ރިޝްވަތުގެ ތުހުމަތުގައި ހައްޔަރުކޮށްފައިވާ، އުއްތަމަ ފަނޑިޔާރު އަބްދުﷲ ސައީދު (ކ)، ކުރީގެ ރައީސް މައުމޫން (މ) އަދި ސުޕްރީމް ކޯޓުގެ ފަނޑިޔާރު އަލީ ހަމީދު.-- މިހާރު ފޮޓޯ
28 ފެބުރުއަރީ 2018 - 19:14
80 comments
"ބަޣާވާތް"ކޮށްގެން ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ ކުރީގެ ރައީސް މައުމޫން އަބްދުލްގައްޔޫމާއި އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު މައްޗަށް، ހެކި ނައްތާލުމުގެ ދައުވާ ކުރަން މިއަދު ޕްރޮސެކިއުޓާ ޖެނެރަލްގެ އޮފީހަށް ފޮނުވައިފި އެވެ.
ފުލުސް އޮފީހުން ބުނީ މި ބޭފުޅުން ފުލުހުންގެ ތަހުގީގަށް ބޭނުންވާ ހެކި ނައްތާލި މައްސަލަ ތަހުގީގުކޮށް ނިންމައި، ދައުވާ ކުރުމަށް މިއަދު ޕީޖީއަށް ފޮނުވާފައިވާ ކަމަށެވެ. އަދި ފުލުހުންގެ އިދާރާއަށް ހާޒިރުވާން އެންގުމުން، ޖުޑީޝަލް އެޑްމިނިސްޓްރޭޓާ ހަސަން ސައީދު ފިލައިގެން އުޅުނު މައްސަލަ ވެސް ޕީޖީއަށް ފޮނުވާފައިވާ ކަމަށް ފުލުހުން ބުންޏެވެ.
ރައީސް މައުމޫނާއި ފަނޑިޔާރުން އަދި ހަސަން ސައީދު ވެސް ފުލުހުން ހައްޔަރުކޮށްފައިވަނީ، މި މަހު ފަސް ވަނަ ދުވަހު ރައީސް އަބްދުﷲ ޔާމީން ނެރުއްވި ކުއްލި ނުރައްކަލުގެ ހާލަތުގެ ދަށުންނެވެ. އެ ހަތަރު ބޭފުޅުން ވެސް ހައްޔަރު ކުރީ ރިޝްވަތު ދީގެން، ގާނޫނީ ސަރުކާރު ވައްޓާލަން މަސައްކަތް ކުރި ކަމުގެ ތުހުމަތުގަ އެވެ.
މި ބޭފުޅުންގެ އިތުރުން، ހަމަ އެ ތުހުމަތު އިތުރު ހަ މީހެއްގެ މައްޗަށް ކުރެ އެވެ. އޭގެ ތެރޭގައި ރައީސް މައުމޫންގެ ދަރިކަލުން ފާރިސް މައުމޫނާއި ދަރިކަނބަލުން ޔުމްނާ މައުމޫންގެ ފިރިކަލުން މުހައްމަދު ނަދީމާއި ފަނޑިޔާރު އަލީ ހަމީދުގެ އަނބިކަނބަލުން ވެސް ހިމެނިވަޑައިގަންނަވަ އެވެ.
ކުރިން ބޭއްވި ނޫސްވެރިންގެ ބައްދަލުވުމެއްގައި ފުލުހުން ވަނީ މައުމޫނާއި ފާރިސް އާއި ނަދީމް ސުޕްރީމް ކޯޓުގެ ފަނޑިޔާރުންނަށް ރިޝްވަތު ދީގެން، ގާނޫނީ ސަރުކާރު ވައްޓާލަން މަސައްކަތް ކުރި ކަމުގެ ހެކި ލިބިފައި ކަމަށް ބުނެފަ އެވެ. މީގެ އިތުރުން، އެ ތިން ބޭފުޅުން އިސްވެ ތިއްބަވައިގެން، ރައްޔިތުންގެ މަޖިލީހުގެ މެމްބަރުންތަކަކަށް ރިޝްވަތު ދީގެން ވެރިކަން ވައްޓާލުމަށް ޖުލައި 24، 2017 ގައި މަސައްކަތް ކުރި ކަމުގެ ހެކި ވެސް އެބަހުރި ކަމަށް ވެސް ފުލުހުން ބުނެފައި ވެ އެވެ.
