ކަޅުތުއްކަލާ ކޮށީގައި ބޭއްވި ހާއްސަ ރަސްމިއްޔާތުގައި ޗީފް އޮފް ޑިފެންސް އަހުމަދު ޝިޔާމް ވާހަކަ ދައްކަވަނީ. ސިފައިން ގާނޫނާ ޚިލާފުވުން ހުއްޓުވޭނީ އޭނާ މަގާމުން ވަކިކޮށްގެން ކަމަށް އިބޫ ވިދާޅުވި. ---ފޮޓޯ: ރައީސް އޮފީސް
25 ޖުލައި 2017 - 13:48
23 comments
ޗީފް އޮފް ޑިފެންސް ފޯސް މޭޖަ ޖެނެރަލް، އަހްމަދު ޝިޔާމް އަމަލުކުރައްވަމުން ގެންދަވަނީ ގާނޫނާ ޚިލާފަށް ކަމަށާއި ސިފައިން ލައްވައި ކުރުވަމުންދާ ގާނޫނާ ޚިލާފު އަމަލުތައް ހުއްޓުވުމަށް ޓަކައި އޭނާ މަގާމުން ދުރުކުރަން ޖެހޭ ކަމަށް އިދިކޮޅު އެމްޑީޕީގެ ޕާލަމެންޓްރީ ގްރޫޕުގެ ލީޑަރު އިބްރާހިމް މުހައްމަދު ސޯލިހް (އިބޫ) މިއަދު ވިދާޅުވެއްޖެ އެވެ.
ރާއްޖެ ޓީވީގައި ވާހަކަ ދައްކަވަމުން އިބޫ ވިދާޅުވީ، ސިފައިން ލައްވައި ރައްޔިތުންގެ މަޖިލީހުގެ އިދާރާ "ހިސޯރުކޮށްގެން" އުޅެނީ ގާނޫނުއަސާސީއާ ކަނޑައެޅިގެންް ޚިލާފަށެވެ. މަޖިލީހަށް މެމްބަރުން ވަނުމަށް ހުރަސް އަޅައި ހިންގި އަމަލުތަކަކީ ވެސް ދަށު ދަރަޖައިގެ ކަންތައްތަކެއް ކަމަށް އިބޫ ސިފަކުރެއްވި އެވެ.
އިބޫ ތަކުރާރުކޮށް ވިދާޅުވި ގޮތުގައި ސިފައިންގެ ޗީފެއްގެ ގޮތުގައި ހުންނަވައި ޝިޔާމް އަމަލުކުރައްވަމުން ގެންދަވަނީ ގާނޫނުތަކާ ކަނޑައެޅިގެން ޚިލާފަށެވެ. ގާނޫނުއަސާސީގައި ދީފައިވާ ބާރުތަކާ ޚިލާފަށް، ސިފައިން ލައްވައި ހިންގަމުންދާ އަމަލުތައް ރާއްޖޭގެ ރައްޔިތުންނާއި ބައިނަލްއަގުވާމީ ދުނިޔެ އަށް ވެސް ފެންނަ ކަމަށާއި ކަންކަން ހިނގަމުންދާ ގޮތް އެންމެން ތިބީ ބަލަން ކަމަށް ވެސް އޭނާ ވިދާޅުވި އެވެ.
"މަޖިލީހުގެ އިދާރާގެ ތެރެއަށް ސިފައިން ވަދެ، އެ އަމަލުތައް އެގޮތަށް ހިންގުމަށް އެންގުމުގެ ބާރެއް ލިބިގެނެއް ނުވޭ. މަޖިލީހުގެ ޖަލްސާއަކުން މެމްބަރަކު ނެރެން ޖެހުނަސް ކަންކުރަންވާ ގޮތް އޮންނާނެ، އެހެންވެ ޖެނެރަލް ޝިޔާމް އިސްވެ ހުންނަވައިގެން އެ ކުރައްވާ ކަންތައްތަކަކީ ބެލެން ޖެހޭނެ ކަންތައްތަކެއް،" އިބޫ ވިދާޅުވި އެވެ.
ރައްޔިތުންގެ މަޖިލީހުގެ އިދާރާގެ ގޭޓްތަކުގައި ތަޅުއަޅުވައި މެމްބަރުން ވެންނެވުމަށް ސިފައިން އިއްޔެ ވަނީ ހުރަސްއަޅައިފަ އެވެ. އެއީ ގާނޫނާ ޚިލާފު އަމަލެއް ކަމަށް ވިދާޅުވެ އިދިކޮޅު މެމްބަރުން މަޖިލީހަށް ވެންނެވި އެވެ. އެއާއެކު، ދެން ފެނުނީ ރަޔަޓް ސިފައިންނާއި އެސްއޯ ފުލުހުން މަޖިލީހުގެ އިދާރާ ތެރެއަށް ވަދެގަނެ، ގަދަކަމުން މެމްބަރުން ނެރުނު ތަނެވެ.
