ޕެރެޑައިސް އަށް އެރި ކަސްޓަމްސްގެ ތަހުގީގު ޓީމު އެ ރިސޯޓުން ފޭބުމަށް ޕޮލިސް ލޯންޗަށް އަރަނީ.
19 ޖެނުއަރީ 2018 - 14:38
92 comments
ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ ވިލާ ކުންފުނީގެ ހަތަރު ރިސޯޓަކަށް ރަލާއި އޫރުމަސް އެތެރެ ކުރުމުގެ ހުއްދަ މިދިޔަ އަހަރުގެ މާޗް މަހުގެ 22 ވަނަ ދުވަހުން ފެށިގެން އޮތީ ބާތިލްކޮށްފައި ކަމަށް ކަސްޓަމްސް އިން ބުނެފި އެވެ.
ކޯޓު އަމުރެއްގެ ދަށުން ފުލުހުންނާ އެކު ކަސްޓަމްސް އިން ގާސިމްގެ ރިސޯޓްތަކަށް އަރައި ފާސް ކުރުމަށް ފަހު، ކަސްޓަމްސް އިން ނެރުނު ބަޔާނެއްގައި ބުނީ ރަލާއި އޫރުމަސް ދޫކުރުމުގެ އިތުރުން ވެސް އެ ރިސޯޓުތަކަށް އެހެނިހެން ޚިދުމަތްތައް ދިނުން ވެސް ކަސްޓަމްސް އިން އެ ތާރީހުގައި ހުއްޓާލާފައިވާ ކަމަށެވެ.
ޚިދުމަތް ދިނުން ހުއްޓާލީ މީރާ އަށް ދައްކަންޖެހޭ ފައިސާ ގަވާއިދާ އެއްގޮތަށް ނުދައްކާތީ، މީރާގެ އެންފޯސްމަންޓް ޕޮލިސީގެ ދަށުން ކަމަށް ވެސް ކަސްޓަމްސްގެ ބަޔާނުގައި ބުނެފައިވެ އެވެ. އެ ބަޔާނުގައި ބުނެފައިވަނީ ހިދުމަތް ދިނުން ހުއްޓާލީ ވިލާގެ ސަން އައިލެންޑާއި، ޕެރަޑައިސް އައިލެންޑު އަދި ފަން އައިލެންޑްގެ އިތުރުން ހޮލިޑޭ އައިލެންޑް ރިސޯޓަށް ކަމަށެވެ.
އެ ހަތަރު ރިސޯޓުގެ އިތުރުން ވިލާ އިން ހިންގަމުން އަންނަނީ ރޯޔަލް އައިލެންޑް ރިސޯޓެވެ. ކަސްޓަމްސް އިން ރިސޯޓުތަކަށް އަރާ ފާސް ކުރީ، ރޯޔަލް އަށް ގެންދާ ރަލާއި އޫރުމަސް އެހެން ރިސޯޓުތަކަށް ގެންގޮސް ބޭނުން ކުރަމުން އަންނަ ކަމަށް ބުނެ އެވެ.
ކަސްޓަމްސްގެ ބަޔާނުގައި ބުނެފައިވަނީ ރަލާއި އޫރުމަސް ދޫކުރަމުން ގެންދަނީ ވަކި ތަނަކަށް ގެންދިއުމަށް އިގުރާރު ވުމަށް ފަހު ކަމަށް ވާއިރު އެ ތަކެތި އެހެން ތަންތަނަށް ގެންގޮސް ވިއްކައި، ބޭނުން ކުރުމަކީ ގާނޫނީ ކުށެއް ކަމަށެވެ. އަދި ވިލާގެ އެ ހަތަރު ރިސޯޓުގައި ގަވާއިދާ ހިލާފަށް ގިނަ އަދަދަކަށް ބަނގުރާ ގެންގޮސް ބޭނުން ކުރަމުން އަންނަ ކަން ފާހަގަކުރެވިފައިވާ ކަމަށް ވެސް ވަނީ ބުނެފަ އެވެ.
ނަމަވެސް ވިލާ އިން ވަނީ އެކަން ދޮގުކޮށްފަ އެވެ. އެ ކުންފުނިން ވަނީ ރިސޯޓްތަކުގައި ގާނޫނާ ހިލާފަށް އެއްވެސް ކަމެއް ހިންގާފައި ނުވާނެ ކަމަށް ބުނެފަ އެވެ.
