އުއްތަމަ ފަނޑިޔާރު އަބްދުﷲ ސައީދު ޖަލްސާއެއްގައި. - ފޮޓޯ: މިހާރު
18 މާޗް 2018 - 09:49
78 comments
އުއްތަމަ ފަނޑިޔާރު އަބްދުﷲ ސައީދު، ދައުލަތުގެ މަސައްކަތަށް ހުރަސް އެޅި ކަމަށް ބުނާ މައްސަލައިގައި އެ މަނިކުފާނާ ދެކޮޅަށް ކުރާ ދައުވާގެ ޝަރީއަތް މިއަދު ބޭއްވުމަށް ކްރިމިނަލް ކޯޓުގައި ތާވަލުކޮށްފި އެވެ.
ހައްޔަރުކޮށްފައިވާ އުއްތަމަ ފަނޑިޔާރު މި ވަގުތު ހުންނެވީ ފުލުހުން ބެލުމުގެ ދަށުން ދޫނިދޫގަ އެވެ. އެމަނިކުފާނުގެ ޝަރީއަތް ބޭއްވުމަށް ހަމަޖެހިފައިވަނީ މިއަދު މެންދުރު ފަހު 3:00 ގަ އެވެ.
އުއްތަމަ ފަނޑިޔާރު، ދައުލަތުގެ މަސައްކަތަށް ހުރަސް އެޅި ކަމަށް ބުނަނީ ރައީސް އޮފީހުގެ ހަތަރު ސިޓީއެއް ސުޕްރީމް ކޯޓަށް ފޮނުވުމުން އީ-ގަވަރްމެންޓް ނިޒާމް ބޭނުން ނުކުރެވޭ ގޮތް ހެދި ކަމަށް ބުނެ އެވެ. އެކަމަކު، ފުލުހުންގެ އެ ތުހުމަތު އުއްތަމަ ފަނޑިޔާރު ދޮގު ކުރައްވަ އެވެ.
ފުލުހުން އެ ބުނާ ހަތަރު ސިޓީއަކީ، ސިޔާސީ ލީޑަރުން ދޫކޮށްލަން މިދިޔަ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރު ތަންފީޒުކޮށްފި ނަމަ ދައުލަތް ހިންގުން އޮޅުންބޮޅުންވެ ގާނޫނުއަސާސީގެ ބާރު ކެނޑިދާނެ ކަމަށް ވިދާޅުވެ އެކަމަށް ހައްލު ހޯއްދަވައިދެއްވަން އެދި ރައީސް އަބްދުﷲ ޔާމީން ފޮނުއްވި ސިޓީތަކުގެ ވާހަކަ އެވެ.
އެ ސިޓީތައް ފޮނުއްވުމުން، އުއްތަމަ ފަނޑިޔާރު ޖަވާބު ނުދެއްވި ކަމަށް ކުއްލި ނުރައްކަލުގެ ހާލަތު އިއުލާން ކުރައްވަން ޖެހިވަޑައިގަތް ސަބަބުތައް ވިދާޅުވެ ދެއްވަމުން ރައީސް އަބްދުﷲ ޔާމީން ވެސް ވަނީ ވިދާޅުވެފަ އެވެ.
މިދިޔަ މަހުގެ 5 ގައި ރައީސް ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގެ ދަށުން އުއްތަމަ ފަނޑިޔާރު ހައްޔަރުކޮށްފައި ވަނީ ސަރުކާރު ވައްޓާލަން އުޅުމާއި ރިޝްވަތުގެ ތުހުމަތުގަ އެވެ. އަދި އޭގެ ފަހުން ފުލުހުން ވަނީ އުއްތަމަ ފަނޑިޔާރާ ދެކޮޅަށް، ހެކި ނައްތާލުމުގެ ދައުވާ އުފުލަން ޕްރޮސެކިއުޓާ ޖެނެރަލްގެ އޮފީހަށް ފޮނުވައިފަ އެވެ.
