ކުރީގެ ރައީސް މައުމޫން (ވ) ކުރީގެ ނައިބު ރައީސް އަހުމަދު އަދީބާއެކު. މައުމޫން ވެސް ވިދާޅުވި ގޮތުގައި އަދީބަށް ވަނީ ސިއްހީ މައްސަލަތަކެއް ކުރިމަތިވެވަޑައިގެންފައި.-- ފޮޓޯ: ރައީސް އޮފީސް
08 ޖޫން 2017 - 11:26
29 comments
ދިގު މުއްދަތުގެ ޖަލު ހުކުމެއް ތަންފީޒު ކުރައްވާ ކުރީގެ ނައިބު ރައީސް އަހުމަދު އަދީބަށް އެކަށީގެންވާ ބޭސްފަރުވާ ލިބެން ޖެހޭނެ ކަމަށް ކުރީގެ ރައީސް މައުމޫން އަބްދުލްގައްޔޫމް މިއަދު ވިދާޅުވެއްޖެ އެވެ.
މައުމޫން ކުރެއްވި ޓުވީޓެއްގައި ފާހަގަކުރެއްވި ގޮތުގައި އަދީބު ޖަލުގައި ހުންނެވި އިރު ވަނީ އާލާސްކަންފުޅެއް ކުރިމަތިވެވަޑައިގެންފަ އެވެ. އަދި އަދީބުގެ އިތުރުން ޖަލުގައި ސިއްހީ ފަރުވާ ބޭނުންވެފައި ތިބި ގައިދީންނަށް އެކަށީގެންވާ ބޭސްފަރުވާ ދައުލަތުން ފޯރުކޮށްދޭން ޖެހޭނެ ކަމަށް މައުމޫން ވިދާޅުވި އެވެ.
އަދީބަށް އެކަށީގެންވާ ބޭސްފަރުވާއެއް ނުލިބޭ ކަމަށް އެމަނިކުފާނުގެ އާއިލާއިންނާއި ވަކީލުން ފާހަގަ ކުރާއިރު، ރައްޔިތުންގެ މަޖިލިހުގެ ބައެއް މެމްބަރުން ވެސް ވަނީ އެކަމުގެ ކަންބޮޑުވުން ފާޅުކުރައްވައިފަ އެވެ.
Understand former VP Adeeb is ill in prison. All prisoners, including Adeeb, must be given appropriate medical care by the state.
— Maumoon Abdul Gayoom (@maumoonagayoom) June 8, 2017
މައުމޫން ކުރެއްވި ޓުވީޓު.
ޕީޕީއެމުން ވަކިކުރި މަޑުއްވަރީ ދާއިރާގެ މެމްބަރު މުހައްމަދު އަމީތު ރޭ ކުރެއްވި ޓުވީޓެއްގައި ވިދާޅުވި ގޮތުގައި އަދީބުގެ ސިއްހީ ހާލަތާ ގުޅޭ ކަންބޮޑުވުންތަކުގެ އަޑު ސަރުކާރުން އަހަން ޖެހެ އެވެ. އަދި އެންމެންގެ މައްޗަށް އިންސާފު އެއް ހަމައަކުން ގާއިމު ކޮށްދެއްވުމަށް އޭނާ ގޮވާލެއްވި އެވެ.
Adeeb ge sihhee haalathaa gulhey kanboduvun thakuge adu sarukaarun assavan jehey. Insaafu emmenge machah eh hamayakun gaaim kohdhevvaa.
— Mohamed Ameeth (@MohamedAmeeth) June 7, 2017
އަމީތު ކުރެއްވި ޓުވީޓު.
ޕީޕީއެމްގެ ތިމަރަފުށީ ދާއިރާގެ މެމްބަރު މުހައްމަދު މުސްތަފާ ކުރެއްވި ޓުވީޓެއްގައި ވިދާޅުވި ގޮތުގައި އަދީބު ބޭސްފަރުވާ އަށް ކުޑަ ދުލެއް ދިން ކަމުގައިވިޔަސް، މި ސަރުކާރު ވައްޓާލާނެ ކަން ރައީސް އަބްދުﷲ ޔާމީން ގަބޫލުފުޅު ކުރައްވަ އެވެ. އަދި އަދީބުގެ ބޭސްފަރުވާ އަށް ލުޔެއް ނުދޭން ރައީސް ޔާމީން އުޅުއްވަނީ ބިރުފުޅުން ކަމަށް މުސްތަފާ ވިދާޅުވި އެވެ.
"އަދީބު ގޭބަންދަށް ބަދަލު ކުރަން ރައީސް ޔާމީން ބިރު ގަނޭ، ރާއްޖޭން ބޭރަށް ފުރުވަން ބިރު ގަނޭ، ޖަލުގައި ބައިންދަން ބިރު ގަނޭ، ހަމަވެރިކަން ވައްޓާލަފާނެތީ،" މުސްތަފާ ކުރެއްވި ޓުވީޓެއްގައިވެ އެވެ.
