ކަނޑުމަތިން ފެނުނު ރާއްޖޭގެ ދިދަ ނަގާފައިިވާ ޓޭންކަރާއި އުތުރު ކޮރެއާގެ ޓޭންކަރު
28 ފެބުރުއަރީ 2018 - 20:25
50 comments
އުތުރު ކޮރެއާގެ ތެޔޮ ޓޭންކަރަކާއި ރާއްޖޭގެ ދިދަ ޖަހާފައިވާ ތެޔޮ ޓޭންކަރަކުން ކަނޑުމަތީގައި މަނާ މުއާމަލާތްތަކެއް ކުރަނިކޮށް ފެނިފައިވާ ކަމަށް ބުނެ ފަތުރަމުން ދަނީ ދޮގު މައުލޫމާތެއް ކަމަށާއި އެހެންވެ، ދިވެހި ދިދަ ބޭނުންކޮށްގެން ރާއްޖެ އާއި ދިވެހިންގެ އިއްޒަތާއި ކަރާމާތް ނަގާލަން މަސައްކަތް ކުރާ ފަރާތްތަކާ މެދު ހަރުކަށި ފިޔަވަޅު އަޅާނެ ކަމުގެ އިންޒާރު ސަރުކާރުން މިއަދު ދީފި އެވެ.
މި މަހުގެ 24 ވަނަ ދުވަހުގެ ރޭ ދަންވަރު، ޝަންހާއީގެ އިރުން 250 ކިލޯ މީޓަރު ބޭރުން ޗައިނާ ކަނޑުން ފެނުނު މި ބޯޓުތަކުގެ މައުލޫމާތު އާއްމުކޮށްފައިވަނީ ޖަޕާނުގެ ފޮރިން މިނިސްޓްރީންނެވެ.
އެ މިނިސްޓްރީގެ ވެބްސައިޓުގައި ބުނި ގޮތުގައި ރާއްޖޭގައި ރަޖިސްޓްރީ ކޮށްފައިވާ ތެޔޮ ޓޭންކަރާއި އުތުރު ކޮރެއާގެ ތެޔޮ ޓޭންކަރެއް ކަމަށްވާ ޗޮން މާން ސަން، ޖަޕާންގެ މެރިޓައިމް ސެލްފް ޑިފެންސް ފޯސްގެ ވައިގެ ސިފައިންނަށް ފެނުނު އިރު ދެ އުޅަނދު އޮތީ އެކަތި އަނެކަތީގައި ބަނދެލައިގެން ބޮކިތައް ދިއްލައިގެން، ޝައްކު ކުރެވޭ ފަދަ މުއާމަލާތްތަކެއް ހިންގާ ފަދަ ގޮތަކަށެވެ.
އެކަމަކު އެކަން ސަރުކާރުން ވަނީ ދޮގުކޮށްފަ އެވެ. އަދި "ޝިން ޔުއާން 18" ކިޔާ އެ ބޯޓުގައި ދިވެހި ދިދަ ނަގާފައިވާ މައްސަލަ ވަރަށް ސީރިއަސްކޮށް ބަލައި ތަހުގީގު ކުރަމުން އަންނަ ކަމަށް ޑިފެންސް މިނިސްޓްރީން ވެެސް މިއަދު ވަނީ ބުނެފަ އެވެ.
ރައީސް އޮފީހުން ނެރުނު ބަޔާނެއްގައި ބުނީ އެ ބޯޓަކީ އެއްވެސް ޒަމާނެއްގައި ރާއްޖޭގައި ރަޖިސްޓްރީ ކޮށްފައިވާ އުޅަނދެއް ނޫން ކަމަށާއި އެހެންވެ، އެ މައްސަލަ ސަރުކާރުން ވަރަށް ކައިރިން ބަލަމުން އަންނަ ކަމަށެވެ. އަދި ރާއްޖޭގެ ގައުމީ ޝަހުސަށް ގެއްލުންވާ ފަދަ ގޮތަކަށް އެއްވެސް ފަރާތަކުން އަމަލު ކުރާކަން އެނގިއްޖެ ނަމަ އެ ފަރާތަކާ މެދު ވެސް ހަރުކަށި ފިޔަވަޅު އަޅާނެ ކަމަށް އެ ބަޔާނުގައި ބުންޏެވެ.
އުތުރު ކޮރެއާއާ ދެކޮޅަށް އދ. އިން އަޅާފައިވާ ދަތިކުރުމުގެ ފިޔަވަޅުތަކުގެ ދަށުން، އުތުރު ކޮރެއާގެ އުޅަނދުތަކާ އެ ގޮތަށް ކަނޑުމަތީގައި މުއާމަލާތު ކުރުމަކީ މަނާ ކަމެކެވެ.