ފުލުހުން ކުރިން ބުނެފައިވާ ގޮތުގައި ރާއްޖޭގެ ބޮޑު ކުންފުންޏަކުން 2.4 މިލިއަން ޑޮލަރުގެ މަންފާއެއް އުއްތަމަ ފަނޑިޔާރަށް ވަނީ ލިބިފަ އެވެ. އަދި ރާއްޖެ އިން ބޭރުން އަގު ބޮޑު މުދާ ބައްލަވައިގަތުމަށް އެ މަނިކުފާނު މަސައްކަތް ކުރެއްވި ކަމަށް ވެސް ފުލުހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީނަމް ހުސެއިނު
18 March 2018
ޕީޖީ އޮފީހުން އެތަކުގެ ޕިއޯނު މައްސަލައެއް ހިފައިގެން ކޯޓަށް ދިޔަކަމުގައިވީނަމަވެސް އެކަމިގެ ޒިންމާ އެކަން ކުރިމީހަކާއި އަދި ޕީޖީ ނަންގަވަންޖެހޭނެ، ބައެއް މީހުންނަށް ހީކުރެވިފައިވަނީ އެތަނުގެ ވެރިޔާ މަގާމުގައި ހުރެ އޭނާގެ ދަށުގައި ހުންނަ މީހަކު ކުރާ ކަމަކުން އެތަނުގެ ވެރިޔާގެ މައްޗަށް ކުށެއް ނައަންނާނެކަމަށް އެކަމަކު އެހެނެއްނުވާނެ، މައްސަލަ ބެލޭއިރު ހުރިހައި މީހުންގެ މައްޗަށް މައްސަލަ އަންނާނެ، އެހެންކަމުން ހަމަ މިހާރު ސްޕްރިއަމް ކޯޓުގެ ފަނޑިޔާރުން ދޫކޮށްލާ
ޝީރީން އަބްދުﷲ
18 March 2018
އަަހަރެން ހަމަ ހައިރާންވެއްޖެ، ދިވެހި ސިފައިންނާއި ފުލުހުން 21 ވަނަ ގަރުނުގައި ސާފްކޮށް ޤާނޫނުތަކެއް ހަދާފައި ދިނީމަވެސް އެއަށް ނުބަަލައި އާޒިމާ އަދި އަނިލް އަންގާގޮތަށް ކަންކަންކޮށް މުޅި ދައުލަތް ގަޑުބަޑުކޮށްލާތީ، ބަލަ ދިވެހި ރައްޔިތުންގެ ފައިސާއިން 2004 އިން ފެށިގެން ކުރިހާ ހުރިހައި މަސައްކަތެއް ފެންފުލުން، ތިޔަކަމުގެ ޒިންމާ ތިޔަ ހުރިހައި މީހުން ނަގަންޖެހޭނެ، އެހެންކަމުން މިހާރުން މިހާރަށް އަބްދުﷲ ސައީދު ދޫކޮށްލުމަށް ގޮވާލަން، އޭނާއަކީ އަދިވެސް ސްޕްރިއަމް ކޯޓުގެ އެންމެ އިސް ފަޑިޔާރު
ޝިފާނާ ހަބީބު
18 March 2018
ތިޔަކުރެވޭ ކަންތަށް އެބަވިސްނޭތޯ؟ މިއަދު ރައީސް އޮފީހުގައި ހުންނެވި ލީގަލް މިނިސްޓަރަކު ބުނާހާ ގޮތަކަށް މުޅި ދައުލަތުގެ މުއައްސަސާތަކުން ތިޔަ އަމަލުކުރަނީ، ބަލަ ރައީސް އޮފީހުގެ ލީގަލް މިނިސްޓަރަށްތުރެން ދައުލަތް ކުޑަވީތޯ؟ އަދި އޭނާއަށްއެކަނިތޯ އެނގެނީ ޤާނޫނު ކިޔަން މާނަކުރަން؟
އަބްދުﷲ މޫސާ
18 March 2018
ސްޕްރިއަމް ކޯޓުގެ އިސް ފަނޑިޔާރު ދޫކޮށްލާ! ދޫކޮށްލާ! ދޫކޮށްލާ!
