ބާރަށާއި ހަނިމާދޫ އަދި ހޯރަފުށީގައި ބޯފެނާއި ނަރުދަމާގެ ނިޒާމު ގާއިމުކުރުމަށް 114 މިލިއަން ޚަރަދު ކުރަނީ
ބާރަުގައި ނަރުދަމާގެ ނިޒާމު ގާއިމުކުރުމުގެ އެއްބަސްވުމުގައި މިއަދު ސޮއިކުރެއްވުމަށް ފަހު، ތިމާވެއްޓާ ބެހޭ މިނިސްޓަރު ތޯރިގް އިބްރާހީމާއި ބާރަށު ދާއިރާގެ މެމްބަރު އިބްރާހިމް ޝުޖާއު (ވ) ނޫސްވެރިންނާ ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
21 ޖޫން 2017 - 16:25
7 comments
ހއ. ހޯރަފުއްޓާއި ހދ. ހަނިމާދޫގައި ބޯފެނުގެ ނިޒާމު އަދި ހއ. ބާރުގައި ނަރުދަމާގެ ނިޒާމު ގާއިމު ކުރުމަށް ދެ ކުންފުންޏަކާ މިއަދު ހަވާލުކޮށްފި އެވެ.
ތިމާވެއްޓާ ބެހޭ މިނިސްޓްރީގައި ބޭއްވި ރަސްމިއްޔާތެއްގައި، ހޯރަފުއްޓާއި ހަނިމާދޫގައި ބޯ ފެނުގެ ނިޒާމު ގާއިމްކުރުމުގެ މަސައްކަތް ހަވާލުކުރީ އެމްޑަބްލިއުއެސްސީއާ އެވެ. މި އެއްބަސްވުމުގައި ތިމާވެއްޓާ ބެހޭ މިނިސްޓްރީގެ ފަރާތުން ސޮއިކުރެއްވީ މިނިސްޓަރު ތޯރިގް އިބްރާހީމް އެވެ. އެމްޑަބްލިއުއެސްސީން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ފަޒުލް ރަޝީދު އެވެ.
ހޯރަފުއްޓާއި ހަނިމާދޫގައި ބޯ ފެނުގެ ނިޒާމު ގާއިމްކުރުމުގެ މަސައްކަތް އެމްޑަބްލިއުއެސްސީއާ ހަވާލުކުރުމަށް މިއަދު ބޭއްވި ރަސްމިއްޔާތުގައި ތިމާވެއްޓާ ބެހޭ މިނިސްޓަރު ތޯރިގާއި އެމްޑަބްލިއުއެސްސީގެ އެމްޑީ ފަޒުލްގެ އިތުރުން ހޯރަފުށީ ދާއިރާގެ މެމްބަރު މުހައްމަދު އިސްމާއިލް އަދި ހަނިމާދޫ ދާއިރާގެ މެމްބަރު ޝަހުދީ ބައިވެރިވެވަޑައިގަންނަވަނީ.---މިހާރު ފޮޓޯ: ހުސެއިން ވަހީދު
ބާރަށުގައި ނަރުދަމާގެ ނިޒާމު ގާއިމުކުރުމުގެ މަސައްކަތް ހަވާލުކުރީ އެސްޖޭ ކޮންސްޓްރަކްޝަން އެންޑް ޓްރޭޑިން ޕްރައިވެޓް ލިމިޓެޑާ އެވެ. އެ ކުންފުނިން މި މަޝްރޫއު ހިންގާނީ ކޯތް ކޯސްޓް ކޮންސްޓްރަކްޝަން ޕްރައިވެޓް ލިމިޓެޑާ އެކު ހަދާފައިވާ ޖޮއިންޓް ވެންޗާއެއްގެ ދަށުންނެވެ.
ބާރަށު ނަރުދަމާގެ މަޝްރޫއުގެ އެއްބަސްވުމުގައި ތިމާވެއްޓާ ބެހޭ މިނިސްޓްރީގެ ފަރާތުން ސޮއިކުރެއްވީ މިނިސްޓަރު ތޯރިގް އިބްރާހީމް އެވެ. އަދި އެސްޖޭ ކޮންސްޓްރަކްޝަނުން ސޮއިކުރެއްވީ މެނޭޖިން ޑިރެކްޓަރު ޝިހާދު އިބްރާހިމް އެވެ.
