ފަނޑިޔާރު އަލީ ހަމީދުގެ ގެއަކުން ގިނަ އަދަދެއްގެ ފައިސާ ފެނުނު ކަމަށް ފުލުހުން ބުނޭ-- މިހާރު ފޮޓޯ
15 އެޕްރީލް 2018 - 19:06
19 comments
"ބަޣާވާތް" ކޮށްގެން ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ، ސުޕްރީމް ކޯޓުގެ ފަނޑިޔާރު އަލީ ހަމީދާ ގުޅުހުން ހުރި ގެ އަކުން 38 މިލިއަން ރުފިޔާ ފެނިފައިވާ ކަމަށް ފުލުހުން މިއަދު ބުނެފި އެވެ.
ފުލުހުން ބޭއްވި ނޫސްވެރިންގެ ބައްދަލުވުމެއްގައި ފުލުހުންގެ ތަރުޖަމާން، ޗީފް ސްޕްރިޑެންޓް އޮފް ޕޮލިސް އަހުމަދު ޝިފާން ވިދާޅުވީ، ފަނޑިޔާރު އަލީ ހަމީދާ ގުޅުން ހުރި ގެއެއް މިދިޔަ ފެބްރުއަރީ 6 ވަނަ ދުވަހުގެ ރޭ ބަލައި ފާސްކުރުމުން 38 މިލިއަން ރުފިޔާ އަށް ވާ ޕައުންޑާއި ޑޮލަރާއި ދިވެހި ފައިސާ ފެނިފައިވާ ކަމަށެވެ.
އެ ގޭ ބަލައި ފާސްކުރިއިރު، ފުލުހުންނަށް ފެނުނު، އަލީ ހަމީދާ ގުޅުން ހުރި ކަމަށް ބުނާ ކަޅު ދަބަހަކާއި ފައިސާތަކުގެ ފޮޓޯ ފުލުހުން ވަނީ ނޫސްވެރިންނަށް ދައްކާލައިފަ އެވެ.
އަލީ ހަމީދަށް ނިސްބަތްވާ ދަބަހަކުން 3.4 މިލިއަން ރުފިޔާ ފެނިފައިވާ ކަމަށް ވެސް ފުލުހުން ކުރިން ބުނެފައި ވެ އެވެ. އޭގެ ތެރޭގައި ހިމެނެނީ 215،000 ޔޫއެސް ޑޮލަރާއި 150،000ރ. އެވެ.
Fandiyaaru Ali Hameed ge dhabahakun 3.4 million rf fenifaivey: Police
The most trusted news source in the Maldives
Mihaaru
އަލީ ހަމީދުގެ ދަބަހަކުން 3.4 މިލިއަން ރުފިޔާ ފެނުނު ކަމަށް ބުނުން==
އަލީ ހަމީދުގެ ގެއަކުންނާއި ދަބަހަކުން ގިނަ އަދަދެއްގެ ފައިސާ ފެނިފައިވާ ކަމަށް ފުލުހުން ބުނެފައިވާއިރު، އޭނާއާ އެއް ތުހުމަތެއްގައި ހައްޔަރުކުރި އުއްތަމަ ފަނޑިޔާރު އަބްދުﷲ ސައީދަށް ރާއްޖޭގައި ގާނޫނީ ގޮތުން އުފެދިފައި އޮތް ސަރުކާރު ވައްޓާލުމަށް ބޮޑު ކުންފުންޏަކުން 2.4 މިލިއަން ޑޮލަރުގެ މަންފާއެއް، ދީފައިވާ ކަމަށް ވެސް ފުލުހުން ވަނީ މީގެ ކުރިން ބުނެފަ އެވެ.
އެ ދެބޭފުޅުންވެސް ވަނީ ޝަރީއަތް ނިމެންދެން ބަންދުކޮށްފަ އެވެ.
