އިދިކޮޅު ފަރާތްތަކުން ކުނޫޒްގައި މިރޭ ބޭއްވި ޖަލްސާގައި ރިޔާޒް ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
05 ޖުލައި 2017 - 00:25
27 comments
ރައްޔިތުންގެ މަޖިލިހުގެ ރައީސް އަބްދުﷲ މަސީހްގެ އިތުބާރު ނެތްކަމުގެ މައްސަލައިގެ ލިޔުމުގައި ވެރިކަން ކުރާ ޕީޕީއެމްގެ 10 މެމްބަރުން ސޮއިކުރެއްވީ ސަރުކާރުގެ އަނިޔާތަކަށް ކެތްނުކުރެވިގެން ކަމަށާއި އެ ބޭފުޅުން ނެންގެވީ ރިސްކެއް ކަމަށް ކިނބިދޫ ދާއިރާގެ މެމްބަރު އަބްދުﷲ ރިޔާޒް މިރޭ ވިދާޅުވެއްޖެ އެވެ.
ޖުމްހޫރީ ޕާޓީގެ ހަރުގެ ކުނޫޒްގައި އިދިކޮޅު ފަރާތްތަކުން ބޭއްވި ޖަލްސާގައި ރިޔާޒް ވިދާޅުވީ ރައީސް އަބްދުﷲ ޔާމީންގެ ވަރަށް އަރިސް ބޭފުޅުން ވެސް މަސީހާ ދެކޮޅަށް ސޮއިކުރައްވާފައިވާ ކަމަށާއި އެ ބޭފުޅުން ދެއްކެވީ ލާމަސީލު މިސާލެއް ކަމަށެވެ.
"އެ ކަހަލަ ހިތްވަރު އަޅުގަނޑުމެން މެމްބަރުންގެ ކިބައިން ހޯދައިގެން އަނެއް މެމްބަރު ނުކުންނަން އެބަޖެހޭ. މިއަދު ވެސް އަޅުގަނޑުމެންނާ ބައްދަލު ކުރެވުނު، ވާހަކަ ދެއްކެވުނު ބައެއް މެމްބަރުން އެބަތިއްބެވި އަދިވެސް އަންނަން. ރައީސް ޔާމީނަށް ހަމައެކަނި ރައްޔިތުންގެ މަޖިލީހުގެ މެމްބަރުންގެ ތެރެއިން އެމަނިކުފާނަށް ތާއީދު ކުރެއްވި ބޭފުޅުންނެއް ނޫން އެ ގެއްލުނީ. ދިވެހިރާއްޖޭގެ ރައްޔިތުންގެ ތާއީދު ވެސް ވަނީ ގެއްލިފައި،" ޖުމްހޫރީ ޕާޓީގެ ޑެޕިއުޓީ ލީޑަރު ރިޔާޒް ވިދާޅުވި އެވެ.
އޭނާ ވިދާޅުވި ގޮތުގައި ދިވެހިންގެ އިތުރުން ބައިނަލްއަގްވާމީ ފަރާތްތަކުގެ ތާއީދު ވެސް ރައީސް ޔާމީނަށް ވަނީ ގެއްލިފަ އެވެ.
ރިޔާޒް ވިދާޅުވީ އަންނަ އަހަރުގެ ރިޔާސީ އިންތިޚާބަށް ނުކުންނަވާނެ ކަމަށް ރައީސް ޔާމީން އަދިވެސް ސާފުކޮށް ވިދާޅުނުވާ ކަމަށެވެ.
