ވައްޑެ މިއަދު ކްރިމިނަލް ކޯޓަށް ހާޒިރުކުރަނީ.---މިހާރު ފޮޓޯ: ހުސެއިން ވަހީދު
17 އޯގަސްޓް 2017 - 16:09
15 comments
ރައްޔިތުންގެ މަޖިލިހުގެ ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހީމް (ލޯޔަރު ވައްޑެ) ކްރިމިނަލް ކޯޓުން ދެންމެ ދޫކޮށްލައިފި އެވެ.
މިދިޔަ ޖުލައި 24 ވަނަ ދުވަހުގެ ރޭ ހައްޔަރުކުރި ވައްޑެގެ ބަންދުގެ މުއްދަތު ހަތަރުވަނަ ފަހަރަށް އިތުރު ކުރުމަށް އޭނާ ކޯޓަށް ހާޒިރުކުރުމުން ދޫކޮށްލީ، ގާނޫނާ ޚިލާފު ކަމެއް ނުކުރުމަށާއި ފޯނު ނަމްބަރު ދިނުމަށް ޝަރުތު ކުރުމަށް ފަހު އެވެ.
އިދިކޮޅު ހަރަކާތުގެ މައި ޖަގަހަ އަދި ޖުމްހޫރީ ޕާޓީގެ އޮފީސް މ. ކުނޫޒްގައި ހުންނަވަނިކޮށް، ކޯޓު އަމުރެއްގެ ދަށުން ވައްޑެ ހައްޔަރުކުރީ އޭނާގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައި ވަނިކޮށް، މިދިޔަ މަހުގެ 24 ވަނަ ދުވަހު ރައްޔިތުންގެ މަޖިލިހުގެ އިދާރާ އަށް ވަން މައްސަލައިގަ އެވެ.
ވައްޑެގެ އިތުރުން މަޑުއްވަރީ ދާއިރާގެ މެމްބަރު މުހައްމަދު އަމީތާއި ވިލިނގިލީ ދާއިރާގެ މެމްބަރު ސައުދު ހުސެއިން ވެސް ހަމަ އެއް މައްސަލައެއްގައި ވަނީ ހައްޔަރުކޮށްފަ އެވެ. އެ ދެ ބޭފުޅުންގެ ބަންދަށް ކްރިމިނަލް ކޯޓުން ވަނީ ތިން ފަހަރެއްގެ މަތިން މުއްދަތު ޖަހައިފަ އެވެ. ސައުދާއި އަމީތަށް އެންމެ ފަހުން ބަންދުގެ މުއްދަތު ޖެހީ އިއްޔެ އެވެ.
މަޖިލިހުގެ އިދިކޮޅު ހަ މެމްބަރެއްގެ ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާއިރު، އޭގެ ތެރެއިން ވައްޑެ އާއި އަމީތާއި ސައުދު އަދި ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު ވަނީ އެ މައްސަލަ ސުޕްރީމް ކޯޓަށް ހުށަހަޅުއްވައިފަ އެވެ. އެ މައްސަލަތަކުގެ އަޑުއެހުން ސުޕްރީމް ކޯޓުގައި ނިންމާފައިވާއިރު، ދެން އޮތީ ހުކުމް އިއްވުމުގެ މަރުހަލާ އެވެ.
އެ ހަތަރު ބޭފުޅުންގެ ތެރެއިން ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުން ދެން ކަނޑައަޅާފައި ވަނީ ދަނގެތި ދާއިރާގެ މެމްބަރު އިލްހާމް އަހުމަދާއި މައްޗަންގޮޅީ ދެކުނު ދާއިރާގެ މެމްބަރު އަބްދުﷲ ސިނާނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލިދީދީއައްޑޫސިޓީ
18 August 2017
ފެންވަރާތި. ގަވާއިދުން ކައިބޮއި ހަދާތި. ފާޚާނާ ކުރާތި. މާގިނައިރު ރޭގަނޑު ބޭރުގައި ނޫޅޭތި. ހަޑިހުތުރު ބަހުން ވާހަކަ ނުދައްކާތި. ބަސް އަހައިގެން އުޅޭތި. އައްޗިކޮށް ނޫޅޭތި. އަވަހަށް ގެއަށްދޭ!!!
ދާއިރާ
18 August 2017
ބަލަ ވައްޑޭ ހަގީގަތް ގަބޫލުކޮށްގެން ތިނަދޫއަށް ކުރިމަތި ލާންވީއެއްނުން. ތީ ޕިންކީންނަށް އަހުރެމެން މިތިބި ކުދި ބޮޑު އެންމެންވެގެން ވޯޓްފޮށި ފުރާލައިގެން ދިން ގޮޑިއެކޭ. ތިހާލަަނެއްވީމާ ދެރަވެޔޭ. އަދިވެސް ޕިންކުވެގެން އުޅެބަލަ. ތައުބާއަކީވެސް ގަބޫލުކުރެވޭ ކަމަކަށްވާތީ އަހަރުމެންވެސް ކައިންޑްވާނޭ.
ދޫ
17 August 2017
އިރުއަރާއިރު ސިޔާސީ މީހުން ބަންދުކުރާ ޚަބަރު. އިރުއޮއްސޭއިރު ކޮންމެވެސް މީހަކު މަރާލާޚަބަރު. ވައްޑެއަށް މަރުހަބާ
ކާޖާ
17 August 2017
ގަސްތުގައި ގާނޫނާ ހިލާފު ކަމެއް ވައްޑެއެއް ނުކުރައްވާނެއެވެ. ފިސްތޯލަ ހޯދިގޮތައް ގޮޅިއަކަށް ފައްތަފާނެއެވެ.
ރަބަރު
17 August 2017
ގޮތްހުސްވީމަ އެއްޗެކޭ ކިޔާފަ ދޫކޮށްލީއެވެ. ވައްޑެއަށް މަރުޙަބާ.
އަނގަފޫޅު
17 August 2017
އެކަކު ދޫކޮށްލާނީ އަނެކަކު ހައްޔަރު ކޮށްފައެވެ.މިހާރު ދިއްދޫ ސަމީރު ކޮބާ ތޯއެވެ.؟ ހަތަތު ކަމެއްގެ ތުހުމަތުގައި ހައްޔަރު ކޮށްފިއެވެ.
މިހާރުގެ ކިޔުންތެރިއެއް
17 August 2017
ކޯޓަކުން ހުއްދަދީގެން ގާނޫނާޚިލާފްކަމެއްކުރެވިދާނެތޯ ؟
ކަމަނަ
17 August 2017
އަޅުގަޑުމެން އެންމެންނަށްވެސް އޮންނަނީ ގާނޫނާއި ޚިލާފުކަމެއް ނުކުރުން. ދެން ތިއީ ކޮން ޝަރުތެއް؟
ޢަބްދުﷲ އަބްދުﷲ
17 August 2017
ޤާނޫނާއި ހިލާފުކަމެން ނުކުރުމަށް ސަރުތުކުރެވޭތޯ. ކުށްވެރިއަކު ނުވަތަ ކުށްނުކުރާމީހަކުުވެސް ޤާނޫނާއި ހިލާފުކަމެއް ކުރީމަ ޤާނޫނުބުނާ ގޮތަށް އަމަލުކުރެވޭނެ އަދި އެކުށަކަށް އަދަބު ލިބޭނެ
ރަދީފް
17 August 2017
ވެލްކަމް ބެކް ބްރަދާ.