ޕިކަޕަކުން މުދާ ބާލަނީ: މާލޭގައި ޚިދުމަތް ދެމުން އަންނަ އުސޫލަށް ބޮޑެތި ބަދަލުތަކެއް ގެންނަން އިކޮނޮމިކް މިނިސްޓްރީން އަންނަނީ ވިސްނަމުން.
02 އެޕްރީލް 2018 - 10:23
83 comments
ފިހާރަތަކާއި ކެފޭ/ރެސްޓޯރެންޓްތައް 24 ގަޑިއިރު ހުޅުވުމުގެ ހުއްދަ ދީ، 24 ގަޑިއިރު ޚިދުމަތް ދޭ ސިޓީ އަކަށް މާލެ ބަދަލު ކުރަން އިކޮނޮމިކް މިނިސްޓްރީން ޕްލޭނެއް އެކުލަވައިލަން ފަށައިފި އެވެ.
މިނިސްޓަރުގެ ނައިބު އާދަމް ތައުފީގު "މިހާރު" އަށް މިއަދު ވިދާޅުވީ، އެ ޕްލޭންގެ މަސައްކަތް ފެށީ ވަރަށް ގިނަ ބައެއްގެ އެދުމުގެ މަތިން ކަމަށެވެ. ރާއްޖެ އަށް އަންނަ ތަރައްގީއާ އެކު، ފިހާރަތަކާއި ކެފޭތައް 24 ގަޑިއިރު ހުޅުވާފައި ބެހެއްޓުމަކީ އާންމުންނަން ބޭނުންތެރިކަން ބޮޑު ކަމެއް ކަން އޭނާ ފާހަގަކުރެއްވި އެވެ.
"އެގޮތަށް ބަދަލު ކުރުމަށް، ނިންމަންޖެހޭ ކަންކަމާ ގުޅޭ މަޝްވަރާތައް ކުރިއަށް އެބަދޭ. ގޮތެއް ނިންމުމުގެ ކުރިން، ދެކޮޅަށް ވެސް ވިސްނާނެ،" ތައުފީގް ވިދާޅުވި އެވެ.
މީގެ ކުރިން، ފިހާރަތަކާއި ކެފޭ/ރެސްޓޯރަންޓްތައް ހުޅުވުމުގެ ހުއްދަ ދިނުމުން، މައްސަލަތަކެއް ދިމާވެ އެކަން ހުއްޓާލަން ޖެހުނުކަން ފާހަގަކުރައްވަމުން އޭނާ ވިދާޅުވީ، އާ އުސޫލު އެކުވަލާނީ، ދިމާވެދާނެ ހުރިހާ މައްސަލަތަކަކަށް ވެސް ހައްލު ހޯދުމަށް ފަހު ކަމަށެވެ.
އެމްޑީޕީގެ ސަރުކާރުގައި 24 ގަޑިއިރު ފިހާރަތައް ހުޅުވުމުގެ ހުއްދަ ދިން ނަމަވެސް ފަހުން އެ ނިންމުމަށް އަމަލު ކުރުން ހުއްޓާލަން ޖެހުނީ ޝަކުވާ ބޮޑުވެގެންނެވެ.
ތައުފީގް ވިދާޅުވި ގޮތުގައި ޕްލޭނެއް އެކުލަވާލަމުން އައި ނަމަވެސް އެއަށް އަމަލުކުރަން ފެށޭނެ ދުވަހެއް އަދި އެނގިވަޑައެއް ނުގަންނަވަ އެވެ. ޕްލޭނަށް އަމަލުކުރަން ފެށުމުގެ ކުރިން ކަމާބެހޭ ފަރާތްތަކާ މިނިސްޓްރީން މަޝްވަރާކޮށް، ހިޔާލު ހޯދާނެ ކަމުގެ ޔަގީންކަން ވެސް އޭނާ ދެއްވެވި އެވެ.