މަސީހާ ދެކޮޅަށް ސޮއިކުރެއްވި ޕީޕީއެމްގެ 10 މެމްބަރުން:
- ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު
- ދަގެނތި ދާއިރާގެ މެމްބަރު އިލްހާމް އަހުމަދު
- މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން
- އިހަވަންދޫ ދާއިރާގެ މެމްބަރު މުހައްމަދު އަބްދުﷲ
- ތިނަދޫ އުތުރު ދާއިރާގެ ސައުދުﷲ ހިލްމީ
- ފުވައްމުލަކު އުތުރު ދާއިރާގެ މެމްބަރު އަލީ ޝާހު
- ތިނަދޫ ދެކުނު ދާއިރާގެ އަބްދުﷲ އަހުމަދު
- މަހިބަދޫ ދާއިރާގެ މެމްބަރު އަހުމަދު ތޯރިގް (ޓޮމް)
- ހަނިމާދޫ ދާއިރާގެ މެމްބަރު ހުސެއިން ޝަހުދީ
- އިސްދޫ ދާއިރާގެ މެމްބަރު އަހުމަދު ރަޝީދު އިބްރާހީމް (ގާރީ)
* މި ލިސްޓުގައި ހިމެނޭ 10 މެމްބަރުންގެ ތެރެއިން ލަތީފް ވަނީ ޕީޕީއެމުން ވަކިވިކަން ފަހުން އިއުލާން ކުރައްވާފައި. އަދި ގާރީ ރަޝީދު ވަނީ ލިސްޓުގައި އޮތީ އޭނާގެ ވަގު ސޮއެއް ކަމަށް ފަހުން ވިދާޅުވެފައި. ނަމަވެސް އޭނާ ލިސްޓުގައި ސޮއިކުރައްވާ ފޮޓޯ އިދިކޮޅު ފަރާތްތަކުން ވަނީ އާންމުކޮށްފައި.
"އަޅުގަނޑަށް ވަރަށް ޝައްކު ރައީސް ޔާމީން 2018 ގައި ރިޔާސީ އިންތިޚާބަށް ނުކުމެވަޑައިގަންނަވާނެ ކަމަށް. އެމަނިކުފާނުގެ ގައިގައި ނުހުންނާނެ ހިތްވަރެއް. މި އޮތް ބޮޑު ލަޝްކަރާ ޗެލެންޖު ކުރުމުގެ ހިތްވަރެއް އެމަނިކުފާނުގެ ނުހުންނާނެ. އެހެންވީމާ އަޅުގަނޑު މި ދެންނެވީ އެމަނިކުފާނު މި އިންތިޚާބުގައި ބައިވެރި ނުވާނެ ކަމަށް،" ކުރީގެ ޕޮލިސް ކޮމިޝަނަރު ވިދާޅުވި އެވެ.
މަސީހްގެ އިތުބާރު ނެތްކަމުގެ މައްސަލާގައި ޕީޕީއެމުން ސޮއިކުރެއްވި ބޭފުޅުންގެ ތެރެއިން އިސްދޫ ދާއިރާގެ މެމްބަރު ގާރީ އަހުމަދު ރަޝީދު އިބްރާހީމްގެ ސޮއި ސައްހަ ނޫން ކަމަށް އޭނާ ވިދާޅުވަމުން ދިޔަ މައްސަލާގައި ރިޔާޒް ވިދާޅުވީ، މިހާރު ކުއްލި ގޮތަކަށް އެއީ ސައްހަ ސޮޔަކަށް ވެފައިވާ ކަަމަށް އެނގިވަޑައިގެންފައިވާ ކަމަށެވެ. އަދި އެ ސޮޔާ މެދު ރަޝީދު ވެސް ފުލުސް އޮފީހުގައި މައްސަލަ ނުޖައްސަވާކަން ރިޔާޒް ފާހަގަކުރެއްވި އެވެ.
އޭނާ ވިދާޅުވީ 45 މެމްބަރުންގެ ސޮޔާއެކު މަސީހްގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމަކީ އިދިކޮޅު ފަރާތްތަކަށް ލިބުނު ކާމިޔާބަކަށް ވުމުން، އެކަން އޮޅުވާލުމަށްޓަކައި މުޅި މައްސަލަ ރިޝްވަތަކަށް ސަރުކާރުން ބަދަލުކޮށްފައިވާ ކަމަށެވެ.
