ބޭރު ގައުމެއްގައި ހުންނަ ނިއޯނޭޓަލް އިންޓެންސިވް ކެއާ ޔުނިޓެއްގައި ކުޑަކުދިންތަކެއް ބާއްވާފައި.
14 ޖުލައި 2017 - 18:24
6 comments
ބަނޑަށް ހަތް މަހުގައި ދިވެހި އަންހެނަކު ވިހޭ އެއްމާބަނޑު ހަތަރު ކުދިން ހޮސްޕިޓަލުން މިއަދު ދޫކޮށްލައިފި އެވެ.
އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ ކުޑަކުދިންނަށް ޚާއްސަ ނިއޯނޭޓަލް އިންޓެންސިވް ކެއާގައި ފަރުވާ ދިނުމަށް ފަހު ދޫކޮށްލި ހަތަރު ކުދިންގެ ހާލު ރަނގަޅު ކަމަށެވެ. މި ހަތަރު ކުދިން ދޫކޮށްލީ، ހޮސްޕިޓަލުން މަހެއްހާ ދުވަހު ފަރުވާ ދިނުމަށް ފަހު އެވެ.
"އިތުރަށް ދޭނެ ފަރުވާއެއް ނެތުމާއި އެ ކުދިން އާންމު މާހައުލުގައި ގެންގުޅުމުގައި އެއްވެސް ހުރަހެއް ނެތީމަ ދޫކޮށްލީ، އެ ކުދިންގެ މަންމަ މި މަހުގެ ކުރީކޮޅު ދޫކޮށްލީ،" އަފްއާލް ވިދާޅުވި އެވެ.
އަފްއާލް ވިދާޅުވި ގޮތުގައި މިދިޔަ ޖޫން 17 ގައި އެއްމާބަނޑު ހަތަރު ކުދިން ވިހެއުމަކީ ރާއްޖޭގެ ސިއްހީ ދާއިރާގައި ލިބުނު ވަރަށް ބޮޑު ކުރިއެރުމެކެވެ. މިއީ އޭޑީކޭގެ ތާރީހުގައި އެއްމާބަނޑު ހަތަރު ކުދިން ވިހެއި ފުރަތަމަ ފަހަރު ކަމަށް ވެސް އަފްއާލް ވިދާޅުވި އެވެ.
އަފްއާލް ވިދާޅުވީ ކުޑަކުދިންނަށް ފަރުވާ ދިންއިރު، ވިހައިގެން ކުއްޖަކު ބޮޑުވާން ބޭނުންވާ ބަރުދަނަށް ގެނައުމަށް ވަރަށް ވަރަށް މަސައްކަތް ކުރެއްވި ކަމަށެވެ.
ހަތަރު ކުދިން 24 ގަޑިއިރު ބަލަހައްޓަމުން ގެންދިޔަ ކަމަށާއި އެކަމުގައި އެންމެ ޒަމާނީ ވަސީލަތްތައް ބޭނުންކޮށްފައިވާނެ ކަމަށް ވެސް އަފްއާލް ވިދާޅުވި އެވެ.
"މި ކުދިން ބެލެހެއްޓުމުގައި ހާއްސަ ތަމްރީނުތަކެއް ވާނީ ނަރުހުންނާއި ޑޮކްޓަރުންގެ ޓީމަކަށް ދީފައި،" ޑޮކްޓަރުން ކުރެއްވި ބުރަ މަސައްކަތް ފާހަގަ ކުރައްވާ އަފްއާލް ވިދާޅުވި އެވެ.
ސިޒޭރިއަން ހަދައިގެން ނެގި ތިން އަންހެން ކުދިންނާއި ފިރިހެން ކުއްޖަކު ލިބުނީ ފާތުމަތު ސުމީތާ، 27، އަށާއި އަހުމަދު އަޝްފާގު 29، އެވެ. މިއީ، އެ ދެމަފިރިންގެ އަލަތު ދަރިންނެވެ.