"...ބަނގުރަލުގެ ބާވަތްތައްް ގެންގޮސް ގަވާއިދާ ޚިލާފަށް އެ ތަކެތީގެ ވިޔަފާރި ކުރުމަކީ ދައުލަތަށް ދައްކަންޖެހޭ ފައިސާ ނުދައްކާ އުޅުމަށް މަގުފަހިވާނެ ކަމަކަށް ވާތީވެ، މިފަދަ އަމަލުތައް ހުއްޓުވުމަށް ގާނޫނީ ގޮތުން އަޅަންޖެހޭ ފިޔަވަޅުތައް މިމުވައްސަސާގެ ފަރާތުން އަޅަމުންދާނެ ވާހަކަ ދަންނަވަމެވެ.،" ކަސްޓަމްސްގެ ބަޔާނުގައި ބުނެފައި ވެއެވެ.
އިމްޕޯޓް އަދި އެކްސްޕޯޓް ކުރެވޭ ތަކެއްޗާ މެދު އަމަލު ކުރުމަށް ކަނޑައެޅިފައިވާ ގަވާއިދުތަކާ ހިލާފަށް އަމަލުކުރުމަށް އެއްވެސް ފަރާތަކަށް ފުރުސަތު ނުދޭނެ ކަމަށް ވެސް ކަސްޓަމްސްގެ ބަޔާނުގައި ބުނެފައި ވެއެވެ.
ކަސްޓަމްސް އިން ބުނީ ގާނޫނު ތަންފީޒު ކުރުމަށް ކުރަމުންދާ މަސައްކަތްތަކާ ގުޅިގެން، އެ މުއައްސަސާގެ އަގު ވައްޓާލަން ބައެއް ފަރާތްތަކުން މަސައްކަތް ކުރަމުން އަންނަ ކަމަށާއި، އެކަން ހަރުކަށި އިބާރާތުން ކުށްވެރި ކުރާ ކަމަށެވެ. އަދި އެފަދަ ކަންކަން ކުރާ ފަރާތްތަކާ މެދު ގާނޫނީ ގޮތުން އެޅެން ހުރި ފިޔަވަޅުތައް އަޅާނެ ކަމަށް އިންޒާރު ދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާ
21 January 2018
ހުސްކޮއްލާ އިނދަޖައްސާލާ
މުޙުއްމާ
21 January 2018
މާމޮޅު ބަޔާން ކޮންމެހެން ނެރޭނެ ކަމެއްނެތް. ތި ބަޔާން ނެރޭ މީހުނާއި ރިސޯރޓް ތަކަށް އެރި މީހުންގެ މައްސަލަ ބަލާ ޖަލަށް ލާކަށް އިރަދަ ކުރެއްވިއްޔާ ދެން މާގިނަދުވަހެއްނެތް. ތައްޔާރަށް ތިއްބަވާ. މީރާގެ ބޭފުޅުންވެސް ޖަލަށް ވަޑައިގަންނަވަން ތައްޔާރަށް ތިއްބަވާ. ޤާނޫނާއި ޚިލާފުއަމުރެއް ކޮންމެ މީހަކު ކުރިޔަސް އެ އަމުރަށް ތަބާވާ މީހަކު ފަރުދީގޮތުން އެކަމުގެ ޒިންމާ ނަގަން ޖެހޭނެ.