ޝިފާން މިއަދު ވިދާޅުވީ މައުމޫން އިސްވެ ހުންނަވައިގެން، ރައީސް އަބްދުﷲ ޔާމީންގެ ވެރިކަން ވައްޓާލަން އުޅުއްވި މައްސަލައެއްގެ ތަހުގީގު މި އަހަރުގެ ޖެނުއަރީ މަހުގެ 11 ވަނަ ދުވަހު ފުލުހުން ފަށާފައިވާ ކަމަށެވެ. އެގޮތުން ޝަރުއީ ކޯޓުތަކުގެ ފަނޑިޔާރުންނަށާއި މުވައްޒަފުންނަށް ރިޝްވަތު ދީފައިވާކަން ޔަގީން ކުރެވޭ ކަމަށް ޝިފާން ވިދާޅުވި އެވެ.
އެކަމުގައި އިސްކޮށް ހުންނެވީ މައުމޫނާއި ދަނގެތި ދާއިރާގެ މެމްބަރު އިލްހާމް އަހުމަދާއި ކިނބިދޫ ދާއިރާގެ މެމްބަރު އަބްދުﷲ ރިޔާޒް އަދި މައްޗަންގޯޅީ ދެކުނު ދާއިރާގެ މެމްބަރު އަބްދުﷲ ސިނާންގެ އިތުރުން ދިއްގަރު ދާއިރާގެ މެމްބަރު އަދި މައުމޫންގެ ދަރިކަލުން ފާރިސް މައުމޫނާއި މައުމޫންގެ ދަނބިދަރިކަލުން މުހައްމަދު ނަދީމް ކަމަށް ޝިފާން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދީބު
16 April 2018
އެހާ ފައިސާ ފެނުނީމަ އެ އެއްޗެހި އެ ތަނުން ނެންގެވިންތޯ ޝިފާން. ނެންގެވިނަމަ ފައިސާ އެތަނުން ނެންގެވީމޭ ވިދާޅުނުވީ ކީއްވެތޯ؟ ތިގޮތަށް ފެންނަ ހެކި އެއްކުރަން ނޭނގޭނަމަ އިސްތިއުފާ ދެއްވާ.
ޟަހަރު
16 April 2018
ކުރިން ފުލުހުން ހޯދި ލާރިތަކުގެ އިތުރަށްތަ؟ ކަލޯ ތިލާރި ތީހަމަ އަސްލުތަ.. މިޒަމާނުގައި 38 މިލިިއަން އަތުގައި ބަޔަކު ގެންގުޅޭނެބާ؟
އީމަން
16 April 2018
އަހުމަދު ޝިފާން، މޮޔަ ގޮވަން ގުރައިދޫއަށް ދޭބަލަ.
ހަދާންބަލި
16 April 2018
6 ފެބުރުވަރީގަ ތިހާ ގިނަ އަދަދެއްގެ ފައިސާ ތި ގެއަކުން ފެނިފައިވާއިރު، މީގެ ކުރިން ތިކަހަލަ ވާހަކައެއް ދެއްކި ހަދާނެއް އަދި ނުވާތީ ދެރައީ.. ވިލާ ކުންފުނިން ދިން 2.4 މިލިއަން ޑޮލަރ އަލީ ހަމީދު ބެހެއްޓީ ގޭގަތޯ.. ހަދާންވަނީ ވިލާއިން ފްލެޓް ގަންނަން ލާރިދިން ވާހަކަ.. އަދި އެއަށް ފައިސާ ނުދައްކަނީ ތޯއްޗެއް. ޝިފާންވެސް ކިޔޭ ނުކިޔޭ ބަލަންވެއްޖެ ނޫންބާ ނޫސް ކޮންފަރެންސް ތަކެއް އެރުމުގެ ކުރިން.
ސަރީފު
16 April 2018
ފުލުހުން ތަނެއް ފާސް ކުރާއިރު ވީޑިއޯ ކުރަންޖެހޭ. ކުރަންޖެހެނީވެސް އެތަނެއްގެ ވެރިންގެ ހާޒިރުގައި. މިފަދަ ބޮޑެތި ކަންކަމުގައި ބޭރު ގައިމުތަކުގައި އެ ފުޓޭޖުތައް ދައްކަންވެސް ދައްކާނެ. މިތަނުގައި ރައްޔިތުންގެ ހިތުގައި ޝައްކު އުފެދޭނެ ހުރިހާ ގޮތެއް ބަލައިގެން ކަން ކުރަނީ.