ރައީސް އޮފީހުން ބުނީ އުތުރު ކޮރެއާ އާ ގުޅޭ ގަރާރުތައް ވެސް ހިމެނޭ ގޮތަށް އދ.ގެ ސަލާމަތީ މަޖިލީހުގެ ގަރާރުތައް ތަންފީޒު ކުރެއްވުމަށް އަބަދު ވެސް ސަރުކާރުން ސަމާލުކަން ދޭ ކަމަށެވެ.
ޑިފެންސް މިނިސްޓްރީން ނެރުނު ބަޔާނުގައި ބުނީ ރާއްޖެއަކީ ބޭރު ގައުމުތަކުގައި ދުއްވާ އުޅަނދުފަހަރު ރަޖިސްޓްރީކޮށްދޭ ގައުމަކަށް ނުވާތީވެ، އެ އުޅަނދުގައި ދިވެހި ދިދަ ބޭނުންކޮށްފައިވަނީ ގާނޫނާ ހިލާފަށް ކަމަށެވެ. އެހެންވެ، މިކަން ވަރަށް ސީރިއަސް މައްސަލައެއްގެ ގޮތުގައި ބަލަމުން ދާ ކަމަށް ޑިފެންސް މިނިސްްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫޒް
01 March 2018
މަ ގޫގުލް ކޮށް ދިރާސާކޮށްލިއިރު، ތީގަ ފޭކް ކަމެއް އެބައުޅޭ...އެއީ ޖަޕާން ފޮރިން މިނިސްޓްރީން 20 ފެބްރުއަރީގަ ލިޔެފަ އިން އާޓިކަލްއެއްގަ އެބަބުނޭ ތިބޯޓުފެނުނީ 16 ފެބްރުއަރީގައޭ...އަދި ހުރީ ފެބްރުއަރީ 16ގެ ދުވާލު 11:20ގަ ފޮޓޯނަގާފަ....އޭގަ އޭރު ލިޔެފަ އޮތީ ނޯތުކޮރެއާ ބޯޓަކާއި އަންނައުން ނޭޝަނަލަޓީ ބޯޓެއްކަން ބުނެފަ...އެއީ ރޯމާދުވާލުގެ މަންޒަރުތައް އެހެރީ ފެންނަން ބޯޓުގަ ރާއްޖޭގެ ދިދައެއްނެތް... ދެން އޭގެ ފަހުން މިހާރު ޖަޕާނުގެ ފޮރިން މިނިސްޓްރީން ފެންނަން ހުރި ލިޔުމުގަ އެހެރީ މިބޯޓުތައް ފެނުނީ 24 ފެބްރުއަރީގެ ދަންވަރުގެ ވަގުތުގަ ކަމަށާއި އެރޭގެ މަންޒަރުތައް ކަމަށްބުނާ ފޮޓޯތަކާއި އޭގެ ފަހުދުވަހު ހެނދުނުގެ ފޮޓޯތައް ކަމަށްބުނާ ފޮޓޯތައް....އޭގަވެސް ދިވެހިދިދައެއް ނުފެނޭ......އެކަމަކު އެމީހުން އެއޮތީ ބުނެފަ މޯލްޑިވިއަން ފްލެގްޑް ވެސެލްއެކޭ... ގަސްތުގަ ބަޔަކު ރާއްޖޭގެ އަގުވައްޓާލަން އުޅުނަސް މީ ފުކެއް ބޮޑުވަރު....ދިވެހި ދައުލަތަށާއި ސަރުކާރަށް މިކަން ފުރިހަމަޔަށް ތަހުގީގުކުރުމަށް ގޮވާލަން..
