ގިނަ އަދަދެއްގެ ޕާޓީ ޑްރަގާއެކު ދެ ދިވެހިން ލަންކާއިން ހައްޔަރުކޮށްފި

އަހުމަދު ސާއިލް އަލީ، މިހާރު

17 މެއި 2018 - 15:09

ގިނަ އަދަދެއްގެ މަސްތުވާތަކެއްޗާއެކު ދެ ދިވެހިން ސްރީ ލަންކާއިން ރޭ ހައްޔަރުކޮށްފި އެވެ.

ލަންކާގެ ނޫސްތަކުގައި ރިޕޯޓްކޮށްފައިވާ ގޮތުގައި 19 އަހަރާއި 25 އަހަރުގެ ދެ ދިވެހިން ހައްޔަރު ކޮށްފައި ވަނީ ދެހިވަލާގެ ނަޑިމަލައިންނެވެ. އެ މީހުންގެ ވަނަވަރެއް ހާމައެއްކޮށްފައެއް ނުވެ އެވެ.

އެ މީހުންގެ އަތުން މަސްތުވާތަކެތީގެ ބާވަތެއް ކަމަށް ވާ އެކްސްޓަސީގެ 1,925 ގުޅަ ފެނިފައިވާ ކަމަށް ނޫސްތަކުގައި ރިޕޯޓް ކޮށްފައިވެ އެވެ. އެ ތަކެތީގެ އަގު ނުވަ ލައްކަ ރުފިޔާއަށް ވުރެ ބޮޑެވެ.

ލަންކާ ފުލުހުންނާ ހަވާލާދީ ނޫސްތަކުން ބުނީ މިއީ އެ ވައްތަރުގެ މަސްތުވާތަކެތި އެންމެ ގިނައިން އަތުލައިގެން ފަހަރު ކަމަށެވެ. ދެ ދިވެހިން އެ ތަކެތި ލަންކާ އަށް އެތެރެކޮށްފައިވަނީ ނެދަލެންޑްސް އިން ކަމަށް ވެސް ފުލުހުން ބުނެފައިވެ އެވެ.

ލަންކާއަށް އެ ތަކެތި ވިއްކުމުގެ އިތުރުން އެހެން ގައުމުތަކަށް ވެސް އެ މީހުން އެ ތަކެތި ފޮނުވާ ކަމަށް ތުހުމަތު ކުރެ އެވެ. ފުލުހުންގެ ބަންދުގައި ތިބި އެ ދެ މީހުންގެ މައްސަލަ ލަންކާ ފުލުހުން އަންނަނީ ތަހުގީގު ކުރަމުންނެވެ.

ދިވެހިރާއްޖެ ސްރީ ލަންކާ ފުލުހުން މަސްތުވާތަކެތި ދިވެހިން

10 ކޮމެންޓް, 133 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޅަސޮރު

18 May 2018

.މީހަކު ޑުރަގުބޮއި ފިއްޔާ ޢެމީހަކައް ދޭވިއަދަބެއް ދޭޖެހޭނެ ޢޭރުންއޯކޭވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާލުސޮރު

18 May 2018

ތިޔަ މައްސަލަ ތަހުގީގު ކޮށް ތިޔަކަމުގެ އަޑީގަހުރި މީހަކު ވާނަމަ އެއީ ކާކުތޯ ބަލައިދޭތި! ހެޔޮ ކިތަންމެ މަތީ މަގާމެއްގަހުރި މީހަކަށްވިޔަސް ލަންކާ ފުލުހުންނަށް އެކަންވާނެ.