ރިޔާޒް ވިދާޅުވީ މަސީހް މަގާމުން ވަކިކުރުމަށްޓަކައި އިދިކޮޅު ފަރާތްތަކުން ހޯދި ކާމިޔާބީ ރައީސް ޔާމީނަށް ހަޖަމުނުވި ކަމަށެވެ. އަދި 30 އަހަރު ވަންދެން ރާއްޖޭގެ ރައީސްކަން ކުރެއްވި އަދި ރައީސް ޔާމީންގެ އެއްބަފާ ބޭބޭފުޅު މައުމޫން އަބްދުލް ގައްޔޫމް އިދިކޮޅު މީހުންނާ އެކު ރޭގެ ޖަލްސާގައި ބައިވެރިވެވަޑައިގަތުމަކީ ވެސް ރައީސް ޔާމީނަށް ހަޖަމު ކުރެއްވޭނެ ކަމަކަށް ނުވާނެ ކަމަށް ރިޔާޒް ވިދާޅުވި އެވެ.
"އެކަހަލަ މަންޒަރުތައް ފެނުނީމާ ހަމަ ކުއްލިއަކަށް ރެއިން ރެއަށް އެބަޖެހޭ މީގެ ތެރޭގައި މައްސަލައެއް، ފްރޭމް ކުރެވިގެން އަނެއްކާވެސް ބަލަން. އަޅުގަނޑަށް ޔަގީންކަން އެބައޮތް އެއްވެސް ހެއްކެއް ނޯންނާނެކަން ފާރިސްއާ ދޭތެރޭގައި ރިޝްވަތު ދިން ކަން. އެއީ ނުހިނގާ ކަމެއް ކަން އަޅުގަނޑަށް އެނގޭ. އެހެންވީމާ އެ އަޅުވާ އިލްޒާމް ތަކަކީ އަޅުގަނޑުމެން މިކުރާ އިޚުލާސްތެރި މަސައްކަތަށް ކިލަނބުކަން ގެނައުމަށްޓަކައި ކުރާ މަސައްކަތެއް ކަމުގައި ދަންނަވާލަން،" އޭނާ ވިދާޅުވި އެވެ.
މަސީހްގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމަށްޓަކައި މަޖިލިހުގެ ބައެއް މެމްބަރުންނަށް ދިއްގަރު ދާއިރާގެ މެމްބަރު އަހުމަދު ފާރިސް މައުމޫން ރިޝްވަތު ދިން ކަމުގެ ހެއްކާއި ގަރީނާ ހުރި ކަމަށް ފުލުހުން ވަނީ ބުނެފަ އެވެ. އެކަމަކު ފާރިސް އެކަން ދޮގުކުރައްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާްއަހުމަދު
05 July 2017
މަޖްލިހަކީ ރާއްޖޭގެ އެންމެ ބޮޑު ބާޒާރު
ސަނަސަ
05 July 2017
މަރުހަބާ ރިޔާޒު.. ތީބަތޮލެއް. ހިތްވަރުގަދަ ބޭފުޅެއް. ޥަރަށް މާތްމަސައްކަތެއް ކުރެއްވި ބޭފުޅެއްގެ ދަރިއެއް. ޤައުމެއް އިޞްލާހްކުރެވޭނީ އެޤައުމެއްގެ ބަޔަކު ޤައުމަށް ހެޔޮއެދިގެން މަސައްކަތްތަކެއް ކޮށްގެން.. ރިޔާޒުވެސް ސަރުކާރުގެ މަތީމަޤާމުގައި ހުންނެވިއިރު ޒަމީރުމެންނާގުޅިގެން އަޅުގަނޑަށް ނުހައްގު އަނިޔާތަކެއްކުރެްވި.