މަރޭ
16 April 2018
ނޫން ނުކުރާނެ. ވިޑިއޯ ކުރަންޏާ ކިހިނެއް ޕެންޑްރައިވް ކަހަލަ އެއްޗެއްވެސް ފެންނާނީ.
ބެއްޔަ
16 April 2018
ފޮޓޯގަ ވަނީ ވަރަށް ކުޑަ ލެޕްޓޮޕް ސައިޒް ދަބަހެއް. އެދަބަހުން ކިހިނެތްތޯ 38 މިލިޔަން ރުފިޔާ ނެރޭނީ. އުމަރު ސުންބުލި ތޯ.. ނޫނީ އަލީ ހަމީދަކީ ޖާދޫގަރެއްތޯ؟
އިސްމާލު
16 April 2018
ޢަލީ ޙަމީދަކީ ކާކުކަން ނޭގޭ ހަމަ އެކަކުވެސް މި ނޫސްކިޔާ މީހުންގެ ތެރެއަކު ނުހުންނާނެއެވެ. އޭނާގެ ފޮޓޯއަށް ބަލާލިއަސް އެކަން އެނގިގެން ދެއެވެ. އަދި އޭނާއަކީ ރަނގަޅު މީހެއްތޯ ނޫނީ ގޯސްމީހެއްތޯ އަމިއްލަ ނަފްސާ ސުވާލުކޮށް ރަނގަޅު ކަމަށް ބުނިނަމަވެސް ބުނަންވާނީ އަމިއްލަ ހިތާ ޛަމީޜާ ދެކޮޅަށްކަން ޔަގީނެވެ.
ހަބީބީ
16 April 2018
އަލީ ހަމީދު ރަނގަޅަސް އަދި ގޯހަސް އެމީހަކު ނުކުރާ ކުށަކަށް އަދަބުދެވިގެން ނުވާނެ! އަދި އޭނާ ބާނާލަންވެސް އުޅެގެންނުވާނެ1
ޢަބްދުﷲނާފިޒް
16 April 2018
"ޝަރުއީ ކޯޓުތަކުގެ ފަނޑިޔާރުންނަށާއި މުވައްޒަފުންނަށް ރިޝްވަތު ދީފައިވާކަން ޔަގީން ކުރެވޭ ކަމަށް" ޝިފާން ވިދާޅުވި އެވެ. ދެފަނޑިޔާރުން ނޫނީ ރިޝްވަތުގަ ހިފިބަޔަކު ހިފާ ހައްޔަރު ނުކުރެވިގެން ތިއުޅެނީ ކޮންކަމަކާތޯ، މުޅިންވެސް ރިޝްވަތު ދިން މީހުން ދެއްތޮ ރިޝްވަތުގަ ހިފި މީހުންތައް ކޮބާތޭ!؟އަތަށް ގޮވަނީ ކަލޯ ތިދައްކާ ވާހަކަތަކުން، ޔަޤީނޯ އެކަމަކު ރިޝްވަތުގަ ހިފި މީހަކު ނެތް، ހީހީހީ.
ކަޅުހޮއްކޮ
16 April 2018
އެމްއެމްއޭ އަކީވެސް އަލީހަމީދާ ގުޅުން ހުންނަތަނެއް، އެހެނެކޭ ކިޔާފަ އެތަނުގައި ހިރި ފައިސާއަކީ އަލިހަމީދުގެ އެއްޗަކަށްވާނެތަ؟
ރޮކެޓް ސައިންސް
16 April 2018
ފުލެޓު ގަންނަން މާލީ އެހީވީ އަތުގާ 38 މިލިޔަން ހުއްޓާތޯ. 38 މިލިޔަން ރުފިޔާ ބެހެއްޓޭނެ ޖާގަ ނުހުންނާނެ ޑަބަލް ބެޑެއްގެ ދަށުގަވެސް. އެކަމަކު 6 ފެބުރުއަރީގަ ނޫނީ އޭގެ ފަހުން ވިޔަސް ފުލުހުން އެހާގިނަ އަދަދެއްގެ އެއްޗެހި އެއްތަނަކުން ނުރުނުތަނެއް އެއްވެސް ބަޔަކަށް އެއްވެސް މީޑިޔާއަކަށް ނުފެނޭ 38 މިލިޔަނޭ އަނގައިން ކީދާނެ