މިއަދުގެ ރަސްމިއްޔާތުގައި ބައިވެރިވެވަޑައިގެންނެވި ބޭފުޅުން ގުރޫޕް ފޮޓޯއެއް ނަންގަވަނީ.---މިހާރު ފޮޓޯ: ހުސެއިން ވަހީދު
ބޯ ފެނުގެ މަޝްރޫއު ކުރިއަށް ގެންދަނީ އޮޕެކް ފަންޑު ފޯ އިންޓަނޭޝަނަލް ޑިވެލޮޕްމަންޓް ލޯން އެހީ އާއި ދިވެހި ސަރުކާރުގެ ޚަރަދުގަ އެވެ. އެ މަޝްރޫއުގެ އަގު 99 މިލިއަން ރުފިޔާ އަށް އަށް އަރާއިރު 16 މަސް ދުވަހުގެ ތެރޭގައި އެ މަސައްކަތް ނިންމާލަން ޖެހެ އެވެ.
އެންވަޔަރްމަންޓް މިނިސްޓްރީން ބުނީ ހޯރަފުށީގައި 19 ކިލޯމީޓަރުގެ ބޯފެނުގެ ވިއުގައެއް ގާއިމު ކުރުމާއި 78 ޓަނުގެ އާރްއޯ ޕްލާންޓެއް ބަހައްޓާނެ ކަމަށެވެ. އަދި ހަނިމާދޫގައި 16 ކިލޯމީޓަރުގެ ބޯފެނުގެ ވިއުގައެއް ގާއިމްކޮށް 84 ޓަނުގެ އާރްއޯ ޕްލާންޓެއް ބަހައްޓާނެ ކަމަށް ވެސް މިނިސްޓްރީން ބުންޏެވެ.
ސަރުކާރުން ހަރަދުކޮށްގެން ބާރަށުގައި އަޅާ ނަރުދަމާގެ މަސައްކަތްތައް 12 މަސް ތެރޭގައި ނިންމަން ޖެހޭއިރު އެ މަސައްކަތުގެ އަގަކީ 15 މިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަތައް
22 June 2017
ފޮޓޯނަގާފަ ބަހަށްޓާ އޭރުން އެނިމުނީ
މިފުށިން
21 June 2017
ސޮއިކޮށްފަ ހުންނަނި ނުވެއް ހިނގާ
ޝުޖާ
21 June 2017
ލ. މާވަށު ނަރުދަމާ އެގްރިމެންޓް ގައި ސޮއި ކުރި ފަހުން ހިލަމެއް ވެސް ނުވެއެވެ.އަނެެއްކާ އަނެއް ބަޔަކަށް އޮޅުވާ ލަނީ އެވެ.
އަހުމަދު
22 June 2017
2018 އަށް އަމާޒު
ސުޕާރީ
21 June 2017
ބާރަށާއި ހަނިމާދޫ އަދި ހޯރަފުށީގައި ބޯފެނާއި ނަރުދަމާގެ ނިޒާމު ގާއިމުކުރުމަށް 114 މިލިއަން ރުފިޔާ ޚަރަދު ކޮށްގެން މިފަހަރު އެކަން ތިމާވެއްޓާއި ބެހޭ މިނިސްޓްރީން މިކުރަނީ އެއީ އެކަން ކުރަން ޖެހޭ ގޮތަށެވެ. އެކަމަކު 400 މިިލިއަން ރުފިޔާ ދީގެން އިހަށް ދުވަހު ސޮއި ކުރި އިންޑިއާ ކުންފުންނާއި އެކު އެމަސައްކަތް އެކުރަނީ އެއީ އެކަން ކުރަންވާ ގޮތަށެވެ. ތިމާވެށި މިނިސްޓްރީން މިގެންގުޅޭ ރޭޝިއޯ އަކީ އެއީ ބޭރު ދިވެހި ރާއްޖެ އަށް 1 ރުފިޔާ ދީފިނަމަ ބޭރުގެ ކުންފުނި ތަކަށް 400 ރުފިޔާ ދޯ. ގޯހެއް ނޫން ދޯ. މާދަމާ އަޑު އިވޭނީ 400 މިލިއަނަށް އަނެއްކާ އިންޑިއާ ކުންފުންނަކާއި އަނެއް މަސައްކަތް ހަވާލު ކުރާ އަޑު ދޯ. ގޯހެއް ނޫން. ސުޕާރީ ވެސް ލާރޖް ކޮށް ހޯދަންވާނެ އެއް ނޫން ދޯ.