އަދީބުގެ އެތެރެހަށީގައި ސިސްޓެއް އުފެދި، ކިޑްނީގައި ހިލަ އުފެދުމާއި ލޮލަށް ޖެހޭ ވަރަށް ނުރައްކާތެރި ބައްޔެއް ކަމަށްވާ "ގްލުކޮމާ" އަދީބަށް ޖެހިފައިވާ ކަމަށް އާއިލާ އިން ވަނީ ބުނެފަ އެވެ. އެހެންވެ، އަދީބުގެ ފަރުވާއަށް ހުރަސް ނާޅައި، އެމަނިކުފާނު ރާއްޖޭން ބޭރަށް ފުރުމުގެ ހުއްދައަކަށް އާއިލާ އިން ވަނީ އެދިފަ އެވެ.
ބޭސްފަރުވާ އަށް އަދީބު ފުރާވަޑައިގަތުމުގެ ހުއްދައަކަށް އާއިލާއިން އެދިފައި އޮތަސް، އަދީބަކީ މިހާރު ކަރެކްޝަންސްގެ ބެލުމުގެ ދަށުގައި ހުންނެވި ބޭފުޅަކަށް ނުވާތީ އެކަމާ މެދު ގޮތެއް ނުނިންމޭނެ ކަމަށް ކަރެކްޝަންސް އިން ވަނީ ބުނެފަ އެވެ. އަދީބު އަދިވެސް ހުންނެވީ ފުލުހުންގެ ބެލުމުގެ ދަށުގައި ދޫނިދޫގަ އެވެ. އެކަމަކު ފުލުހުން ބުނެފައި ވަނީ އަދީބުގެ ބޭސްފަރުވާއާ ގުޅޭ ގޮތުން ލުޔެއް ހޯދަން ހުށަހަޅަން ޖެހޭނީ ކަރެކްޝަނަލް ސާވިސް އަށް ކަމަށެވެ.
ރާއްޖޭގައި ހިންގި އެންމެ ބޮޑު ކޮރަޕްޝަން ކަމަށްވާ އެމްއެމްޕީއާރުސީގެ ވައްކަމުގައި އަމަލީ ގޮތުން އެންމެ އިސް ދައުރެއް އަދާކުރެއްވުމާއި ރައީސް ޔާމީން އަވަހާރަ ކޮށްލަން ރޭވި ކަމުގެ ކުށުގައި ޖުމްލަ 33 އަހަރުގެ ޖަލު ހުކުމެއް އަދީބުގެ މައްޗަށް އައިސްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓައިގަރ
08 June 2017
އޭކްތާ ޓައިގަރ!
ތައްލޭ
08 June 2017
ބަލަގަ މިހާތަނަށް ހުކުންކޮށް ސާބިތުވެފައިވާ ބައެއްކަންކަމަކީ ބޮޑެތިޖަރީމާތަކެއްދޯ ! އެވަރުގެ ނުރައްކާތެރި މީހަކު ފަރުވާކުރާށޭ ކިޔައިގެން ދޮގުހަދާނެވަރު ވިސްނާލަބަލަ.
މަނީ މަނީ ޔެސް ސާ
20 June 2017
ހާލިދުބުނު ވަލީދައްވެސްވިދޯ ރައިސްޔާމިނަށް،● .ބޮން ހެދިމީހާއައް ހުކުމްކުރީ ބަންދުގަހުރި މުއްދަތުހަމަވީމަ ހުކުމްތަންފީޒް ކޮަށް ނިމޭވަރަށް● .އެކަމް ނުރަށްކާތެރި ޓެރަރިޒަމް ● އަނެއްބޮން ހަދާ ފާނެކަމުގެ ބިރުވެސް އެބައޮތްދޯ ● ހެހެ
ބާރީ
08 June 2017
މައިބަދަ ބިނދިގެން މަރުވަނީ ކަމަށް ބުނެގެން ފަރުވާއަށް ފޮނުވި މީހާވެސް އަނެއް ދުވަހު ފެނުނީ ބޭރު ޤައުމެއްގަ ގޮނޑި ދުއްވުމުގެ ރޭހެއްގައި ހެސްކިއާފަ ގޮނޑި ދުއްވާތަން، އެހެންވީމަ ހެޔޮނުވާނެ ޖަލުގައި އޮވެގެން ބަލިކަމަށް ބުނާ އިރަށް ނުރައްކާތެރި ކުއްވެރިން ފަރުވާއަށް ބޭރަށް ފޮނުވާކަށް ނުޖެހޭނެ، ރާއްޖެއިން ވެސް ބޭސް ކޮށްދެވޭނެ، އަދި ބަލިވީމަ ޖެހޭނެ ބޭސްކޮށްދޭންވެސް
ލޮލް
08 June 2017
ރާއަޖޭގެ ރަޔީތުންގެ ލާރި ކާލި މިކަލޭގެ ޖަލުގަ މަރުވިޔަސް މަށަށް ހެޔޮ!