ފަޅުވެރިން
05 July 2017
ނަޝީދު، ޤާސިމް، މައުމޫން ގުޅިގެން މިކުރާ މަސައްކަތަކީ މަސީޙާ ބެހޭ ކަމެއް ނޫން، ނަމަވެސް މިއީ ދިވެހި ރައްޔިތުންގެ އެއްލައްކަ އެގާރަހާހުގެ މަތީ އަގުލަބިއްޔަތުން ހޮވާފައިވާ ސަރުކާރު ބަޣާވަތް ކޮށްލުމަށް ހިންގޭ ބޮޑު ޖަރީމާއެއް. ރައީސުލްޖުމްހޫރިއްޔާގެ ޤަރާރަކުން، ނުވަތަ ސުޕްރީމް ކޯޓުގެ ރޫލިންގ އަކުން މިމުޅި މަޝްރޫޢު ޖެހޭނީ ހަމަވަގުތުން ހުއްޓުވަން. ސަބަބަކީ މިއީ ރިޝްވަތުގެ މުޑުދާރު ފައިސާ ހަލުވައިގެން އިދިކޮޅީން ރައްޔިތުންނާ އިދިކޮޅަށް ހިންގާ ބޮޑު ޖަރީމާއަކަށްވާތީ!! މިކަމަށް އެއްވެސް ފުރުޞަތެއް އޮވެގެން ނުވާނެ، މިބުނީ އޮވެގެން ނުވާނެއޭ!! ސަރުކާރުގެ ޒިންމާއަކީ މީހުން ރޯމާދުވާލު ޖަރީމާތަކަށް އަރައިގަންނައިރު އެކަމަށް ބަލަހައްޓައިގެން ތިބުމެއް ނޫން، ނަމަވެސް އެކަން ހުއްޓުވުން!! އެއީ މިކަމަށް ދޭން އޮތް ފަރުވާއަކީ!! ސްޓްރޯންގް އާރމް ޓެކްޓިކްސް ހުއްޓުވަންޖެހޭނީ ބްރޫޓް ފޯރސް ބޭނުން ކޮށްގެން!!
ބަކުރު
05 July 2017
ރިޔާޒުއެވެ، ތިދައްކާ އެއްވެސް ވާހަކައަކަށް އިތުބާރެއް ނުކުރެވޭ. ތި ޑިމޮކްރަސީއެއް އައިސްގެން އުފެއްދި މަޖުލީހުގެ ކުޅިގަނޑު ކޮންމެ ދިވެއްސަކަށްވެސް އިނގޭ. މިއަދު ތިކޮޅަށް 10 މާދަން ވާނެ ގޮތެއް ނޭންގޭ. ތިކޮޅުގަ ތިބި 10 އަނެއްކޮޅަށްވެސް އަރާފާނެ. މިއީ ކުރިންވެސް ފެނިފަހުރިތަންތަން. ހިތްވަރޭ ތިބުނުއްވަނީ، އެކަމު އެ 10 މެމްބަރުން ބަދަލުވި ހަގީގީ ސަބަބު ދެނެވޮޑިގެންވާ ފަރާތަށް އޮޅުވަޔެއް ނުލެވޭނެ.
ޢަލީ
05 July 2017
ވީހާއަވަހަކައް މަސީހު އިންތިޔުފާ މިސަރުކާރުގެ އެއްވެސް ސައްހަކަމެއްނެތް
މޫސާ
05 July 2017
ޢެ މީހުންނަށް ރިސްކްނަގަން ޖެއްސެވީ ރިޔާޒް ހެދި ބަޢާވަަތެއްގެ ސަބަބުން ކަން ކަށަވަރު
ކޮވެލީ
05 July 2017
މިވެރިކަން ވެއްޓިގެން އެއްވެސްފަރާތެއް ސަލާމަތެއް ނުވެވޭނެ. ގާނޫނު އަސާސީއާހިލާފަށް ކަންކަންނިއްމި ހުރިހާފަރާތަކަށް އަދަބުދެވެންވާނެ. އޭރުން އަހަރެމެންގެ ހިއްތަކަށް ފަރުވާެއެއްލިބޭނީ.
