ބިހުރޯޒު މިސްކިތް. - ފޮޓޯ: މިހާރު
16 ނޮވެމްބަރ 2017 - 18:07
29 comments
މާލޭގައި ހުންނަ ބިހުރޯޒް މިސްކިތާއި މަސްޖިދުލް އިމާމް އާދިލް ތަޅާލައި އެ ދެ މިސްކިތް ހުރި ބިމުގައި 12 ބުރީގެ މަލްޓިޕާޕަސް ދެ އިމާރާތް އެޅުމަށް އަންނަ އަހަރުގެ ބަޖެޓުގައި ހިމަނައިފި އެވެ.
ފިނޭންސް މިނިސްޓްރީން އިއްޔެ ހުށަހެޅި 27.9 ބިލިއަން ރުފިޔާގެ ބަޖެޓުގައިވާ ގޮތުން މި އިން ކޮންމެ ތަނެއް ތަރައްގީ ކުރަނީ ފަސް މިލިއަން ރުފިޔާ ހަރަދު ކޮށްގެންނެވެ. ނަމަވެސް މި ދެ މިސްކިތް ތަޅާލުމަށްފަހު، ހަދާ އިމާރާތުގައި މިސްކިތް ހިމެނޭ ކަމެއް ބަޖެޓުގައި ބުނެފައެއް ނެތެވެ.
އަންނަ އަހަރަށް ލަފާކުރާ ބަޖެޓުގައިވާ ގޮތުން މި ދެ މަޝްރޫއު ހިންގަނީ އޭޝިއަން ޑިވެލޮޕްމަންޓް ބޭންކް (އޭޑީބީ)ގެ ހިލޭ އެހީގެ ދަށުންނެވެ. މީގެ އިތުރުން އަންނަ އަހަރުގެ ބަޖެޓުގައި ސައޫދީ އަރަބިއްޔާ ސަރުކާރުގެ ހިލޭ އެހީގެ ދަށުން 17 ރަށެއްގައި މިސްކިތް އެޅުމަށް ވެސް ހިމަނާފައިވެ އެވެ.
މި އަހަރުގެ ބަޖެޓެކޭ އެއްގޮތަށް އަންނަ އަހަރުގެ ބަޖެޓުގައި ޒިކުރާ މިސްކިތް ތިން ބުރިއަށް އިމާރާތް ކުރުމަށާއި މަސްޖިދު ބަހާއުއްދީން ފަސް ބުރި އަށް އިމާރާތް ކުރަން ބަޖެޓުގައި ހިމަނާފައިވެ އެވެ. ސަރުކާރުން ނިންމާފައިވަނީ ޒިކުރާ މިސްކިތް ތަޅާލުމަށްފަހު 10 ބުރިއަށް އިމާރާތް ކުރުމަށެވެ.
ނަމަވެސް ބަޖެޓުގައި މިފަހަރު ހަމައެކަނި އޮތީ ޒިކުރާ މިސްކިތް ތަޅާލުމަށް ފަހު، އެ ތަނުގެ ފައުންޑޭޝަންގެ މަސައްކަތާއި ތިން ބުރިއަށް ހެދުމާއި ޕާކް ކުރެވޭނެ އިންތިޒާމު ގާއިމު ކުރުމެވެ.
މި ދެ މަޝްރޫއަށް ޕަބްލިކް ސެކްޓާ އިންވެސްޓްމަންޓް ޕްރޮގްރާމް (ޕީއެސްއައިޕީ) ގެ ތެރެއިން 32 މިލިއަނަށްވުރެ ގިނަ ރުފިޔާ ހަރަދު ކުރެ އެވެ.
ރަށްދެބައި މަގުގައި ސީއެޗްއެސްއީ ކައިރީގައި ހުންނަ ބިހުރޯޒް މިސްކިތު ގޯތި ތެރެއިން ގަބުރު ފެނިގެން އެ ތަނުގެ ގޯތި ތެރޭގައި ނަމާދު ކުރުން އިސްލާމިކް މިނިސްޓްރީން ވަނީ މަނާކޮށްފަ އެވެ. މަޖީދީ މަގުން ގަލޮޅު ދަނޑު ކައިރީގައި ހުންނަ މަސްޖިދުލް އިމާމް އާދިލްގައި މިހާރު ވެސް ނަމާދު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާމީ
17 November 2017
އަގުބޮޑު ތަރިކަތައް ނައްތާލުމަކީ ރާއްޖޭގެ ތާރީޚާއި ޘަޤާފަތް ނަގާލުން . ތިޔަ ނައްތާލާ ތަންތަނަކީ ދިވެހިންގެ އަގުބޮޑު ތަރިކަ ތިޔައީ ފަނާކުރަނިވި ތަރައްޤީ.