އޭގެ އިތުރުން އުއްތަމަ ފަނޑިޔާރާއި އަލީ ހަމީދުގެ އިތުރުން ހަސަން ސައީދު ރާއްޖޭން ބޭރުން ފްލެޓު ބައްލަވައިގަންނަވަން، ރާއްޖޭގެ ބޮޑު ކުންފުންޏަކުން ގިނަ އަދަދެއްގެ ޑޮލަރުތަކެއް، ތުހުމަތުތަކެއް އެކުލެވޭ ގޮތަށް ދީފައިވާ ކަމަށާއި އެކަމުގެ ޑޮކިއުމެންޓްރީ ހެކި ލިބިފައިވާ ކަމަށް ފުލުހުން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
01 March 2018
ޔާމިން އަބުދުލް ޤައްޔޫމް ގެ ސަރުކާރުން އަދުލު އިންސާފުގެ މައްޗަށް ނުފޫޒު ހިންގާ ކަމަށް ރާއްޖޭގެ ގިނަ ސިޔާސީ ފަރާތް ތަކާއި ބޭރު ދައުލަތް ތަކުން ތުހުމަތު ކުރަމޖން ދަނިކޮށް “ސަރުކާރުން ހުށަހަޅާ މިމައްސަލަ” ޕީޖީ އަދި އޭޖީ ރަނގަޅަށް ދިރާސާ ކުރައްވާނެ ކަމަށް ހީކުރަން. . ދައުލަތުގެ ޕްރޮސިކިއުޓާރ ޖެނަރަލް އަކީ “ރައްޔިތުންނަށް ވެސް ރައްކާތެރިކަން ހޯދާ ދިނުމުގެ ޤާނޫނީ މަސްއޫލިއްޔަތު އުފުލާންޖެހޭ ފަރާތެއް” ކަމަށް ޤާނޫނު އަސާސީގައި ބުނެ އަމިރުކޮށްފައި ވީހިނދު ޕީޖީ ވެސް އެކަމަށް ރިޔާއަތް ކުރާން ވާނެ. . އަދުލުވެރި ހުކުމެއްނޫނީ އެއްވެސް ފަރާތެއްގެ މައްޗަށް ނެރެގެން ނުވާނެ ކަމުގައި ވިޔަސް “މިއީ ސިޔާސީ ކުލަޖެހިގައިވާ މައްސަލައެއް” ކަމަށް ބުނާތީ މިކަމުގައި ސަރުކާރު ބޭނުންވާ ހުކުމް ނެރުމުގެ ބަދަލުގައި “އަދުލުވެރި ހުކުމެއް” ހުރިހާ ދަރަޖައެއްގެ ކޯޓުްތަކުގެ ފަނޑިޔާރުންވެސް ނެރެ މިދައުލަތުގެ އަދުލު އިންސާފު ޤާއިމް ކުރާ ކޯޓް ތަކުގެ ޤަދަރު ސަލާމަތް ކޮށްދޭނެ ކަމަށް ދެކެން.
އަހުމަދު އިބްރާހިމް
01 March 2018
ޝަރަފާއި އިއްޒަތް ލިބިފައިވާ ބޭފުޅަކު ކުށެއް ކުރިކަމަށް ހެކި ލިބުމުން ދައުވާ ކޮށްގެންވެސް ނުވޭ.... ތިބޭފުޅުންނަކީ މީގެ ކުރިން އެބަޔަކު އެތައް ޖަރީމާ ތަކެއް ހިންގާފައިވާ ކަމަށް މުޅި ރާއްޖޭގައި މަޝްހޫރު ބޭފުޅުން.. އަދި އިންޓެގްރިޓީ ގެއްލިފައިވާ ބޭފުޅުން....
މަގޫ
01 March 2018
ދޮގު ހެދުމާއި ، ދޮގުހެކި އުފެއްދުމާއި ، ފުރޭމް ތައްޔާރު ކުރުމުގެ މުބާރާތެއް ބާއްވަން އިނާމު ހުށަހަޅަން ވީނު ދެން ! އެންމެ ކުޅަދާނަ ބަޔަކަށް އިނާމު ލިބޭތާ !
ބާބޫ
01 March 2018
އެއްކަމެއްވެސް ކުރާނެކަމެއްނެތް ކުއްލި ނުރައްކާ 5 އަހަރަށް އިތުރުކޮޤލާ؟ އެއިރުން އިންތުޚާބު ބާއްވާކަށްވެސްނުޖެހޭނެ ؟
ތެއާސާ.