ސލ
08 June 2017
ބަލަ މުސްތަފާ! ކޮބާތަ މައްސަލައަކީ؟ ރަގަޅޭ އޭނަ ބޮން ގޮއްވައިގެން އެތަށް ބަޔަކު މަރާލާފައި ސަރުކާރު ވައްޓާލަން އުަޅެފާނެތީއޭ ޖަލަށް ލާފަ އެޔޮތީ! ރައްޔިތުންގެ ސަލާމަތަށް އެދޭ ވެރިޔަކު ބިރުގަންނާނެ އޭނަ ދޫކުރަން 1 ސިކުންތަށްވެސް! މުސްތަފާމެން ތިތިބެނީ ދެކޮޅުވެގެންގޮސް ހައްދުންބޭރުވެފައި!
ދނ
08 June 2017
މިކަލޭގެ ވަގަށްނެގިހާ ލާރިތައް ކޮބައިހޭ؟ ދުވަސްކޮޅަކުން އަނެއްކާ އަންނައިރަށް އަހަރެމެން މިކަލޭގެ ވަރެއްނެތިގެން އުޅޭނެ. އޭތި ކަޑަދޯ؟
ޢަސަރު
08 June 2017
ދިގު ތިރީސް އަހަރު ގައިދީން ނަށް ބޮލުގަ ރިއްސުމާ މޭގައި ރިއްސުމަށް ވެސް ދަތް އުގުޅާ ބޭސްކޮޅެއް ފަތެއްގަ ޖަހައިގެން ދީފަ މިއަދު މަނިކުފާނަށް ވިސްނި ވަޑައިގެންފި ދެއްތޯ
މެންޓަލިސްޓް
08 June 2017
އަޅުގަނޑު އެއްވެސް ހާލެއްގައި ނުބުނަން ، އަދީބް ބަލިނޫނެކޭ ،،، ނަމަވެސް ޖަލުން ފިލި ގިނަމީހުން ފިލުވައިގެން އުޅެނީވެސް ހަމަ ބަލިބޮޑުވެގެން ދެން އެހެންގޮތެއްނެތިގެން ބޭސްކުރަން ބޭރަށް ފޮނުވީމައި ،،، މިސާލަކަށް ސަގަރު ލުތުފީ ،،،، ސެވަން އިލެވަން އިސްމާއިލް ސޯދިގް ، ސާންދާން ލުތުފީ ،، ރައީސްނަޝީދު ، ދިއްގަރުދާއިރާގެ ކުރީގެ މެންބަރު ނާޒިމް ، އަކީ ފެންނާން ހުރި ދަލީލްތަށް ،،، އެމީހުންވެސް ބަލިބޮޑުވެގެން ކޮންމެހެން ބޭރަށް ނުގެންދެވިއްޖިއްޔާމުން ފުރާނައަށް ނުރައްކާވެދާނެކަމަށް ހީއްކޮށް ޑޮކްޓަރުން ލިއުންތަށް ދީގެން ފޮނުވީ ،،،، ނަމަވެސް އާޙިރުގައި ރާއްޖެއިން ބޭރަށްގޮސް ކުރާބޭހެއްވެސް ފެންނާކަށްނޯވޭ ،،، ނަޝީދުވެސް މައިބަދަ އޮޕަރޭޝަންކުރަން ދިއައީ ،،، އަދިއެއް ކުރިއޮޕަރޭޝަންއެއް ނެތް ،، ނާޒިމްވެސް ހަމައެހެން ،،، ވީމާ އަދީބްގެވެސް މިހާރު ހުންނާނެ ހުރިހާ ބައްޔެއްވެސް ،،، ހަމަރާއްޖެއިން ބޭރަށް ދެވޭއިރަށް އެރަގަޅުވީ ،،،، ވީމާ އަދީބްވެސް ޖަލުން ސަލާމަތްވެ ބޭރުދުނިޔޭގެ މާހައުލަށް ދާން އެތައްޔާރުވަނީ ،،، ވަރަށްވެދުން
ބަތޫކް
08 June 2017
ކުށްވެރިއަކަށް ވިޔަސް އެމީހަކަށް އިންސާނީހައްގުތަކާާއި އެއްގޮތަށް އެމީހަކަށް ބޭސްފަރުވާއާއި، ރައްކާާތެރި ކާބޯތަކެއްޗާއި ފެނާއި އެހެނިހެން ކަންކަންކޮށްދިނުމަކީ ބައިނަލްލަގުވާމީ މުއާހަދާތަކުންވެސް އަންގާކަންކަން
ސާދާސީދާ
08 June 2017
މައުމޫން ޒިންދާބާދު!