަޖަމްކުރަން ފަސޭހަ ވާހަކަތަކެއް ނޫން މިހިރީއަކީ. މާލޭގެ ގެދޮރުގެ އަގުބޮޑުވުމަކާ މަހުގެ އަގާ އޮތީ ކޮން ގުޅުމެއް؟ މަސްވެރިން މާލެއަށް ހިލޭ މަސް ބެހިޔަސް ގެދޮރުގެ ކުލީގެ އަގެއް ހެވެއްނުވާނެ. މާލޭގަ މަސްގަންނަން ތިބީ ގެދޮރުވެރިންނެއް ނޫން. އަގުބޮޑުކޮށްވެސް ގަންނަންތިބީ އެއްކަލަ ރާއްޖެތެރެއިން މާލެ ހިޖުރަކޮށް ބުރަ މަސައްކަތް ކޮށްގެން ލިބޭ ފައިސާކޮޅު ގެދޮރުވެރިންނަށް ދެމުން އަތްމަތި ދަތިވެފަތިބި ރާއްޖެތެރޭ މީހުން. މަހުގެ އަގު ކިތަންމެ ބޮޑުވިޔަސް އެއްކަލަ ގެދޮރުވެރިޔާ ހިތަކަށް ކަހެރުވަކެކޭވެސް ނާރާނެ.
ޢީސާ
30 May 2017
މާލޭމީހުންވެސް ފެލަނީ ރާއްޖެތެރޭމީހުން... އެހެންވީމާ ރާއްޖެތެރޭމީހުން ރާއްޖެތެރޭމީހުން ފެލުމަކީ މައްސަލައެއް އޮއްކަމެއް ނޫން... ދެން އެންމެ މަހެއްގައި ބާޒާރުގައި ތަކެތީގެ އަގުބޮޑުވީމަ ވަޒީރުން ބާޒާރުގެ އަގުތައް ބަލަން ބާޒާރަށް ޒިޔާރަތްކޮށް ފަޅުރަށްތައް ހިލޭބަހާއިރު މާލޭގެ ކުލީގެ ވާހަކަ ނުދައްކަނީ ކަމެއް ވީމަތާ...އަގާއި ނުބައްދަލު ކުލިކޮޓަރިތަކުގަ އުޅެންކަމުންދާ ކޮޓަރިތަކުގެ ކުލީކޮޓަރިތަކުގެ ކުލި ކޮންޓްރޯލް ކުރަން ކެރޭނެ ވަޒީރަކު ހަމަނެތީބާ.. ނޫނީ ގަސްދުގަ އެވާހަކަ ނުދައްކަނީބާ...
މަސް
30 May 2017
ދިވެހިންނޭ ހަމަ އެކަކުވެސް މަސް ނުގަނޭ ބަދަލުގައި ކުކުޅު ބަޖިޔާ ގުޅަ ބިސް ސޭންޑްވިޗް ހަދާލާ މާމީރު މާ އަގުހެޔޮ
ބެއްޔާ8
30 May 2017
"މި ދުވަސްވަރު ކޫއްޑު އަށް ވިއްކުމަށްވުރެ ފައިދާ މާބޮޑު މާލެ ގެނެސް ވިއްކުމުން. ކޫއްޑު އަށް ގަންނަނީ ކިލޯއެއް 19ރ. އަށް. މިތަނުގައި އެބަ ވިކޭ ކިލޯއެއް 70ރ. އަށް،" އެ މީހާ ބުންޏެވެ ' ....ހެޔޮ ނުވާނެ ދޯ މިއޮއްފަދަ މާތް ވެގެންވާ މަހު މިހާބޮޑަށް މީހުން ފެލާލާކަށް.
ފެންޑާ
30 May 2017
މިނޫނީ ދުނިޔެވީ ހަމަތަކުގެމަތީން ބޭރުވެ ކަންތައްކުރާ މީހުން އުޅޭ ޤައުމެއް ނޯންނާނެ...ކޮންމެ މީހެއްގެވެސް އަޒުމަކީ ދެންހުންނަ މީހާ ފެލާލުން ކަމުގައި މިވަނީ ވެފަ...
ކައުންސެލަރު
30 May 2017
"މި ދުވަސްވަރު ކޫއްޑު އަށް ވިއްކުމަށްވުރެ ފައިދާ މާބޮޑު މާލެ ގެނެސް ވިއްކުމުން. ކޫއްޑު އަށް ގަންނަނީ ކިލޯއެއް 19ރ. އަށް. މިތަނުގައި އެބަ ވިކޭ ކިލޯއެއް 70ރ. އަށް،" އެ މީހާ ބުންޏެވެ." އެހެންވީމާ އެބައެނގޭ ހަމަ ހިތަށް އައިއަގެއް ކިޔަނީކަން. މަސްވެރިންނޭ، ދަނޑުވެރިންނޭ، ވިޔަފާރިވެރިންނޭ މިނޫން ދުވަހެއް އޮތްކަން ހަނދާން ނެތުނީތޯ..
އިތުރު
30 May 2017
މާލޭ ބިންވެރިންނޭ....