6788
17 November 2017
މިސްކިތް ތަޅަން އުޅޭ ބަޔަކު އެކަން ކުރުމުގެ ކުރިން ވެއްޓޭނެ.
އަލްޖިބްރާ
17 November 2017
ހޮސްޕިޓަލްގެ އާ އިމާރާތް އެ ހަދަނީ ޗައިނާގެ ބަޖެޓްގައިހިމަނައިގެންތަ ؟ ބާރު އޮތީމާ މިވަގުތު ކޮންމެ ކަމެއްވެސް ކުރެވިދާނެ !
މާކަނާޝޯ
17 November 2017
މިސްކިތްތައް 25 ބުރިޔައްނަގާ ބައެއްފުލޯތައް ރެސްޓޯރަންޓްތައް ލާފަ އޭރުން ރޯދަމަހު މިސަރުކާރުން ރޯދަވެރިންނައް ފަސޭހަކަމާއެކު އެކަންވެސް ކޮއްދެވުނީ އަދިވެސް ބޮނބިތަޅަން ވީތަ މިހުރިހާ ކަމެއްވާއިރުވެސް މަޣޭދެލޮލުން ފެންހިލޭ މިހާއޯގާތެރިކޮއް ކަންކޮއްދޭއިރުވެސް މިތިބަ މީހުންނަށް ނުވިސްނޭތީ މިސަރުކާރުން ރިސޯޓު ހިއްސާވެސް ނުދީ ހިފަހައްޓަނީ މަގޭގާތައް ސަލާންޖަހަން ނައިސްފާނެތީ ބަލާބަލަ މިހުރިހާދުވަހު ބޮނބިތަޅަން ތިބިމީހުންވެސް އެހާލުގަ ގެންގުޅުނީމަ މަށައްކުރި ތާއީދު
އަރޫ
17 November 2017
ޤައުމަށްޓަކާ ދީނަށްޓަކާ ކުރާކަމަކަށް ތިވާނީ، އޯކޭވާނެ
ޗޭންޖް
17 November 2017
ދެ މިސްކިތެއް ތަޅާ އެ ބިމުގައި 25 ބުރިއަށް އިމާރާތް ކޮށް އިމާރާތުގެ ވަކި ބަޔެއް މިސްކިތަކަށް އަނެއް ބައި ކޮމާރޝަލް އޮފީސް ސްޕޭސް ހަދާ ކުއްޔަށް ދިނުމަކީ އެއީ އިސްލާމިކް މިނިސްޓްރީ ހިންގަން ބޭނުންވާ ފައިސާ ހޯދަން އޮތް އެންމެ ރަނގަޅު ފޯރމިއުލާ އަކީ. ކަން މިހެން ހުރުމުން މާލޭގައި ހުރިއްޔާ ހުރި ހުރިހާ މިސްކިތް ތަކެއް 25 ބުރިއަށް ނަގަންވީއެވެ. އެއިރުން މިސްކިތަށް 5 ބުރި ނަގާ ދެން ހުރި 20 ބުރި ކުއްޔަށް ދީގެން މިސްކިތުގެ ޚަރަދު ހޯދާ އަދި ފައިދާ އިން އިސްލާމިކް މިނިސްޓްރީ ހިންގޭނެ ނޫންތޭ. މީ ކުރަން ވަރަށް ރަނގަޅު ކަމެކެވެ. ޔޫ ކޭން ޗޭންޖް ދަ ވޯލްޑް.
ޕޮކަންޑިމޭން2
17 November 2017
މުހައްމަދު ތަކުރުފާނުގެ ގަބުރުފުޅުވެސް އެންމެ ފަހުން ނަގާ އެއްލާލަނީ. ޢޯސަޅި. ޢަހަރުމެން ޕިންކީންގެ އޯސަމް އެންޑް ފްލެސް ސަރުކާރު ގޯސްކަމެއް ނޫނީ ނުކުރާނެ. ކުޑަހުޅު ނެއްޓެންދެން ބާރަށް އަތް މިޖަހަނީ. ????????
ހިލަންޓް
17 November 2017
މުހައްމަދު ތަކުރުފާނު ފަސްދާނުލެވިފައިވަނީ ބިހުރޯޒް މިސްކިތުގެ ގޯތި ތެރޭގައި
ލުއި
17 November 2017
މިސްކިއްތައް ތަޅާ ސުންނާފަތިކޮށް ތަރައްގީ އަންނަނީ ގަދައިނގޭ ކޮންމެވެސް އަތްޖަހާލާތި
އަހުސަން
17 November 2017
މާލޭން ވިއްކަން އުޅޭ ބިންތަކުގައި ތިއިމާރާތް ނޭޅެންވީ ކީއްވެ؟؟؟