މަޖިލީހުގެ އިދާރާ ތެރެއިން މެމްބަރުން ނެރުމަކީ، އިދިކޮޅު މެމްބަރުން ވިދާޅުވާ ގޮތުގައި، ގާނޫނު ހަދާ ބާރުގެ މައްޗަށް ވެރިވެގަނެ ހިންގި "މިލިޓަރީ ބަޣާވާތެކެ"ވެ. އެކަމުގައި ސިފައިންނާއި ފުލުހުންގެ އިސްވެރިން ޒިންމާ ނަނަގަވަން ޖެހޭނެ ކަމަށް ވެސް އިދިކޮޅު މެމްބަރުން ގެންދަވަނީ ވިދާޅުވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަޒްލާން
25 July 2017
އަންބަރާ ހަނދާންވޭތަ.
ޕޮލިސް ބައު
26 July 2017
އަސްތާ ތިޔައީ މުހިންމު ކަމެއް
ކޭޑު
25 July 2017
ޝިޔާމް ޢަމަލުރީ ރަނގަޅަށް. ދެން މި ކޮމެންޓް ވެސް ނުޖަހާތި
މާޖެހި ގަމީސް
25 July 2017
ތިކަހަލަ މަގާމުތަކުގަ މާގިނަ ދުވަހު އެކަކު ބޭންދީމަ އެއްގޯސްވާނީ، ދުރުކުރަންޖެހޭ.
ޔަގީން
25 July 2017
އެއްކަލަ ދުވަހު މާޖެހި ގަމީހެއްލައިގެން ބަޑޭރިގެ ދިރުމަތީ އުޅުނީ މީނަދޯ.....މީނަގެ މައްސަލަ ބަލަން ޖެހޭނެ.
ރޮޒޭނާ
25 July 2017
ޖެނެރަލް ޝިޔާމުގެ މައްސަލަ މާދަމާ މަޖިލިހަށް ހުށަހަޅާށެވެ. އަދި 45 މެމްބަރުންގެ ވޯޓުން މީނާ މަގާމުން ދުރުކުރާށެވެ. އަމަލަށްވުރެ ބަސްމަދުކުރާށެވެ. ބަސްބުނާގޮތަށް އަމަލު ކުރެވޭތޯ ބަލާށެވެ. ކުރެވޭ ކަންތަކުގެ ވާހަކަ ދައްކާށެވެ. އެހެންނޫނީ އަބަދު އަޑުއަހައިގެން ސަޕޯޓަރުންވެސް ނުތިބޭނެއެވެ.
ސަމާ
25 July 2017
ތިކަން ކުރަނ މާލަސްވެސްވެއްޖެ.
ހަސީނު
25 July 2017
ވަރައްވެސްދެރަ، މިއީ ނުބައި އަމަލުތަކުން ފުރިގެންވާ އިންސާނިޔަތުކަން ކުޑަ އިންސާނެއް.
ލުގުމާން
25 July 2017
އިބޫ ހަމަ ނުބުނެގެން އެމީހުން އެތިބީ! ދެން މާލަސްތަކެއް ނުވެ ޝިޔާން މަގާމުން ދުރުކޮށްލާނެ.... ބެއްޔާމެން ސޭޓުމެން ލޮލީމެން މުއްލާމެން އަނނިމެން އިބޫމެން ބުނާހާގޮތަކަށް އަމަލު ކުރާނެ މިހަކު މިގައުމަކު ނެތް...
ޢަލީ
25 July 2017
ޗީފް ޝިޔާމްގެ ކަންކަން ހުންނަގޮތް އެއީ އެންމެން ދަންނަ ކަމެއް. ރ.ނަޝީދު ވެރިކަން ބަދަލުވުމާ، ބަޑިގުދަން ހަތިޔާރު ގެއްލުމާ، ލޯންޗުކޮޅު ގޮއްވާލި ހާދިސާއަށްފަހު ސިފައިންގެ އިސް ސަފުތަކައް ދައުވާ ކުރެވުނު އިރު އެންމެ އިސް އޮފިސަރުކަމުގައި ހުރެ ރެކިވަޑައިގެންނެވި އަދި ސުވާލެއް ނުކުރެވޭ ހަމައެކަނި ފަރާތް. އިމިއުނިޓީ ލިބިފައިވާ ބޭކަލެއް. މަޖިލިސްއަށް ސިފައިން ވަދެ ކުރާ ކަންކަމުންވެސް ރެކި އެހެނިހެން ސިފައިން ބެދޭ ތަން ފެންނާނެ. އިބޫވެސް މިއަދު އަދި ތި އަނގަހުޅުވާލީ. ދެފުށް ދެގޮތް.
ތާޢީދު
25 July 2017
ތިކަން ކުރަން މާބޮޑަށް ވެސް ލަސްވެއްޖެ އެވެ.