ސަންގު ޓީވީގެ ނޫސްވެރިޔާ ޔާމީން.
27 ޖުލައި 2017 - 15:15
12 comments
ސަންގު ޓީވީގެ ނޫސްވެރިޔާ އަބްދުﷲ ޔާމީން މާދަމާ ފުލުސް އޮފީހަށް ހާޒިރުވާން އަންގައިފި އެވެ.
ފުލުހުންގެ އަމުރަށް ނުކިޔަމަންތެރިވި ކަމުގެ ތުހުމަތުގަ އާއި ފުލުހުންގެ ވާޖިބަށް ހުރަސްއެޅި ކަމުގެ ތުހުމަތުގައި ޔާމީން ފުލުސް އޮފީހަށް ހާޒިރުވާން އަންގާފައި އޮތީ މާދަމާ ހަވީރު ފަހެއް ޖަހާއިރަށެވެ.
ސަންގު ޓީވީން ބުނި ގޮތުގައި ޔާމީނަކީ، އިދިކޮޅު ފަރާތްތަކުން އެމްޑީޕީގެ ހަރުގެ ކައިރީގައި ރޭ ބޭއްވި އެއްވުން ކަވަރު ކުރަން ހަރަކާތްތެރިވި ނޫސްވެރިއެކެވެ.
ރޭގެ އެއްވުން ކަވަރު ކުރުމަށް ހަރަކާތްތެރިވި ބައެއް ނޫސްވެރިންނަށް ވަރަށް ބޮޑަށް އަނިޔާކޮށް، އެ މީހުން ހައްޔަރުކުރި އެވެ. އޭގެ ތެރޭގައި ސަންގު ޓީވީގެ ޔާމީން ވެސް ހިމެނެ އެވެ. މޯލްޑިވްސް މީޑިއާ ކައުންސިލް (އެމްއެމްސީ) އާއި މީޑިއާތަކުގެ ފިއްތުންތަކުގެ ތެރޭގައި އެ ނޫސްވެރިން މާ ގިނައިރުތަކެއް ނުވެ ވަނީ ދޫކޮށްލައިފަ އެވެ.
އިދިކޮޅު ފަރާތްތަކުގެ މުޒާހަރާ ކަވަރު ކުރަން އުޅުނު ހަތް ނޫސްވެރިޔަކު ފުލުހުން ހައްޔަރު ކުރި އެވެ. އެއީ ރާއްޖެ ޓީވީގެ ތިން ނޫސްވެރިއަކާއި ސަންގު ޓީވީގެ ހަތަރު ނޫސްވެރިއެކެވެ.
ސަރުކާރާ ދެކޮޅަށް ސިލްސިލާކޮށް މުޒާހަރާކުރަމުން ދާއިރު، އެ ހަރަކާތްތައް ކަވަރު ކުރުމުގައި ފުލުހުންގެ ނޫސްވެރިންނަށް ބޮޑެތި ހުރަސްތައް ކުރިމަތިވެ އެވެ.
ފުލުހުންނަށް ހުރަސް އެޅި ކަމުގެ ކުށް ސާބިތުވެ، ރާއްޖެ ޓީވީގެ ދެ ނޫސްވެރިން ކަމަށްވާ މުހައްމަދު ވިސާމާއި ލީވާން އަލީ ނާސިރުގެ މައްޗަށް ދައުލަތުން އުފުލި ދައުވާއެއް ސާބިތު، ދެ ނޫސްވެރިން މީގެ ކުރިން ވަނީ ބޮޑު އަދަދަކުން ޖޫރިމަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުފެނެ
28 July 2017
އިދިކޮޅު ފަރާތްތަކުން އެމްޑީޕީގެ ހަރުގެ ކައިރީގައި ރޭ ބޭއްވި އެއްވުން ކަވަރު ކުރަން ހަރަކާތްތެރިވި ނޫސްވެރިއެކެވެ... ނޫސްވެރިން އެކްޓިވިސްޓުން އުޅޭހެން ކަރުން ނާރުނަގާފަ އުޅުނީމަ އެއީ ނޫސްވެރިންނެކޭ ނުކިޔަން.
ހަނު ހުންނަ މީހާ
27 July 2017
އަޑު އެހިން ސަދޫމުގަ ވާ ގޮތަކީ ކުށް ކުރާމީހާ ސަލާމަތްވެފަ ކުށް ނުކުރާ މީހާ ކުށްވެރިވާ ވާހަކަ
ޑިމޮކްރަޓިސްޓް
27 July 2017
ހާޒިރުކުރަންވީ.. ގޮސް ގޭގަ ތިބޭނަމަ ހާޒިރެއްނުކުރާނެ!!!