ގަޠަރު
21 June 2017
މިނިސްޓަރަށް ލިބިވަޑައިގެންފައިވާ މަޢުލޫމާތުގައި ކުށް އެބަހުރި. ހިތަދޫގެ އުތުރު ސަރަޙައްދާއި ދެކުނު ސަރަޙައްދުގެ އާބާދީއަކީ އެ ވިދާޅުވާ ޢަދަދެއްނޫން. ގޭގެ ޢަދަދުވެސް ދިމާނުވޭ. ދެން ކޮންކަމެއް ކުރެވޭނީ. ހިތަދޫގެ އެއް އަވަށުގައިވެސް އެ ޢަދަދަށް ގެ ހުންނާނެ.
ލުކްވެލް
21 June 2017
ބާރަށާއި ހަނިމާދޫ އަދި ހޯރަފުށީގައި ބޯފެނާއި ނަރުދަމާގެ ނިޒާމު ގާއިމުކުރުމަށް 114 މިލިއަން ޚަރަދު ކުރާނަމަ އެއީ ރަނގަޅު ކަމެކެވެ. އިހަށް ދުވަހު 400 މިލިއަން ރުފިޔާ އަށް އިންޑިއާގެ ކުންފުންނަކަށް ދެ ރަށެއްގެ ނަރުދަމާ އާއި ބޯފެނުގެ މަސައްކަތް ހަވާލު ކުރިއިރު އެކުންފުންނަކީ ދުވަހަކު ވެސް މިބާވަތުގެ މަސައްކަތް ކޮށްފައިވާ ކުންފުންނެއް ނޫނެވެ. ޕްރޮފައިލްގައި ލިޔެވިދާނެ ކޮންމެ އެއްޗެކޭ ވެސް. އެކަމަކު ރާއްޖޭގެ ލޮޖިސްޓިކް ހުންނަ ގޮތާއި އަދި ރާއްޖޭގައި އެބާވަތުގެ އިންފްރާސްޓްރަކްޗަރ މަސައްކަތް ނުކުރާ ކުންފުނި ތަކުން ބޮޑު އަގުގައި މަސައްކަތް ނަގާފައި ރަށްރަށުގައި އުޅޭ ކުދި ކުދި ގްރޫޕްސް ތަކަށް މަސައްކަތް ދިނީމާ އެމެންނަކީ އެމަސައްކަތު ފަންނުގެ ބަޔަކަށް ނުވާއިރު ހަދަނީ ހަދާނެ އެއްޗެކެވެ. ތިމާވެށި މިނިސްޓްރީ އަކުން ސައިޓް ސުޕަވަައިޒް އެއް ނުކުުރޭ އެއްވެސް ރަށެއްގައި. ނަތީޖާ އަކީ ކުރި ޚަރަދު ޑަބަލް ކޮށް ކުރަން ޖެހުމެވެ. ނ. މަނަދޫ އަދި ދ. މީދޫ ގައި ޔޫއެންޑީޕީން ގާއިމް ކުރި އެސްޓީފީ މަސައްކަތް ނުކޮށްގެން އަނެއްކާ ޖެހުނީ އައުޓް ފޯލް ލައިން ކަނޑަށް އަޅަން ސަރުކާރުގެ ޚަރަދުގައި ދޯ. އެގޮތަށް އެކަން ކުރަން އެއްބަސްވީ ތިމާވެށި މިނިސްޓްރީން ނެވެ. ކަން މިހެން ހުރުުމުން ތިމާވެށި މިނިސްޓްރީގައި އިންފްރާސްޓްރަކްޗަރ ނެތް ނަމަ އެތަނުން މިބާވަތުގެ ޕްރޮޖެކްޓްސް ތައް ހިންގުމުގެ ބަދަލުގައި ސަރުކާރުން އެބަޖެހޭ ބޯފެނާއި ފާޚާނާގެ ނިޒާމް ގެ ކަންކަމުގެ ކޮންސަލްޓެންސީ ދޭ ކުންފުންނެއް ސަރުކާރުން އުފައްދާ އެފަދަ ކުންފުންނަކުން މިފަދަ މަޝްރޫއު ތައް ހިންގަން. މިނިސްޓްރީ ގެ ރޯލަކަށް އޮންނާނީ އޯވަރ އޯލް އިންސްޕެކްޝަން އެންޑް ރެގިއުލޭޝަން މެއިންޓެއިން ކޮށް ހެދުމެވެ. މިހާރު މިސްޓޭޖަށް މިކަން ތަރައްގީ ވެއްޖެއެވެ. ރައީސް އޮފީހުން އެބަޖެހޭ މިފަދަ އުސޫލަކުން މިފަދަ ކަންކަމުގައި ވިސްނަން.