މާލޭގައި އެކި ޚިދުމަތް ދޭ އުސޫލު މުޅިން ބަދަލުކޮށްލަން ސަރުކާރުން ވިސްނާފައިވާއިރު، މިހާރު ވެސް ބައެއް ބަދަލުތައް އަންނަނީ ތަންފީޒު ކުރަމުންނެވެ. އެގޮތުން، މާލެ ތެރޭގައި، މިހާރު މުދާ އުފުލެނީ ހަވީރު ހަޔަކުން ހެނދުނު ހަޔަކަށެވެ. މީގެ އިތުރުން، ހުޅުމާލެ-މާލެ ފެރީތަކަށް މުދާ އުފުލާ ގަޑިތަކަށް ވެސް ވަނީ ބަދަލު ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ްމަގޭ ޤައުމު
03 April 2018
އެއްގޮތަކަށްވެސް ތިކަން ކުރާކަށް އެއްބަހެއް ނުވާނަން. މާތްﷲ ރޭގަނޑާއި ދުވާލު ލައްވަވާފައިވަނީ ވަރަށްގިން ޙިކުމަތްތަކެއް އެ ދެޙާލަތުގައި ހިމެނޭ ގޮތަށް. ރޭގަނޑުގެ އަޅުކަން ދުވާލުގެ އަޅުކަމަށްވުރެ އެތައް ގުނައެއް ޘަވާބު އިތުރު ކުރެއްވީ ޙިކުމަތަކަށްޓަކައި. ފިޠުރަތާ ޚިލާފް ކަމެއް ކޮށްފިނަމަ އަޅުގަނޑު ސަލާމް. ތީ މީގެކުރިން ނަތީޖާ ފެނިފަ އޮތްކަމެއް. މުޅި މާލެ ކުށުގެ ހާއްޔަކަށް ބަދަލުކޮށްލާ، މީހުންމަރާ މާރާމާރީ ހިންގާ މީހުން ވަގުތުން ވަދެ ފިލަނީ ތިޔަ ކެފޭތަކުގަ.
އިަންސާނާ
03 April 2018
އިސްލާމްދީނުގައި އަންގަވާފައިވަނީ ރޭގަނޑު އިޝާނަމާދަށްފަހު ވީހާވެސް އަވަހަކަށްނިދަން ސަބަބަކީ ފަތިސްނަމާދަށް ތެދުވަުމަށް ފަސޭހައަކަށް ރޭގަނޑު ހަތަރުދަމުހޭލާހުރެގެން ނުކުރެވޭނެ ރަގަޅުކަމެއް ހެޔޮޢަމަލުގެ ބަދަލުގަ ކުރެވޭނީ ކޮންމެސްކަހަލަ ގޯސްކަމެއް މާތް ﷲ ރޭގަނޑާއި ދުވާލުވެސް ލައްވާފައިވަނީ އިންސާނުންނަށްޓަކައި ވިސްނާފިކުރުކުރުމަށްޓަކައި ހެޔޮޢަމަލު ކުރުމަށްޓަކައި 24 ގަޑިއިރު މަސައްކަތްކުރާކަސްނޫން ނުވަތަ ރޭގަނޑު ހޭލާހުރެފަ ދުވާލު ނިދާކަށްނޫން
ނާޘިމް
03 April 2018
ތީގެން އެންމެ ފައިދާ ކުރާނީ ރާއްޖެ ތެރޭގަ އުޅޭ ރައްޔިތުންނަށް ކަން ފާހަގަ ވޭ! އެއީ ހަމަގައިމުންވެސް ދަންވަރު ރާއްޖެތެރޭ މީހާއަށް އެއްޗެއް ގަންނަން ނުލިބިއްޖިއްޔާ ހަމަ ޔަޤީނުންވެސް މާލެއިން ލިބޭނެ ކަން އޭނާ އަށް އެނގި އޭނާއަށް އެ އިޙްސާސް ވާނެ ތާ! އޭރުން އެނގޭނެ އެއްނު މުޅި ރާއްޖޭގަވެސް ހަމަ އެކަނި މީހުން ދިރިއުޅެން ހައްގު ބޮޑުވެގެން ވަނީ ތިޔަ މާލޭގަ ކަން! ރާއްޖެ ތެރޭ މީހުންނަކީ ބައެއް ނޫން ކަން އިއްޒަތްތެރި ރައީސް އެބަ ހާމަކުރާކަން! ޝުކުރިއްޔާ ރައީސް ޔާމީން، ފޯ ލެޓިންގ އަސް ނޯ ދެޓް ވީ "ރާއްޖެތެރެ" ޕީޕަލް އަރ ނޮޓް އިމްޕޯޓެންޓް ފޯ ޔޫ! ޔާމީން2018 ޔަޤީން މިހާރު..