ރީރާ
05 July 2017
ރިޔާޒު ބުނީ 2018 ގެ ރިޔާސީ ރޭހުގައި ޔާމީނު ވާދަނުކުރާނެއެވެ. ރިޔާޒު އެބުނީ ކަންކަމުގެ ހަގީގަތަށް ބަލާފައި އަދިވަކިން ޚާއްސަކޮށް މިހާރުގެ ސިޔާސީ މަސްރަހަށް ބަލާފައި ބުއްދިވެރިއަކު ކަންތައްކުރަން ޖެހޭނެގޮތެވެ. މިދިޔަ ރިޔާސީ އިންތިޚާބުގައި މައުމޫނުގެ މިންނެތް މަސައްކަތާ ޑޮކްޓަރު ޖަމީލުގެ ވެސް ބުރަ މަސައްކަތުން ފުރަތަމަ ބުރުގައި ލިބުނީ 25 ހާސް ވޯޓެވެ. ދެވަނަ ބުރު ކާމިޔާބުކުރެވުނީ މީގެ އިތުރުން ޖުމުހޫރީ އަދާލަތު އަދި އަދީބު ގެ ޒުވާން ގްރޫޕް އަދިވެސް އަންނިއާ އިދިކޮޅު ޚިޔާލު އެއްވެގެންނެވެ. އެވަރުންވެސް ކާމިޔާބުވީ ކިރިޔަކިރިޔާއެވެ. ވީމާ އިއްޔެ އޮތް ތާއިދުވެސް ނެތި އަދި އިދިކޮޅު އެންމެން އެއްގަލަކަށްއަރައިތިބެ އަދީބުގެ ސަޕޯޓަރުން ނާޒިމު ގެ ސަޕޯޓަރުން އަދިވެސް ވާދަވެރި އެތައްބަޔަކު ޔާމީނުއާ ނާކާމިޔާބީ ކުރިމަތިކުރުވަން މަސައކަތް ކުރާއިރު ވަހީދުއަށް ވީވަރުވެސް ނުވާނެކަން ޚުދު ޔާމީނުވެސް ގަބޫލުކުރާނެއެވެ. އެކަމަކު އޭނައަކީ އެއްވެސް އިރެއްގައި ބައެއްގެ ތާއީދާއެކުކަންތައްކުރާ މީހެއްނޫނެވެ. އޭނަކަންތައް ކުރާ އުސޫލު އެންމެނަށްވެސް އެނގޭނެއެވެ. އެއުސޫލުން ރިޔާސީ އިންތިޚާބު ކާމިޔާބުކުރެވިދާނެކަމަށް ބަލައިގެން ކުރިމަރިލާނެއެވެ. މިއީ މަގޭ ޚިޔާލެއެވެ.
ހަސަނު
05 July 2017
ރައްޔިތުންގެ މަންދޫބުން، ރައްޔިތުންގެ ފުށުން ދައްކަންޖެހޭ ވާހަކަ އެއް ނުވަތ ަކުރާން ޖެހޭ ކަމެއް ނުކުރެވި ބިރުން ހުންނަން ޖެހޭ ނަމަ ގައުމެއްގެ ގޮތުގާ އަޅުގަނޑު މެން ވަރަށް ބޮޑަށް ފެއިލްވީއެ... ރައްޔިތުންގެ މަންދޫބުން ރައްޔިތުންގެ ހައްގުގާ ކުރާނ ްޖެހޭ ކަންކަން ނުކުރެވި 'ހައިޖެކް' ވެފައި ހުރުމަކީ ސަލާމަތީ ބާރުތަކުގެ ޒިންމާ އަދާ ނުކުރެވުން ވާގޮތެއް.. ގާނޫނީ ސަރުކާރު ހިމާޔަތް ކުރުމަކީ ސިފައިންގެ ވެސް ޒިންމާއެއް ކަމުގަ ވާއިރު، މަޖުލީހު މެމްބަރުން ހިމާޔަތް ނުކުރެވޭނަމަ ސަރުކާރު ވެސް އެ ހިމާޔަތް ނުކުރެވުނީ..
ފުވައްމުލަކު މީހާ
05 July 2017
10 މެމްބަރުން ނެންގެވީ ރިސްކެއް. އެރިސްކް އެނެންގެވުނީ ގައުމާ ރައްޔިތުންނަށް ވަފާތެރި ގޮތަކަށްނޫން. ގައުމާ މުޅިން އިދިކޮޅަށް. ވީމާ ގައުމަށްޓަކައި ދީނަށްޓަކައި އެބޭފުޅުން އެބުރި ރުޖޫއަވުމަކީ ގައުމު މިހާރު އޮތް ޙާލަތާއި ވަރަށްމުހިއްމު ކަމެއް. އެބުރި ރުޖޫޢަވުމަކީ ރައްޔިތުން އެބޭފުޅުންނަށް ޙަވާލުކުރެއްވި އަމާނާތް ތެދުވެރިކަމާއެކު އަދާކުރެއްވުން.