ކަކުނިބޯ
01 March 2018
https://www.marinetraffic.com/en/ais/details/ships/shipid:5382839/imo:0/mmsi:455910000/vessel:XIN%20YUAN%2018 ބައްލަވާލައްވާ ދިވެހި ބޯޓެއްގެގޮތުގައި ފަހުރުވެރިކާމާއިއެކު
މޫޒް
01 March 2018
http://www.mofa.go.jp/fp/nsp/page4e_000772.html http://www.mofa.go.jp/fp/nsp/page4e_000775.html މިދެލިންކަކީވެސް ޖަޕާން ފޮރިން މިނިސްޓްރީގެ ލިންކުތައް ކަމަށް ގޫގުލް ބުނާ ލިންކްތައް....ބައްލަވާ ފަހުރުވެރިކަމާއެކު ޖަޕާނުން އެބުނަނީ ކީކޭތޯ....ދެފަހަރު ދެގޮތަކަށް
އަޙުމަދު
01 March 2018
ޗައިނާ މަސްބޯޓްފަހަރު ވެސް ރާއްޖޭގައި ރަޖިސްޓްރީ ކޮށްދީފައި ހުރިތޯ ބައްލަވާ ދެްއްވާ
ސުލެއިމާން
01 March 2018
ޖަޕާނާ ދޭތެރޭ ތިބުނާ ހަރުކަށި ފިޔަވަޅު އަޅަންވީނުން. ޖަޕާނުގެ އެމްބަސަޑަރު ޖަލަށްލާންވީނުން. އެމީހުންނޭ މިޚަބަރު އާއްމުކުރީ.
ބާބޫ
01 March 2018
ކުއްލި ނުރައްކަލުގެ ދަށުން ބަންދުކޮށްފައި ތިބިމީހުނަށްތާ؟
ނަހަލާލު ފައިސާ
01 March 2018
ދިވެހި ރައްޔިތުންނަށް މިކޮށްދޭ ހުރިހާ ކަމަކީވެސް މިގޮތަށް ހޯދާ ފައިސާއިން ކޮށްދޭ ކަންތައްތައްބާ؟
ބަކަރިބޯ
01 March 2018
އިންޓަނޭޝަނަލް މެރިޓައިމް އޯގަނައިޒޭޝަން ގަ ރާއްޖޭގެ ދިދައިގެ ދަށުން ދުއްވާ ބޯޓެއްގެ ގޮތުގައާއި ރާއްޖޭގެ ބޯޓުފަހަރުގަ ބޭނުންކުރާ ކޯލްސައިންތައް ފަށާ އަކުރުތަކުން ކޯލްސައިންއާއި ރާއްޖޭގެ ބޯޓުތަކަށް ދޫކުރާ ފުރީކުއެންސީ ރަޖިސްޓުރީ ކުރެވުނީ ރާއްޖޭގެ އެއްވެސް މުއައްސަސާއެއްގެ ހުއްދަ ނެތިތޯ؟ ދިވެހިންނަށް އޮޅުވާލަން ފާޑުފާޑުގެ ބަޔާން ނެރުނަސް މިފަހަރު ޔޫއެންއަކަށް އޮޅުވައެއް ނުލެވޭނެ.
ހެހެ
01 March 2018
ޖަޕާނު>ޗައިނާ
މަ މިއު މަ
01 March 2018
އަހަރުމެންމީ ގަމާރުން ކަމަށް ދެކިގެން ތިއުޅޭ އުޅުން މިހާރު ވެއްޖެ ހުއްޓާލަން. ޖަޕާނުން ނުނެފަ އެއޮތީ ރާއްޖޭގައި ރަޖޮސްޓްރީ އޮންނަ ބޯޓޭކޭ އެއީ، އެކަމަކު ކަލޭމެން އެ ތަންކޮޅު ސާފު ނުކޮށް އޮޅުވާލުމެއްގެ ތެރެއިން ތި ކިޔަނީ "ދިދަ ޖަހާފަ" އިނީތީވެ ކުށްވެރިކުރަމޯ!! ދިދަތަ އަޅެ ޖެހިގެން މި އުޅެނީ؟ އޭގެ ރަޖިސްޓްރޭޝަންގެ ވާހަކައަކަށް ނުވެސް ދަންދޯ؟ ސާބަސް. ޕިސް ޕިސް.
އެކްސް
01 March 2018
"އެހެންވެ، މިކަން ވަރަށް ސީރިއަސް މައްސަލައެއްގެ ގޮތުގައި ބަލަމުން ދާ ކަމަށް ޑިފެންސް މިނިސްްޓްރީން ބުންޏެވެ." ތިހާ ސީރިއަސްކޮށް ބެލި އެއްވެސް މައްސަލައެއްގައި މިހާތަނަށް އެޅި ފިޔަވަޅެއް އެނގޭކަށްނެތް. ކިތަންމެ ވަރަކަށް އޮޅުވާލަން އުޅުނަސް މިހާރު އެކަމެއްނުވާނެ. މިއޮތީ ތިބޯޓާ ބެހޭ މައުލޫމާތު.. https://www.vesseltracker.com/en/Ships/Xin-Yuan-18-I2126129.html