ރާއްޖޭގައި އެއް މާބަނޑު ދެ ކުދިން ވަރަށް ގިނަ އާއިލާތަކުގައި ތިބި ނަމަވެސް އެއްމާބަނޑު ތިން ކުދިންނާއި ހަތަރު ކުދިން ލިބުމަކީ، ދުނިޔޭގެ އެހެން ގައުމުތަކެކޭ އެއްގޮތަށް، ރާއްޖޭގައި ވަރަށް މަދުން ވާ ކަމެކެވެ.
ރާއްޖޭގައި ފަހުގެ ތާރީޚެއްގައި އެއްމާބަނޑު ހަތަރު ކުދިން އުފަންވި ކަމެއް އެނގިފައެއް ނުވެ އެވެ. އެކަމަކު 1975ގައި އައްޑޫ އަންހެނަކު އެއްފަހަރާ ހަތަރު ކުދިން ވިހައި ތިން ކުއްޖަކު މަރުވެ އެއް ކުއްޖަކު އަދިވެސް ދުނިޔޭގައި އެބަހުރި ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
3
15 July 2017
މަގޭ މަންމަ ވިހެއީ 3 ކުދިން
ޗިލްޑްރެން
15 July 2017
ދިވެހި އަންހެނަކު ވިހޭ އެއްމާބަނޑު ހަތަރު ކުދިން ހޮސްޕިޓަލުން ދޫކޮށްލައިފިއޭ ކުދިންނޭ. އެއްމާބަނޑު ހަތަރު ކުދިން ގޮވައިގެން އެކުދިންގެ މަންމަ ސްކޫލް ދޮށަށް ދާ ތަން ވަރަށް ބޮޑަށް ދެކޭހިތްވެއޭ. މަމެންނަށް ހީވަނީ އެއްމާބަނޑު ހަތަރު ކުދިން ލިބުނު މައިންބަފައިންނަށް އެއީ ދެއްވި ވަރަށް ބޮޑު ނިއުމަތެއް ކަމަށް. މީ ކުޑަކުދިންނޭ، މިކުޑަކުދިންނޭ މާދަމާ ގައުމުގެ މުސްތަގްބަލް އުޖާލާ ކުރާނީ. މީ އޭ ކުޑަކުދިންނަކީ.
ފޮނިޓައްޕު ހަސަނު
15 July 2017
ޢަލްހަމްދުﷲ
މާލިމީ
14 July 2017
ހޮސްޕިޓަލުން ފައިސާ ނެގީ ކިހާވަރަކަށްތޯ ސާފުކޮށްލާހިތްވޭ. ދެން ބޭނުންވަނީ އެކުދީން މުޖުތަމަޢު ގައި އުޅޭވަރު ވެއްޖެއޭ ބުނާބަހުގެ މާނައަހާލަން.
MOU ޕްރައިވެޓް ލިމިޓެޑު
14 July 2017
4 ލީޑަރުން ގެ ފަރާތުން 4 ތުއްތު ކުދިންނަށް މަރޙަބާ!
މަމީ
14 July 2017
ދިވެހި އަންހެނަކު ވިހޭ އެއްމާބަނޑު ހަތަރު ކުދިން ހޮސްޕިޓަލުން ދޫކޮށްލުން އަދި އެ 4 ކުދިންގެ ހާލު ރަނގަޅު ވުން އެއީ މަމެން ވަރަށް އުފާ ކުރާ ކަމެކޭ. ކުޑަކުދިން. އެކުދިންގެ ޖާދޫ އެކުދިންގެ އަޖާއިބު ކުރަނިވި ލުކްސް އެން ފީލިންގްސް އެކުދިންގެ ކުށެއް ނެތް ކަން އެމެންގެ މޫނަށް ބަލާލުމުން އެގިގެން ދެއޭ އެއީ އޭ ދަ ސީޓްސް އޮފް ކްރިއޭޓިވިޓީ އަށް އެކުދިން އެވާކަމަކީ. ވެލް ވެލް ވެލް ކޮޓަރި ތެރޭގައި ކުދި ކުދި ދޫނި ތަކެއް އުދުހިލާ ލަވަ ކިޔާލާ އަޑުއިވޭނީ އޭ. މަންމާ މަންމާ މަންމާ އުރާލަދީ އުރާލަދީ އުރާލަދީ..