ހައިދަރު ހަބީބު
18 March 2018
ތިޔަގޮތަށް މީގެ ކުރިންވެސް އެތަކެއް ބަޔަކަށް 13 އަހަރުން 12 އަހަރުން 3 އަހަރުން ހުކުމްއިއްވި ފަޓާސް ބަރިއެއްހެން ދެން ސްޕްރިއަމް ކޯޓުން 1 ފެބްރުއަރީގައި އެހުރިހައި މީހުން ދޫކޮށްލަން އަމުރު ނެރުނު، ދެންވެސް ހަމަ ތިޔަ މީހުންގެ މައްޗަށް ކުރާ ހުކުމަކީވެސް އެފަދަ ހުކުމްތަކަކަށްވާނީ، އެހެންކަމުން ހަމަ މިހާރު ސްޕްރިއަމް ކޯޓުގެ ފަނޑިޔާރުން ދޫކޮށްލައި މިނިވަންކުރޭ
ޝައިނަމް ހަބީދު
18 March 2018
ހަމަ މިހާރު އުއްތަމަ ފަނޑިޔާރު ދޫކޮށްލާ، އަދި ޤާނޫނާއި ހިލާފަތް ހިންގާ އަމަލުތަށް ހުއްޓާލާ
ނިމާލް މޫސާ
18 March 2018
އުއްތަމަ ފަނޑިޔާރު މިހާރުން މިހާރަށް ދޫކޮށްލާ، ޤާނޫނު އަސާސީއަށް ރުޖޫއަވެ މިނިވަން ޑިމޮކްރަޓިކް ނިޒާމަކަށް މިޤައުމު ގެންދިއުމަށް ސިޔާސީ ޕާޓިތަކަށް ފުރުސަތުދީ
ޝިފާނާ
18 March 2018
ތިޔައީ އުއްތަމަ ފަނޑިޔާރު، އެހެންކަމުން ކުރިމިނަލް ކޯޓަކަށް އުއްތަމަ ފަނޑިޔާރުގެ މައްސަލަ ނުބެލޭނެ، އަދިވެސް އޭނާއަކީ ދިވެހިރާއްޖޭގެ އުއްތަމަ ފަނޑިޔާރު، އޭނާ ހައްޔަރުކުރީ އޭނާގެ އޮފީހުގައި ރަސްމީ މަސައްކަތް ކުރަނިކޮށް، އެހެންކަމުން އޭނާއާއި ބެހޭގޮތުން ބަލާނެ މައްސަލައެއް އޮވެގެންނުވާނެ
މަކުނު ވާ
18 March 2018
ތިއީ ދައުވާއެއްތަ؟ ތި އުޅެނީ "މަކުނު ވަލެއްގައި ނަމަވެސް އަޅުވާ ފައި ވައްޓާލެވޭ ތޯ" އެވެ.
މުހަންމަދު އަޒުމީލް
18 March 2018
އޮފީހާއި އެންމެހާ ކޯޓް ތަކާއި އަދި މިނިވަން ހުރިހާ މުއައްސަސާއެއްގެ ވެރިންނާއި ޒިންމާދާރު އެންމެނަށް ވެސް އިގެންވީ ކަމަކީ “ސަރުކާރަށްވުރެން ޤާނޫނު އަސާސީ އާއި ޤާނޫނު ތައް މަތިވާނެ” ކަން. . . . . އަދި ސަރުކާރަކީ “ރައްޔިތުންބޭނުންވެއްޖެ ނަމަ ބަދަލު ކުރެވޭ ނަގާ އެއްލާލެވޭމީހެއް” ކަމާއި ޤާނޫނު އަސާސީ އާއި ޤާނޫނު އެފަދަ ނޫންކަން.