ގޭގަ
27 July 2017
ކަލޭމެން ކުދިން ގޭގައި ރީއްޗަށް ތިބިނަމަ އަނިޔާވެރިކަން ނައީސް. އަނިޔާވެރިންނަށް ވާގިދޭމީހުންނަށް ހުރި ހަލާކެއްގެ ބޮޑުކަމާއެވެ
މުހައްމަދު
27 July 2017
ފުލުސް ސްޓޭޓަކުން ފެންނާނެ ހުރިހާ މަންޒަރެއް މި ފެންނަނީ
ރެއްރެރޭރޭރޭރޭ
27 July 2017
ސަންގު ޓީވީގެ ނޫސްވެރިއަކު ފުލުސް އޮފީހަށް ހާޒިރުވާން އަންގައިފި ނަމަ ހާޒިރުވާން ޖެހޭނީ ދޯ. ހާޒިރު ނުވެ ކޮންތާކަށް ދެމޭނީ ދޯ. މީ މަމެން ޕިންކީންގެ ވެރިކަމޭ މިވެރިކަމުގައި އެއްގޮތެެއް ވެސް ރަންރީނދުލޭ މެންނަށް މަމެންނަަށް ނެހެދޭނެއޭ. ލަވިންގް ޕިންކީސް އާރ އޯސަމް އެން ފްލޯލެސް ދޯ. ރެެއްރެރޭރޭރޭ ރެއްރެރޭރޭރޭރޭ..
ހެނބަދޫ އިންޖީނުގެ ޗިމްނީން ދަންނަވަނީ
27 July 2017
އަމުރަށް ނުކިޔަމަންތެރިވުން. ކޮންމެވެސް ކުއްޖަކު މާނަ ކޮއްދީބަލަ. މައްސަލައެއްނެއް ޕޮލިސް ކުއްޖެއް ވިޔަސް.
އަމުރު
28 July 2017
އަމުރަށް ނުކިޔަމަންތެރި ވުމަކީ މައިމީހާގެ ބަނޑުގަ 9 މަހާއި 10 ދުވަސް ވަންދެން ނޯވެ ގަދަދައްކާލައިގެން ނިކުތުން. ދިވެހިން ކުރުކޮށް ކިޔާއުޅެނީ ދުބަސް ނުފުރާ ވިހެއުން. އުއްމީދުކުރަން ދެން މިވަރުން ވާނެކަމަށް. ގާނޫނު ދަސްކުރަން މަވެސް މިއުޅެނީ. ވަރަށް ސަލާން. (ޔަގީން)
އޮޅުމެއް
27 July 2017
ތިޔައީ އޮޅުމެއް.. ރަނގަޅަށް އަމުރު ބަލާ ރައީސް އަބްދުﷲ ޔާމިނުު ތޯއެއީ!! ؟
ޖަމަލު
27 July 2017
ހުރިހާ ނޫސްވެރިން (ޗެނަލް 13، ޕީ.އެސް.އެމް ފިޔަވާ)، ހުރިހާ އިދިކޮޅު މީހުންނާ ރައްޔިތުން ލާނެ ޖަލެއް ހޯދަމާ ބަހީ. އިޒްރޭލުގެ އެހީތެރިކަން ހޯދަން އަހަންނަށް ފެންނަނީ. ގަޒާވެސް އެގެންގުޅެނީ ޖަލެއް ހެން. އެކަމަކުވެސް ދުވަހެއްވޭ.
ޖޯކް
27 July 2017
މައުމޫނު ގެ ވެރިކަމުގައި ރާއްޖޭގެ ޖުޑީޝަރީ އޮތް ގޮތުގެ ނަމޫނާ އެއް ތި އުފައްދަނީ.
ޑިމޮކްރަޓިސްޓް
27 July 2017
މުރާތްކޭކިޔާ ހަމަނުޖެހުން އުފައްދާ ގައުމު ހަލަބޮލޮކުރަން ފާޑުފާޑުގެ ވާހަކަދައްކާތީ ގެންދަނީ.. ހަޖަމުނުކުރެވުނަސް ފުކެއްބޮޑުވަރު.. ތަންތަނަށް ބޯނުކޮށްޕާ ގޮސްގޭގަތިބެބަލަ!! އޭރަަށް ތަންތަނަކަށްނުދަމާނެ!!