ތިނަދޫ
03 April 2018
2 ކިލޯ މީޓރަށް ޚިދުމަތް ނުދެވިގެން 24 ގަޑިއިރަށް ކުރިން 24 ގަޑިއިރަށް ފިހާރައެއް ހޫލުވާފަ ހުރީމަ ކަމުނުދިޔައީ މިހާރު ހީވޭބާ؟ ފެނޭބާ؟
އަރަރެން ވެސް
03 April 2018
މާލެ ސިންގަޕޫރަކަށް 2014ން 2016ށް ބަދަލުކޮށްލައިދީފި ޝުކުރިއްޔާ ޔާމީން، 2017ގައި ސައުތުކޮރެއާއަށް ބަދަލުކޮށްލި، 2018ގައި ޓޯކިޔޯއަށް ބަދލުކުރަނީ ޝުކުރިއްޔާ ޔާމީން 2018ގައި ޕާޓުޕޮން ޔޫތުސިޓީ ހުޅުމާލޭގައި ހުޅުވަނީ ޝިކުރިއްޔާ ހަމަ 2018ގައި ސަދޫމަށްވެސް ބަދަލުކޮށްލަން ދަރުބާރުފެކުޝަންނުން ފާސްކޮށްފިނަމަ ތަންފީސްކުރާނަން ޝުކުރިއްޔާ ޔާމީން މީއީނޫންތޯ ގަޓުހުރުމަކީ
އިދުރީސް
03 April 2018
އިންސާނުން މި ބިންމަތީގައި ލެއްވި އަސްލު މަޤުޞަދާ ވެސް ޚިލާފް. ﷲ ޢަށް އަޅުކަން ކުރުމަށް މެނުވީ އިންސީންނާއި ޖިންނީން ނަހައްދަވަމެވެ. ޢެކަމަކު ވެރިކަން ވެއްޓޭހެން ހީވިޔަސް ދީނޭ ކިޔައިން ތަޅުވާނެ.
މޯޑް
02 April 2018
އެމްޑީޕީ ސަރުކާރުން 24 ގަޑި އިރު ހިދުމަތްދޭ ގޮތަށް ބަދަލު ކުރީމަ ކަމަކު ނުދޭ... މިހާރު އޯކޭ...
މަރީ
02 April 2018
ހަމަ އެއް ލަމަ އެއް ނެތި ނިންޖެއް އަރާމެއް ނެތި އާވާރާ ވެގެން ދުވާލާ ރޭގަނޑު އުޅުމަށް އާ މަގެއް ކޮށުން ރަނގަޅެއް ނޫން. ތަހުޒީބު ވުމަކީ އިންސާނުންގެ އުޅުމަށް އަންނަ ރީތި އަޚުލާޤިއްޔާތު. ލަޓޯ ފަޓޯ ހެދުމެއް ނޫން.
ހަސަނުގ
02 April 2018
މާލެ އެކަނި 24 ގަޑި އިރު ހެދީމަ ނުވާނެ. އިންސާފުން ކަންކުރޭ. ކެކެ
ފައުޒީ
03 April 2018
ބަލަ މީ ސިޓީ އެކޭ
ދިރާސާ
02 April 2018
އަލައް ކުރާކަމެއްނޫން މީކީ. ކުރިންވެސް ތިކަންތައް ހުއްޓާލީ ކުއްކުރުން ހައްދުން ނައްޓައިން ގޮސްގެން. އަނެއްކާ މިސަރުކާރަކީ ހަމަ އެކަނި ސިޔާސީ ކުއްވެރިން ފެންނަ ބައެއް. މަސްތުވާ ތަކެތި ބޯ މީހުންނާއި ވިއްކާމީހުންނަށްނުހަނު އޯގާތެރި ސަރުކާރެއްމީ