01 March 2018
ދަންނައޭ، ޕީޖީ މަނިކުފާނު މިމައްސަލަ ދިރާސާކުރެއްވުމަށްފަހު އަވަސްމިނެއްގައި ކޯޓަށް ފޮނުއްވުމުން ފަނޑިޔާރު މަނިކުފާނުވެސް ހަމަ އެހާ އަވަސްމިނެއްގައި ޝަރީއަތް ހިންގަވައި، މި 3 މީހުންގެ ކުށަކީ ހެކި ފޮރުވުން ކަމަށް ދައުވާ އިއްވަވައި، ހެކި ފޮރުވިކަމުގެ ހެކި ހުށައަޅަން ދައުލަތަށް އެންގުމުން ދައުލަތުގެ ވަކީލާ ތެދުވެވަޑައިގެން، ފަނޑިޔާރު މަނިކުފާނޭ ބައްލަވާށޭ މި 3 މީހުން ހެކި ފޮރުވިކަމުގެ ހެކިވެސް ފޮރުވައިފިއޭ ވީމާ ހުށައަޅާނޭ ހަމައެއްވެސް ހެއްކެއް ނެތޭ ދެންނެވުމުން، މި 3 މީހުންގެ މައްޗަށް ހެކި ފޮރުވިކަމުގެ ދައުވާ އާއި ހެކި ފޮރުވިކަމުގެ ހެކިވެސް ފޮރުވިކަމުގެ ދައުވާ ސާބިތުވެ، ކޮންމެ މީހަކު 11 ނުވަތަ 12 ނުވަތަ 13 އަހަރަށް ޖަލަށްލުމަށް ހުކުމްކޮށް މި ގަޒިއްޔާ ނިންމާލުމުން މިކަން ނިމުނީއޭ. އ.ހ
އެކްސް
01 March 2018
ބަޔަކު މީހުން ފަޟީޙަތްވާނީ މިވަރަށް. ކުރިން ދެއިރު ކާބޭހެއްހެން ބޭއްވި ނޫސްކޮންފަރެންސްތަކުގައި "ކިތާބީ ހެކި، ކިތާބީ ހެކި" ގޮވަމުން، ގޮދަޑި ދަށުންނާއި ކަޅުފޮށިން ފެނުނު ކަމަށްބުނި ފައިސާތައް އަދި ރާއްޖޭގެ ބިޔަ ބޮޑު ކުންފުންޏަކުން ފަނޑިޔާރުންނަށް ދިންކަމަށް ބުނާ މިލިއަނުގެ އަދަދުން ގުނާލެވޭ ޑޮލަރުތަކަށްވީ ކިހިނެއް؟؟ ޕޮލިހުންގެ ތެރެއިން ބަޔަކުމީހުން އެތަކެތި ނައްތާލީބާ؟ ނޫނީ ހަމަ ކަނޑައެޅިގެން ހެދި ބުހުތާނު ދޮގުތަކެއްބާ؟
މަރޭމިތުރާ
01 March 2018
މިތުރުންކަމަށް ހެދިހާ އެންމެން މިއަދު ހަތުރުންނަށްވެ ނިމެނީއޭ! ހިތުލޯބި ގެއްލުނީމާ ލޯބިން އުޅުނުދުވަސް ހަނދުމަނެތުނީއޭ!
މަހަށްދޭ
01 March 2018
މައުމޫނު ވެސް މަހަށް ދޭބަލަ ދެ ފަނޑިޔާރުން ވެސް ދެން މަހަށް ދޭބަލަ. މަހަށް މަހަށް މަހަށް ދޭބަލަ.
ލައިފާ
01 March 2018
ނުފެންނަހެކި ފޮރުވިތަން ބުނެފާނަން ! ފުލުހުން ގޮސް ބައްލަވާ ހަމަ މިހާރުވެސް ގޮސްނަންގަވާ އިނގޭތޯ ހެކި އެބައިނޭ ނަންނުކިޔާ ރަށެއްގެ ރަޖިސްޓްރީ ނުކުރާގެއެއްގެ ނުފޯދޭ ރުކެއްގެ އެތްތެރެއަށް އަޅާފައި . މިހާވަރަށް ބުނެދިނީމައި ކުޑަކުއްޖަކަށްވެސް އިނގެންވާނެ ނުފެންނަ ހެކި ފޮރުވިތަން.
ބައިރޯ
01 March 2018
ހެކި ފޮރުވަން އުޅުނު ހެކި އެބަހުރިތަ، އަނެއްކާ އެވެސް ފޮރުވީތަ