ރުޅި
20 January 2018
ބަލަ ހަސަދައަކީ އަލިފާން ތިނެއް އަންދާލާހެން އަދާ ހުލިކޮށްލާއެއްޗެއް. ގާސިމާ މެދު އޮތް ހަސަދައިގެ ބޮޑުކަމުން 65 އަހަރުވުމުން ވެރިކަމަށް ނާދެވޭގޮތަށް ގާނޫނުގައި ތަޅުއެޅުވީ. އެހެންވީމާ މީރާ މެދުވެރިކޮށް ދެން ގާސިމްގެ މުދާ އަތުލަންފެށީ އިތުރަށް ގާސިމް ނިކަމެތިކޮށް ފުޑާލަން. ޔާ ﷲ އަނިޔާވެރިންގެ ކިބައިން ގާސިމަށް ބާރުދެއްވާންދޭވެ. ތިޔަ މީރާއިން ތިޔަނަގާ ޓެކްސްތަކަކީ އިސްލާމްދީނުގައި ހުއްދައެއްޗެއްނޫން. ގަދަކަމުންވެސް ނެގޭނީ މުދަލުޒަކާތް. މިހާރު ޖީއެސްޓީ އާއި ޓީޖީ އެސްޓީ އެބަނަގާ. ތިޔަކަމަކާ ހުރެ ކުދި ވިޔަފާރި މިހާތުވަނީ ކަފުންކޮށްފަ. އާމްދަނީ ޓެކްސްނުނަގާ. ދައުލަތުން ލައްކައިން މަހުމުސާރަލިބޭމީހާ ޓެކްސް ދައްކާކަށްނުޖެހޭ. ބުރަމަސައްކަތުން ކުޑަވިޔަފާރިއަކުން މަހަކު ހަރަދާއެކު ފަންސާސްހާސްލިބޭމީހާ ޓެކްސްދައްކަންޖެހޭ. އިންސާފުތަ
އިޙްސަ
20 January 2018
ސަންއައިލެންޑާ ފަންއައިލެންޑާ ތަންތަނުގައި ބަނގުރަލާ އޫރުމަސް ބޭނުން ކުރާކަމުގެ ހެކި ފޮޓޯ ވީޑިއޯ ކަސްޓަމްސްގަ ހުރިއްޔާ ހާމަ ކުރަންވީނު. ޤާސިމުގެ ރިސޯޓުތަކުގަ ބަނގުރަލާއި އޫރުމަހުގެ ވިޔަފާރި ކުރާނަމަ އެކަމުން ލިބޭ ފައިސާ ހަލާލު ވާނެ ގޮތެއް ނޯންނާނެ. އެކަމަކު މިކަމުގަ ޤާސިމަށް ވީތީ ތަފާތު ކުރެވިގެން ނުވާނެ.
މީރާ
20 January 2018
މީރާގެ އެންފޯސްމެންޓް ޑިޕާޓްމެންޓްގެ އެންމެ އިސްވެރިންވަނީ ކޮމްޕަރަމައިޒްވެފަ. އެއީ ކީއްވެގެންކަން މިތާ ލިއާކަށް ނެތިން. އެހެންވީމާ ސަރުކާރުން ބުނާހާ ގޮތަކަށް މިރާއިން ހާއްސަކޮށް އެންފޯސްމެންޓުން އަމަލު ކުރަމުން ދާނެ މިއަދު އެތާ އެތިބި މީހުން ތިބިހާ ހިނދަކު. މިރާއްޖޭގެ ހުރިހާ މުއައްސަސާއެއްވެސް ހަލާކު ކޮށްފި، އަދި މިހާރު އެދަނީ ހުރިހާ ކުންފުނިތައްވެސް ކުޅަދާނަ ނުވާ ވަރުގެ ލޯނުތަށް ނަގަމުން ހަލާކު ކުރަމުން.
ފާތުމާާ
20 January 2018
މި ވެރިން ބޭނުންވަނީ ސޭޓު އިނދަ ޖައްސަން
އަހައްމާ
20 January 2018
ކަލޯ ޔާމީނު ދެހާސް އަށާރައަށް ދަންތުރައިގަ އަމިއްލައަށް ޖެހެނީ. ރިސޯޓްތަކުގެ މުއައްޒަފުންނާއި މުއައްޒަފުންގެ އާއިލާތަކުގެ ވޯޓު ޔާމީނަށް ހަރާމް. ހަމަ ބުނެލީ.
އާދަމް ޒާހިރު
20 January 2018
ކީއްވެތޯ މާފުއްޓަށް އަރާ ޗެކު ނުހުރަނީ. ގާސިމާ ގުޅިފަ ކަމެއް ނެތީމަ ތޯ
ސަލީމު އިދުރީސް
20 January 2018
އޭތް އަހުންނޭ ވިސްނާށެވެ! މީހަކައް އަޅުވެތި ނުވެއްޖެނަމަ އެމިހަކު ޖާނާމާލު ދުއްވާލާ ސިސްޓަމެއް މިގައުމުގަ ގާއިމު ކޮއްފިކަން އެގިތިބެވެސް ހަމަހެވިފަ އަތްޖަހަނީތޯއެވެ
މާއިގޭ
20 January 2018
އިސްލާމް ދީނުގަ ރަލާ އޫރު މަސްވެސް ހަރާން އެކަމް އައްނި ޔަކީ ލާދީނީ މީހެކޭ ކިޔާގެން ދީން ހިމާޔަތް ކުރަން އައި މީހުންނަށް ވެރިކަން ލިބުމުން އިސްލާމްދީންވީ ހިސާބެއްވެސް ނޭގުނު. ހަރާމެއް ހަލާލެއް އިންސާފެއްވެސް އޮއްނާނީ ދީނެށް އޮވެގެން ދެއްތޯ؟